肥婆奶奶2.0's Profile

立秋過後，總係想食D熱辣辣既野，除左食火鍋之外，其次就係食燒肉，早兩日同成班朋友去左依間日式燒肉店做晚飯，估唔到喜出望外，所以今晚由我朋友們發辦叫菜，我只負責食就可以啦! 食個前菜開胃一下然後到茄子沙律送上， 估唔到份量比想像中多，而家好多茄子粒，食落幾惹味，拌左少少醋汁同沙律醬，味道更醒胃一食日本菜就必點小食炸雞軟骨，粒粒炸得金黃香脆，咬個時夠哂脆口，味道剛好唔會太咸到五品刺身出場，朋友話比師傅發辦決定比邊款刺身，當中活赤貝同秋刀魚係朋友預先訂位時預訂左，除左依兩款刺身外，仲有深海池魚、帶子刺身同三文魚腩刺身，只係睇賣相都已經滿分，排到滿滿好豐富，厚切深海池魚同三文魚腩入口非常鮮甜帶爽，好肥美，活赤貝入口好爽脆，鮮甜不在話下。而我食咁多次刺身，第一次食生秋刀魚刺身，估唔到無腥味，仲要肥美油份高，店員話原來秋刀魚係當做季節，所以食得出來貨質素好新鮮，而且仲可以兩食，另外整左份海膽秋刀魚壽司，海膽面頭拌左柚子胡椒，入口好香好惹味，夾雜海膽甘甜味道 ，好好食啊! 師傅見我地未食哂秋刀魚刺身，另外幫我地將部分刺身拎去輕燒，估唔到一樣驚喜萬分，入口幾乎即溶，好重油香，超好味終於到今晚期待已久既近江和牛盛宴上場，共有九個部位，有個燒肉先後次序餐牌，去按順序咁燒黎食，先食無咁油既部位，再食油分高部位，每塊肉的厚薄度適中，燒至5-6成熟就食得，入口啖啖肉 ，油脂分平均又夠香口，牛味好濃郁，係香港真係好少食到咁高質既和牛燒肉，而且份量適中之餘，價錢好合理淨食少肉都要食少少蔬菜平衡一下，叫左依個野菜盛合，當中有雞肶菇、南瓜、冬菇同京蔥食燒肉點少得清酒，剛好叫左近江和牛盛宴套餐，而家餐廳有個日本清酒放題，加$100就可以任飲指定清酒，的確抵飲，正呀!本身都好鍾意食吉列豬扒既我，見依度有得叫即點左一份，炸得金黃香脆，炸粉薄身，豬扒咬落外帶脆口內夠軟熟，啖啖肉之餘，肉質食得出新鮮，配埋豬扒醬汁食一流食到飽哂都不忘叫甜品，唔想叫雪糕，所以點左香芒椰汁糯米飯，芒果肉香甜唔酸，椰漿配紫糯米同糯米點食夠哂煙韌，椰香味濃，滿足呀…Read More

愛好泰國菜既我，除左一年去幾次泰國之外，係香港間唔中都尋找美味有驚喜既泰國菜，今次同友人去依間專食船麵既餐廳，聽就聽得多，食就真係第一次，原來依間船麵餐廳已開兩家分店，黎左依間尖沙咀店食晚飯安格斯牛肉船麵 今次係我第一次食船麵，湯底非常深色濃郁，面頭有數塊安格斯牛肉，以為湯味道會鹹，點知飲落比想像中無咁鹹，仲帶少許甜味同香料味，係第一次食到既味道，好特別。半生熟牛肉爽口有咬勁，肉味幾濃，麵底用左來自泰國入口金邊粉，質感剔透煙韌，比起平時係香港食到既金邊粉優勝得多，同埋一送到黎一定要趁熱食，如果唔係碗粉會索哂湯，發漲就無咁好食啦泰式酸辣無骨鳳爪夠哂酸同辣，愈食愈辣好過癮，口感適中又唔會過份軟身，咬落好爽脆泰式豬肉生菜包一食就覺得同泰國食到既味道好相似，生菜包住豬肉碎咁一啖咬好正，咬時仲有肉汁湧出，夾雜左香料味道更加開胃炸蝦蛋賣相係普通蝦餅樣，但內藏餐廳自製惹味饀料，蝦球一分為四，炸得非常香脆，咬落口感好彈牙，蝦味亦好香濃，而自家製饀料入面有蒜、豬肉碎、花生等材料，味道濃郁得黎帶甜辣，係邪惡炸物之選，不防一試…Read More

在上環工作最開心就是周圍都有好多食物選擇，午餐時間走落街搵食！ 行過禧利街，見到傳單阿叔，有燉湯飲喎，試下先。地下店面面積不大，另有閣樓吧枱，地方是很乾淨企理！午市時段不算多人，店裡面坐左幾顧人，店主黑口黑面地打量我，在我手上拎走了傳單說是要給我另一本。心諗，喺條街個阿叔派比我，宜家又收返？店主繼續粗聲粗氣對待樓面阿姐，我無理佢，繼續點餐。點完餐之後一邊等，嗰位男士都係繼續口噏噏，黑口黑面眼超超！揀左茶樹菇湯+蕃茄豬軟骨+新竹米粉個人覺得個茶樹菇湯無乜味，好淡！無乜茶樹菇，只有雲耳絲同紅蘿蔔絲！跟餐的配菜豬軟骨細件得可憐！鹵水雞翼豆腐，味道很不錯，只是份量實在太少了！男士吃一定不夠！是日午餐HK$71 唔飽仲要受黑面😠…Read More

做人咁忙碌，最緊要緊係食為先啦，收工急急腳出紅磡會朋友去食飯，依區食肆選擇多的是，為左快靚正，去左依開新開既拉麵店開餐，原來依間拉麵店已經係第三家分店，係人氣既日本九州第一拉麵門面都以紅白為主，牆上掛住大大個拉麵師傅公仔樣做生招牌，餐廳範圍唔算大，天花一盞盞波波吊燈，增添左店內既華麗氣氛，簡約格局既令用餐感覺更舒服黑豚拉麵賣相排到成碗花咁靚，其實側邊每片都係黑豚叉燒，每片大十塊又薄切之餘，紋路都好均勻肉質夠哂香又夠入味，另外追加左一隻溏心蛋同一份腩肉叉燒(4片)而麵質就揀左普通，蔥既份量正常，豬骨湯底飲落非常濃郁，味道剛剛好又唔會太鹹，幼拉麵食落彈牙爽滑溏心蛋蛋味好重，咬一半流哂蛋黃汁出黎，入口甜滑又粘牙，整碗食完都唔會話好口渴，唔錯辛子黑蒜拉麵賣相一樣吸引，另追加左溏心蛋，蔥份量正常同麵質都揀左普通腩肉叉燒肥瘦適中，軟熟易咬，而湯底比黑豚拉麵湯底較濃，但飲落有微微辣味，食落更加惹味男爵薯餅叫左依款薯餅分別有牛肉薯餅同紫薯粟子薯餅各一件薯餅外層係麵包糠，牛肉薯餅內餡係薯仔蓉，中間夾雜左牛肉粒，食到微微既牛肉香，紫薯粟子薯餅味道甜甜之餘，薯味同粟子味道好夾且好濃郁，重點係兩件薯餅都炸得外脆內軟，放耐左凍左少少食都仲有脆口感，炸得出色又好味另外加左支伊藤園綠茶解下膩，清香茶味飲落夠舒服整體而言，餐廳簡約乾淨，上菜速度快，服務態度友善細心，拉麵賣相有心思且味道唔錯，不得不讚薯餅炸得好好，的確係快靚正之選…Read More

近期對台灣野好似上左癮咁，狂食都唔厭，聽朋友講依間既質素唔錯所以黎食下，叫左依個招牌紅燒牛肉麵，估唔到有驚喜，湯頭非常濃郁，飲落有藥材味道，麵質食落爽口彈牙，牛肉質感適中又唔會太腍，一啖麵 一啖湯，好食到停唔到口另外叫左個滷肉飯，本身對滷肉飯都食極唔厭，依度既滷肉係半肥瘦肉，食落好滋味兼邪惡，食得到台灣味道整體食物質素唔錯，價錢又合理，份量又多，稱得上平靚正，食碗麵同飯都未夠喉，雖然已經好飽，但都叫多左幾樣台式小食一齊食先至夠滿足…Read More

上海菜選擇多的是，價錢亦有平有貴，而依間上海餐館位於土瓜灣區內，雖然只係做附近街坊生意，但食得出佢既用心烹調，價錢平之餘，份量又夠多，餐館裝修平實卻多份人情味，味道不比有名既上海菜館差<<上海排骨菜飯>>排骨夠哂大塊厚切分成五件，成塊金黃色，入口粉薄皮脆啖啖肉，出奇地食落完全唔覺油，菜飯口感軟熟，每粒飯都夾住菜粒，咁就唔洗怕只食肉無菜食啦<<酸辣湯>>勁大碗又夠哂足料，已經夠四個人飲，重酸辣味勁開胃，飲左一碗已經勁飽食物份量多兼平靚正，良心小店，超推介啊…Read More

而家香港愈開愈多餃子店，好似總有一間係左近，由其太子區只係賣餃子既店鋪都有好幾間，最近食左依間既餃子的確唔錯，為配合唔同人口味，除左有多款餡料之外，仲可選擇灼或煎既煮法，我自己比較愛食煎餃，因為食落夠香口，而佢地既自家既至尊松茸餃亦係買少見少，煎得金黃皮脆，咬一啖已經食到餡料份量好足食落香濃松茸味，而且松茸本身都有好多益處，食完可護膚同促免疫效果等等功效，配埋碗清淡無味精九鼎湯，解左煎餃既滯膩感。…Read More

早排同屋企人去美食博覽，去前當然要醫醫肚仔先啦，搵到係附近依間冰室，係門外望下餐牌，佢地既招牌滑蛋叉燒飯而被吸引入去，餐廳裝修簡潔，牆上都貼滿佢地既招牌食物相，即刻叫左佢地既熱賣自家製叉燒日本滑蛋飯餐廳所用既都係日本雞蛋，煮得好嫩滑軟熟，叉燒係瘦切薄片，配上秘製既甜頭油撈飯幾好味既，份量適中唔算大份，大食既我又點夠食另外再叫左份流心芝士麥包西多士，麥西多炸得微脆鬆軟，入面芝士份量幾足，襯熱食仲有芝士拉絲，味道唔錯又幾特別啊…Read More

最近同朋友行街經過依間專賣cocktail & mocktail酒吧，買左杯消下暑，佢所賣既果汁同係街外普通果汁完全唔同，主要係有含酒精既，我地都係好酒之人，叫左依杯賣相精緻既Blue Illusion，當中有藍柑同檸檬汁，再放左菠蘿片同梳打，飲落好清新，酸酸地幾開胃另一杯係DeLight，當中兩溝左橙汁同菠蘿汁，加左少量士多啤梨漿同百香果漿，飲落唔會太酸，糖漿令整體味道中和，我地飲完真係夠哂消暑為左過下酒癮，叫左一SET 4 Shots Life Adventure，以人生歷險做甜酸苦辣為題既一系列雞尾酒由左至右開始甜Berry Romance酸Kirsch Muse苦Bitter Bite辣Wasabi Shock四種味道都好特別，係外面比較少飲到，而且調得剛好又唔會太濃烈，容易入口，好適合酒量淺既朋友飲賣含酒精果汁既飲品鋪頭真係唔多，依類型既飲品店確實幾適合愛酒之人，行過都可買黎飲下過酒癮relax下…Read More

貪吃既我間唔中都會去買手卷食過口癮，食過咁多間之中，依間確實係心中性價比高既手卷店，全部即叫即製，所有食材都好新鮮點左新推出激滿海膽杯，整杯都非常足料，入面有足1.5板日本海膽，仲有松葉蟹、北海道帆立貝、呑拿魚腩碎同三文魚籽，份量十足海膽鮮甜無比，完全無苦澀味同腥味，成杯食材都好新鮮又超足料，食完仲想encore食完海膽杯唔夠喉再食個海膽三文魚親子手卷，三文魚籽好鮮甜，粒粒一咬都脆口多汁，整體味道質量都唔錯，價錢都合理，過下口癮都抵…Read More

有時同家姐都會撐下枱腳，雖然我地同一屋簷下，但因為各有各忙到無時間傾計，唯一傾到計就係食飯時間👭早兩日我倆黎左依間酒吧餐廳食晚飯，餐廳格局帶情調同輕鬆感覺，叫左依份五成熟10oz美國肉眼扒，煎得剛剛好，肉質仍係帶少許粉嫩色，入口啖啖肉又唔會太過韌，旁邊既焗薯仔一咬個下外脆內軟熟，薯味濃郁，估唔到食落有驚喜除左牛扒，菠蛋煙肉芝士闊條麵都係心心眼，半熟溫泉蛋拌匀，微微蛋香加煙肉咸香味，唔會太滯膩，唔覺唔覺食光光…Read More

每次經親太子，都會諗起以前返學既回憶，成日一放學就會忍唔住去金華買菠蘿包食，日日去親都係人山人海，除左遊客多之外 港人一樣咁多，因為佢地既菠蘿包真係無得輸 抵食夾大件。捕定三點三，新鮮出爐，好多人爭住買，真係排長龍都願意！佢地既菠蘿包大大個，間唔時我都會叫菠蘿油，大大塊牛油夾係中間，夠足料麵包咬落皮脆內軟，一邊食一邊聞到香噴噴，凍左一樣咁脆咁好味，真係邪惡兼好食到停唔到口，簡直係性價比高既菠蘿油之霸，如何可以不愛它？…Read More

朋友們都知我好愛食韓國野我係因為鍾意食辣先愛食韓國菜明明屋企都可以煮到既麵 出去食飯都要叫黎食間唔中我就會同友人黎依間餐廳食韓餐雖然地面店鋪唔大 但都設有樓上位依度既香辣海鮮湯麵每次黎都係必點因為依度煮既平時食既辛辣麵更辣湯底完全唔係用調味粉包煮成韓國人自家調製既辣加埋海鮮一齊煮鮮味湯底香辣味十足 麵條爽滑彈牙 超好味除左湯麵之外 韓式豬肉餃亦不錯皮薄餡多 入面包住豬肉碎之外仲有韓式粉絲沾醬汁食啱哂我口味平民區小店生意用心烹調 真心推介!…Read More