Blossom_ivy's Profile

今日同屋企人二人去咗Inn食晚餐，晚上6點鐘晚市剛開始，餐廳唔算多人，但原來今個星期係應援韓星EJ，佈置左慶祝EJ生日的打卡位ssss。之後陸續都有啲小粉絲嚟聚餐，令本身雅致裝修的餐廳，帶來濃厚青春的氣色，不禁回想到中學時期的我。同時，侍應們態度友善，好有禮，加分！今次嘅菜式包括慢煮雞胸牛肝菌汁手工手卷粉($138), 有濃郁又creamy 的菇香，而慢煮雞胸肉好juicy，煮得剛剛好，互相油脂口感結合得好平衡。炭燒8安士安格斯平鐵牛扒（$228），七成熟，斜切見到中間少少粉嫩嘅肉質，擺盤靚之餘，味道都好正。下邊嘅配菜有蘆筍肉片卷，烤得外皮有焦香嘅薯仔和蕃茄😋非常用心。肉桂蘋果的法式多士（$108），非常厚身，外表金黃，內裏濕潤綿密，成個甜品有如烘焙多士嘅外殼加bread pudding 內餡，上面亦有雪糕和蘋果肉桂相伴，有三、四重滋味。總括嚟講，非常推介呢個餐廳，食物精緻，環境又適合小聚。…Read More

新泰東南亞餐廳的尖沙咀，灣仔的分店都試過，水準唔錯，今次同朋友收工近馬鞍山，二話不說，再黎新泰試吓。餐廳係馬鞍山廣場角落的位置，環境好舒適，座位都好闊落，有木元素同植物裝飾增添泰式氣息，整體氛圍適合同朋友傾計小聚。香芒軟殼蟹米紙卷（$98）幾清新，外皮薄滑，芒果唔會酸，點埋酸甜汁好開胃，有軟、硬、甜、酸幾個層次。冬蔭功（$98）嘅湯底濃郁，唔會太過辣或刺喉，微微酸香，內有成隻大蝦，唔太油膩。泰式菠蘿炒飯（$138）份量足，炒到粒粒分明，配埋肉鬆腰果，味道剛剛好。芒果糯米飯（$78）一半糯米，一半黑糯米，椰奶香濃，芒果都新鮮，甜度適中，永遠係泰式餐廳必食甜品。整體來說，餐廳係馬鞍山廣場的好選擇， 環境舒適，質素保持到！…Read More

係附近行完街，去左呢間係大街的餃子店醫下個肚。店前仲貼左歌手同食家嘅相，令我期待睇下呢間連鎖店係唔係做到高水準。差唔多7點到，唔洗等位就有得入座，叫左：🔹龍鳳松茸雙煎餃 ($98)呢個煎餃外脆內軟，煎得剛剛好，黑白松露嘅餃子，真係第一次試，落足料，味道香濃，鍾意松露嘅朋友值得一試。🔹芫茜豬肉餃($53)芫荽餃子就係一個驚喜，煎餃鎖住肉汁，加上芫茜嘅香味，真係無得輸，全餐嘅亮點。如果食得落，真係想叫埋其他蔬菜餃。🔹重慶鮮肉雲吞 ($44)麻辣湯底濃郁，一碗已經有12隻，皮薄餡靚，食落去好有滿足感。🔹蜜錢雞翼($25)蜜糖醬汁，少甜油帶豉油香，可以過下口癮。🔹踏入秋天叫左滋潤嘅自家制山楂雪梨，同行朋友亦叫咗蜂蜜檸檬薏米，解膩開胃。整體嚟講，呢度嘅餃子非常足料，煎餃出色，而且款式好多，價錢合理，仲可以外賣生餃子返屋企煮，下次一定要試多幾款。…Read More

放工後同朋友6點半黎到荃灣廣場的摩登堂。餐廳好闊落，店內有啲綠色植物同牆上裝飾都幾有生氣，成個環境坐落非常舒服，係同朋友聚舊傾計的好地方。餐牌上基本上諗到的泰式經典菜式都有！今次說試左：🔹郎薩招火山骨（$188）兩個人黎講呢個火山骨真係好豐盛，淡淡肉。肉質煮燉至軟腍鬆化，本身火骨味道唔係好濃烈，點上泰式醬食剛剛好。🔸青咖哩雞（$88）+ 印度烤餅（$38）青咖喱雞同配料都好足，同印度薄餅絕配。🔹和牛泰式炒河（$138）有如用左和牛炒嘅乾炒牛河，但加上九層塔同花生粒，別一番風味。🔸焦糖烹年華丹麥厚吐司（$88）今次最出色嘅係甜品，吐司、糖漿、雪糕永遠都係絕配，再加上爆谷，口感再多一層次，值得一試。…Read More

為左慶祝anniversary, 去左The One 嘅Royal Inn。餐廳門口裝飾到好似歐式花店，入面以白色系為主，大方優雅的水晶吊燈，拱門同同簡約古典的主牆，令到我地好似置身係歐洲到食晚餐，當然要黎打下卡。我地6點入餐廳，侍應服務細心，不時黎睇下我地有咩需要。叫左菠菜酥皮批（$88），裡面菠菜冇吝嗇，融入埋芝士碎，令到果批唔會重草青味。要讚下龍蝦海鮮paella（$358），龍蝦處理剛剛好，入味又彈牙，而海鮮飯幾香甜。唔少餐廳都有Wellington beef，menu上有Wellington 羊扒的餐廳就真係唔多($298)。工序多，拿捏焗時間又要恰到好處。真係要趁熱食，外層pastry包住裏面嫩滑juicy嘅羊扒，完全冇一絲腥味。其實menu上有好幾款甜品都想試，今次先試下藍莓Burnt cheesecake配雪糕($88), 賣相好精緻，蛋糕亦好絲滑。下次再黎試埋其他甜品！…Read More

6點半放工同朋友黎食呢間homeland 的pizza 餐。一入去餐廳播放住節奏感強的南美音樂，令人感覺好chill。叫左2人份的pizza 餐$630，包括（餐湯，沙律，pizza,一份主食，一份小食同兩杯飲品）份量好足，菜式的煮法同賣相睇得出下左一番工夫，打卡friendly之餘有驚喜。廚師精選濃湯係濃郁的粟米忌廉湯，而鮮打法式籠蝦湯裡面有啖啖龍蝦肉食！慢煮雞胸日式胡麻沙律：薄片雞胸肉慢煮唔柴，配埋日式胡麻醬好清新開胃。墨西哥雞肉芝士餡餅：餡餅熱辣辣送上，拎起pizza時芝士拉絲不斷👍🏼加埋牛油果醬同Greek yogurt sauce好配！小食跟左酥炸吉列蠔，有六隻，炸得幾金黃酥脆。最後期待已久的香煎澳洲安格斯肉眼排（7成熟）送上，上面灑上粗鹽，唔點汁黎品嘗牛排的原汁原味都夠，一切開塊排亦好juicy！旁邊的薯菜都唔遜色，好入味。飲品方面，我哋飲左浮華墨紅玫瑰花茶同凍檸茶。壺花茶邊食邊熱住，花味慢慢釋放出黎。成餐成得咁飽真係好滿足。…Read More

幾次經過呢間門口兩側擺滿bearbrick嘅餐廳，都心動想去試下，終於今次放工同朋友去左打卡用餐。原來樓梯旁的bearbrick展品都係零售的，擺靚吸客之餘又可以另外做生意，真係想讚下老闆。入到餐廳真係感受到每一個細節都有精心設計過，餐廳的佈局令到每一枱好有空間感，就連燈都有bearbrick design。係尖沙咀呢個鬧市裡面係傾計聚腳的好地方。本來以為主要打卡，但原來野食都有驚喜！最突出的係香煎比目魚柳伴醬燒鮑魚($218)，雖然比其他食物等得耐D，但魚柳煎得皮脆內嫩，肉質唔柴好Juicy，就算係配菜薯仔同粟米仔都唔話得，Grill得好入味，食完依依不捨，想再黎多碟。意式大虎蝦茄蓉意粉($148)，茄汁醬味道鮮甜，剛剛掛面，而虎蝦都煮得剛剛好。餐廳嘅飲品選擇好多，有選擇困難症嘅我哋最後揀咗士多啤梨荔枝梳打，同ice mocha。梳打配上新鮮的士多啤梨同漿好清新，ice mocha 咖啡同朱古力嘅味道夠濃郁。臨走前，仲見到餐廳6pm前有咖啡買一送一優惠，期待下次再臨。…Read More

今日同朋友去咗一間隱世舒服嘅咖啡館，係高山劇場附近，漆咸北道的一條內街。間cafe裝修文青簡單，氣氛非常寧靜。佢哋特選咖啡豆炮製咖啡，仲有得買一包番去沖。原本想試下個carrot cake，但可惜當日唔係menu到，試左：老闆絕不妥協cheesecake $58Cheesecake 嘅質感好soft 同滑順，芝士味道唔算濃烈，同餅底夾埋texture唔錯。Mocha 咖啡有果香，帶有少少澀味，本身期待會有濃郁d嘅朱古力，比咖啡豆味cover左，可能飲flat white 比較合適😌…Read More

事隔兩年，再黎到“秘”呢到食吉列牛。雖然係柯士甸比較靜的比較隱蔽的街道，幾個食客排住隊光顧呢間人氣餐廳。店內比較細，但有柔和溫暖的感覺，坐住張四人枱都算有我地自己的小天地。--食物質素依然keep得好好，熱愛吉列的我要大推！ 🎐薄薄一層吉列，又唔會搶左牛肉呢個主角。薄切牛肉脂肪比例唔錯，煎得耐唔驚韌，少少焦食落去仲香口。牛肉份量比較多，店員時不時幫我地加燃料維持住爐的溫度。湯，飯，溫泉蛋份量都配合得好好。--價錢合理，始終地方冇咁闊落，外面食客一路排隊等候，同朋友傾偈時間就短少少啦。--…Read More

疫情之下，在moko中庭，比較“開揚”的urban食晚餐。餐廳好注重清潔衛生，進入前要先量度體溫，用酒精搓手液洗潔雙手，亦為每位顧客準備信封放口罩，相對之下，我地比較放心。雖然見餐牌有多種不同口味的牛角酥，特別的有芝士流心和菠蘿流奶，但點餐時只剩下比較普通的杏仁法國牛角酥，唯有下次再試。最後二人點了春心菠蘿炸雞扒漢堡（$108）和蕃茄芝士寬麵意粉（$98）。因為沒有湯的緣故，跟餐（+$25）轉了做沙律和飲料。意粉不錯，而漢堡加上黃芥末和菠蘿後更加分，清新不膩。總括來說，餐廳衛生理想，少少可惜的是未有想點的菜同侍應比較忙。…Read More

黎到奧海城二期，試下這間Mad for Garlic，餐廳的裝修風格比較西式，是韓式和意大利菜的fusion餐廳。店裡的主食剛好全部有8折優惠，二人點了餐牌上有廚師推介logo的蒜蓉包塔（$48），garlic snowing pizza（$148）和雞肉磨菇意大利飯（$128）。侍應遞上蒜蓉包塔時，亦細心為我們切開，容易入口的同時亦比我們看到“塔”的原型。塔頂的是經過烤焗的金黃色蒜蓉，侍應將塔頂的蒜蓉填入包的中心，再分為四份。蒜蓉很香，包內亦保持鬆軟，是十分特別的starter。最帶給人驚喜的是garlic snowing pizza，雖然pizza皮薄，但好有層次感，有溶透的芝士，菠蘿同灑在上面的芝士絲和蒜片。出色的是蒜片焗得脆而不焦，做成了snowing effect.雞肉磨菇意大利飯中規中矩，沒有太大驚喜。另外，因為被安排到近廚房的卡位，更見廚師、侍應溝通有條理，專業，侍應的態度亦好友善。總括而言，這家mad for garlic 高質而有驚喜，值得下次再來。…Read More

今日來到深夜時段有賣廣告的李錦基食越南餐。夜晚六點幾，疫情緣故，食客不多，餐廳環境寬敞舒適，兩人點了燒豬頸肉撈檬($68)，燒香茅牛肉濱海($92)，香茅豬扒包($60)。一般越南餐廳比較少有濱海，是用生菜包着蒸米粉，配上燒肉和香菜的菜式。米粉同菜令這道菜特別清新，牛肉亦燒得惹味而不韌。另外，撈檬的檬粉同菜都份量十足，豬扒包外脆內軟亦有驚喜。總括來說，價錢不是非常便宜，但看得出這家的燒肉特別用心。份量十足，最後還要打包回去。…Read More

今次家人生日，來到了 Mr. Steak 吃半自助餐慶祝，事先預約七點用餐。餐廳環境舒適，侍應亦很友善。自助餐就吃得多，少取食多樣的形式，有時候還真忘記了吃過什麼。而在半自助餐可以點一個主餐，亦可以享受餐廳中央設置的自助bar，主要有前菜(各式各樣的沙律、湯和麵包)和甜品。前菜種類很多，十分吸引開胃，一定有款沙律適合，甜品就一般。三人同行，主餐方面叫了兩個SRF美國極黑牛($248)，是當日special menu 上的餐。 牛肉肉質嫩滑，烹調和份量剛好。另外亦叫了迷迭香燒雞配煙燻醬烤豬肋排($225)，但稍為遜色，有點失望。分量過多，雞肉肉質較粗和乾，豬肋骨烹調時間亦過長。難道來Mr. Steak應只吃牛? 不過尚未嘗試其他主餐，不敢下此定論，但要是吃扒類，牛肉應該較穩妥。…Read More

剛好今日加班，所以在公司附近醫肚。公司附近沒有太多選擇，來到這家港式日韓餐廳grand library 食飯，環境舒適，地方寬敞。平日這裡是附近上班族happy hour的聚腳點，可能今天來用餐的時間較遲，七點幾時，餐廳的人數寥寥無幾。 滿心期待地叫了個牛肉壽喜燒($58)，結果有點失望。份量是足夠的，但牛肉太多肥膏，湯底亦很油膩。看來下次加班要行遠少少，另覓餐廳…Read More

約了朋友在旺角食午餐，鬧市裏，這間cafe好有特色。環境寬敞之餘，木系裝飾亦好有文青feel，可能是因為星期日，人流特別多，幾乎坐滿，但侍應亦好快安排座位。這裏的點餐和送餐都是自助式，自己拿餐具。叫了個英式魚薯條英倫風sandwich($128)，炸魚配上特別的醬汁十分清新，不油膩。龍蝦酪梨白酒奶油醬汁餐車風brunch($148) 雖然簡單，但味道有驚喜。每碟都十分大份，雖然價錢稍為高，但豐富好食。另外亦叫了季節果昔($68)同迷迭香玫瑰花茶($58)，季節果昔應該是配了蘋果，上面有藍莓餅乾同citric zest做裝飾，味道同埋賣相都好有心思。總括黎講推介這個餐廳，若果平日冇咁繁忙時去，可能會更加吸引。…Read More