jan_t's Profile

第一次食呢間係灣仔同金鐘交界既川菜，lunchhour要等位，店內比較細，坐位較逼。呢日叫左口水雞+重慶酸辣粉餐，跟餐有豆漿。酸辣粉一放落黎已經好香，即刻試啖湯，酸同辣度恰到好處，薯粉都算吸汁質地幾好，但肉碎榨菜唔算多；不過！不過！不過，係食左幾啖麵之後就愈黎愈咸，咸到食唔到落去，唔飲水唔得。另外，口水雞份量lunch黎講都算大方，雞肉都幾嫩，平時唔食雞皮既我都接受到，但都係同一樣問題，食左兩件之後又係好咸。本身都鐘意食辣野重口味野，今次味道都ok，但就真係咸到食唔到落去，未必會再翻兜…Read More

趁住匯豐搞嘅Restaurant week，Book咗呢間一直想試嘅餐廳食lunch。一點嚟到餐廳都已經八成滿，環境好靚$198 lunch set包括任食沙律吧但因為疫情問題所以冇得自助，但係都有8樣可以比食客選擇，每次食邊款就直接同餐廳order。可能因為食客較多，每次想refill appetizers都等好耐。。值得大讚嘅係vitello tonnato同tiramisu，比煮食更加好食反而個pasta比較遜色，麵質感覺奇怪一般，而且味道偏淡，好睇唔好食甜品揀咗Tiramisu，冇諗過可以咁好食！Overall都好抵食又唔收加一，又飽又正，下次仲想食個tiramisu…Read More

已經有一段時間冇黎食，以前食過鯖魚飯真係好正，記得對上一次黎已經係幾個月之前，上次個海膽好甜好好味。今日第一次黎食lunch，價錢都算合理，最貴都只係$130一個set，選擇都算多，而且都會跟一個烏冬。可能因為目前疫情問題，人流冇以前咁多，唔需要等位，但有個非常唔好既問題就係客與客之間都係貼住坐。本身入面位置都係比較逼，但宜家疫情問題嚴重，餐廳係咪應該諗下辦法比每個客人坐疏少少呢? 係咪可以唔好一次比客人同一個時間入曬?就算要比客人等，我相信大家都寧願食得安心。以我今日黎食為例，同朋友2個人搭一張6人枱，大家同左右2邊既人都係會頂住，想伸手拎野都怕唔好意思。希望餐廳可以係呢段時間作出少少改變，比大家可以食得安心。食物方面，份量都算大，一向都中意呢間既飯，煮得好好，而且溫度都岩岩好，唯獨係海膽唔新鮮，完全唔甜。小食係茶碗蒸同粉絲，烏冬夠彈牙，但湯底亦都略咸。Overall黎講食物有小小退步左，而環境方面都希望可以改善下。…Read More

近排上網見到鼎王黎咗香港開分店，打電話預約已排到12月，就決定收工黎walk-in等。6點半到步，都預咗要等起碼2個鐘。全部都同朋友坐咗係外面等，先親眼目睹幾個問題:第一，已訂座7點半嘅人，7點56分先到，依然可以馬上入座。姐係遲幾耐都可以留位？第二，聲稱自己已訂座8點6位，但貴餐廳無記錄，依然可以馬上入座，唔通因為個客人堅持有打電話就可以？下次大家都可以參考此方法。第三，已訂座6位嘅客人聲稱自己下晝打黎話改咗8位，疑似經理話訂單記錄mark咗客人係”no answer”，個客人再強調自己有成功改8位，但無法提供電話撥出記錄，依然可以按時入座。咁大家以後又係咪可以效法？第四，waitress多次重複叫同一個號碼，令效率大減。其實幾好食都無用，管理得咁差。重申，等唔係問題，但一路等又一路任意放人，又唔會set rules，出面walk-in就無了期咁等，難道真係等到凌晨2點食到4點？…Read More

今次朋友生日飯，食6-8pm個round，我地6點半到但當時未齊人，已被4個不同的侍應催落單，頭兩次我們已表明知道用餐時間會到8點想等壽星女到步先點，但依然被催落單，我們唯有先叫枝酒和2款starters。其後starters到了，人都齊了大家在睇menu，侍應又行過黎2次問可以落order未(當時7pm左右)，感覺真的令人不太舒服，食個飯都要不斷地被催落order。T bone black onyx每次黎都會點呢個T bone，愈黎愈麻麻，之前d肉質好淋，今次有d咬唔開。到最後我地食甜品時，當時差不多8pm，餐廳都唔係full曬，我們已經倒完第2枝酒，侍應問我地仲要唔要多枝，我地表示張table到8pm，唔知會唔會再比你同事催我地走，佢之後話冇問題，如有需要可以再開酒，我地先再叫第3枝酒，安安心心咁飲下酒傾下計。總括今次個experience真係唔太好，食物同服務質素都大不如前，已經冇野吸引到我地再黎。…Read More

以前一直都只係知道有live band唱歌同chill drink，直到上星期想同屋企人食中菜生日飯，先發現原來佢係中菜menu，就一早打電話預約。菜式選擇唔多，3個人叫左8樣野，其中2樣係見每個餸嘅size太少再追加的。嚟到呢種餐廳食都唔會expect佢係好大份，但都冇諗過以佢嘅價錢都可以咁少。首先阿拉斯加蟹，見佢餐單冇寫明以每人份量計，所以只點了一碟，點知原來真係得四條蟹肉。好重嘅酒味，味道幾好Crispy black bean chicken是全部餸中，算係最多最好食了。陳醋豬肉，味道同糖醋排骨一樣，可惜每一舊肉都係勁厚嘅肥膏，口感好差鱈魚好咸。。。不值一提總括嚟講，Foxglove真係只適合飲嘢傾計聽歌，嘢食份量太少而且普遍偏鹹，食物質素不如普通大排檔或茶餐廳快餐，收得呢個價錢但食物質素如此，令我大為失望唔係太理解點解咁多人對佢好評如潮，以後都係黎聽下歌就算了。…Read More

星期五收工後同朋友的晚餐，有分2個時段，6-8/8-10。因為一早有訂枱，7點半左右就有位。食物一致獲好評，就不再過多重複讚評。唯一最美中不足的就是餐廳內面環境。1.冷氣溫度不足因為餐廳門無法緊緊關上，而且長期大開，令到滿座的餐廳好焗，無咩冷氣2.多蚊滋如第一點所講，令到好多細隻蚊滋飛曬入黎，因為當晚坐嘅位置較近門口，同幾位朋友都一路食一路痕其實食物真係相當唔錯，性價比高，希望餐廳可以係內在環境中作出改善，食客又可以食得更舒服…Read More

之前一直經過見到都覺得唔太吸引，直至有次係ig見至朋友食後介紹，星期六中午一於試試。位置比較不起眼，但中午時段亦尚算多人。同朋友各自點左一個餐，跟餐包、湯及飲品，餐包上枱時係溫熱的(之前見有人食評話係凍的)今次一心想試黑松露帶子risotto，但已無了，只有改食黑松露帶子意粉。意粉意外地好食，每啖都有好香的奶油味，但唔會好滯，而且有2種蘑菇嘅香味，平時唔好食意粉都愛上呢碟朋友點左個牛，3,4成熟，皮煎得好香，有小小黑椒嘅香辣味，咸度配合得好好肉質比想像中好同軟熟，唔會韌，絕對係性價比高整體個人覺得好抵食，睇過其他評論有關員工態度差或食物水準較低，我哋都無遇到以上情況，或者每個人口味不一，但我同朋友都覺得會再有第二次光顧，而且性價比真係好高…Read More

朋友推介話唔錯，一於收工去試，用左app訂位有8折。7點半左右去到，餐廳比較空，只有一枱客，當時都怕中伏，但一場入到西環，都係照食先。睇左openrice見必點crab fries，當然要試下啦！再叫左rib eyes同mushroom risotto。大概8點餐廳開始多人，幾乎8成客人。Crab fries好特別，通常都係食過肉醬，但佢呢個crab fries蟹肉絲多，而且有個半熟蛋比你同mayo sauce搞埋一齊，仲有魚子醬難怪每枱必點不過steak就一般，欠缺肉汁，而且肉質感覺偏差。Mushroom risotto朋友話好食，因食太多薯條，到risotto上時已經飽了…Read More

朋友生日飯一早預約左六位，上網見環境唔錯而且坐得幾舒服又唔會太嘈到步之後叫咗一個係餐牌上冇嘅前菜，$180左右一客，一客for一人，海膽牛油果脆片。海膽份量不少，下邊以牛油果醬鋪底上面加紫菜碎條，牛油果醬口感酸甜因為有芒果夾雜，整體味道唔錯其後另外再叫咗兩個前菜，一個以帶子為主口感新鮮，但亦屬普通不過不失。反而幾鍾意佢嘅主食，海膽魷魚墨汁意大利粉，雖然不太食出墨汁味，但有海膽提升左少少鮮甜味另外鵝肝海膽risotto係我個人大愛！口感creamy得黎帶點鵝肝嘅鹹味同海膽嘅甜味，十分配合，滿意！最後都有循例地叫咗一份牛扒，份量都夠六個女仔食，至於味道不太特別，始終都係以主食取勝。相信下次會再為risotto而黎…Read More

已經忘記了第幾次食三星了，但一如既往的水準。今次又點了三星牛肉麵，有牛肚牛𦟌牛筋，湯底濃郁，不油膩麵條好快吸收湯的精華，值得一讚牛筋香腍入味但今次牛𦟌較大件和厚，有點韌，可以更腍啲。另外甜不辣亦是我每次必點，屬個人最愛配埋蒜頭簡直極品…Read More

每次經過見到這間標明日本高質牛放題，之前同朋友已經想食，但奈何每次都要等位太耐或full booking，心想必食不可，所以今次特登提早三日訂枱。入座後好快地點餐，食物都好快上菜，但一見肉質實在大感失望！首先點了牛小排，但每件都係肥膏。。而且肉質並不如其他食評所說的高質(不知道為何好評如潮，而且還推薦大家)，相比全部牛肉，唯一牛舌比較好食。每次食之前都要先剪走肥膏位置總括，可一不可再，感覺新高麗x可能比佢好食，或兩者同級而已。本來以為可能自己口味不同，但隔離兩枱都大發怨言就知好彩我口味還是正常。因為一直想試，而且見食評多數偏好，但一試真心中伏。。大感失望！不明好評是發自內心還是另有原因了…Read More

甚少到深水埗，週五同朋友食完飯，當然要順便再食！見當時人唔多，而且裝修特別，就決定一試。價錢比外面市區較平，而且選擇亦不少，偏向中式，上菜速度亦快。分別有桑寄生蓮子蛋茶，薑味蕃薯糖水，芝麻餬拼紅豆沙加清心丸，芝麻餬拼綠豆沙，以及招牌芋圓。薑味蕃薯，薑味濃，有辣味芝麻餬味道唔假，有小小即磨粉味，推薦加清心丸最大驚喜係招牌芋圓，有豆腐花係底，而且十分濃豆腐味，唔會無味，珍珠用了黑糖煮最後芋圓好有彈性有足料芋頭味總括而言，真係相當有驚喜，本身諗住隨便去一間糖水店坐下，比左個happy ending…Read More

曾經每日一杯珍珠布甸奶茶的我，已戒手搖飲品頗長一段時間，即使間唔中飲都只係幾啖過口癮。之前fb見到報道，剛好經過天后，比光亮門面吸引到，店面乾淨而且感覺清新亦有打卡位。點了一杯紅火龍果乳酪蓋茶，茶底可自選，可惜今晚較晚，只有茉莉花茶。同友人share一杯都夠飲，份量大杯(1 size only)，味道無出面死甜嘅感覺，真係有紅火龍果味而且口感十足，配上乳酪而唔係芝士，簡直大加分！岩曬怕肥的我，難得地飲曬下次再試其他…Read More

星期六中午係中上環行咗好耐，又諗唔到食咩，經過見到呢間舊式嘅西餐廳，lunch menu選擇多而且60幾蚊又包湯同飲品，就入去一試點咗lunch menu上第一個(好似係西冷牛排加蒜蓉汁，配薯菜)，份量大小符合相對嘅價錢，牛扒方面唔會太乾或者太難咬蒜蓉汁帶點小酸，同牛扒嘅口感都幾夾，建議配白飯另外友人點了炸魚薯條，魚柳偏油但十分香脆環境方面當然不能同出面貴價西餐廳比，但比普通港式茶餐廳安靜，如週末帶小朋友或家庭小聚餐都會推薦，性價比高…Read More