siu lai zii's Profile

有朋友試過呢間鐵魚，極力推薦，今日就約埋幾個朋友去試下！一坐低，店員就拿出前菜來招待我地，全部都係醒胃菜式，醃製過嘅芽菜同青瓜食落辣辣地好過癮，味道不錯，木耳好爽口，令人胃口大開。一口氣啪曬成堆前菜！由於我地都吾太食得辣，我地叫左青檸越式烤魚，湯底酸酸maymay好開胃，魚肉先兩邊煎香再上鍋，食落好鮮甜同嫩滑，而且條魚份量還很大，足夠二三人的份量。食完魚肉，我們仲叫左牛肉同不同海鮮，都很高質，牛肉脂肪同肉分佈平均，又吾肥膩，牛味十足！而海鮮盤都好新鮮，鮮味十足吾會腥。…Read More

係深水埗有吾少隱世食店，呢間食米線嘅小店，雖然舖頭細細，但係野食一d都吾馬虎！野食整得好有心機，一d都吾hea！我一向吾食得辣，食親都會流鼻涕好尷尬，但我又好鐘意食辣，所以叫左酸辣湯底，仲強調要小辣，出到黎，湯底口味好我！真係有辣味但吾激烈，加埋酸酸地，好開胃！湯底都飲左成半碗！我叫左墨魚丸，餃子同酸菜做，好好味！墨魚丸好彈牙！咬落仲有d墨魚粒粒，好有口感！酸味真係酸得好過癮，好開胃！餃子製作一d都吾馬虎，菜同肉比例好，我好怕d餃子一味得肉，會好膩，呢個恰到好處！讚！而且店員好熱情招待，感受到人情味！係香港，呢d小店已經買少見少，好食一定要推介俾更多人知！支持一下佢地！…Read More

蒸氣鍋係食極都吾厭嘅，今次黎開尖沙咀，就試下潮福。係潮福食蒸氣鍋，一定頂住個大肚腩走，因為除左有自選海鮮之外，仲有一d食物係可以任叫嘅！首先，一坐低就有一碟冷盤同乳鴿，仲有一人一碗湯。乳鴿皮薄肉嫩，調味得宜。而令我眼前一亮嘅係呢碗姫崧茸螺肉湯，一睇配料，就知好俾貨！非常足料，湯入口好清甜順喉！到主角出場啦！呢隻蒜蓉龍蝦吾使我講都知幾大隻！蒸熟之後，落口啖啖肉，好鮮嫩爽口！加埋蒜香，好滋味！再黎鮑魚同北寄貝！蟲草鮑魚好新鮮，上碟仲郁緊，當然味道冇得輸，口感彈牙，有嚼勁！北寄貝都吾差，味道好爽口鮮美！扇貝都好吸引呢！蒜蓉粉絲同扇貝一定係絕配！大大隻扇貝一啖係食吾曬架！好爽口彈牙😋呢隻青口，睇相就知幾肥美呢😋一入口，d汁即刻係口腔爆開，好鮮甜好滿足！本人好熱愛食馬拉糕，而呢件亦不得不讚，睇落平平無奇，食落口好鬆款，而且吾會太甜，大讚👍🏻最後梗係集合所有海鮮精華嘅南瓜排骨粥啦！粥底非常非常非常清甜！南瓜好甜，排骨肉嫩一d都吾鞋，食到最後雖然好飽，但係都忍吾住要食多幾碗🙈…Read More

打邊爐係有舖癮架，今日又同fd子去打邊爐，今次就試左呢間上品，味道不錯！首先，咸菜豬肚湯底都幾特別，一上鍋，可以飲下d湯先，湯底煮得好濃郁，呈奶白色，而且好足料，除左有吾少份量嘅豬肚之外，仲有好多雜菌，齋係湯底都忍吾住要不停飲🙈打邊爐點可以吾叫肥牛，呢碟肥牛脂肪同肉分佈平均，睇賣相都覺得吸引！食落充滿牛香，肉質嫩滑，吾會鞋烚烚👍🏻蟹柳同魚皮餃就同其他火鍋舖差不多，冇咩特別吾同。辣酒煮螺非常好食！調味剛剛好，吾會太辣😂醬汁完全滲曬入螺肉度，螺肉夜好肥美，鮮甜有咬口👍🏻下面仲煮左d粉絲，索曬d汁，好惹味！食完，店員仲送上一人一份小點心，係杞子桂花糕，味道清香！鮮榨西瓜汁都吾錯，真係飲到沙沙嘅西瓜蓉，吾似出面d死甜果汁。…Read More

Bbq野食幾時都吾會食膩嘅，今日就去左旺角安安燒度食，吾使自己落手落腳燒就有好野食首先要介紹下燒茄子，大大條茄子，配合埋調味料，燒到啱啱好，茄子好軟熟帶d微辣，好惹味👍🏻另外呢隻聖子皇都吾錯，好多蒜蓉舖係上面燒，聖子大大粒，好爽口彈牙，好滿足！估吾到呢度嘅燒羊架都好出色，肉質嫩滑吾會燒過火，好juicy，好香羊肉味！燒鮑魚都好值得食！38蚊就食到一隻，鮑魚彈牙鮮甜，配合蒜蓉好惹味呢！😋金菇係必食嘅bbq食物，當然都吾令我失望，好惹味多汁，令人忍吾住想食晒佢！…Read More

呢間放題有好多款式嘅野食，我猶其鐘意d熟食，其中最愛係芝士焗扇貝，厚厚嘅芝士汁覆蓋住大大隻扇貝，香濃嘅芝味加上爽口彈牙嘅扇貝，令我忍吾住encore再encore😋另外，燒鰻魚都好正！蒲燒汁同鰻魚係絕配，甜甜地嘅汁配合香滑嘅鰻魚，點煮都冇得輸！芝麻雞翼都好好味，雞翼整到外皮微脆，上面加上芝麻，食落份外香口👍🏻除左可以逐樣點嘅野食，呢間餐廳仲有小食吧，有多款吾同嘅小食，例如涼拌青瓜，醉雞翼，炸薯角等等，啱曬好肚餓即食頂下肚先🙈蔬菜類都有大把選擇，牛油粟米，好香好甜。仲有炒雜菌，幾款菇菌炒埋一齊，味道濃郁好爽口！ 水果方面，燒菠蘿係必食嘅，燒完之後嘅菠蘿比平時就咁食嘅更加甜，依然咁juicy！甜品方面我最愛榴槤羅米池，軟棉棉嘅外皮薄薄嘅，包住好多榴槤肉，啖啖榴槤香😋當然吾少得甜品吧，有各款吾同甜品同自己斟嘅乳酪食，酸酸甜甜嘅乳酪食落好開胃！食親放題都一定會捧住大大個肚皮走🙈…Read More

無論咩時候都會有舖打邊爐嘅癮，見呢度有藥膳雞煲食，當然想試下！一上枱，就聞到好濃嘅藥材味，由細到大我都吾抗拒藥材味，仲覺得好正氣😂雞好快就食得，好滑嘅雞肉，藥材滲透曬係入面，但一d遺和感都冇，好夾😋另外，醬汁都係由自己調製，一般醬汁配料都有。首先送上黎嘅係芝士響玲，亦都係我嘅最愛！店員送上枱會溫馨提示叫我地盡快食，同其他響玲一樣，落水碌一陣就食得，入口一陣香濃嘅芝士湧左出黎，配合炸到薄脆嘅響玲，真係味覺嘅一大享受😋😋😋另外，羊肉亦都好出色！我本人吾鐘意咁多脂肪嘅肉🙈呢碟羊肉脂肪比例就好啱我，羊肉浸落藥材湯底度，好快藥材味就滲晒係d肉度，但又吾會搶左羊香，好特別嘅味道！仲有呢個手打蟹粉墨魚丸都好讚👍🏻丸身好彈牙，仲間中食到墨魚肉粒粒！食到中間仲有驚喜，蟹肉好多，配合墨丸一齊食，啖啖滋味😋呢度環境都好好，有一大塊落地大玻璃，可以望住街景食野，感覺都冇咁焗促！…Read More

行開旺角，就想再黎呢間水上人食蒸氣海鮮啦！呢度d海鮮好新鮮，店員話係即叫即劏，款款海鮮上碟都非常生猛，特別喜歡呢隻龍蝦，由於新鮮，蒸熟之後非常鮮甜，肉質爽口彈牙啖啖肉😋隻蠔都好大隻，有我掌心咁大，係咁二點下d醬油吊下味已經帶到佢既鮮甜！另外，黑松露蒸扇貝都好俾貨，隻扇貝大大隻，配合埋黑松露，好特別嘅組合，鮮甜得黎又有點菇菌嘅淡香！另外黃金聖子皇都好鮮甜爽口，可見新鮮食材嘅重要性。最後，個粥都不容忽視！集合左咁多款海鮮精華煲出黎嘅粥，齋係陣味已經夠吸引，食落好重嘅海鮮味，配合埋葱花，好惹味😋唯一不足係個椰青吾夠冰凍，上枱暖暖地，吾夠完美哈哈。…Read More

最近有朋友盛讚呢間四川風味嘅餐廳，令到我都好有興趣去試下，果然冇令我失望！我一向吾食得辣，最先都好擔心會吾會吾啱食，但係原來菜式非常多樣化，總會有啱你胃口嘅野食。店員好細心，落order前會問定你食吾食得辣，佢地介紹左個bb辣嘅水煮桂花魚俾我，桂花魚好新鮮，肉質係估吾到咁嫩滑而有咬口，魚嘅每一部位都係咁鮮嫩，非常出色，而個辣度係連我呢個吾食得辣嘅人都接受到，可見佢地真係有照顧食客嘅口味👍🏻另外我地仲叫左兩道小菜，兩款都強烈推介！呢味雜菌炒牛脊肉我最鐘意！師傅炒得非常夠穫氣，醬汁調製得非常出色，令到d菇菌好香，而牛脊肉都非常嫩滑，我幾乎食晒成碟咁滯🙈仲有墨魚餅都好吾錯！墨魚打得好彈牙，配合埋酸甜醬，好開胃！相信冇人會吾鐘意食😋😋😋我地仲order左老闆娘介紹嘅竹蔗茅根，呢個係餐廳自己煲嘅而吾係出面買嘅，味道清甜，自家製永遠都係好d嘅！呢間餐廳真係強烈推介！店員親切友善，服務好好，好到直情令我有d吾好意思😂🙈…Read More

聽聞呢間餐廳打邊爐d食材好高質，今日就約埋d fd一齊去試下！我地叫左店員推界嘅雜菌黑松露湯底，店員建議我地飲一碗湯品嚐左先，然後先落d野食去碌，果然冇介紹錯 ！湯底清得黎有好濃郁嘅黑松露香，雜菌索晒d黑松露湯，食落味道更加豐富！我地叫左安格斯肥牛，牛肉紋理肥瘦均勻，一睇就知係靚牛！放係黑松靈湯度滾一滾就食得，完全吾使點調味料，味道已經好出，好鮮美嘅牛肉加上香濃嘅黑松露湯，非常出色！另外仲有個墨魚肉釀油炸鬼，上面仲有d魚子，店員教我地將魚肉果面放係湯度滾大概30秒就食得，果然，魚肉彈牙，加上油炸鬼冇放晒落去烚而保持到脆身😋另外要介紹返個餐廳獨有嘅女皇麵，原來係以老闆娘命名😂呢個麵口感好特別，食落qq嘅，又吾似一般嘅薯粉，值得一試！最後仲食埋個白桃雪芭，呢個非常好食！原隻白桃上，裏面有冰凍嘅雪芭，仲要有清新嘅白桃味，非常完美嘅完結。…Read More

今日同朋友係銅鑼灣行街，就想黎食呢間嘅burger啦！呢間d burger款款都好好味，好吸引！今日就試左兩款burger，一個係龍蝦漢堡！齋賣相已經好吸引！大大隻漢堡，造型又靚！龍蝦肉好鮮甜彈牙！配合埋芝士同特製嘅醬汁，一d都吾膩，一大啖咬落去，啖啖滿足感另外呢款鵝肝牛肉漢堡都好正！大大塊鵝肝係上面，微微煎香嘅鵝肝味道濃滑，加埋厚厚嘅牛肉，牛肉一d都吾'鞋'，幾juicy，份量多到mah大曬個口都咬吾晒咁多層🙈，一d都吾吝嗇！仲有我最愛嘅奇異果汁，飲得出係鮮榨嘅果汁，酸酸地，好開胃又解膩👍🏻…Read More

本人非常鐘意食海鮮，聽朋友講呢間粥底火鍋吾錯，就一於黎試下。果然都幾令我驚喜，呢度d海鮮好新鮮！款款上碟都好生猛，首先，店員建議我地先放雞，同粟米蘿蔔等材料，雞肉好快就熟，件件新鮮嫩滑！海鮮非常俾貨，上碟仲生猛到不停郁，海蝦直情就黎跳出黎咁（冇誇張到）！隻蟹好多肉，吾使點醬油都好鮮甜魚肉都好令我意外，我以為滾完會散晒，但佢不但冇散開，而且仲好彈牙，吾錯！不得不提個鮑魚，非常新鮮，見到佢上碟果時不停郁，就已經流晒口水，果然非常鮮美！其他食物都非常滿意！呢度係二人分量，都只係四百零蚊，好抵！最後食晒海鮮之後，店員會幫你煮粥，混合埋南瓜同葱粒，再加埋油炸鬼，煮完碗粥軟棉棉，南瓜又甜，正！食完真係要捧住個肚走！😋😋…Read More

同朋友行開旺角呢頭，就search下有咩好野食，揾到呢間餐廳，評論都吾錯，就試下啦！由於餐廳面積吾大，輪候時間頗長，等候期間都餵飽左吾少蚊子🙈我地點左二人套餐，前菜有羅宋湯，沙律，主菜我地叫左帶子牛肝菌忌廉意粉，帶子大大粒好鮮甜有咬口，意粉汁調得好好！好濃烈嘅牛肝菌味，加埋忌廉，食落好香濃順滑，味道好夾！另外仲叫左 安格斯西冷牛扒七成熟，火喉控制得幾好，牛扒煎得啱啱好，入口香嫩，牛味濃郁，吾會鞋烚烚，點埋酒香汁同黃芥末醬，幾特別嘅組合！再配埋個cheese cake甜品作結，不錯不錯。…Read More

雞煲試過好多間，但呢間令我有驚喜！小食有特色，食材用心準備。首先説説墨釀油炸鬼，第一次食咁樣嘅組合，墨魚肉釀係油炸鬼上面，再配酸辣醬，一口咬落去，食到彈牙嘅墨肉同脆卜卜嘅油炸鬼，酸酸甜甜，口感一流！到主角雞煲啦，雞肉非常嫩滑，吾會太辣，香料調配洽到好處。食雞煲當然吾止食雞咁齋啦，我地再點左響鈴同牛肉盤，響鈴令我好意外！(我吾肯定係咪自家製啦😂)，佢比出面食開嘅大舊，最正係裏面夾左塊大紫菜去炸，有埋紫菜一齊嘅響鈴真係好食好多😋另外個牛肉盤都冇令我地失望，有牛吾同嘅部位，有牛脊肉，牛柳粒，牛舌等等，每款牛肉都有吾同口感，肉味濃厚新鮮，不錯👍🏻值得推介👍🏻😋…Read More

難得放假咁悠閒，就同呀媽去行下街食個下午茶。東蔭公公真係吾錯嘅選擇！首先，要大讚呢個東蔭公湯底，我order小辣，加幼薯粉配埋個辣豬肉碎，一流！湯底味濃又香少少辣，幼薯粉好煙韌，最鐘意佢浸得耐都吾會發脹，豬肉碎葉得好入味，加埋一齊食真係好正！太配合啦！另外，生蝦都好吸引，非常新鮮，點上秘制醬汁，酸酸味味，好開胃最後，當然吾少得必叫嘅炸蝦餅啦！蝦餅彈牙爽口，調味得宜，非常香甜，配埋酸甜醬，真係好惹味！最後都要介紹下呢個本瓜乳酪，非常濃郁嘅木瓜味，絕不欺場…Read More