carolleung2018's Profile

放工去深水埗鴨寮街買電話卡後，順便去附近外賣店熊角外賣美食返屋企。門口見到小黑板，4點半前特價$38真係好抵。招牌藍帶雞扒$38配蜜糖芥末醬：雞扒打成肉餅再炸成吉列，內裡包住芝士。外層香脆有咬口，雞肉軟淋，芝士煙韌，口感豐富，加點蜜糖芥末醬錦上添花！熊角慢煮一口豬$22：切到一口方便進食，一口豬肉惹味多汁。咖喱焗豬扒飯$63：外賣包裝精美，錫紙盒外仲有紙盒包住，相當穩陣！表面鋪滿香濃邪惡咖喱芝士醬，豬扒有兩大塊，肉質仲係嫰滑~跟餐藍寶石鮮奶+$15：藍色啫喱凍好靚，鮮奶味濃，打卡一流！…Read More

是日晚上來到元朗，被呢間門口寫上烤魚界天花板烤魚店吸引進來 。以前還在舊地舖時就大排長龍，現時搬上樓上座位寬敞舒適好多。店舖裝修走年輕人風格，更播放愉悅音樂，打卡一流。見到中午12:00 - 17:00 星期一至四任食配菜，相當抵食。餐廳採用手機點餐，點了鮮青椒味烤魚$328，可以自行勾選辣度、少油、多湯等選項，十分貼心。江團魚好大條，好滑沒有骨，湯底鮮味咸香，越煮越辣，加入金針菇同魔芋片配料，更顯豐富。烤韮菜$26：烤得清脆嫰綠，條條分明烤茄子 $36：茄子燒得好靚，表面滿佈蒜蓉，茄子肉嫰滑濃味~錫紙花甲$49：花甲充滿蒜辣香，底下仲有粉絲金菇，索晒蒜香辣汁。金桔青檸特飲$36：清甜潤喉，解辣一流！環境舒服，食物高質，用料新鮮，可以媲美深圳探魚的烤魚~…Read More

放工和男友後來到呢間新開位處好近佐敦地鐵站酒吧，店舖頗有情調，店內座位闊落舒適乾淨。餐牌有西餐日式丼飯串燒，選擇不少。自訂特色西餐點了紐西蘭草飼牛扒(黑椒汁)配炒時菜，義大利麵:白汁義大利麵條條滿佈濃郁忌廉汁，裡面加入不少雜菇，增加豐富口感﹗炒雜菜有紅蘿蔔洋蔥椰菜，先加入牛油去炒，所以食落特別香口有肉味。紐西蘭草飼牛扒好大一塊，牛肉味濃﹗鰻魚温泉蛋日式丼: 特別的是温泉蛋另上，需要客人自己打入碗中。上面有紫菜碎，珍珠飯入面加入沙律醬，食落特別開胃。鰻魚有四大塊，每塊都好肥美，滿足我食鰻魚既心﹗燒蠔:上面有蔥花同蒜泥，燒得香口多汁﹗…Read More

好耐冇同男友來元朗覓食，星期六晚上就來到這間越南家庭經營的小店，服務員帶有越南口音。食物是正宗越南風味，店舖張貼住人手有限，所以出餐所需時間較長，望客人見諒字眼。店家對制作食物有相當堅持，上碟時擺盤亦相當認真，慢功出細貨﹗男友點自家制竹筍豬骨湯檬粉:表面有大量竹筍，入面有不少豬骨，湯底充滿鮮甜豬骨味，食得出冇味精，飲多幾啖都唔會口乾﹗蟹膏蕃茄湯蟹粉:有鮮蝦2隻、蟹膏、扎肉、蕃茄、芽菜，而豆卜索晒鮮味清甜湯底，第一次食這種闊條厚身麵，麵條足夠彈牙。柑桔雞翼2隻:燒得好靚，皮焦甜帶點柑桔酸味。越南原味乳酪:自己食落同平時乳酪分別不大，甜甜酸酸幾開胃﹗蛋咖啡:第一次飲，表面有厚重蛋奶泡，同咖啡一齊飲時都幾夾，令咖啡更易入口。凍熱情果味綠茶:夠晒酸甜解膩﹗…Read More

呢間店舖位於深水埗附近花膠工房，店家自設廠房，花膠來自台灣，來源可靠。花膠係女士們公認養胃、滋陰食材，可以增強免疫力。花膠沙律便當$58:花膠沙律好特別，食法夠晒創新，可以揀麻醬或者是泰式醬拌沙律，我自己最鐘意兩者溝埋一齊食。花膠本身沒有多大味道，口感爽彈，加上清爽醬汁同沙律，食落好開胃﹗花膠湯$38:充滿好濃郁花膠湯味道﹗花膠燉鮮奶$38:來自北海道牛奶，夠晒滋潤又養顏，食落果然香滑﹗檸檬薏米水：清爽健脾去水腫。食完補充足夠骨膠原，仲可以飲嘢去水腫，呢間店舖果然係愛美女士養顏健康之選﹗…Read More

放工後來到呢間中環新開，裝修小清新風格蒟蒻粉麵店。五感即是指味覺、嗅覺、視覺、聽覺、觸覺，客人可以一邊聽住音樂，一邊舒服自在地享受呢頓健康飲食盛宴﹗餐牌入面有湯水、沙律、五目蒟蒻飯、清新蒟蒻撈麵、每日鮮煲海螺雞湯蒟蒻麵、開胃小食多種選擇。每日鮮煲海螺雞湯$38:入面有肉碎、椰子絲，飲落果然滋潤！海南雞飯蒟蒻飯：海南雞肉質嫰滑，附上辣椒醬、黑醬油膏，底下有塊生菜墊底，酸蘿蔔絲。蒟蒻飯係第一次食，調味適宜，加入冬菇、蟲草花入面，非常有咬口。柑桔水: 酸酸地又好潤喉﹗蒜香牛油雜菌:冬菇、金菇、本菇，加上蒜蓉牛油，口感爽脆﹗自家手打蝦餅:煎得香口，肉質好彈牙！…Read More

放工後，來到上環附近呢間裝修有越南格調餐廳，牆壁掛著特色越南帽子。店舖枱面印有QR code，方便客人可以用QR code 自助下單。蕃茄蟹肉湯檬：入面有蟹肉、鮮蝦、扎肉、蟹肉餅，配料非常豐富。蕃茄湯底煮得好濃郁，茄肉同蟹肉餅融為一體，入面配料仲有芽菜、蔥花，口感豐富。而檬粉是我喜愛的幼身爽彈口感，夠晒容易去索晒湯汁，一啖檬粉，一啖濃湯，別有一番滋味，差唔多飲晒成碗湯！牛油果沙冰上面有一瓣薄荷葉，牛油果沙冰打得好綿滑。…Read More

星期六來到元朗呢間新開張燒窰雞米線店，店員殷勤同客人講解餐牌，企理乾淨，座位舒服。落單時更問是否需要走蔥需求，出餐算快手，枱面仲有醬料俾客人再加。自己鐘意食辣，所以點了：馳名窰雞（椒麻）米線麻辣湯：湯底好好夠麻香辣，米線爽彈，索晒麻辣湯底味。而椒麻燒窰雞入面有麻椒粒、蒜粒、辣椒，雞肉滑嫰，充滿椒麻味，夠晒惹味。腐竹特飲：自家製無添加健康飲品，健脾開胃，滋陰潤燥，除煩安神。腐竹煮到融晒，入口香甜順滑，用來解辣一流。…Read More

西九龍美食廣場6樓位置，空枱明顯比樓上美食廣場多，坐得更舒服自在。見到呢間Pots & Pans賣尼泊爾菜式，平時較少機會食到，於是點來食。點了老闆極力推薦蒸momo，即是蒸餃子。剛剛蒸起momo夠晒熱辣辣，一咬爆晒汁，好juicy。包得較鬆身，入面有洋蔥同肉碎，加上尼泊爾香料及香草，香料味配搭得宜，點少少中間醬汁更顯香辣惹味。S2 韓式風味豬肉:飯盒餐裝得精緻，多洋蔥、豬肉、椰菜紅蘿蔔絲、韮菜、蔥花，炒得香口，微辣惹味，送飯一流。S3 牛肉咖哩：同平時食開日本咖哩好唔同，咖哩較為輕盈，红蘿蔔同薯仔口感比較爽口。…Read More

放工後來到深水埗行街買手機配件，近地鐵站C出口附近見到呢間小食店，門外圍住一堆客人，有賣腸粉、炒粉麵、燒賣魚蛋、臭豆腐、牛雜、炸物等，於是外賣一些回家食。海豐炒米粉$38是即點即炒，鑊氣十足，有芽菜、蛋絲、椰菜、肉絲、蔥花等，配料豐富，米粉炒得乾身爽口。店家更特意詢問能否吃辣，加入辣椒，更加惹味！五香牛雜 細$25/大$35，入面有蘿蔔、牛雜，牛雜清洗乾淨，牛雜滷水濃郁入味。鮮蝦腸$20：招牌石磨腸粉，即係皺皮腸粉，米香味夠，餡料充足，蝦仔爽彈口感，加上特調醬汁同辣椒醬，咸香滿足。…Read More

旺角極尚大喜屋分店重新開幕，聽朋友講乾淨企理，質素不俗。和朋友平日六點半來到。平日晚上6點來到已高朋滿座，建議要預先訂枱。飲品種類極多，紙包、罐裝飲品、冷泡茶，甚至連珍珠奶茶都有。前菜是全港首間放題任食干鮑，花膠冬菇鮑魚好足料，鮑汁濃郁，花膠厚身，鮑魚彈牙有咬口。好驚喜有即燒川式燒蠔任食，即燒川式燒蠔鋪滿乾蒜，很是惹味﹗燒扇貝日式放題主重要當然食刺身，有三文魚、油甘魚、池魚王刺身、鮮帶子片、松葉蟹腳，上枱時鋪得好靚，食落魚生都肥美新鮮﹗食物種類頗多，金蒜蓉粉絲蒸扇貝，西京燒比目魚都不錯，醬汁香甜，魚油脂充足。蟹肉茶碗蒸，花膠奶凍夠養顏。甜品雪糕飲品應有盡有，雪糕有haagen dazs，甜品有豆腐花、糯米糍、小蛋糕，還有軟雪糕機任玩。熱飲果汁都有，非常貼心，可以照顧到不同人士的需要。…Read More

今天來到鰂魚涌午餐，呢間越南語角門口見到有人等外賣同排隊，等左一陣可以入內。下單時聽到店員帶有越南口音，相信是越南人開，可以品嚐到相當正宗越南口味。點了火車頭轉檬粉$78（生牛肉、牛腩片、牛丸、牛柏葉），表面有香葉，牛肉湯底濃郁，檬粉索晒湯汁。調味碟有青檸、小辣椒，可以自行再增添風味。生牛肉嫰滑，牛柏葉爽口，牛腩片有嚼口。入面有越南芽菜，較為短同胖，咬落香甜爽脆。越南滴滴咖啡$18，越南咖啡獨特之處有煉奶，香甜可口。…Read More

因為放工後懶得煮飯食，於是來到元朗呢間蛋包飯外賣專門店打包回家食﹗有蛋包飯、炒飯、意粉、鳥冬、漢堡包同小食系列。紅酒牛肋蛋包飯:蛋包飯係旋風形狀，保持嫩滑口感，底下係炒飯，炒飯加入蝦粒同粟米，口感豐富。紅酒牛肋骨有大大件， 肉質鬆化。風谷炒飯配鮮茄煎盧魚$73:自己比較喜歡呢道鮮茄煎盧魚，煎盧魚份量不少，魚皮煎得香脆，魚肉夠嫰，配合茄膏，酸酸地幾開胃﹗黑椒牛柳絲炒烏冬$48: 炒烏冬炒彈牙，配合埋牛柳絲，帶出牛油香味。…Read More

因為好掛住台灣美食，所以來到元朗呢間886巷外賣台灣美食返屋企食。天母胡椒餅(牛) :外層夠脆，入面牛肉饀料充滿胡椒粉、五香粉香味~黑芝麻燒煎餅:好香黑芝麻味，甜甜地夠過癮﹗見到黑金剛豚肉所以點了刈包同飯黑豚肉汁好香甜，刈包軟淋淋，配合甜脆生菜，口感豐富﹗而黑金剛豚肉飯份量十足，半隻滷蛋同滷豆腐，豚肉汁香甜仲帶點醋酸味，夠晒撈成盒飯，仲有開胃酸蘿蔔同西蘭花。麻辣無骨鴨掌+鴨血+豬大腸 $78:外裝包裝穏妥，所以就算歸家路途遙遠都冇倒澙。入面有好多鴨血同豬大腸，浸得好入味，鴨血好滑，豬大腸肥美邪惡﹗夜市拼盤$48:入面有齊台灣腸、甜不辣、蕃薯條、黃金芋圓球、雞軟骨、花雕炸雞，一次過滿足晒對夜市炸物慾望﹗大腸包小腸真係好耐冇食，即係糯米腸包住台灣腸，仲夾住塊生菜，如果加入酸瓜同辣椒就更惹味﹗九份手工芋圓(鮮草):芋圓彈牙，滑溜既仙草熱黑豆牛蒡茶:入面有茶包，黑豆味都香，暖胃養生之選﹗…Read More

放工後好想食甜品，為繁重生活帶來一點甜意。來到屯門錦薈坊發現呢間新開主打拿破崙甜品店，新張優惠仲有全場9折，於是外賣回來品嚐下。店員會細心詢問客人到家時間，放上一塊小冰袋入包裝紙盒，保持拿破崙温度，告知客人回家後拿出小冷袋先好放入冰箱。草莓拿破崙:食完晚飯後急不及待拿出來品嚐人氣之選，頂層有粒草莓同香甜忌廉，中間仲有酸甜草莓同幼滑吉士醬，不會過甜，層次豐富﹗巧克力拿破崙:頂層杏仁粒配上朱古力粒，中間夾上朱古力碎碎，加上濃郁朱古力醬，朱古力迷實鐘意﹗…Read More