tsztsztszching's Profile

落雨天想食拉麵，行去登龍街係衣間冇長龍，咁就等咗幾分鐘執好枱入去了。舖面細細的，坐到20人左右。我倆二人點了拉麵同小食。。。我點了味噌拉麵半份，好多芽菜，但白烚咁冇味的湯一般啦，唔覺得特別濃同冇味噌味，個牌話湯頭係北海道空運過嚟的。。。但真係好一般喎。叉燒同麵都ok的，份量叫半份就好啱女仔食。家丁點了灸燒五花叉燒醬油拉麵，佢鐘意醬油多啲因為比較濃味，但我試咗就覺得有啲豬騷味，五花叉燒就比我個拉麵嘅叉燒好味，肥瘦分明啲同灸燒咗香口啲。點拉麵加$20有2件蟹肉忌廉薯餅同汽水，衣個認真失望，好現成買返嚟嘅感覺，啲忌廉唔香，有添加味，唔好味。另外加$15的3隻餃子同汽水，餃子係全晚最好味的。。。煎得香，肉同菜餡都好夠味。拉麵係失望的，薯餅更不用多提，有乜理由最好味嘅係餃子冇長龍都係有原因的。。。…Read More

用了某apps臨時訂枱，6點半都趕到7點鐘的65折優惠，實在太抵了有折覺得咩都好抵!先來一個mac & cheese，好細碟呀。。。但好好味呀! 拉絲的芝士，白雪雪的汁掛晒喺啲通粉度，真係好好味Burrito加了10蚊選Angus Steak，都有唔少牛肉佈滿成個burrito，入面有飯，黑豆，生菜，蕃茄等等，好大舊好飽。。。味道都係意料之內的。又一個驚喜之選，平時成日叫nachos，今次見可以選fries喎，一於試吓!配埋pulled pork好夾好正呀! 好味的guacamole 同sour cream，仲有好多芝士!不過太大盆了，食唔晒…Read More

上網book枱，6點半價!!6點半都係得9折咋，緊係6點趕嚟啦!友人趕緊6點前叫咗happy hour啤酒都係38蚊咋!脆皮嘅腩肉，皮堅係脆!肉就夠淋，仲有燒薯仔，好好味呀!hanger steak medium well done，done 可選side dish，揀咗沙律。個牛好有肉味好juicy，但share食細咗少少。400g size的龍蝦，好好味呀!估唔到咁好味!係焗過的，仲有好多膏，好爽口，仲有粗薯條等咗好耐先到的fish & chips，魚好有咬口，炸漿好鬆脆，加埋他他醬好正呀!我哋仲加咗甜品，sticky toffee pudding，有啲棗味嘅，仲有球好多呍呢嗱籽嘅雪糕，pudding好濕潤好濃味crumble反而比下去了，但都唔錯，酸酸哋，但啲莓核un牙囉。上網book攞衣個優惠好似只可以用餐個半鐘，但傾吓傾吓坐咗4個鐘都冇趕走，好抵食，一定會再返嚟!…Read More

本來係想幫襯同大廈另一間的，但見orange tree都有buffet又未試過，咁就入咗去了:)一行3人，開始食自助頭盤先，但冇影到相有吞拿魚蛋沙律，好味，好甜的西瓜同橙，燒過嘅矮瓜翠肉瓜，好多款嘅cold cut，沙律菜，包包同酥皮脆條，全部都唔錯呀!每人叫一個主菜share食。豬柳，邊位最多醃料仲帶少少肥最惹味仲有啲新薯同紅蘿蔔，質感剛好!牛排薯條，牛排肥瘦適中，自己覺得肉味可以再濃啲，薯條少少粗夠熱，都好味!海鮮risotto，有小青口，魷魚，帶子呀咁。飯唔算超濃郁但都剛好。包啡茶，甜品要加錢的，$198加一唔包湯同甜品就貴咗啲，但嘢食都唔錯嘅，可以再返嚟。…Read More

OT的今晚8 9點先嚟到晚餐。冇乜人，但唔知係咪太肚餓呢覺得幾好味喎。二人叫咗3樣食物，每碟都幾夠份量的。豬頸肉當小食，都好大碟吓呀，燒得好香口，少少脆，可以點埋啲辣汁更惹味跟住係冬蔭公肥牛河。冬蔭公好好味!覺得係正中嘅味道，好似落咗好多香料，好濃郁的。反而肥牛有少少靭，可能整得太熟了，不過最緊要係個湯緊係要食pad thai啦!打開咗就係咁喇~ 個粉煙煙靭靭，少少酸酸甜甜好開胃呀，個蛋都係正常咁啦薄薄的。2人食晒!有啲太飽但滿足地回家…Read More

星期六嚟開銅鑼灣，衣度7 8點度坐滿晒人，都等咗10分鐘度先有位。爭扎好冇叫二人餐，2百幾，最後都係散叫叫想食的。洋蔥湯，好似唔係太熱咁，下面得好少湯，可能比舊包吸晒啩。。。但啲洋蔥都好甜嘅。散叫要$38就普普通通啦。蕃茄忌廉煙肉意粉。都有幾多汁，有啲菇呀，煙肉，洋蔥。不錯啦但冇乜驚喜咁囉。三文魚牛油果焗飯，唔知點解牛油果有少少苦味，三文魚都算比得多，有好幾舊，但略嫌份量比較小，普通白汁又係冇乜驚喜囉…Read More

唔係同事帶都唔知衣度有間墨西哥餐廳，嚟到地方不是太大，但入座率都偏低。有lunch set兩款，我地都叫咗108嗰款，taco每set有兩件tacos,可選雞肉，豬肉或牛油果。問咗唔可以一set揀兩款，唯有4個人叫晒3款share食啦。一盆盆咁上，我試咗衣個豬肉同牛油果，豬肉係少少爽咁嘅，燒得都好入味，而牛油果係一個驚喜，好滑好多醬餐仲跟一個湯，好似係豆蓉啩。。。同埋一個冇味嘅飯。問人攞咗支辣醬撈飯食好好多。其實個份量係偏少的。我哋加28蚊可以有churros或飲品。叫咗2個churros，一份都已經有4條熱辣辣可加埋焦糖。我本身好鐘意焦糖但衣個有少少膠味咁 食埋甜品就夠飽喇…Read More

其實openrice有咗訂枱功能真係好方便，今次揀咗check in taipei食晏都係喺度訂，啱晒懶人。店子小小的，午市尤其繁忙。同事叫咗蕃茄牛肉麵，濃濃的蕃茄湯好味!試咗佢嘅牛肉都好夠淋，唯獨同事覺得啲麵淋咗少少，因為佢比較喜歡有咬口嘅麵。我就叫咗台式便當: 小食選鹽酥雞，主食係魯肉撈麵，撈完先記得影相都有好多件雞呀，炸得都幾鬆脆啦，啲魯肉半肥瘦，好軟淋，撈麵食一流，仲有半隻蛋同醃蘿蔔添。午市包一杯紅茶或綠茶，亦都可以加錢轉珍珠奶茶呀嗰啲嘢飲。杯茶好細杯，下次都係加錢轉嘢飲…Read More

佛誕假期懶懶喺屋企比朋友召喚去咗下午茶，好在朋友訂咗枱如果唔係未必有位。其實主要都只係叫飲品。朋友的蜜糖咖啡，話蜜糖令到酸酸哋，好似麻麻哋喎。。。我唔飲咖啡叫咗honey lime, 味道淡淡哋，普通囉。。。另外叫咗兩杯Lex Drink by Venchi, 一杯original一杯mocha, 我只係偷飲咗original, 杯入面係朱古力冰，有樽熱奶比你加入去熔咗啲朱古力就變咗朱古力奶喇!但佢加咗薄荷葉唔好味，同埋朱古力味唔濃同應該係黑朱古力所以唔夠甜。但個模式係幾特別嘅。加咗奶就係咁喇：我哋仲叫咗個mixed berries waffle share, 啲醬好多果核同都酸酸，好在有雪糕中和吓，但整體我就麻麻哋。偏貴，覺得唔多抵食。…Read More

星期一返工最痛苦，最開心就係同好同事食晏訂咗枱即刻有位，set lunch包前菜，主菜同甜品或啡茶。前菜可選湯或沙律，我哋都揀沙律，有菠菜，炸薄脆，熟嘅三文魚，沙律汁酸酸甜甜好開胃。主菜我哋揀咗pork belly with pumpkin puree同sea bass risotto share。pork belly有三大舊煎得香口，隔沙肥幾好味，不過個皮靭到冇辦法咬開，同冇汁係有啲乾的，要加埋甜甜哋的南瓜蓉食。另一個係risotto，魚就正正常常啦淡淡哋，但個飯加咗好多薄荷葉係我哋都唔喜歡的。，食淨好多。見到隔離枱叫咗portobello burger仲有薯條好似好食啲囉最後我倆都揀甜點唔飲嘢，餐牌寫banana pudding但嚟到嘅係似蛋糕質感，好濕潤，上面仲有層cream，有驚喜喎。衣度如果12點9前埋單會有8折的，不過真係不能夠咁早到，享用唔到…Read More

每一次嚟深水埗都一定係食狗仔粉每一次嚟食狗仔粉都一定叫衣三樣: 細粉，細翅，大雜細粉係狗仔粉，軟軟淋淋嘅粉配少少冬菇碎肉碎之類嘅，湯底係少少杰杰哋的，加埋有辣有唔辣嘅菜甫粒有不同層次嘅口感細翅係碗仔翅，一啲都不吝嗇鴨肉絲，木耳絲，比起出面一般嘅碗仔翅衣款係星級版大雜係大雜會，可選辣度，有豬肚，大腸，豬皮，蘿蔔，其實本身啲送係淡淡哋的但加埋啲濃濃嘅汁就好正，有少少甜味嘅。啲送夠晒淋，本人就最鐘意大腸，好肥美唯一係夏天去唔夠冷氣好熱，但我都會繼續支持的…Read More

星期五放工8點幾嚟到銅鑼灣，好多食肆都排長龍，見到衣間日本嘢唔太多人等咁就一於試吓啦。攞飛後5分鐘就有枱。餐牌上都有十款八款定食，亦有刺身飯同丼可散叫。為食嘅我哋梗係食定食啦。我叫咗個滑蛋豬排定食，配有炸蝦、魚、野菜天婦羅，沙津，麵豉湯。個飯都有好多蛋，天婦羅炸粉都脆，但硬係冇乜驚喜咁另一個係燒雞定食，其實都係一樣，只係冇飯但配蕎麥麵。個麵算彈牙同配冷麵汁都好味，但燒雞只係得兩串仲要梅花間竹咁串埋雞肉同雞軟骨。對於唔吃軟骨嘅我就覺得太少肉了。兩款都係$135加一，但冇乜驚喜咁收衣個價我覺得唔係好抵食。…Read More

星期六嘅晚餐，8點幾到，等咗一陣執枱就有位了。兩人只叫咗1個pizza同1個pasta.Pizza係至尊，有少少肉，舞茸菇呀洋蔥咁。差不多成2百蚊個pizza實在太少送了!個批皮都見得有咩特別，係普通嘅厚批，又唔鬆軟，偏硬的。另外叫咗蟹肉意粉。都幾好味嘅，算有幾多蟹肉，仲有啲椒呀咁，個白酒汁都好味的，但係。。。太細碟了!又係成百幾蚊喎。。可能我哋太慳啦但真心覺得唔值平時食pizza我都只係食到兩件度，但今次平分咗成個批每人4件加埋意粉，食完都覺得唔太飽。講真食pizza hut好過。。。…Read More

由於奶奶係素食者，我哋兩家人一齊嚟咗貴德宮食母親節午餐。先嚟嘅係頭盤，中間嘅青瓜沙津汁酸酸甜甜好好味，仲有鮑魚好像真，連個底都整到好似真鮑魚咁有少少黑色，口感彈牙唔似出面一般嘅素鮑魚咁，有驚喜。跟住係福袋冬蔭功湯，福袋面有啲雜菜絲咁，湯都不錯。有長老唔食得辣佢哋即刻換咗個唔辣嘅紅菜頭湯，好貼心。炸物有雲吞同炸蠔。雲吞有少少鹼水味，但蠔啲味好似真!面啲紫菜就係精髓燒茄子入面釀咗啲素肉，都幾香口好味。衣個雜果炒雜錦我就唔喜歡了，酸酸的有啲薑味，唯一好味係入面有啲炸山根咁嘅少少脆咁有啲似咕嚕肉。衣個蕃茄芝士餅味係幾好嘅好似pizza咁，但自己覺得下面用塊米餅有啲hea...老火湯冇肉都好甜呀。咖哩入面有薯仔，魚旦，牛丸，好似真的!咖哩都唔係好辣，配多士，飯都可以免費添食。枸杞豆腐配紅菜頭汁，枸杞本身有啲苦，豆腐就好滑嘅，整體就普通啦。最後有桂花糕做甜品，有杞子同有啲龍眼味，少少咬口唔係一般大菜糕，應該係蒟蒻。佢會keep你個電話等下次再嚟會煮唔同嘅菜式的。母親節都冇乜加價算係咁。下次再嚟睇吓有咩驚喜。…Read More

2個好姊妹帶我去食生日飯7點前去到完全冇人，大部分員工都係韓國人，帶位後話用餐時間係90分鐘。。。但其中一個遲到，唔理了，我哋兩個選擇困難症都係等埋先落單。未落單已有小食端上。泡菜，粟米，醃蘿蔔。友人到了爽快點菜，先嚟紫菜包飯。我哋選咗傳統口味，正正常常咁囉。。有火腿，蛋，蘿蔔絲，醃菜。。。跟著就到了主菜，大串燒! 餐廳喺每個位上面都裝有鉤，原來就係咁用！串燒都幾大份，有豬 牛 雞 菇 腸 菠蘿 洋蔥 椒 南瓜跟著有oppa過嚟，先拆一半肉，剪成小舊開始煮喇!等咗一陣就食得喇! 比較出色嘅係好多汁嘅菠蘿，同嫩滑嘅雞肉，豬肉都半肥瘦:)仲配生菜同醬料過咗陣上埋芝士蛋卷，好大份味道都係正正常常冇乜驚喜。總括嚟講佢啲食物雖然大份但都幾貴，味道都係一般啦，不過最緊要同好姊妹一齊見識到個大串燒，試吓新嘢咁。…Read More