ykyan's Profile

之前一直都好想食呢間餐廳，因為好鍾意佢有個靚景，每次去ICC嗰度食飯，搭上去101樓嘅lift都覺得好開心呢間餐廳個價位我覺得比想像中抵，lunch 都係3百幾，同埋個Menu真係好適合而家嘅天氣，配合得好好麵包都好食，配上佢地既特制牛油第一道菜非常清新，令到個人胃口好好紅椒包住啲蝦他他再配上三文魚子第二道菜就係一個洋蔥湯佢喺面前再即場加熱，香味逐漸增加滾咗之後，再倒落啲炒香咗嘅洋蔥，個香味散發得再濃郁啲第三道菜呢，我就叫咗一個馬友配蝦佢個汁係有勁香濃嘅蝦湯味配合埋煎得啱啱好嫩滑嘅馬友魚，仲有蝦味道好，有驚喜我朋友就叫咗牛肉個牛肉都煮得好腍，火候控制得好好佢有個配菜係椰菜包住咗牛尾，呢個係一個比較傳統燉牛肉嘅味道最後到第四道菜甜品啦係一個士多啤梨味嘅疏乎厘，仲配咗個雪葩嚟到嘅時候，佢脹卜卜超級熱，千祈唔好掂到落個杯度啊佢仲有張卡教你最佳食法放埋個雪葩落去，一冷一熱令到個疏乎厘可以容易入口，唔會焫親嘴，同埋亦唔會因為佢預先放咗個凍嘅雪葩喺上面令到佢個疏乎厘塌咗最後亦都送上咗一個小甜品，為呢一餐作出咗總結…Read More

今日去咗灣仔食一間私房菜去到喺大廈樓下已經見到有個牌，都好易搵食物選擇都好多，最好就係有埋燉湯呢日個湯係蟲草花燉湯個湯唔會油，好足料，幾好飲食物叫咗個椒鹽蝦調味條得好好，勁香口，九層塔嘅味道令到個蝦好食另外叫咗個腸粉佢唔係一個普通嘅腸粉，入面係龍躉呀呢個餸叫做脆香薑絲龍躉包係第二度未食過佢仲配埋粉絲，配搭得好好個魚塊好大，都仲係彈牙既到最後仲有一個蔬菜豆腐豆腐自家制好滑，好似玉子豆腐D 菇都炒得好香臨走前仲發現間房入面有張麻雀枱下次可以黎食晚飯加打麻雀🤭🤭…Read More

去咗位於銅鑼灣問月酒店入面的大宅，係位於酒店3樓嘅中餐廳餐廳環境優雅，有中式大宅嘅韻味，亦都有種Modern嘅感覺咁今次食咗呢個嘗味套餐，食物都好多元化前菜呢個海蜇呢，蔥油嗰個好清新食完好舒服，爛尾嗰個呢都係非常爽口，食完好開胃，中間個鮑魚，炸得好脆口亦都好易咬蟹肉羹都食到一絲絲嘅蟹肉個蝦球做得比咕嚕肉再脆口啲配上荔枝食成個口味都好清新好啱夏天個文火和牛整得好稔滑入口即溶醬汁好濃，提升左個味道最特別係佢下面有個炸腸粉喺度索啲肉汁味，配搭得好好個龍躉配搭咗啲花椒同辣椒所以好香口個花膠手工拉麵，湯汁都好濃郁，但又唔會有一種滯既感覺最後有個蓮子紅豆沙個紅豆沙好滑。為呢一餐有個完美句號…Read More

ELEMENTS呢間天天海南雞飯真係好方便又好食佢係好多年嘅米芝蓮推介，食物唔需要諗，係唔錯嘅我哋揀咗50年代咖啡，個味道有啲似啡走，又有啲似越南咖啡，幾好飲呢度必嗌嘅我覺得就係海南雞佢呢款海南雞係好滑，但雞味冇咁重如果鍾意食啲滑雞嘅，呢個就啱晒佢三個醬調味都調得好好，我最鍾意個辣醬，好香，辣度岩岩好用埋呢個擺盤,都好肯定呢個菜式係佢哋最推介另外我哋叫咗個黑松露蝦多士個多士炸得好脆口黑醬油蘿蔔糕都係幾好食，個豉油味好香好濃我哋仲叫咗個豬肉骨茶小火鍋，個排骨好腍好好食，跟住放埋粉絲芽菜落去索埋啲湯，入面除咗排骨，仲有豆腐卜，豬腩肉，豬肚，好多材料兩個人叫咗呢個份量係超級飽…Read More

約咗朋友喺旺角食飯成日都經過朗豪坊今次決定喺朗豪坊度輕食同埋飲咖啡座位都好開揚佢有set Menu,價錢都好合理有幾個唔同份量嘅set ，可以視乎當日想食嘅份量去叫佢都係用code 落單好方便我地叫咗一個set menu ，要咗魚，同埋叫咗一個帶子喇沙意粉帶子喇沙意粉勁香一放落黎已經聞到好香濃嘅喇沙味帶子同蝦都好食咁樣配意粉都好入味，都好有驚喜盲鰽魚雖然個menu set 要加錢佢個魚皮煎得又脆又香魚肉都好滑配埋蕃茄醬汁就好好味黎到coffee shop 當然要飲咖啡唔會令人失望…Read More

話咁快又一年一度情人節今晚同老公去咗大圍食情人節飯我哋搵咗一間日式+西式料理餐廳門口掛左啲燈籠好有日本餐廳嘅feel餐廳裝修到同居酒屋一樣亦有好多唔同嘅清酒杯選擇我哋叫咗個情人節二人餐，選擇都有好多前菜嘅蟹籽沙律，切得好幼細，醬汁好多好開胃五款魚生都切得好厚，好豐富炸雞腿肉好多Juice， 炸到熱辣辣脆卜卜，加上佢嘅自製醬汁，配合得好好壽司都好大件，個飯亦都整得好，夾起啲飯唔會跌落嚟，海膽都好新鮮免治雞肉棒配上雞蛋，都係居酒屋一定要嗌嘅食物牛舌芯燒得啱啱好，一啲都唔會韌蘆筍卷啲蘆筍切到好幼細，有口感之餘，仲唔會咬到有渣臨走前去洗手間，發現樓梯上面仲有個閣樓上面有個位置可以適合好多人一齊飲酒食嘢，仲有得唱K，下次可以多d 人去食…Read More

今日想食韓式燒肉，知道AEON入邊有間燒肉由個高速列車送餐，幾特別，所以今日就過咗嚟食下午茶啦平日嘅下午茶都唔算多人，座位好好坐，好闊落我坐咗中間位置，可以有列車送餐有好多一人套餐嘅選擇份量都好足夠，價錢都有平又貴，選擇好多落單都好方便，係用手機落單，佢都分晒類，所以搵食物落單都好容易落單之後去俾錢先，之後呢就會等食物送過黎飲品選擇都好多，食韓式燒肉，當然叫返啲韓式飲品啦，呢個梨汁好好飲，米水就比較甜小小食物就由呢架列車送到你嘅位置見到都覺得好開心醬汁選擇都好多我覺得燒肉汁都好襯食物海鮮類我哋單點咗蝦同埋扇貝加少少鹽都已經好味牛肉同埋牛仔骨都幾好食，好有韓式嘅味道一人set份量都好足夠，有個蘿蔔湯有飯有前菜，肉類就選擇左2 款牛肉最後我地食左2 樣甜品，包括雪糕同埋鯛魚燒，為呢餐有個完美終結…Read More

天后不嬲都多好嘢食今次係試吓呢一間好高人氣嘅omakase 一出𨋢口就見到門口好有日式嘅感覺我哋今晚食dinner ，想食豐富啲，所以嗌咗個20品食omakase 當然要配清酒啦我哋選擇咗一枝比較dry嘅好易入口，同食物好襯我哋首先食咗個水果蕃茄好清新嘅感覺跟住有象拔蚌，佢比平時嗰啲都再爽口啲然之後個鯛魚配咗個酸汁啫喱好清新，好啱而家個天氣呢幾款魚都好食首先秋刀魚就嚟到季節，而家嗰啲都開始肥美另外個魚皮炸到脆卜卜再配上啲厚身魚肉，個口感非常好呢個叫做夢追星嘅生蠔，雖然佢細細隻，又唔算好Creamy 但係好爽口，咁樣食完之後唔會好滯，令到唔會太飽食唔落之後既野呢個係我全晚最鍾意嘅一樣食物蝦膏蝦魚子再配蘭王雞蛋，好濃味令到你個口腔停留咗一陣好香嘅味道，另外仲可以加飯，師傅話個飯先係精粹，因為淨咗好多醬汁，可以用米飯撈埋佢食佢兩款海膽都好好食我特別鍾意紫海膽，佢配上一個淡雪鹽，落好多都唔咸。成個味道再提升咗跟住個魚下巴，師傅介紹係稀有部位，都好香口肥美好好食師傅即燒個吞拿魚都好好味到最後有兩款甜品同埋一個湯去做完結好滿足好飽…Read More

朋友同我講尖東開咗間大熱內地燒烤店呢間店係大陸長期都要排隊今日我哋早去食飯，去到唔使等位，真係好彩餐牌上面選擇都好吸引我哋選擇咗一個2-3人set好多款肉都可以試吓我哋覺得佢啲牛肉質素唔錯特色肥牛，同肥瘦牛都好食連牛瘦肉，肉味都好香，同埋肉一啲都唔鞋佢仲有個調料配搭秘籍跟住佢咁樣配搭啲食物係再惹味咗雪花牛肋條一定唔會失望食完之後會建議食返個金菇先烤金菇辣辣地都好惹味之後到食豬五花配辣醬同生菜好有韓式烤肉味道佢仲有啲前菜可以任食佢個芝士粟米都好推介芝士好多拉絲好長佢環境幾好，仲可以坐得幾舒服，服務都好好，啲肉可以店員幫手燒埋，通風幾好，食完個人唔會好大陣味呢間燒肉都好推介，唔使返大陸食，又唔使排隊等咁耐😊…Read More

我最近去咗尖沙咀個新泰東南亞餐廳試咗佢哋嘅泰國菜，真係留低咗好深刻嘅印象喇。呢間餐廳喺K11商場隔離，位置好方便。佢哋嘅餐廳位於地庫，面積都幾大，裝修好舒服，整個氛圍都好放鬆愜意。而且門口仲擺咗部泰國特式嘅篤篤車，增加咗啲趣味。我哋一點鐘到達餐廳，午間時間冇咩人，所以用餐環境都幾寧靜，服務員都好熱情地迎接我哋。我哋點咗一啲菜同埋飲品，其中食物方面嘅亮點包括飛天通菜、串燒、泰式炒河、米紙卷同芒果糯米飯。首先，飛天通菜絕對係一個唔可以錯過嘅菜式。呢道菜以新鮮嘅通菜為主材，配合入味嘅調味料同香料，口感清爽，好回味。串燒都係我哋最鐘意嘅之一，肉質鮮嫩多汁，烤得啱啱好，再加上香氣撲鼻嘅燒烤醬，味道真係令人垂涎欲滴。另外，泰式炒河同米紙卷都留低咗好深刻嘅印象。泰式炒河嘅醬汁濃郁，配料好豐富，有獨特嘅泰國風味，而米紙卷就輕飄飄好好食，內裡有新鮮嘅蔬菜同Q彈嘅米粉，再配上特製嘅沾醬，好開胃。最後，我哋試咗一道芒果糯米飯，呢個甜品以香甜嘅芒果同糯米飯結合，口感綿密，真係一個完美嘅結束。至於飲品方面，我哋揀咗龍眼冰，呢個係一種好受歡迎嘅泰國飲品，好啱配埋泰國菜嘅辣口味。總括而言，新泰東南亞餐廳俾咗我哋一個舒適愜意嘅用餐環境，而且菜品都做得好精心，味道出色。佢哋嘅泰國菜選擇好多元化，每道菜都展現咗泰國嘅獨特風味同口感。如果你對泰國菜有興趣，我好推薦你嚟試下呢度。不論係地點方便性定係菜品嘅美味程度，呢度都絕對唔會令你失望嘅。…Read More

抓住暑假既尾巴，星期一黎郵輪碼頭親子餐廳玩平日比週末少好多人，有唔同既玩法😊小朋友有入場費，成人都有最低消費$150 佢有分開用膳區同遊樂區上面係d 飛機裝飾，有符合到佢個餐廳名叫做紙飛機😝😝佢有個煮飯仔區，蔬菜生果都好真，亦都排列得好整齊，除左小朋友，大人都覺得好好玩，仲有個收銀機可以玩收錢遊戲😍😍有個適合小BB玩嘅區域，可以照顧到唔同年紀嘅小朋友😊有小朋友BB車，可以俾小朋友玩照顧，亦有啲衫係俾啲大小小嘅小朋友Cosplay有彈床，仲有d 小木馬去playhouse 當然要玩波波池啦波波池一定係小朋友最愛玩既野😍食物方面係中式食物為主我地叫左一個兒童餐，個包小朋友好鍾意 麵同其他食物麵係原味道，好岩細既小朋友，個餐仲配左個蘋果汁，係健康既選擇我地仲叫左雞翼，菜同牛肉燈炒年糕，味道都幾好，親子餐廳黎講，味道算唔錯呢日小朋友都玩得幾開心，環境都乾淨，下次都會再黎玩😊…Read More

天氣太熱啦，淨係想留係商場入面K11 musea 連住地鐵站，非常方便星期日餐廳都好多人同要等位，所以我地去左商場最底呢個food court 度食飯入面既選擇都好多，今次我地選擇左bot noodle 呢間船麵餐廳我同朋友都鍾情食麵，所以我地分別叫左招牌牛皇船粉同埋海南雞，魚片頭雙拼船粉，湯底就要左牛骨湯，另外我地都加左飲品😊佢亦都有魚露同辣椒可以再自己加2 碗都好多配料好吸引😍😍仲有炸豬皮，脆卜卜幾好食，索埋個湯底，又有另一種口味🤤牛丸都幾彈牙，牛肉都唔會鞋，再配牛骨湯底，同埋小小香葉，好好味，而且d 粉仲有好多，超級飽海南雞就唔係去骨既，質地都滑，魚片頭炸得唔會好油，同埋都彈牙既杯咸青檸梳打都唔錯，佢仲比左好多冰，岩哂咁熱既天氣呢間船麵個湯底係幾濃幾正，同埋食完都唔會覺得好口乾，下次可以再試下其他湯底😋😋…Read More

今日出旺角睇戲，想搵個地方快食😊所以旺角新之城一出，見到龍城冰室，就決定食佢啦😉佢個位置方便，都幾多人，所以喺門口都要排一陣隊，好彩入面都好大，等左一陣就可以入到去啦。佢食物嘅種類都好多，唔係淨得港式茶餐廳嗰啲，仲有台灣風味，韓式石鍋等等，仲有啲係推介食物同埋晚市小菜套餐。我地小菜就叫咗個黑松露雞蛋炒蝦仁套餐，套餐有一個例湯，白飯，同一杯嘢飲，啲蝦仁都幾大隻，蛋都炒得幾滑，份量都好大。去到茶餐廳，當然要試吓佢嘅菠蘿油啦，個菠蘿包係暖暖地，牛油係分開上，可以自己決定食幾多牛油，就唔使怕太肥。我哋仲叫咗個瑞士雞翼拼薯條，雞翼好入味同埋都好滑，薯條食唔到停唔到口，熱辣辣幾好食。呢個份量2 個人都好夠食，個奶茶幾濃滑，果然係一間唔錯既冰室。…Read More

今日約咗朋友去食lunch，一早心儀咗呢間餐廳，裝修係宮廷式，打卡傾偈好適合。一去到門口，見到好多花卉擺設，我哋已經心心眼，我哋早咗少少去到，餐廳未開，咁就有時間俾我哋影下餐廳出面嘅擺設。set lunch Menu啲食物都好吸引，另外仲有個all day Menu。我哋諗咗一陣之後決定叫牛扒同埋龍蝦包，天氣咁熱，當然要叫返杯Smoothies 黎透心涼一下🥰我同朋友個各叫咗一杯chocolate banana 同mixed berries smoothies ，兩杯都感覺好足料，幾好飲前菜我哋嗌咗一個甘筍湯同埋一個蝦沙律，甘筍湯都覺得佢係好足料，同埋蝦沙律個菜都好新鮮。牛扒我哋叫咗七成熟，煎得好好，牛扒表面都煎得好香，薯菜都好好味。最後就係龍蝦包啦，我哋見到龍蝦包係佢哋推介嘅食物就試下，真係冇介紹錯，個包焗得幾脆好味，薯條係熱辣辣好好食，仲有啲沙律菜伴碟，唔會太熱氣啦。呢個份量兩個女仔覺得好飽，同埋個環境唔錯，傾偈幾好，下次都可以再帶其他閨蜜過嚟一齊食啊😊…Read More

今次我哋嚟到深水埗VWALK商場嘅篤篤船麵，試咗佢哋嘅泰國菜，真係好正呀！餐廳嘅裝修都好有特色，以泰國街頭小食檔為藍本，座位亦都好舒適寬敞。今日我哋兩個人共點咗一個下午茶餐，同其他小食及甜品其中嘅泰式海南雞撈金邊粉，海南雞夠滑口，雞味夠香濃，配上酸酸辣辣嘅撈金邊粉，真係一齊食好開胃！ 加$12追加兩件泰式蝦餅，唔會太油太膩。再嚟一款泰式豬肉生菜包，豬肉炒得好香口，唔會太油膩，加上脆生菜，幾好食。沙嗲雞牛雙併串燒，呢款都好好味，燒得啱啱好，唔會太乾，真係好正呀！配上SingHa泰啤，啤酒嘅大麥香味同泰菜好夾，仲有一杯青檸梳打，啱啱好嘅清新口感，真係好消暑呀！最後呢，我哋仲試咗佢哋嘅班蘭千層糕，配上耶汁，唔會太甜，真係好好味呀！總括而言，篤篤船麵嘅泰國菜真係幾抵食，值得大家一試呀！…Read More