ouiou's Profile

睇完電視介紹，mark低咗呢間小食店今日出開深水埗就試下叫了生菜魚肉，加個煎餃添，原本想叫4隻，服務員姐姐力sell 叫8隻，我話驚食唔哂呀～姐姐話啲餃主要係菜，好好食一定食得哂，好啦😅，咁就叫8隻啦 生菜魚肉(細)小時候街邊食既生菜魚肉，生菜切粗絲，生放於碗底，再加滾燙魚肉湯，食既時候生菜仍帶爽脆的口感；但這裡生菜好少兼好淋。慶幸魚肉口感爽彈，有葱香果皮香。不過魚肉跟湯頭都偏甜，有點奇怪。。煎鴛鴦餃椰菜餃加韭菜餃，上到枱原來唔係太大隻，咁真係可以食得哂。。。正如姐姐講，菜多肉少，更加上馬蹄粒，夾唔夾就見人見智。可能加了馬蹄，餃子味道偏淡，連韭菜餃都比較淡。生菜魚肉湯如果唔好咁甜，其實都不錯，至於餃子，附近有更多好選擇。…Read More

誰會在開業初期去一些KOL吹捧的食肆咁笨？幾出色既團隊開業初期，都必定會出亂子，仲要排隊添？咪傻啦～所以幾鍾意飲茶都好，早已決定開業最少一個月後才光顧。趁今天風大雨大才去，貪不用排隊，果然，飛都唔使拎，即刻入座。雖自稱是過百年老字號，但"襟江"呢個招牌已經消失超過半世紀，還能算是真百年品牌嗎？新好舊也好，出品好才見真章。。。可惜。。希望越大，失望越大叉燒：聽說主理叉燒的師傅系出名門，賣相不差，肉質是好的，但味道過甜，甜得有點嗆喉，沒有燒味的香氣。伴碟的不是傳統“蠔油豆”，而是甜到漏的黃豆，質感味道跟紅豆無異。(其實係見到隔離枱柯打，跟人叫一碟，隔離枱食唔哂打包，侍應問我地兩個人食唔食得哂。。。。仲諗住好大碟😅，其實點會食唔哂！)燒賣：是傳統手切肉燒賣，可惜食粉(鬆肉粉)有點重手，吃不出肉的質感，肉味也被掩蓋了。雞扎：跟燒賣同一缺點，食粉重手。其中一件腐皮夾有毛髮，只好要求更換。雞扎內的魚肚有點發過了頭，溶溶爛爛的，惟一可讚是夾上鮮淮山。鴨腳扎：腐皮較薄，但味道調得不錯，是當日比較好的點心。芝麻卷併花生糯米糍是暖的，有芝麻味，不過不是兒時芝麻卷的質感，即不能攤開菲林卷進食😅。反而糯米糍很不錯，很軟糯，花生餡滿滿的，甜度剛好煎三色糕正常發揮，三款糕質地都偏“削”，但可以接受。會比多次機會，下次會試下“錦滷雲吞”。不過可以肯定這不會是我飲茶的首選酒家。…Read More

食完好耐，而家先補食後感。。姪女考完試，諗住搵啲好嘢食慶祝下。見到網上個個拎杯菠蘿特飲打卡，就即管試下。千揀萬揀，揀了最唔貼題的分店，貪就腳，就揀咗呢間。餐廳其實在food court 入口，感覺就係food court的一部分。(其實佢9成分店都不是seaside🤣)講番食物先來一杯“熱情金菠蘿沙冰”$68，味道尚可，不過成本應該去哂呢個不能重用，食唔到飲唔到，只係用嚟打卡既菠蘿仔身上，所以杯嘢唔平也不值這個價錢，飲到尾糖水沉哂底(菠蘿頂住，根本搞唔到)，有啲甜。姪女要咗杯“濟州柑橘乳酸手梳打” $48，齋睇賣相，完全跟名稱連不上，跟侍應再三確認，佢話就係呢杯。咁呢～都係一杯好普通既飲品囉～食物方面，柯打了-明太子蟹肉飯卷這個飯卷正常發揮，飯面的明太子醬，明太子跟沙律醬的比例是 1：99😅，完全食唔出明太子味道。-山薊菜大蜆意粉份量OK, 但不見山薊菜(artichoke)蹤影，蜆肉跟意粉味道不錯。-甜辣(有骨)炸雞(半份)這個值得推薦，份量跟味道都很好，如果再幫襯，應該只會叫炸雞食。至於服務。。。乜有服務咩～全部侍應圍埋傾計，可能客唔多啦最後同姪女得出一致comment， 有啲餐廳，真係試過就算。…Read More

同姪女閑逛新商場，選了這家裝修簡約，有點日系feel的餐廳食lunch，結果。。。。中伏了食物端上來時是很吸引的，但食物放進口便露底牌了😖烤北海道帶子虎蝦蛋包飯點菜時，侍應問我要什麼汁？有日式咖哩、萫茄、奶油磨菇及蘋果燒汁，心想選了帶子虎蝦，就揀個無咁濃既磨菇汁啦。。。。點知真係淡如水，既無奶油味，也無磨菇香，連磨菇影都無，只是稀溜溜的普通預制剪袋白汁底，比茶記既白汁都不如。帶子可煎多1分鐘，蝦倒是不錯。烤七味黑豚爽肉餐牌說是烤，其實是上粉炸，仲要炸到硬掘掘。唯一可取是蛋及飯，咖哩汁還可以😔價錢不算便宜，但這質素真的不值，很明顯工場預制，店舖剪袋的料理。…Read More

30/12/2022食完，今日先有空寫下劣評趁學校假期，同姪女入去愉景灣行下影下相一路都影得好開心，點知。。。。。。食飯時就中伏，只怪自己無睇食評就入去。坐低睇咗輪餐牌，心知不妙，因為啲相既賣相話比你知呢間唔係越南餐廳。穩陣啲，叫個香茅豬扒飯，外藉侍應話無豬扒。轉手撕雞湯河，sorry, 無手撕雞。。轉海鮮海蜆紫菜湯河(見佢menu寫住from local market daily), 點知無蜆。。。。外藉侍應建議幫我轉哂做蝦，咁佢都好好禮貌嘅，就要蝦啦。結果。。。。正如其他食評咁講湯底無味雪藏無殼蝦無味整碗粉就好似滾水加河粉加白烚雪藏蝦加一堆香草😭😨 也不見紫菜蹤影。姪女叫咗香煎雞扒撈檬上枱既雞扒係上咗粉漿炸既，絕對唔係煎，而且係凍既。最差係嗰個越南菜靈魂“碌冧” nuoc cham,味道不知所謂，根本只係魚露，得個咸味，完全無調過味。因為沒有做好碌冧，所以另一個小食，炸軟殼蟹米紙卷也大打折扣，令人好失望。睇餐牌，店主標榜新鮮食材，給客人一個“不同”的越南菜用餐經驗。唉！算吧啦，整餐飯最出色的就是兩杯柚子梳打，專心做好一間酒吧算啦! …Read More

從小到大，最喜歡食瀨粉，但這間瀨粉跟食開既很不同，比較軟淋，不似坊間的爽滑，正如另一食評所講，當食米線好了。車仔麵形式，叫了蘿蔔,竹笙,魚片頭及香茅豬扒。專登點清湯試功架。湯是很清淡，加上薑碎，大頭菜，肉碎，蛋絲，不過不失。蘿蔔味淡，煮得未夠身，不淋。魚片頭正常雪藏貨色最差係豬扒😤，麵先上，隔了幾分鐘豬扒才出現。諗住豬扒另上應該會香口惹味，點知又乾又凍。都無期望即煎，但好明顯塊豬扒攤咗好耐，又無翻炸😡因為趕時間，都費事出聲，用湯浸暖食算數。應該唔會再幫襯。…Read More

朋友介紹，加上不少好食評，第一次光顧。可惜希望越大落差越大。點了:北海道帶子沙律蟹餅羊架肉眼扒(原本想柯打海鮮platter,不過暫停供應)沙律普通，蟹餅應該加了魚肉。羊架有4件，但薄切。味道一般，是炭烤吧，因為碟上有很多炭屎,LOL很乾，我寧願出2件，但厚切。配菜也很出事，除了那條蘆筍，其他如南瓜、烤蒜根本未熟。肉眼扒尚可，但明顯攤涼了，那個另外盛起的紅酒汁更凝固了，倒不出來，要用匙羹，已不是汁，是"糕"。會唔會有下次，未知，可能食普通pasta, burger會好啲。…Read More

一條冷，未夠鐘上堂，簡簡單單就試呢間。點了:菜乾豬骨粥 $25豬膶腸粉$22粥味道不錯，熱辣辣，係舊式粥品的味道。菜乾打碎了，粥內有一件小豬骨，如果有蠔豉就更正。腸粉很滑，略嫌米香不足，豬膶調味不錯，恰到好處。樓面人手不足，阿姐又要出菜，又要落柯打，又要接外賣，仲要做埋收銀，勁!可以再試，下次要試鴨腎菜乾粥同招牌腸粉至得!…Read More

第二次幫襯，無論食物或侍應態度都令人滿意，唯一要彈的就是那位長髮四眼收銀兼派位阿姐。第一次來不用等位，今次因為是星期六，預了等位，但....她的派位方法只能用一個字形容..STUPID告訴她2位, 她寫下, 然後縐一縐眉, 目無表情的說..唔..無辦法喇..你地轉頭再返來啦...下一個又是2位, 又是同一番說話; 再來多3位, 又是同一番說話...但由頭到尾都是佢自己MARK低人數，卻無給我們任何號碼飛以示先後，如果我地聽佢講行開再返轉頭，肯定有排無得食, 否則實比人打尖, 因為呢位阿姐由頭到尾都無望任何客人一眼，連眼尾都無"稍"一下...根本唔知邊個先邊個後..結果真的給人打了尖...見他們年紀大都廢事出聲...跟住又係咁..當然唔可以啦若果不是男朋友喜歡吃這裡的燒鵝及叉燒，見到這個寸爆阿姐已經反哂胃...我見到一個婆婆埋單比錢, 都給她大聲喝罵, 另一位在等位的人客見到都搖頭說：呢到係咁架喇...若要幫襯, 最好燒味檔那邊門口入(由近亞皆老街那邊), 那邊的收銀好人得多。店內侍應服務9 分, 但那位阿姐-10分, 所以服務得1分…Read More

逢初一十五食齋，早兩日十五，唔得閒自備齋菜，所以老遠由尖沙咀行去佐敦普光齋買外賣。原來每天都有2款"快餐"供外賣，只售$15 (仲有飲品及點心一款), 價錢好吸引不過賣相唔吸引；所以另外叫了一碟"福建炒飯"外賣，外賣部阿姐已經話今日齋期，會等耐啲，心諗20分鐘咩都煮起啦，故繼續等.....結果等了35分鐘...仲要比人(熟客)打尖, 遲來先上岸。算啦, 阿姐都警告過我...其實對上個初一都同朋友係到食飯(散座), 當日叫了芝士焗西蘭花, 齋鹵味, 及雲耳炒麵。齋鹵味好快到，成碟食完再等了30分鐘先上炒麵, 再等5分鐘上埋西蘭花，因為當日樓面同廚房都掛住招呼"周秀蘭"個枱。味道ok啦, 不過西蘭花就有啲失望, 都係食啲真正齋菜好。下次都係唔好懶，行遠少少去"六榕仙館" 好過(雖然佢地啲廚房食肉, 上次去到聞到好大陣肉味, 原來廚房蒸魚, 佢啲樓面又大大聲講馬經, 不過食物味道比普光齋好)很懷念小時候跟家人到"東普陀" 食和尚煮的真正粗齋。…Read More

不要怪人不懂warm water , 外國人只得water(cold)/tea(hot), actually 外國人好少係晚飯時候齋飲水(就算飲, 都係要另外比錢既mineral water 或者perrier啦)，試問邊有人飲暖perrier吖。何況外國人都無話"怕生冷嘢" 概念, 咁就緊係唔知你想要咩啦。好多香港人(食評)投訴人地餐廳唔比水, 上菜慢, 咪又係文化差異囉, 要品嘗其他國家的美食, 唔該大家真係尊重下人地文化, 尊重下自己啦, 唔好咁cheapy…Read More

唔明點解編輯會將這間餐廳的消費評為-儉($40以下)無可能囉, 除非你只係去飲杯咖啡最暢銷既九道菜都要$298 (未計加一), 不過佢而家好似做緊promo, 四送一, 即四人同行, 一人免費(不過加一照以四個人的總數去計), 我原本都唔知, 有日係別府食飯, 佢地埋單時比張coupon 我, 睇真啲原來係c'estbon, 咁就好似抵食啲, 即平均每人250 左右, 平左少少啦!編按: 平均消費資料已更正，謝謝指正。…Read More

原來杏花邨都有別府架, 不過比起其他分店就細啲喇。成個杏花新城, 得佢同元祿, 緊係去別府啦。嗰日同男朋友及佢阿哥一家(住係杏花邨)落到去, 原本想去稻香, 不過佢姪女話想飲"非常高興",咁就去別府啦。原來"非常高興" 係一杯幾種果汁溝埋既飲品, 酸咪咪, 幾好味。佢地出咗新menu, 試左嗰石狩鍋, 有魚有肉有菜, 味道ok 啦;另外叫左煙肉卷、醋鯖魚(又係酸咪咪開胃野, 不錯)、和牛、刺身併盤(諗住這個商場咁靜, 刺身唔慌新鮮, 但嗰晚啲刺身唔錯噃), 仲有叫咗拉麵, 男友阿嫂最鍾意(佢食四辣, 勁), 再加個炒飯, 不過不失啦。最得意係嗰個芝士香蕉天婦羅, 我男朋友最憎食香蕉, 佢唔食仲好, 啱啱一人一舊, 味道都唔錯, 不過佢地介紹係甜品就有啲牽強!大致上食物同服務都唔錯(女仔好過男仔), 藉得一試！除咗"非常高興", "蜜糖笨兔"都好好味(不過都係有香蕉既, 哈哈！)…Read More

原本星期四晚同男友去試COVA新出的甜品buffet ($128), 無得訂, 於是男友6:50左右去位, 點知去到門口, 鬼影都無隻, 棟係門口5分鐘, 都無人理佢, 於是行開一陣, 諗住轉頭等埋我再番唻7:00左右, 男友見到有人排隊, 佢都唔執輸啦, 排第四, 諗住一定有位, 點知.....唉, 排佢前面位阿姐要10位, 等一陣, 個waitress姐姐就同佢講, sorry 無哂位, 我男友心諗, 就算前面阿姐要10位, 都係入14位, 咁快無位??? 原來這個甜品buffet 限量發售, 每日只係撥幾張出唻玩, 我男友幾嬲呀一心想食甜品buffet, 點知一場空, 係個場兜下兜下, 又比我地搵到另一食點喎, 就係PAGE ONE 書局隔離的PAGE ONE CAFE 喇, 佢地都有甜品buffet (7:30 - 9:30 $108, 8:30 - 10:30 $128)佢地甜品仲多選擇(COVA 得12款咋), 美國芝士蛋糕、檸檬芝士蛋糕、雲石芝士蛋糕、曲奇香蕉蛋糕、Double chocolate, passion fruit mousse cake, cappucina cake, mango pudding, 蜜桃拿破倫, 綠茶蛋糕....最正係佢地雪糕, 係出名"木田原", 有成十幾款味道, 加埋窩夫, 熱香餅, 最後加埋咖啡/茶, 都幾滿足架, 結果我地食7件cake, 2碟waffles, 4杯雪糕,,,,捧住肚走....…Read More

差點忘記了這間餐廳，開張第一天已幫襯，但只此一次, 感覺是不去也罷。已經有心理準備第一天會亂, 要等, 但估唔到會咁。叫了二人餐, 有"海南雞"(他們不是叫海南雞的, 但忘記了叫咩, 不過切切實實是海南雞囉), 炒菜, 炸春卷, 蜆湯, 糙米飯, 甜品, 預咗份量細, 所以叫多個"青口"。當日客不多, 應該是真正比錢幫襯的客不多, 唔使錢老闆請來試餐的客就多。幫我地落單個經理好叻囉, 唔使寫低, 記得我地叫咩(actually 都係兩個order啫)預咗漏單, 結果真係。二人餐嗰海南雞好快上, 份量超少, 比大家樂份量還少。我和bf一人3件咁多, 味道一般。等左好耐, 等到呆左都無人理我地，之後上湯, 都係一般, 反而春卷熱辣辣, 唔錯。再等左好耐, 炒菜上場, 嘩, 我以為去錯隔離別府, 食炒野菜哩, 炒椰菜, 一人兩啖食哂。諗住青口要煮耐啲, 就唔吹佢啦。於是問個侍應二人餐嗰糙米飯係碟上定碗上，點知佢答我係跟海南雞上嗰喎。吓！海南雞食完好耐囉噃，其他菜都食哂, 咪無嘢送飯囉。嗰侍應聽完好驚咁即刻出一碗飯比我地, 記住係一碗囉, 一碗好似酒樓細碗仔size咁大。因為已經無哂餸, 我無食囉, 我bf食左一啖都唔食, 因為無味，諗住等青口到才食埋佢。我問個侍應, 二人餐係唔係得一碗飯, 佢竟然話係。我見隔離枱都係叫同一個餐, 但有兩碗, 問佢點解, 佢話唔知！不過隔離枱啲飯都係食完哂所有野先出囉, 好明顯係樓面廚房無溝通邊個負責出飯囉。又等左好耐, 忍唔住問個經理(落單嗰個)追單, 因為青口仲未上, 佢無厘表情點吓頭, 跟住行開, 然後甜品都上埋, 佢先好似小新做錯事既表情, 笑住話無落單, sorry都無聲就走開, 個captain見我地黑哂面, 就行埋來say sorry, 話請飲咖啡, 話新開張同事唔熟手, 我答佢係經理幫我地落單, 佢竟然答我"等我坐佢個位就唔會發生咁既事"，所以一句講哂, 這間餐廳, 不去也罷。…Read More