Gooal's Profile

柴灣食車仔麵既選擇其實唔多，入夜之後就更加少，有時經過見到呢間都幾多人買就試下啦～由於鋪頭細到根本擺唔到坐位，堂食既話就要坐街邊，所以多數人所係買外賣既～一望餐牌見到選擇都幾多下，不過出前一丁要加＄４好似貴左少少‧‧‧通常小弟食車仔麵都離不開幾樣野：腸仔、紅腸、牛丸～腸仔、紅腸同出前一丁都係正常水準，牛丸就唔夠彈牙，軟淋淋咁‧‧‧不過要讚既係個腩汁味道出奇好，非常入味～＄２８食碗車仔麵雖然偏貴，不過一試無妨～…Read More

呢間日式快餐店係我中學生時代既摯愛，一來價錢平，二來夠快手，而且味道仲唔差，所以通常午市時段黎到好多時都要等位～今日趁返學之前１１點幾就黎左，緬懷一下中學時代既歲月～不過無黎一排，發覺好多野食都加左價‧‧‧早幾年仲係＄２０既特價飯同下午茶，而家已經要＄２６，可想而知呢幾年既通漲係幾咁犀利～平時食開既燒牛肉拉麵都由＄３５加到＄３８，不過質素好似仲下降左少少添，拉麵淥得淋左ｄ，咬落無乜口感‧‧‧燒牛肉既肉質有ｄ韌同埋「鞋」，燒得乾身之餘無乜肉汁‧‧‧原本想比ｏｋ既，不過見幫襯左咁多年，最後都比返個笑臉，希望加價之餘可以保持返以前既水準啦～…Read More

下午荼時間唔係好肚餓，不過又口痕想食ｄ野，屋企附近既一粥麵係唔錯既選擇～鮮蝦雲吞麵（細蓉）加杯野飲都係＄２０，份量唔多，唔會影響正餐既胃口，又夠填下個肚既空檔～雲吞一共有三粒，ｓｉｚｅ夠晒「的式」，麵條淥得ｏ岩ｏ岩好，唔太淋亦唔會好韌，有ｄ咬頭～最後飲埋杯熱好立克，完成簡單既一餐下午茶～…Read More

早幾日先ｏ係楊記食完黎，不過對佢既蝦籽撈麵一試難忘，所以今日下午出銅鑼灣前專登再黎食過～經過門口先見到寫住租約期滿，開到２３／４咋‧‧‧如果大家想食既就要趁早黎幫襯啦～講返食物，上次食左蝦籽牛肉撈麵，水準十分不俗，今次就試下牛柏葉撈麵～蝦籽未食已經係香氣迫人，牛柏葉超爽口，麵條亦都唔係一般既鹼水麵，夠晒彈牙，撈勻蝦籽食真係無得頂～伴麵既湯味道都好清甜，唔會好油膩，唔用黎撈麵就咁當湯飲都好適合～姐姐既服務態度都好親切，經常面帶笑容，暫時黎講未食過第二度既撈麵係好過楊記，希望佢可以搵過個新鋪位，唔好令一班捧場客失望啦～…Read More

呢間芝脆雞ｏ係柴灣開左幾個月，之前同朋友食過一次係ｏｋ的，今日做運動前見有ｄ肚餓就入左去醫肚～如果唔係住開柴灣應該要花時間搵下地方，因為開ｏ係個商場入面都幾隱蔽下～鋪頭面積唔大，坐位都係得十幾個，一眼已經睇晒。見到佢有個下午茶套餐好似幾抵食，應該係不二之選～＄２４可以選一個精選意粉同一款小食，仲有野飲，意粉係日日唔同的，今次就要左個日式什錦長通粉，小食方面就當然係要幾出名既炸雞～等左３分鐘左右有得食，不過ｄ野食就好似唔係幾夠熱咁，個長通粉有兩片薯角同埋幾件蟹柳仔，料就少左ｄ不過味道都唔錯～至於件炸雞就有少少失望，記得上次黎食係幾ｊｕｉｃｙ的，不過今次就幾乾身，咬落去肉質仲有少少「鞋」，外皮都唔夠脆，唔知係咪擺得耐左既關係‧‧‧另外值得一提既係，地下同枱面都有好多垃圾同炸雞碎，雖然下午茶時間無乜客，不過幾個員工都掛住傾計，無人負責清潔，希望下次改善下啦～如果唔係都幾影響食客（包括我自己）光顧既意欲‧‧‧…Read More