ALZK's Profile

同好耐無見既friend 子食飯, 梗係雞啄唔斷啦~ 所以飯後甜品唔少得~同朋友仔一人叫一客甜品, 聞到隔離枱朱古力心太軟香到不~得了, 所以叫左士多啤梨厚班戟 配士多啤梨雪糕($65) + 培茶心太軟配綠茶雪糕 ($60)。厚班戟係哩間店既招牌菜, 果然無令我失望班戟軟、滑、彈, 口感好似棉花糖, 又不失蛋香。雪糕都好味, 富士多啤梨味, 唔太甜唔太奶, Fresh~可惜培茶心太軟有D失準, 唔及朱古力香, 而且心太軟上層有D下榻, 唔夠完整。下次都要試埋朱古力心太軟…Read More

經開灣仔搵食, 見到有龍蝦叻沙咁招積, 就吸引左入去lu~ 因為想食魷魚, 無叫龍蝦叻沙, 反而叫左招牌海鮮叻沙。招牌海鮮叻沙 ($59) (2.5/5分) : 叻沙黎到, 當然要先試湯底,。可惜唔知係咪叻沙醬唔夠, 所以叻沙味唔出, 加上似乎椰奶不夠豐富, 所以令湯底唔夠順厚香濃。而辣度適中, 不太辣。而海鮮配料有蝦, 魷魚, 大魚蛋同魚片, 但鮮甜味不足。反而大魚蛋有驚喜, 肉身脆滑, 唔會厚實多粉, 而且體積頗大, 唔知係咪來自長洲。米線都沐沐地啦, 個人認為如果爽D會好D~整體黎講價錢唔貴, 但覺得Toast Box叻沙味道較佳~~ P.S. 店內裝潢以足球為題, 莫非叻沙同足球係有關? 最欣賞全身鏡貼有巴西球衣貼紙, 好搞笑…Read More

好多年前試過兩間沾麵, 味道同印象麻麻, 一係杰撻撻, 一係太濃太咸, 所以有得揀都未必揀沾麵。經屋企人推薦, 所以試試<麵屋福>。小店位置唔係響大街, 又小小隱世Feel~麵有三款, 我叫左魚介豚骨沾麵 ($73)。屋企人叫左黑蒜油豚骨沾麵 ($83), 另加味荀 ($10)。因為本身愛食硬麵, 所以特別請店主提供硬麵。- 麵: 麵黎到見都麵係粗身, 外表似烏冬, 一咬落去麵身煙韌, 有麥香。- 湯: 雖然湯表面上好似有層油, 望落去感覺有D油膩, 但驚喜地食落爽薄, 唔杰唔張口唔油膩, 反而有油香同豚骨香。 雖然湯上有少許魚介粉, 但我還是喜歡不加魚介粉, 另湯頭豚骨味更突出~ - 叉燒: 麵附有叉燒兩片, 與其話叉燒, 其實話豚肉好似較合適, 因為口感1) 軟滑, 2)肉味濃, 3) 唔肥膩, 4) 唔乾身, 好味~ - 日本半熟蛋: 湯入面竟然有一整隻流心蛋, 因為蛋無切開一半, 反而係完整一隻放在湯中, 所以一口咬落去, 好似心太軟咁, 蛋汁流出, 好香蛋黃味~ 可惜口唔夠大, 如果整粒放入口中, 蛋味圍繞口腔, 相信更正- 味荀: 不得不推介味荀份量夠兩個人分, 本身鍾意食荀~~ 味荀甜甜地, 口感又爽, 唔會太咸, 令到湯底味道多一層次!食到最後, 店員會替你加湯於沾麵湯中, 令到湯稀一D , 可以直接飲用, 但其實我覺得不加湯的稀杰度都OK, 唔會太杰。相比屋企人食既黑蒜油豚骨沾麵 , 反而更愛魚介豚骨, 因為味道唔會因黑蒜油而變得複雜, 味道更分明及和諧~~整體能成功令我對沾麵改觀 眼見係小店, 相信要多D支持, 希望可以Keep 住做落去, 保留到性價比高的食店~…Read More

情人節要食好D! 早餐當然要去最愛既茶餐廳 好在未過早餐時段, 要返過早餐乙呀唔該~- 仿鮑魚絲火腿通粉 (4/5分): 食火腿通, 最怕湯頭淡茂茂。好彩見到湯顏色香濃,  入口充滿忌簾雞湯味, 通粉唔淋, 熱辣辣, 正- 奶茶 (4.5/5分): 和奶茶深深一吻, 來代替講話, 好嗎? 金記奶茶係我最愛奶茶其中之一, 奶味香濃, 入口唔厚唔薄, 直接滑落喉嚨, 即使奶茶放耐左,奶茶表面 都唔會有層"衣", 好野- 多士及煎蛋 (3.5/5分) : 煎蛋普通, 但多士鬆軟香脆, 牛油上灑上白沙糖, 好味, 如果有機會配埋<波士冰室>既丹麥多士就Perfect~!…Read More

唔講唔知, 沙田陳根記竟響大埔化身為饑落亭, 究竟兩店味道有無分别? 當然要試試佢~一行四人, 叫左三餸一麵。黎到當然要試下招牌菜Wasabi 蟹籽手撕雞  ($145) + 冬陰公浸蜆 ($85)。而大排檔風味亦唔少得豉油王炒麵 ($58)。- Wasabi 蟹籽手撕雞  ($145)  (3/5分): 份量頗多, Wasabi 味頗嗆鼻, 但雞味唔太濃, 如果多返少少沙律醬味會更開胃。- 冬陰公浸蜆 ($85) (3/5分) :  冬陰公係清湯哥隻, 應該無放椰奶, 本人較喜歡有椰奶既冬陰公。少少酸, 咸味重D, 唔太辣。可能唔係當造季節, 蜆唔太肥。 味道唔夠鮮, 但有粉絲墊底。- 豉油王炒麵 ($58) (4/5分) : 比陳根記做得好, 唔乾, 麵唔淋, 有豉油香, 正- 孜然捧捧骨 ($80) (3.5/5分) : 分量夠, 香口, 有肉汁同孜然味, 夠香口。整體正 (4/5分)~ 分量夠, 環保舒服, 唔洗搭上搭 (枱)…Read More

又係試新野時候~~ 知道荃灣又開左新店, 今次係上海餛飩店喲~ 通常食餛飩/餃子都睇湯底、餛飩/餃子皮及餡料, 今次都唔例外。餐牌內提供既餛飩款式都唔少,共5款。通常為食鬼最鍾意雜錦, 貪咩款都有, 最好更有細件裝, 食完仲可以食其他野。 難得佢真係有哩個option, 所以今次選左金家福小餛飩, 仲要係15粒($ 32)。因為唔食芫荽緣故, 所以特別要走芫荽青。餛飩黎到, 見內有紫菜, 哩個要一讚。先試湯底, 有紫菜味同麻油味, 唔似老湯火, 略咸。再試餛飩, 餛飩皮薄滑, 唔怕 滯。再試餡料, 老實講, 好似粒粒差唔多味。但最欣賞薺菜味, 坊間少有, 味道清新, 有少少似小茴香味, 口感細緻, 唔會太鞋太乾。整體尚可以啦...但未至於有Encore衝動:)…Read More

身為港人, 特別鍾意茶餐廳, 更要一朝一港式奶茶才能叫訓醒~波士冰室新間於荃灣千色店, 而早餐更直至中午12點~ 行經附近, 當然要試下有丹麥多士的早餐啦~點了早餐C: 味菜櫻花豬柳銀絲米粉 配   丹麥多士 + 熱奶茶- 味菜櫻花豬柳銀絲米粉: 湯底有味, 不是淡的, 而配上味菜甜甜酸酸, 個人喜愛味菜, 所以滿意湯底。米粉更有掛湯效果, 所以啖啖滿足。豬柳咬起來肉質算滑, 可惜頗乾- 丹麥多士 : 手慼鬆軟, 口感酥軟, 充滿牛油香, 加上熱培, 好味~~- 熱奶茶: 不過不失, 最特別是用方糖, 坊間少有~~總括:  可Encore~…Read More

此店已開了一段時間, 終於有機會試到了~留意叫餐程序是: 先在收銀處點餐及付錢 -> 取單及到店內坐下 -> 憑單上號碼取餐, 這跟其他食店不同。今次點了 三餸面餐:  咖喱魷魚 + 雞翼尖 + 烤焗豬頸肉 + 粗面 + 珍珠奶茶 ($43)。餐盤用木盤, 好文青風- 湯底 : 牛骨湯底, 雖然牛骨味不濃, 但味道亦不錯。- 咖喱魷魚  : 有咖喱味, 不太辣, OK:),  魷魚都爽口, 但不太有魷魚味。- 雞翼尖  :  炆得頗 "林", 但豉油/滷水味不濃, 亦唔覺有雞皮味。- 烤焗豬頸肉 : 有烤焗味, 頗香口。但口感算是軟身的類別, 不適合喜歡爽口的我。豬頸肉厚度適中, 一碗大約有6片, 都算充足:)- 珍珠奶茶 : 有點似茉香奶茶味, 但珍珠"林", 無黑糖味, 下次還是飲大路飲品較穩陣~不過價錢相宜~…Read More

由於非常喜歡食鹹蛋黃, 所以KFC 一推出鹹蛋黃金系列, 鹹蛋黃金雪糕便成了我的必試名單。牛乳雪糕淋上鹹蛋黃金沙, 鹹蛋黃金沙的確有起沙口感, 鍾意食鹹蛋黃人士都會喜愛這口慼:)。鹹蛋黃金沙味道有點兒偏鹹, 未有鹹蛋黃香。配上牛乳雪糕, 牛乳雪糕的甜未能帶出鹹蛋黃香, 而鹹蛋黃金沙鹹味亦蓋了雪糕的奶味, 令到人不覺得正在食雪糕。相信鹹蛋黃金沙需要加以調較, 新品才令人滿意~…Read More

只要有年青人的地方, 梗有珍珠奶茶店在左近~荃灣區再有一間新珍珠奶茶店進駐- 李奧四郎製茶~這茶店茶類選擇不限於紅茶綠茶, 更有其他茶類如桂花綠茶...高山烏龍...今次特別試了期間限定 玫瑰奶蓋 + 古樹金桂 (即是桂花綠茶)+珍珠。由於 玫瑰奶蓋要另外調製, 所以等候時間亦 較長, 要15分鐘...終於等到茶到手~~飲過奶蓋的朋友仔都知, 飲奶蓋先飲茶上奶泡, 試真奶香, 才飲茶。這時發覺杯蓋頗貼心, 因為杯蓋同時配有 "直接飲用杯嘴連塞子" 及 用於插飲筒的圓孔~ 所以飲起來不用揭蓋, 亦可以飲到奶泡, 讚玫瑰花味奶蓋口感頗厚, 奶味濃, 玫瑰花味都突出, 帶有莓味。而茶亦有桂花香, 比起其也店稱有花香的茶更突出。 玫瑰花味再配上桂花香亙相輝映, 味道亦相配~ 但珍珠頗軟身, 不太適合愛煙韌口感的我, 而且頗甜。見到果茶用了不少新鮮水果炮製, 下次可以試試…Read More

早前荼木響青衣城開業時, 曾光顧一次。當時未有 Lunch Set,  午餐時段, 散叫一碗黑醬油雞翼手作麵+一杯凍黑糖珍珠奶荼, 盛惠約 $100,   比起同場餐廳算貴, 有見其他部份荼木分店有提供 Lunch Set, 相信稍後會推出 Lunch Set。來到2019年, 就碰下運氣, 看會否有新Menu, 終於等到青衣城分店提供 Lunch Set! 喜歡荼木 Lunch Set 除價格較親民外, 她的自選套餐都是一小碟, 有多款可選, 一次過可試不同食品我選了午市自選套餐 ($69)以下配搭, - 前菜 (三小碟) : 包括五香素鴨+ 醬漬雪菜毛豆+滷水蛋- 主食 : 鳳梨糖醋里肌- 飯麵: 紅燒牛肉手作麵- 飲品 : 熱柚子茶前菜 (三小碟) : 包括五香素鴨+ 醬漬雪菜毛豆+滷水蛋醬漬雪菜毛豆的雪菜鹹香, 最終我放入麵內, 與麵同食。 五香素鴨上的醬汁味似章魚小丸子的照燒汁, 甜甜地。而素鴨頗厚, 有少許豆味。滷水蛋不過不失, 滷水鹹味不太突出。鳳梨糖醋里肌即是甜酸咕嚕肉。有5大件豬柳肉+多件菠蘿及3色椒, 份量滿意, 相信係好彩。 豬柳肉厚, 彈牙有肉味, 不乾~ 菠蘿應該是新鮮菠蘿, 酸酸地~ 紅燒牛肉手作麵保持一貫水準, 手作麵煙韌, 有厚度有口感, 至Like。牛肉湯底有牛香。份量而言, 女仔會夠食~整體滿意,  如果柚子茶果醬落多少少, 有D甜味會更正最後盛惠 $69 再加一= $75.9…Read More