Adrianwonghk's Profile

上次食完呢個香港仔魚彈王既牛腩河同牛肚河。今次就試埋好多香港人都鐘意食既牛筋幼麵，再加一杯凍咖啡，下午茶餐都只係35蚊。價格黎講都尚算合理。湯麵面有少量蔥花「吊」味，幼麵幼細時又爽口，同時亦吸有湯底既味道，十分滋味。牛筋燜既時間十分足夠，所以十分淋身，都因為燜得耐而令腩汁（／柱侯醬）既味道可以入晒牛筋入面， 同時牛筋亦好彈牙，充滿骨膠原既口感牛筋亦會幫你剪幾刀，避免有太硬既筋位痴牙。牛筋既份量十足，個人認為30蚊一碗是好抵。凍咖啡叫左少冰多奶，冰量仍然比較多。下午茶加凍飲比較划算。多奶令咖啡甜度上升，唔好搶晒麵既味道。…Read More

今日係大埔做完gym又去左一次係大明里既鴻發香港仔魚蛋粉。下午茶餐麵食加凍飲都只係35蚊因為最近食左一次牛腩河，今次就打算換下口味試下牛肚河。牛肚同河粉都係份量十足，再加上一杯凍飲，相信大部人都可以夠飽做一頓午餐。河粉跟餐會送一匙香蔥同少量炸蒜，相同野味。今次重點係牛肚河，重點介紹下總共七塊牛肚，形狀5塊長條形，2塊邊尾位置，由顏色上可見煮得十分入味，表面被滷汁浸成偏啡色，食落味道咸淡適宜，深入去仍是白色，洗得乾淨。大小合適，大小大家可以對比放在旁邊既匙羹。同時牛肚唔會煮到太淋而失去口感，相反，入味得黎牛肚保持一定彈性。…Read More

早排番學要深夜先放學，附近只係得番麥當勞食。於是順便去M記試下個新包同新SHAKE SHAKE 粉 (牛仔安格斯套餐+雙層芝士孖堡味調味粉)呢間分店位於西營盤般咸道，比較接近香港大學。夜晚去既時候下層十分少人，即刻有位。牛仔安格斯套餐加大拎雙層芝士孖堡味調味粉，價格比出面餐廳唔算貴，當然水準唔可以期希過高。成個晚餐如下圖：店員工作態度有待改善，執餐完全唔掂，大薯條放到飛晒出餐盤。(份量一如既往大薯變中薯)分店無人都執成咁主食牛仔安格斯包:沙律醬分怖不均，外貌大打折扣。肉排雖然較厚，但看落同食落已經明顯是十分乾。洋蔥圈形狀還好，保持圓形，可以平均比麵包蓋上。(但明顯唔夠脆，放得太耐?)燒烤醬太少，幾乎食唔出味道。…Read More

今次要介紹既係泰式青咖哩雞+凍奶茶呢個係泰式青咖哩雞都係屬於CYM CANTEEN既LUNCH SET。想食既朋友記得要係LUNCH既時間過黎一試青咖哩份量雖然比較少，但勉強足夠拌勻全部飯(加上椰奶既話)，呢個青咖哩味道相對較辣，不吃辣既朋友請小心，因為會加上紅辣椒同青辣椒，比較細心既一點係紅辣椒同青辣椒同唔會有籽，雖然辣椒籽爆炒後會有獨特的香味，但會更加辣。鐵板上有少量金不換調味。亦有栗米加強口感。椰奶份量足夠，味道十分濃郁。雞肉唔算太老，尚算香滑，味道還好。**再一次提醒，千萬不要在CANTEEN點水吧的飲品。凍奶茶味道似水…Read More

今日要介紹既係係HKU CYM CANTEEN既炸雞•紅酒繪豬柳+凍奶荼。總價錢係$32 + $6.5 = $38, 相對較實惠呢個係CANTEEN LUNCH SET黎，所以如果大家想去試既話要係LUNCH TIME時間黎，太早只會有早餐，太遲只係得下午茶。*港大CYM CANTEEN LUNCH時間比較多人，平日要早少少去拎個位/等假期再去麵豉湯會隨餐附送。麵豉湯雖然材料足夠，但味道十分差，似水加鹽+辣味，成個餐如下圖表示，十分豐富(睇落)。凍奶茶冰量合適，味道極淡，飲落似水，加上過一陣冰已經融晒，再沖淡味道。*請大家千萬不要在CYM既CANTEEN點水吧既像品，員工態度十分HEA炸粉唔會太多。雞蛋味道極差，水量太多，完全無味，係成個飯既敗點。豬柳一般，同時成個餐係唔會食到有酒味。…Read More

係大埔安慈路既太興地理位置非常就腳，最近係大埔上完興趣班，下午/中午就可以直接去大埔中心食飯。相信好多人都有食過連鎖式經營既太興，始終味道比較統一同變化較少。今次介紹既係太興午餐精選之一既A餐排骨麵線($48)：賣相還好，排骨既味道都夠入味，同時亦夠軟。其實預計既味道都會係中規中矩，唔會有太過特別既地方。但我認為最基本既要求係麵線要夠新鮮同唔好放得太耐，而今次太與就正正做唔到呢點：麵線底部大部分痴成一舊，只有上面既麵線睇似正常。冰鎮奶茶表現十分好，冰放外面唔會沖淡奶茶味道，同時奶茶亦夠香同滑，奶同茶比例合適。…Read More

係大埔出世同成長，基本上都一定食過係大明里廣場既鴻發香港仔魚蛋粉。呢間茶餐廳我已經食左好多年，食物質素有一定既保證，身為OPENRICE既食評小市民，希望可以介紹多D本地美味既茶餐廳。所以黎緊都會集中介紹本地美食。今次既主角係：鴻發香港仔魚蛋粉既牛腩河($30)+凍奶茶($8)當時係夜晚6點幾去到，所以人流比較少，即刻有位子，亦唔洗同人逼枱。蔥花同少量炸蒜用匙羹裝住，唔鍾意蔥花或炸蒜既可以提早出聲。河粉厚身同時都夠滑。湯底味道不過不失，無乜重點。牛腩方面係今次重點，數量黎講十分足夠，切左有8舊同時切都十分均勻，大細適中，份量十分足夠。味道都算入味，中規中矩。牛腩肥瘦適中：蒜蓉辣椒醬蒜蓉辣椒醬既水份太多，太過稀，一加上麵即刻融晒。凍奶茶味道一般，冰量太多，差唔多2/3。下次要叫少冰。總共$38…Read More

最近到旺角的泰邊爐試新野，果然無失望。一入到去即刻叫左個海鮮火鍋，最重要的是分好兩個湯底，一半是少辣冬蔭公，另一半是椰子湯底。後者值得推介,鮮甜,淡淡的椰子味在口中化開。而且有好多免費追加的美食，羊肉片同肉球都幾多新鮮感，溝埋湯底食，味道更有層次! 另外，肥牛同豚肉片唔少得，厚度適中，叫幾多來幾多!值得一提的是海鮮盤，特別是蚌同蝦，特別新鮮，同普通的急凍海鮮味完全唔同! 環境怡人，光線充足，非常合適同親朋好友食得好，食得飽!…Read More

大多數香港大學既同學仔都覺得香港大學比較出名既就係hku cym canteen (maxim ‘s food).對比起以前有蟲can 之稱既su can （現時已經執左，由另一間賣上海野既canteen取代，但食物質素都係麻麻）同埋同樣係港大校園既swire canteen, 係食物質素同環境衛生都係略勝一籌。呢次我係上完堂（18:30）過黎食飯晚飯，飯餐選擇較少。我就買左個日式拉麵加炸蝦。炸蝦🍤炸粉較厚，拉麵亦當然係普通超市拉麵，湯底味道較淡。喜歡食辣既可以係取餐隔離落點辣辣油以3十幾蚊價錢黎講為不過不失…Read More

地址鄰近太和站，步行十幾分鐘就行到。夜晚睇，鋪頭對出就有個唔錯的街景，人來人往。店主同時有好好的品味，在鋪頭內享受熱辣辣的串燒的同時，可以細心聆聽近期的pop-songs，同埋感受一下店內的外國佈置帶出的風格。多種手工啤酒、清酒、啤酒、日式威士忌任君選擇。車厘茄雞肉串大蔥雞肉串丶芝士雞肉串丶鹽燒雞都係招牌好食，黎到一定唔可以唔剔啲雞串黎食。香港串燒埸唔多，鋪頭的價錢尚算合，每位＄200左右，岩哂d想食好野食又唔介意小食的人。…Read More

食過好多間冰室，唯獨旺角水蜜桃冰室呢間係真正價廉第美，食物非常便宜和很美味。冰室裝修非常有木質感，亦有唔同既擺設為裝飾加分。因為行完街好肚餓就叫多2個小菜。雞中翼煎到岩岩好，唔會太焦，配汁亦非常夠味。芝士田螺芝士味很香，可以拉絲拉到好長，田螺既鮮味並無被掩蓋。酥皮紅湯：新鮮出爐非常熱，但好鬆化，配湯一流。雪糕加紅豆冰配餐只係11蚊，份量十足肉眼排肉汁較少，但好有質感。最後就係必食既雪葩，由日本士運到達，今次去到得番番薯同南瓜味，非常搶手。必食推介。…Read More

今晚放工之後塔地鐵去尖沙咀The One shopping,行完街之後見肚餓就諗住即刻係商場食飯解決咩。利寶閣係The One 17樓非常方便, 係UG2 大堂塔Lift直上就到。今日係星期四7點去食客人較少，可以即刻安排入座。餐廳佈置非常華麗，入座後亦可以一品食飯一路欣賞香港維港和高樓大廈的景色入座後經理即刻拎左個餐牌同酸菜過黎。酸菜非常惹味可口，令人更肚餓同期待晚餐。利寶閣必食之選一定係招牌佛跳牆配叉燒飯，佛跳牆十分清甜而且足料，有鮑魚、鳳爪、花膠、螺頭.... 叉燒亦非常入味安格斯牛柳好細嫩，欖角骨亦夠晒惹味。鍾意中菜人士必選如果較重口味既可以試下南乳素齋煲，南乳味非常足最後亦有送上西米露同脆麻花，非常適合做飯後甜品…Read More

尖沙咀係香港人、內地客經常去既好去處，除左係文化薈萃之地，夜景又靚之餘，美酒佳餚應有盡有。呢日放工想去同好朋友飲杯酒，食下野之餘又可以吹下水，於是就行左去諾士佛台附近，搵搵下見到呢間dk 吧，係金巴利道# 先睇室內環境，四周都係大電視，完全方面曬一眾岩睇波既波友，呢個落地球璃景冇得輸呀。# 野食方面，叫左份蜜汁雞翼，脆皮香滑，岩曬我呢個雞翼愛好者!# 同行既朋友唔飲酒，於是就叫左呢mock tail 杯芒果特飲，佢話好好味# 要飲野當然要食野，叫左個special A set, 有呢個忌廉汁蕃茄意粉，味道好香農，仲有個一口牛，正到流曬口水…Read More

今天跟朋友兩個人去了，打算早一點在7點左右食，打算食完再去行街。叫左個惡魔雞煲(中辣，有全單9折啊!)，再加左個牛肉拼盤同埋烏梅汁(解辣一流啊)，有牛丸，牛肉塊。落完單之後，店員先俾左D 醋同豉油，辣椒等配料，仲溫馨提示我地要落幾多豉油同醋。然後雞煲到左，吹下水，店員就幫我地搞一下，然後就同我地講食得。一開蓋，即刻聞到個煲好惹味，有好多香料，流晒口水，以食落本身唔覺辣，食食下就越食越辣，越覺得好味。食晒雞煲之後，就同店員講加水，開始試D 牛，D 牛丸好有嚼勁，好有牛味，再配埋D 醬料食，真係絕配，就算食過其他雞煲都可以去試下，真係唔錯。價錢雖然略貴，但味道十分唔錯PS 食食下店員仲送左碟蜆係免費既。…Read More

餐廳離油麻地地鐵站A2超近（少於5分鐘步行路程），員工服務質素唔錯。佈置同環境都好好，有包廂，有衛生間，有唔少四人卡位加個好靚的街景，普通四人位仲有窗簾加個叉電位。避風塘椒鹽大連鮑魚 $48 每隻 大鮑魚又大又好食，完全沒平時其他地方食果啲咁難嚼。灑滿椒鹽粒，口感非常好，係我的個人最佳推薦。XO醬爆雞球 $128好似平日的雞肉咁，再配左少少菜。呢度的雞球雖然唔係圓形同有啲骨，但XO醬味同辣味都好夠，好好食瑤柱海皇羹 $168薏米水 $68第一次試薏米水，幾新奇，有唔少的薏米，沒平時啲飲品咁甜，但甜味剛剛好，應該幾健康。$68夠飲6，7杯。餐廳嘅中菜每碟分量都好多，絕對夠幾個朋友或者一家人一齊食。有好的食物同服務質素，價錢可以接受得到。…Read More