大大mike's Profile

同友人提前慶祝生日，友人想食鐵板料理，想起上次在銅鑼灣鉄人旨花食Omakase時，餐廳亦有鐵板燒套餐，價錢合理而且環境舒靜，適合情侶及慶祝活動。既然友人想食鐵板燒，一於豪吃一頓，留個紀念。原本訂了晚上七時，但友人需要加班，只好延遲至晚上八時半入座，當晚餐廳食鐵板燒的人也不少，大多是家庭聚會及情侶約會。【沙律及前菜】等待美食來臨前，女侍應先為我們送上沙律及前菜，沙律的醬汁是豆腐醬，有淡淡的大豆香味，味道清新不膩，伴上爽脆沙律，更能夠突顕蔬菜的新鮮。而前菜是辣粉絲伴青瓜絲，粉絲入口微辣，酸酸甜甜，有開胃作用，不錯!【香燒銀鱈魚】說時遟那時快，第一道菜已經準備好，香燒銀鱈魚，由於它只是套餐內包含的指定菜式，所以我們本來不抱任何期待，但當品嚐了第一口時，我和友人都不約而同地對它讚口不絶。師傅將銀鱈魚的外皮煎成微微的金黃色，魚肉亦帶點微香，肉質的嫩滑程度有如入口即溶，伴上清甜的醬汁，味道相當出色。第一道菜式已經那麽出色，令我們更加期待之後的主菜。【阿拉斯加蟹】之後到今晩主角之一的《阿拉斯加蟹》出場。記得早年在日本北海道旅遊時已經試過一次，當時是以刺身方式品嚐，非常鮮味。難得今次可以以鐵板燒形式烹調，當然要比較一下兩種吃法。眼見師傅熟練的手法，不用三兩下手勢便將二人份量的鐵板阿拉斯加蟹端上。蟹殼已經一早拆開，方便客人進食，可見餐廳對客人的服務非常細心。蟹肉依然爽口彈牙，與刺身相比更多了一股鐵板燒的香味，個人比較偏好這種食法。【A5日產和牛】當晚另一主角《A5日產和牛》，這道日本A5和牛絕不兒嬉，中心部分是粉嫩肉色，外圍已經煎至熟透，視覺上形成強烈的對比。肉質軟腍肉味濃郁，入口即溶的口感令每一啖都非常滿足。伴碟的蒜片也是非常出色，香口惹味卻不油膩。【炒飯】炒飯炒得乾身不油膩，粒粒分明，加上蔬菜粒令口感更加豐富，不錯。【蟹湯】如要挑掦的話，這道蟹湯是全晚唯一失色的地方，因為清湯中帶有一點腥味，對於怕腥的我就不是太喜歡。最後以甜品時令生果作結。總括當晚的「A5日本產和牛阿拉斯加蟹二人前套餐」以＄1,888這個價錢來說，水準不錯，值得推薦的！…Read More

自從上次係大阪食完磯燒水產之後，番到香港一直都心思思想食多次，係OpenRice發現原來公司附近有間浜燒餐廳，所以諗都唔諗訂定枱等星期五晚放工盡慶一番🏻🍻雖然當晚落大雨，依然無阻我地覓食的決心🔥準時八點去到已經座無虛席，好彩一早訂左枱馬上可以入座🏻🔥餐廳位於尖沙咀棉登徑附近，門口擺滿左好多日本旗🇯🇵🇯🇵，非常顯眼，不太難找！一坐低，第一時間當然係睇menu點菜😋好彩一早已經係Openrice做定功課，如果唔係見到咁多選擇到時一定15/16唔知點擇好食物未來之前先點飲品解解渴吧，我點左一杯巨鋒燒酌，而男朋友就點左杯乾梅燒酌。好濃的巨鋒提子味🍇但酒精濃度偏低，比較像巨鋒提子梳打不錯不錯，但如果一心打算喝酒的朋友可能會失望，建議是點其他酒精飲品吧！海葡萄(HK$90)這個海葡萄是男友點的，是沖繩特產，在香港較難吃到所以想試一下，外形跟它的名字一樣，真係好似一串串提子，口感有點像三文魚籽，但較爽脆，但本人不太喜歡這種口感，而味道微咸，沾上特制醬汁，令本身的味道更加特出。原隻活海螺刺身（$120）海螺原隻切片上，份量足夠我們二人吃不得不讚，這個海螺非常爽脆鮮甜，有驚喜🏻🏻👍🏻👍🏻海草白飯魚子煎蛋 ($68)由於本人非常喜歡食玉子的關係，所以點了這個玉子燒，跟普通玉子一樣，一層層綿密的口感，帶點甜味，讓人吃了又想再吃，這個玉子燒加入了海草及白飯魚子，令玉子的味道更加豐富三文魚富士山（$68）見到成座山嘅三文魚都只係$68，當然要叫一個來試試！用三文魚和蛋黃醬砌成的富士山，内𥚃是由青瓜卷作支撐，不得不配服餐廳的創意厚厚的三文魚加上酸酸甜甜的蛋黃醬，非常開胃，不過內𥚃的青瓜卷若能換成呑拿魚或其他小卷會更好蟹味增甲羅燒 （$68)終於到左全晚最期待的一道菜，熱心店員仲主動幫我地燒埋，差不多燒好時再把鵪鶉蛋拌匀，啖啖蟹膏而且味道超級濃郁細滑！！非常滿意😋😋😋叧外加點了一個冷烏冬和喬麥麵，沒有什麼大驚喜，不過不失！最後店員話當晚有，是期間限定的，身為甜品控的我當然不能錯過所以我們點了一客作為當晚的perfect ending.我和男友都很滿意這餐，決定下個月慶祝拍拖一週年時再來！…Read More

一班女人食完dinner梗係要直落食埋甜品，今晚就黎到呢間甜牙牙。我地就叫左呢個朱古力系列既二人大合奏。咁佢叫得大合奏梗係咩都有啦～例如朱古力窩夫，心太軟，脆波，仲有好多水果，例如士多啤梨，西瓜，香蕉等等。仲有兩球雪糕，一球雪呢拿，另一球薄荷。個窩夫食落都香脆既，係有少少乾，食番舊多汁水果，都幾正。心太軟就有好香濃既朱古力，都唔錯～雪糕就不過不失啦～呢個大合奏都唔平架，不過一齊share黎食，咩都可以試下，好多唔同口感，好好味，滿足！…Read More

今日難得約翻啲中同，又唔想食得咁頹，於是就即興話去食放題，咁就去左試呢間相撲手。個人覺得第一輪既刺身真係好正！特別係啲三文魚！估唔到佢會俾三文魚腩！一黎新鮮，個色澤幾好，二黎係厚切，唔似平時食開個d勁薄，所以個口感真係唔同，勁好食！然後估唔到仲有呢盤生蠔，因為平時食放題都係得焗蠔，今次有生蠔真係幾正，幾肥美，未至於到鮮甜，個蠔味都幾足，真係新鮮既，都算滿意。而佢既甜蝦刺身真係勁大隻！平時都幾中意食甜蝦，但真係未食過咁大隻，非常鮮甜，正！同埋第一次黎估唔到佢係一間咁有特色冒放題，會有師傅表演切魚生，日本黃鰭吞拿魚！我地個枱就坐正係前面，好surprise！佢即刻就劏，如果想食就可以出去排隊拎黎食，我地梗係唔執輸點都要試下～肉質同平時既係有分別既，比較鮮同厚實，一個字，掂！其他熟食都不過不失，主要都係想讚下佢既魚生～ 雖然比平常既放題係貴D，但下次應該會再黎食過！…Read More

蘭苑一向係中大出名係比較有水準既餐廳，當然價錢亦都比較貴，所以平時都好少食。今日難得早上有心情，於是就決定去蘭苑嘆個早餐。佢既早餐套餐比我想像中平，於是就叫左set。首先，佢既賣相無得輸，完全有種係高級餐廳既外國style，食慾大開。佢既烘式方包好香，咬落十分脆。炒蛋炒得啱啱好，非常香滑。漢堡排亦煎得唔錯，幾有肉汁。茄汁焗豆就不過不失，配埋少少蔬菜，感覺好fresh。最後飲埋杯熱奶茶，真係非常滿足。…Read More

朝入中大探朋友，去左善衡書院既餐廳食早餐，聽講善衡餐廳其實係某大快餐集團經營，唔知早餐味道會唔會同出面一樣？或者價錢會唔會同外面同價呢？畢竟入中大食野我係expect食學生價既餐。開估，其實都係學生價，我嗌左雞扒炒蛋配多士，再加多隻炒蛋，即係total 3隻炒蛋，再加杯熱檸蜜，只係$20.5咋，真係抵到爛！而且餐廳鄰近火車站，只係一出閘行5分鐘就到，我相信好多人都會選擇黎呢度食野！講下隻炒蛋先，其實炒得唔滑，不過就好香奶味，奇怪，落左奶又炒得唔滑。同時佢裡面都幾有空氣感，應該打蛋時打左好多空氣入去，再加豆粉炒成，可惜炒得太老，QC做得麻麻地。雞扒煎得太耐啦，肉質唔夠嫩，食落完全冇肉汁，但雞皮又唔夠脆，比汁浸到腍哂，真係唔合格喎！…Read More

今日入嶺南探朋友，就同佢地去左附近既富泰商場食dinner。其實個商場真係冇咩野食簡，咁就決定試下呢間鴻樓。我地三個人就決定平平地叫兩款菜食就夠。首先就係呢個啫啫雞煲，啲雞食落都幾入味，辣辣地都幾野味，但係就嫌佢有少少'諧'，同埋好多碎骨，不過我都覺得係好食既。另外，仲有呢個魚香茄子，普普通通，同平時食開既都差唔多，茄子都好香，幾好食，抵讚既都係幾足量。三個人食兩個菜，每人一碗飯都幾飽～…Read More

一份沙拉$65，我們以套餐形式加客湯就$75。本來覺得幾貴，但沙拉配料種類及量豐富。一顆沙拉可以自由選擇配菜，包括一種沙律菜+兩種蔬菜（粟米/西芹/西蘭花等等）+兩種蛋白質（肉腸/雞肉/吞拿魚等等）。再加上四種自家製醬料任何一種，包括小紅梅醋/香撜辣醬/凱撒醬。 沙拉料豐富好吃，配個醬料，吃得健康又不會寡。我們選擇了香撜辣醬。這個醬其實並不辣，聞下去很香很香的橙甜香。假如能夠多點的酸，少點甜則完美了！ 蘑菇湯。好味。湯裏有適量的幾塊蘑菇片。 至於咖啡，用羹搞一搞就感覺到奶泡沫打得很細滑豐富。咖啡味道濃郁，飲落去就知道同Starxxxx的咖啡不同。 還點了個核桃提子包（長型，兩個手板大少）。麵包控的我們都很喜歡這個麵包，很香，多料。 店裡還有不少其他款式的麵包、蛋糕、muffin/scone。很喜歡這咖啡店，一定會再來試。…Read More

今日特登黎石硤尾嘅一家小店。 佢既係咖啡店，又係文具店。 鋪頭好細，用開放式設計好聰明。 坐位旁就係車路，好彩係內街唔多車，所以唔太嘈。Green Tea Latte($32)。同樣又係好夢幻嘅顏色。 好濃嘅綠茶味，唔太甜，飲落有有少少茶嘅甘香。 好鍾意佢嘅味道！ 美中不足係唔夠滑身，飲落會感覺到有少少粉狀物質。 亦可見杯底都有啲未融嘅綠茶粉。 之後同店主傾過，佢係好主張慢活生活嘅。如果大家想hea一個下晝，tools大概係一個唔錯嘅選擇。…Read More

這兒主打咖啡，當然要嚐一嚐，點了一杯Okinawa ($52)，是餐牌上推介的。加了日本沖繩的黑糖，組合蠻新鮮，不過黑糖味道不夠突出。咖啡本身的味道濃郁，很有質素，而且入口不會苦澀，跟檸檬塔一同品嚐就最好不過。 雖然是連鎖店，但餐廳的質素非常高，尤其是環境一流，裝潢設計有心思之餘亦帶點創意，而且柔合了中西式的風格，是品味咖啡的好地方。另外，店員亦很友善，除了略嫌價錢有點貴外，各方面也挺不錯的！…Read More

下面係menu，食物選擇唔算多。叫左個大蝦海鮮冬蔭有機糙米飯($128)，餐可以揀配湯／沙律，橙茶／汽水。餐湯係薯仔湯，好多薯仔茸，好濃郁。大蝦海鮮冬蔭有機糙米飯($128)。喱個好特別。 飯似risotto，但略嫌稀身。 個sauce好特別，一入口好creamy，好少少奶油味，慢慢有種冬陰功味，吞左之後先慢慢有陣辣味浮上口腔。喱種層次感係好令我驚喜嘅。 海鮮都好新鮮，大蝦同魷魚係燒過嘅，好香口。…Read More

喱個叫烏卒卒($68)，墨汁飯壽司卷，係微暖嘅。 入面卷住墨魚同爽脆醃菜，有3重口感，好特別。 啲味都好夾，而且非常開胃。喱個飯中文名我就唔記得，英文就係BBQ Fried Rice($88)。 建議就襯佢熱就快快手撈左塊芝士佢，凍左就好難撈。 芝士本身會有少少漏，但係好彩佢有少少辣，所以有唔太滯。食材組合配搭好新奇，又好味，所以我都覺得算抵食。…Read More

今日2點半去左位於尖沙咀麼地道嘅N1 Coffee & Co.食飯。 雖然已經過左午膳時間，但餐廳依然坐滿人。 我叫左A餐，係Spaghetti With Clam & Mushroom in Homemade Pesto ($70), 加$10配Green Tea Latte。 佢個Green Tea Latte唔係平時飲綠色個啲，因為係有咖啡嘅。 不過可能因為咖啡味太濃，所以飲唔出綠茶味。 我嘅香草意粉。蜆肉好多，都算係有誠意。 但意粉太油喇，食多幾啖就覺太heavy。 同埋意粉好腍，口感唔多好。 Cafe最大嘅不足，大概佢啲凳一係冇椅背，一係就係硬邦邦嘅膠凳，令人坐唔耐，想Hea嘅話N1未必係最佳選擇。…Read More

1點左右去到位於油麻地嘅Kubrick食lunch。 落地玻璃嘅外牆令室內空間感同光線都十分充足，環境份外寫意。卡邦尼意粉($72) 個sauce奶油味太重，稍嫌太漏，唔夠香。 喱度嘅意粉都略為太腍。Chocolate mousse cake($38) 朱古力味好濃，又唔太甜。 但中間2層海綿蛋糕有點乾身，令整體感覺有啲失色。Happy cow Greentea ice-cream($38) 喱度仲有賣made in hong kong 嘅happy cow雪糕，喱個牌子用嘅材料都比較健康。 叫味道就....我叫嘅Green Tea味就唔知點解完全冇green tea味，仲有啲nuts味，好怪。 …Read More

我嘅Squid n’ Ink Lingunie($95)，即墨汁魷魚扁意粉，賣相係唔錯嘅。 但墨汁味極淡，個意粉本身嘅粉味反面仲重少少，唯一食到嘅調味竟然係碟上香料，好失望。魷魚偏韌，加上切得太厚，口感一啲都唔爽。 不過啲蕃茄仔都仲正常嘅（…唯一可以俾好評的） Green Tea Fondue Cake($59)，哇，好期待！ 賣相就幾artistic咁嘅，襯埋隻碟就加埋左啲日本風。 一插隻匙羹落去就覺得…umum… 個表皮好軟。 心太軟表面唔夠脆，就會冇左外脆內軟嘅對比，所以就有少少失望。 另外，入面流心嘅部份過份稀。 跟住我終於放入口喇。（冇錯，頭先係目測咋） 表面果然過軟。 成舊野太過甜，雖然聞落幾香，太食落就零茶味，得個甜字。 豆腐雪糕反而唔錯，好滑身。 淡淡嘅豆腐香，唔太甜，可以中和一下過甜嘅心太軟。 …Read More