AmyLeung8228的個人專頁

這間Owens 餐廳已經第二次黎幫襯，餐廳地點超方便，太子地鐵站D出口一出轉個灣行幾步就到。 餐廳環境不錯，食物水準性價比高，會推介給朋友和會再次幫襯；最好先預訂位，因為都幾爆場！沙律：沙律菜新鮮，醬汁酸酸地好開胃脆炸魷魚鬚：皮脆肉軟，咸咸香香好惹味水牛城雞翼：肉質嫩滑，醬汁少少辣甜甜地好惹味薯條三兄弟：分量勁人（有3兜），上枱時還熱辣辣，外脆內軟，還配有4款醬汁隨你點嚟食（有2款不太肯定係咩醬，好似係他他醬和明太子；另外2款係茄汁和芥末蜜糖），我哋2個女仔根本食唔晒肉醬墨西哥烤餅：肉醬好似肉醬意粉果d 肉醬，餡料都多，但普普通通明太子虎蝦意粉：虎蝦肉質彈牙，意粉煙煙韌韌，好味😋…查看更多

今日放假同媽咪去食下午茶，去到剛好2點下午茶時段，過了 lunch 時間，等了5分鐘就有位了；因成個上午無食野太肚餓關係，我快速睇了餐牌就點餐， 我點了兩個下午茶餐，一個撈麵再加一個小食，兩個人唔知會唔會太多呢？ 呵呵呵秘制醬皇豬手撈麵~豬手煮到好腍，夠入味，補充骨膠原就最好不過喇，撈麵係鵝油撈麵，眼見以為好油，但食入口一 d 都唔油，真係油而不膩，麵質爽口；仲附送一小碟雲耳作小食。腩叉牛角包~叉燒是腩叉，望落好似好多肥豬肉咁，但咬落去唔覺好肥膩，配埋生菜和胡麻醬夾在牛角包一齊食又幾夾幾好味，牛角包鬆軟帶有牛油香味，側邊仲有少許沙律菜伴碟。鹽焗手撕雞腸粉~手撕雞肉質嫩滑微帶咸香，腸粉都好滑嘟嘟，麻醬好香花生味，鼓油唔會太咸，再灑上芝麻，食腸粉真係不可缺少既醬料小吃三皇盤~蒜香酸辣雲耳：爽口，微微蒜香，微酸微辣好開胃酸辣無骨鳳爪：爽口彈牙，雖然無泰式果種辣，但都酸酸辣辣好醒神鹽焗雞腎：口感唔硬唔腍岩岩好，但稍為咸左少少飲品~今次自己無叫特飲，媽咪就叫左即磨咖啡，跟餐加$3 都 ok, 試了一啖還可以啦最後我地都係食唔晒，打包左半份豬手撈麵和半個腩叉牛角包回家夜晚再食…查看更多

餐廳喺柴灣戲院旁邊，距離地鐵站5分鐘左右，對正怡盛里臨時休憩處，所以街外唔多人行黎行去，坐窗邊望公園都幾休閒ga~入到去真係好似逃離左繁忙既香港咁！入面空間唔會好迫，又擺左d公仔figures, 牆身仲畫左餐廳吉祥物薯仔版公仔😍 好有以前返學佈置壁報咁~ 我仲以為咁有特色既港式café 只會係油尖旺才有 tim~ 入到去就有杯水連餐具放低比我地，疫情期間都安心d~ 同friend夜晚6點幾7點去食飯，晚餐set~ $70-110 呢個價錢油尖旺甚至觀塘都好難搵到啦！ 有西式有日式，居然唔止係拉麵烏冬，仲有鯖魚揀；朋友叫左， 嘩~ 大過手掌😱 唔係見開吉乜乜果d size我就叫左牛扒，又係差唔多成塊鐵板咁大塊，omg~ 有鐵板就緊係要淋汁聽下d聲啦~ 黑椒汁都比得大方， 正😝 塊牛扒食落都唔會好多根咬唔郁，黑椒汁係小朋友都岩既小小辣~ 食完小朋友扒餐，緊係要叫埋小朋友飲品先完美，比起其他café，呢度都幾多飲品揀，唔洗驚夜媽媽唔想飲咖啡茶就得返檸水揀😭 , 有雪糕梳打，又有黑牛，白雪山，雜果賓治呢d聽過，但細個唔俾飲既野；份量都幾慷慨，兩杯都滿到瀉😂 食飽飽，又要回到現代化既香港，希望其他地方都有分店俾我扮小朋友就好 Lu~~…查看更多

旺角出名多CAFÉ, 今日黎到旺角登打士街, 上左呢間RIMI CAFÉ, 好黃~ 一打開LIFT門, 就對正門口, 好多YELLOW THINGSSS~環境唔錯; 店員熱情招待; MEUN有圖易睇易明~揀左個2人餐, 兩個人食完全夠飽!! 餐湯+蒜茸飽是日靚湯係薯仔三文魚忌廉湯, 好香濃, 亦有三文魚碎; 蒜茸包好香脆小食椒鹽雞軟骨; 份量多, 抵食!飯/意粉鮮蝦蒜辣炒天使麵蒜蓉加辣椒吊起左成個麵既味道, 麵既軟硬度適中而且入味, 蝦大隻, 仲有成5隻咁多, 真係好掂!主菜燒全雞配薯菜原隻燒雞再加上蜜糖香烤, 雞皮烤至小小脆身, 咬開好多汁流出黎, 好香醃料味, 哦…原來雞身入面釀入左洋蔥, 蒜粒既香料, 令到隻雞更入味。另外, 有沙律菜, 薯仔, 露荀, 車厘茄, 好夠飽~Lunch time去比較小人, 冇人趕, 基本上無限你坐幾耐, 仲有大量BOARD GAME比你揀, 可以同班FD CHILL住過~…查看更多

前幾日去左佐敦拎証書，之後就係附近揾間餐廳嘆個下午茶醫肚，行行下就見到呢間食越南野既餐廳，見有法式豬扒包就入去試下。 下午茶餐算幾低食，一個豬扒包加一款小食再加埋飲品都係$42, 轉特飲先加$4, 真係平靚正。法式吉列豬排包： 吉列豬排炸到好香脆好香口，唔會油淋淋又唔太乾身，配生菜蕃茄沙律醬好夾好惹味。越萊自制手工春卷：春卷皮咬落去脆卜卜，餡料足，配埋酸味味既汁好開胃。青檸梳打： 正正常常，酸酸的，十分醒神開胃解渴。…查看更多

屋企附近開左炯記喇！！ 因為之前想食鵝油撈麵唔係要去深水埗就係去太子或荃灣，而家落樓下行去唔使5分鐘就可以食到，而且長沙灣這間店先至有手撕雞牛角包，想試好耐了。 這店裝修以白色為主，給人一種好乾淨好清新好舒服既感覺，地方都幾寬落。 因之前係其他分店食過鵝油撈麵，今次就緊係試佢既手撕雞牛角包啦！ 我地叫左2個下午茶餐，分別係麻辣手撕雞腸粉，鹽焗手撕雞牛角包；另外叫多碟秘制醬皇豬手和白灼生菜；加$10 轉2杯特飲。麻辣手撕雞腸粉： 腸粉暖暖地岩岩好，食落口唔會燙親，又夠滑，配埋鼓油麻醬甜醬一齊食真係絕配，好香花生醬味；麻辣手撕雞夠麻又夠辣，好惹味，肉質嫩滑。鹽焗手撕雞牛角包： 手撕雞嫩滑有咸香，牛角包鬆軟，估唔到配牛角包咁好食咁夾；仲有少少沙律菜伴碟。秘制醬皇豬手： 豬皮超有豐富既骨膠原，煮得好淋好入味，唔太咸，肥而不膩，非常推介👍🏻白灼生菜： 生菜份量多，新鮮，配埋鵝油好香鵝油味。水蜜桃梳打(特飲) ： 淡香水蜜桃味，配梳打幾清新又解渴，岩晒天氣熱時飲。番石榴四季春烏龍茶(特飲) ： 番石榴味略淡，茶味唔夠濃，但都ok。…查看更多

早幾日同老公出旺角行街，咁行街前緊係要醫飽個肚先有力行；行行下被這個招牌顏色吸引住，因為係我最鍾意既 Tiffany Bule, 所以就決定入去醫肚；裡面裝修大部份都以這藍色為主，左邊仲有一幅大花海牆，好柔和令人感覺好舒服；餐具係玫瑰金色，好靚好典雅。我地叫左招牌推介 ~~ 經典叉燒滑蛋飯+凍奶茶；經典常餐 ~~ 招牌沙嗲牛肉公仔麵+嫩滑炒蛋+丹麥牛油厚多士+熱奶茶。經典叉燒滑蛋飯： 夠大碟又足料，叉燒滑蛋遮蓋晒 d 飯，瘦叉燒有咬口唔韌，滑蛋加埋葱粒一齊炒，炒得好嫩滑，本身唔食葱既我都覺得好好味，撈埋鼓油一齊食仲惹味。招牌沙嗲牛肉公仔麵：沙嗲汁好香濃沙嗲同帶有花生味，牛肉好淋無鬆肉粉味；麵軟硬適中。嫩滑炒蛋： 炒得好幼滑，好有蛋香，好好味。丹麥牛油多士：牛油溶左滲晒入包裡面好香，好鬆軟，有驚喜，好味呀！奶茶： 香滑茶味濃整體食物有水準，大件夾抵食😋…查看更多

今次同老公黎到這間位於沙田石門既 Whitewood Coffee 食這個厚鬆餅；當天我地下午1點45分到達，諗住要排隊，但好幸運地去到唔使等位 (可能平日關係) ，有兩張2人枱，我地就坐左其中一張，之後過幾分鐘後另一張枱都有客人坐埋，全場滿坐，整間店好似只有 7 - 8 張枱，地方不大，但都坐得舒服，唔會有迫壓感覺。原味厚鬆餅(2件): 鬆餅賣相好靚，好鬆軟，搖隻碟會動 L 動 L 震 ，有入口即溶感覺，配埋一大舊 cremy 和士多啤梨好 match 而不膩，但士多啤梨有 d 酸。卡邦尼意粉： 碟意粉夠足料，好多煙肉同菇，意粉煙煙韌韌，但個汁比較淡味，可以creamy d 就好喇！凍朱古力： 份量比較少，夏天咁熱黎講係唔夠喉的，而且要$40 杯略貴，朱古力味較淡。…查看更多

前排睇左某位 YouTuber 介紹這間位於旺角新世紀廣場一田超市入面既野郎Stone, 於是帶同小姪女一齊去試下。 這裡坐位有限，好似得 6 - 7 張櫈，bar 枱形式，自己見到有位就坐，沒有 service; 我地下午2點幾3點去到，避開 lunch 時間，去到就有位坐；我地點左原條牛舌芯和牛板腱200g, 加$30 轉左一個套餐，有碗飯 (係珍珠米) ，麵鼓湯，沙律和一罐汽水，點完餐原來要出番去超市 cashier 度比錢再拎番張收據交比職員，如果用八達通或支付寶好似可以即場付款 (唔記得有無睇錯，帶番頭盔先😜)原條牛舌芯：性價比高，好大條，好似都有12 - 13cm長，爽口唔韌 (因本人燒到好熟先食); 疫情無得去日本食靚牛舌都可以考慮黎呢度食，頂頂引，好滿足😋牛板腱：肉質幼嫩，多肉汁，九成熟都唔太韌，無沾任何醬汁都已好好味😋; 碗飯面仲有碎紫菜和芝麻，好惹味。…查看更多

早幾日係網上見到網友介紹這間以紫色做主題既 cafe, 睇相都覺得環境靚，於是就拉埋老公一齊去打卡。 我地中午1點幾去到，服務員問我地有無 book位，我話無，但他都好好禮貌同安排左窗口位比我地，可能平日關係無咁多人，同埋唔使等位，真係好幸運；因見客人唔多，未坐底就急不及待出去搖搖椅影相打卡，果位服務員仲同我講可以坐上去添；整間 cafe 既裝修都以紫色為主，入到去真係好夢幻好舒服，岩晒我呢 d充滿少女心既師奶仔影相打卡😆食物和飲品方面，我地點左卡邦尼意粉，帶子忌廉意大利飯，香芋波波鮮奶及芝芝芒芒；卡邦尼意粉夠 creamy, 意粉軟硬適中，不太膩；個飯有4粒帶子(1粒開2), "筆"起 d飯有少少芝士拉絲，味道都 ok; 香芋波波鮮奶味道比較淡，無乜芋頭味，面頭有幾粒紫色香芋，底部有好多白色波波，類似珍珠奶茶果 d 珍珠，無乜味但幾 QQ (服務員哥哥放底時都同我講如果味道覺得甜或淡可以同佢講番，佢會再拎去調較，但我覺得 ok 就費事麻煩人了 ; 芝芝芒芒好香芒果味，味道不錯。整體環境非常滿意，鍾意紫色既朋友真係可以去影相打卡，當然唔好騷擾到其他食客, 食物方面都 ok, 價錢因人而異，如果可以略略調低少少就好喇, 同埋果位服務員哥哥幾好禮貌]]]]]]]]]]]…查看更多

相約朋友去食飯，近近地揀咗地點方便大家嘅大圍～ 呢間餐廳中菜幾抵食～有古式風味！～～揀咗海鮮孖寶餐$268， 有清蒸沙巴龍躉仔及蒜蓉炒菜，套餐仲送金牌乳鴿一隻！清蒸沙巴龍躉仔好新鮮，魚肉質結實，相當唔錯！食得出新鮮靚魚！蒜蓉炒油麥菜，勁多蒜茸，好香好好食！條條菜都有蒜蓉！乳鴿皮脆，夠香口，果然招牌菜！！西檸雞球好大碟，脆口酸酸地，雞肉滑～椒鹽鮮魷用避風塘風味整，香香辣辣～加個白飯食，好開胃！4個人食到飽飽，埋單$600左右，抵呀！…查看更多

今日同老公去左這間日式燒肉食，位於葵芳新都會廣場地下，我地下午2點去到攞飛，等左45分鐘才有位，點餐用手機掃 QR code落單，落單後唔使5分鐘已陸續送上枱，非常有效率，但用餐時間只有60分鐘，2個人一個爐燒就食得有點急，如果1個人60分鐘，2個人90分鐘應該會好 d, 希望這方面可以改善下(只係個人建議).我地叫左一個 LIKE套餐(250g) 與牛小排&牛板腱套餐(200g) + 1罐可樂; 味噌湯比較咸左 d, 牛既肉質唔係算話超級好味，但以這個價錢算不錯，牛舌都ok; 白飯仲可以選不同分量，有100g, 200g和300g選揀，細食既女士們選100g已夠飽，視乎個人既食量去選揀，不要浪費食物哦; 本人比較鍾意牛板腱，横隔膜肉&牛舌；整體來講算係平有平食之選…查看更多

近排網上，雜誌，社交平台 關注群組和 YouTuber 都介紹過這間好好運快餐店既沙嗲牛肉好好味，每朝都大排長龍，早上十點幾或11點前已買晒，還聽聞這店營業到二月十一號就結業，所以今朝晨早6點幾便起身和老公去潮聖，要一嚐這間馳名既沙嗲牛肉。我地7點半到達已有人龍，排隊等左約30分鐘便有位，2人一張枱，我地坐室外，好彩這幾天唔凍；我叫了沙嗲牛肉，紅腸，腸仔麵加凍檸茶走甜，老公叫了沙嗲牛肉，午餐肉，炒蛋麵加茶走，另外叫多一份吉列豬扒。等了5分鐘食物終於上枱，沙嗲牛肉好淋好入味，完全沒有鬆肉粉味，湯底好香濃沙嗲花生醬味，少許甜微辣；紅腸厚切味道正常，腸仔唔咸，麵質適中，唔淋唔硬；吉列豬扒一份有2塊，外脆內軟，好香口，不油膩，點埋沙律醬一齊食十分美味；凍檸茶好濃茶味，檸檬好新鮮不苦澀。 總結整體食物好好味；環境不可以太奢求，因為在工廠區，性價比高；服務比我想像中好，以為工廠區既茶餐廳(快餐店) 員工會粗粗魯魯，大大聲聲，點知又幾好禮貌，可惜只營業到二月十一號, 想潮聖既朋友要快 d去喇！ 營業時間只有星期一至五早上7:00 - 下午5:00, 星期六，日及公眾假期休息，要注意哦！…查看更多

今日和老公去灣仔，銅鑼灣行街，行到攰攰地想揾個地方休息下食個 tea, 於是就去左 Time Square 裡面既 Lady M 坐底食件 cake, 飲杯野抖一抖；可能果時係2點幾3點下午茶時段和疫情關係，坐位與坐位之間要保持一段社交距離，所以裡面只提供6-7張枱給客人坐；我地排隊等左30分鐘左右才有位；我地叫左一件玫瑰千層蛋糕，一件朱古力棋盤蛋糕和一杯凍柚子檸檬梳打。玫瑰千層蛋糕：蛋糕面有幾片小玫瑰花瓣和一層好似啫喱狀既物體，好香好清甜玫瑰味，但略甜左少少，下面就係一層一層既千層蛋糕，好香好滑既奶油味，物超所值；之前食過伯爵茶蛋糕已覺得好好味，估唔到這款玫瑰千層蛋糕令我有驚喜，值得推介。朱古力棋盤蛋糕：蛋糕面有一層朱古力，好濃朱古力味，蛋糕中間有一格格朱古力蛋糕和海綿蛋糕，好似西方象棋既棋盤咁，好別緻，蛋糕幾軟熟，但本人都係比較喜歡千層蛋糕既口感。凍柚子檸檬梳打：柚子和檸檬十分之夾，味道剛剛好，不太甜不太酸。…查看更多

今朝11點幾和老公去左灣仔大渣哥度食早餐，竟然無人排隊，我地叫左黑牛黑麵餐，牛肉係淋既，但有幾舊有筋，無味，沙嗲無沙嗲味同花生味，麵太淋，丹麥多士唔熱唔脆，炒蛋滑身但應該唔係即炒，因為凍既，火腿更加唔使講都係凍，好似食緊冷盤咁，試一次就夠，唔會有下次，真係好失望。…查看更多