今日做運動前見有ｄ肚餓就入左去醫肚～
如果唔係住開柴灣應該要花時間搵下地方，因為開ｏ係個商場入面都幾隱蔽下～
鋪頭面積唔大，坐位都係得十幾個，一眼已經睇晒。
見到佢有個下午茶套餐好似幾抵食，應該係不二之選～
＄２４可以選一個精選意粉同一款小食，仲有野飲，
意粉係日日唔同的，今次就要左個日式什錦長通粉，
小食方面就當然係要幾出名既炸雞～
等左３分鐘左右有得食，不過ｄ野食就好似唔係幾夠熱咁，
個長通粉有兩片薯角同埋幾件蟹柳仔，料就少左ｄ不過味道都唔錯～
至於件炸雞就有少少失望，記得上次黎食係幾ｊｕｉｃｙ的，
不過今次就幾乾身，咬落去肉質仲有少少「鞋」，
外皮都唔夠脆，唔知係咪擺得耐左既關係‧‧‧
另外值得一提既係，地下同枱面都有好多垃圾同炸雞碎，
雖然下午茶時間無乜客，不過幾個員工都掛住傾計，
無人負責清潔，希望下次改善下啦～
如果唔係都幾影響食客（包括我自己）光顧既意欲‧‧‧
