所以旺角新之城一出，見到龍城冰室，就決定食佢啦😉
佢個位置方便，都幾多人，所以喺門口都要排一陣隊，好彩入面都好大，等左一陣就可以入到去啦。
1
佢食物嘅種類都好多，唔係淨得港式茶餐廳嗰啲，仲有台灣風味，韓式石鍋等等，仲有啲係推介食物同埋晚市小菜套餐。
我地小菜就叫咗個黑松露雞蛋炒蝦仁套餐，套餐有一個例湯，白飯，同一杯嘢飲，啲蝦仁都幾大隻，蛋都炒得幾滑，份量都好大。
去到茶餐廳，當然要試吓佢嘅菠蘿油啦，個菠蘿包係暖暖地，牛油係分開上，可以自己決定食幾多牛油，就唔使怕太肥。
我哋仲叫咗個瑞士雞翼拼薯條，雞翼好入味同埋都好滑，薯條食唔到停唔到口，熱辣辣幾好食。
呢個份量2 個人都好夠食，個奶茶幾濃滑，果然係一間唔錯既冰室。
