Born.To.Eat's Profile

自從the southside開咗之後，喺黃竹坑返工嘅我食飯終於都多咗好多選擇！一入門口就俾「金色不如帰」大大個招牌吸引住，餐廳係東京米芝蓮一星推介，之前都有喺其他分店食過佢地嘅招牌貝汁拉麵，印象唔錯。今次黎到黃竹坑分店，店員推介我地食天婦羅盛合冷麥麵，話係the southside新店限定，由創辦人兼米芝蓮星級總廚山本敦之先生親自研發（題外話當日山本先生都到咗現場親自督導，仲要煮埋俾你，咁難得冇理由唔試試佢）。個冷麥麵set $126算幾大份，仲包埋小食。小食有3款揀，我揀咗佢地自家製嘅豚肉煎餃，每隻餃子都漲卜卜，食完5隻都飽咗一半。天婦羅盛合就包括海老、牡蠣、秋葵同茄子。冷麥麵跟咗兩款醬汁俾你，有沾麵汁同冷麵汁，俾你可以有兩款食法。沾麵汁以慢火燉煮7小時嘅濃厚雞湯同天然材料浸泡嘅魚湯製作而成，酸酸地幾開胃；而冷麵汁就係清爽嘅凍昆布清湯，消暑一流。…Read More

雖說部份人會擔心日本排放核廢水而不敢進食日本菜，但其實福島週邊地區的食材都已被禁止進口，而問過餐廳他們的供應商也改於日本較南或較北地區(如九州/北海道)取貨，新鮮程度不減下仍可安心食用😊＜松 Matsu＞先付(三品)前菜分別是沙鱚魚天婦羅、海老配味增泡沫及蜆肉真丈 茶碗蒸是日天氣炎熱，廚師特意弄了凍的茶碗蒸給我們，從晶瑩剔透的蛋汁可窺視內容物 - 松葉蟹肉、魷魚片及碗豆，口感有於啫喱卻又能保持到茶碗蒸的嫩滑極上刺身(四品) 薄切真鯛 / 水八爪魚 / 石門貝 / 北寄貝 刺身除了能吃得出食材是否新鮮及廚師刀功，更重要的是廚師的經驗和配搭，每道刺身均配以不同的醬料及處理手法，更能突顯每種食材的鮮味及特性強肴火炙深海池魚配魚骨豉油mousse / 磯燒帆立貝 / 煙燻油甘魚 / 蒿燒鯖魚四款煮物分別用上四種不同烹調風法處理，無論嗅覺味覺或視覺每道菜都能為你帶來驚喜🩷特上壽司(六貫)金目鯛配烏魚籽粉 / 赤貝 / 赤海老 / 江戶前壽司(醃製過鯖魚) / 醬油漬吞拿魚背 / 赤海膽廚師發辦經常會遇到的問題是太多道菜，小鳥胃的朋友一不小心便會吃過龍，想不到來到壽司環節廚師主動問及會否需要少飯，實在是非常貼心吸物鯛魚湯喝得出用上大量新鮮鯛魚熬煮而成，沒有多餘的調味，想人不禁聯想起某知名鯛魚湯拉麵店的湯頭甘味 紅豆水羊羹以傳統日式甜品水羊羹作結，簡單美味又不花巧，大滿足🥰…Read More

見炮台山有餐廳新開，裝修好似唔錯，心諗唔會差得去邊，點知就仲大伏🥲下午茶時段，見到有個餐寫住「煙三文魚沙律牛角酥」，期待嘅畫面係一個夾住煙三文魚沙律嘅牛角包，結果上到枱兩件事係分開，變咗做煙三文魚牛角酥加個沙律（見圖），‍完全唔係想像中嗰樣嘢🤦🏻‍♀️都算，如果配料ok我都唔介意自己將兩樣嘢拼返埋一齊，但食咗一啖發覺真係強差人意，個包又塌又韌，超重油溢味；塊煙三文魚明顯係平價貨，一啲都唔香；沙律就係罐頭水果沙律撈沙律醬🙂…Read More

有次碌碌下IG，彈咗個post出黎介紹呢間嘢嘅鰻魚飯，就一直俾佢吸引住，今日終於有機會黎試試佢💪🏻Daily 13位於荃灣西嘅工廈區裡面，身為荃灣人嘅我都從未踏足過呢個地方，老老豆豆本身見到棟大廈嘅外觀仲對佢冇乜期望，結果入到餐廳完全係喜出望外餐廳走北歐簡約路線，雲石紋、灰藍色、金屬系等等元素通通都有，但最重要嘅係佢個景！完全冇諗過咁up dup嘅工廈竟然望到海景！我地去嗰時仲要啱啱經歷日落，超級靚🤍食物方面都唔差，無論係前菜定主菜都份量十足挪威煙三文魚凱撒沙律 $78，正常發揮；櫻花濃蝦湯，雖然唔係"龍蝦"而係"濃蝦"，但飲落有龍蝦味🤣加 $68跟餐嘅炸雞塊，醃料香辣惹味，外皮炸得香脆之餘d雞肉又唔會過份乾身香草忌廉智利藍青口 $98，青口大小適中，如果再入味d就更好招牌名古屋蒲燒鰻魚蛋包意大利飯 $158，完全係２人份量！鰻魚彈牙，蛋夠滑嫰，意大利飯用咗忌廉蘑菇汁煮成，多咗一重香濃嘅味道而家仲可以加錢任食雪糕同雪米糍！雖然每款味道只係食咗１球，但已經完全值回票價~…Read More

睇到OpenRice咁多正評，一直都好想試呢間小店，今日難得經過葵芳，見舖頭又唔多人就入去試試佢叫咗個特級吞拿魚茸丼$78，由落單到上枱等咗差不多20分鐘，但其實當時成間鋪得4個客🤔一上枱時好大衝擊，個丼飯上面竟然鋪滿咗蟹籽，由於我係吞拿魚茸丼嘅愛好者，食過咁多間都未見過一間係加蟹籽嘅，心諗可能呢個配搭有驚喜呢，點知一食落就知係驚嚇⋯首先個味係完全唔夾嘅，然後啲吞拿魚茸淡而無味，係連最基本嘅魚味都冇，唔知食緊乜，難怪佢要用大量嘅蟹籽去掩蓋😓…Read More

估唔到鼎爺除咗中菜廳連茶記都撈埋，雖然餐廳主打燒味，但無論裝修、環境、去到餐牌都刻意走玩味fusion路線。今日黎到食晚餐，唔知係咪疫情關係好多人叫外賣，見D侍應都非常忙碌～我地2個人叫咗兩個燒味飯定食，個自包一細份沙律同一杯熱飲，不過我地見個特飲menu幾吸引就加咗$28升級做特飲。原隻柑橘燒鵝髀飯 $128燒鵝髀超大件，油脂十足，食完好飽滯男人終極浪漫＂原條燒腩＂飯 $99原條燒腩冇切過就咁啪，真係男人的浪漫XD燒味夾饃雙拼 $50第一次食夾饃，包身比想像厚同乾芒果沙冰 $28鐵觀音芝士奶蓋 $28…Read More

風味燒三文魚頭 $58超級大份！燒完肉質仍然滑嫰，唔會乾爭爭串燒雞腎 $36燒美國黑豚肉 $48燒煙肉鵪鶉蛋卷 $30燒蘆芛 $18用上幼身蘆芛，口感比起粗身嘅細嫰得嚟又冇咁多渣風味燒牛脷 $38牛脷為厚切，加上辣粉好惹味風味燒牛坑腩 $38推介牛坑腩，肥瘦均衡，口感腍滑得嚟又有牛味～招牌金銀蒜燒茄子 $48呢個又係超推介，蒜頭愛好者點，唔單只金銀蒜嘅份量驚人，ｄ蒜仲要事先爆香過，香味十足！四川酸辣粉 $38湯底顏色比一般嘅深色，麻勁十足，薯粉偏腍身…Read More

呢到嘅石燒定食有成12款，包埋前菜、白飯及味增湯，平均都係$100左右 (和牛系列除外)同朋友分別叫咗厚切牛舌拼牛五花定食同吉列草飼牛肉眼定食，兩個餐都份量十足厚切牛舌拼牛五花定食　$98第一次見條狀嘅牛舌，好似反沙芋咁XD，夠曬厚身～留意返牛舌同牛五花都冇經過調味，可以食到肉嘅原汁原味，鍾意濃味少少嘅亦可以點餐廳提供嘅醬汁吉列草飼牛肉眼定食　$108呢個嘅味道相對濃烈好多，估計應該係外層嘅吉列有調味，唔洗點汁已經好夠味～肉眼肉質嫩滑，外層吉列厚薄剛剛好，燒完後外脆內嫩另外追加咗兩款小食鹿兒島一口牛　跟餐+$18勁大舊！完全唔係一口size，食完都飽咗一半溫泉蛋沙律　跟餐+$18芝士奶蓋四季春　跟餐+$10藍莓巨峰　跟餐+$10…Read More

荃灣雖然好多嘢食，但要搵到高質得黎又唔貴嘅都唔容易，今次試呢間新開嘅鮨一就絕對符合我要求～錦繡刺身 $188份量唔細嘅刺身拼盤，有３款海魚、甜蝦，帆立貝同八爪魚，款款都肥美鮮甜～日本真蠔 $78/隻店員話呢批日本蠔係今日新鮮返就試試佢，每隻蠔都手掌咁大，蠔肉飽滿，入口嫩滑鮮甜，加上秘製醬汁令到個味道更加昇華～甲羅燒 $98喺香港食過唔少甲羅燒，今次呢個係我最滿意的，一嚟佢冇過多嘅調味，食得出蟹膏嘅真正咸鮮味，二嚟佢燒完先加生蛋令到個口感更加嫩滑，配埋一口多士令人欲罷不能～牛油果軟殼蟹反卷 $68雖然得４件，但餡料十足，同壽司飯嘅比例剛剛好，食完唔會飽飽滯滯清酒煮蜆 $62幾鍾意佢湯底加左白蘿蔔，飲落更加鮮甜，同時間蘿蔔亦吸收左蜆湯嘅精華千層海膽飯(小) $198本身冇諗住叫，因為覺得小貴，但見到隔離枱爆曬餡咁就忍唔住試埋，果然冇後悔！一個細細嘅碗仔上用海膽堆左個小山丘，視覺效果驚人，粗略估計有半板海膽，睇到顏色都知新鮮；飯面仲加左吞拿魚蓉，絕對值回票價！另外餐廳會跟埋紫菜俾你包住ｄ海膽飯嚟食，入口即溶嘅海膽加上脆身嘅紫菜又多左另一重口感～日本芝士蛋糕 $26最後想食ｄ甜嘢，呢個芝士蛋糕性價比都唔錯，口感實在，對於９成飽嘅我地兩個人分嚟食剛剛好～…Read More

早排見到報導話佐敦有間點心放題好抵食，$78就可以90分鐘任食50款點心，咁啱同屋企人黎開佐敦就試試佢啦～一開波每人贈送半隻燒乳鴿，比想像中多肉，但我地唔敢食太多，要留肚食其他野～一共叫左13樣點心/小菜，蝦餃燒賣幾足料同彈牙，另外印象比較深刻嘅係煎炸類食品，食得出即叫即炸，香口爽脆，一D油溢味都冇～水晶蝦餃皇蒜片牛柳粒四川口水雞松子芋粒餃蟹子燒賣皇流心奶皇包招牌避風塘九肚魚八味脆豆腐胡麻秋葵芝士鮮蝦春卷韭菜鮮蝦餅…Read More

話說我好鍾意食川菜，但平時好少機會食到，因為要約到成班都食辣嘅朋友唔易...今日條川菜癮又發作，同朋友兩個人都照黎，已經特登唔叫咁多嘢，但d份量超大！係講緊同價錢完全唔成正比地大！但食物質素又唔差，一路食一路擔心店主點捱🤔酸菜魚 $268喺水煮魚同酸菜魚之間爭扎咗好耐，到最後都係揀左後者因為冇咁易中伏～我地揀左小辣，覺得個酸同辣嘅比例做得唔錯～拿捏得幾平衡，裡面好足料，除左湯底嘅味料同主角魚肉之外，仲有索湯底必備嘅萵荀同豆泡，基本上食完呢道菜已經飽左７成🤦🏻‍♀️涼拌雲耳 $48但一場黎到冇理由淨係食一道菜，叫左個涼拌雲耳諗住清一清腸胃，點知呢個小菜仲辣過酸菜魚🙈不過佢係有層次地辣，食落好惹味～同埋大份到爭Ｄ滿瀉（感覺４個人分黎食都得）炸饅頭 $38本身冇諗住叫炸饅頭，但見到枱枱都叫咁滯，價錢又唔貴一於試埋，兜饅頭好浮誇地用左隻船上，船身噴曬煙，船頭仲有個曹操坐陣，笑死我😂由於係新鮮炸起，口感好正，外面脆身裡面鬆軟，配埋練奶食就咁正~…Read More

好耐冇出街打過邊爐喇，見朋友樓下開左間新野就試試佢～姬松茸竹絲雞湯 $238普通湯底大概$140~160，但難得出街就試下d特式野，湯底好足料，除左原隻竹絲雞同姬松茸仲有好多豬骨，所以好清甜～　　即炸響鈴 $48店員極力推介呢個，由於係新鮮炸起，入口非常鬆脆，特配嘅甜酸醬汁剛好可以中和油膩感～極品本地手切肥牛 $328雖然價錢比其他牛貴，但我都係鐘情本地牛，因為比起飛機貨新鮮好多，唔單止牛味濃而且肉質爽口彈牙，可以見到每片嘅油脂分佈同厚度都好平均～特色黑松露餃 $88平時打邊爐都會叫餃子，但好少見有黑松露餃，入口菇味香濃幾特別，一碟有兩款皮，分別係水餃皮同雲吞皮，比你兩種唔同嘅口感～白鱔片 $88好新鮮～淥完之後有脆肉鮸嘅口感，但又唔會有泥味，正～蔬菜雜菌拼盤 $88食左咁多肉點都要食返d菜平衡返，個雜菜拼盤性價比唔錯，有大量菇同兩款綠葉菜，食完剛剛好飽曬～…Read More

今日又帶媽媽去食日文菜～Menu好多唔同選擇，由刺身、前菜、燒物去到鍋物等等都有，選擇困難症嘅我地咩都叫左d～幾欣賞佢哋無多餘嘅調味（燒物/煮物嗰啲），正因為食材新鮮，先能夠完美呈現到食材原有嘅鮮味～另外，除左刺身之外，每道菜嘅份量都比想像中大，性價比唔錯～北海道甜蝦刺身 $68 ＋ 三文魚刺身 $68蟹肉青瓜沙律 $88胡麻菠菜卷 $48味增蟹甲羅 (2人份) $136燒帆立貝 (2人份) $136泡菜豚肉鍋 $168清酒煮蜆 $88…Read More

以前經常覺得鋸扒係一件好奢侈嘅事，但至從自助式石燒牛扒出現後成件事就平民化咗，不過亦因為咁質素相對參差，幸好今次試嘅呢間牛県各方面都做得唔錯淨係牛肉都有五款選擇，我地揀左CP值較高嘅平鐵牛扒同貴少少嘅牛側腹扒，再每人加配左個五選三套餐個人覺得個五選三套餐幾抵食(+$32＠)無論係沙律、白飯同湯都唔馬虎：沙律個汁唔係普通油醋汁或者麻醬，而係味道清新獨特嘅紫蘇沙律汁；白飯灑有飯素，令整體賣相同味道都增添不少；而麵豉湯入面更加有3大隻蜆～出乎意料呢❤️平鐵牛扒200G $108平鐵牛扒係指牛三角肩對上嘅部位，口感柔軟，肉味濃， 不過普遍黎講會比較多筋，但呢到又唔係好食到d筋，估計塊肉有事先處理過，挑走左d筋，所以口感會比較一致牛側腹扒200G $138牛側腹扒則係連接牛胸同牛腹之間嘅部位，由於纖維同脂肪較多，口感相對豐富，肉味鲜甜又有油香～牛油炒蘆筍 $48食得太多肉叫返個小菜平衡一下，擺盤精緻，蘆筍爽嫩鮮甜有牛油同芝麻香，值得推介～…Read More

Set Dinner For 2 $638 +10% service charge套餐包括有沙律、前菜、湯、主菜、甜品 同 餐茶廚師精選沙律鹹香嘅鴨胸同清甜嘅水蜜桃味道好夾，加上狼牙生菜配以甜醋汁整體好開胃前菜揀左 胡椒吞拿魚配黑水欖汁 (上) 同 煎北海道帶子配波蘭汁(下)先講吞拿魚，外層包左不少嘅胡椒粒去輕輕煎過，香辣惹味，胡椒嘅後勁好強，唔食得辣嘅朋友要小心；帶子腍滑鮮甜，底下嘅醃蘿葡有關東煮嘅感覺，兩者匹配得宜秘製龍蝦湯第一次遇上用飲品杯盛載嘅龍蝦湯（外賣另計），可以拎住杯柄一飲而盡（前提係你要唔怕熱）；湯頭味道濃郁，面頭嘅酸忌廉有畫龍點睛之效西班牙豬扒配香菇意大利飯豬扒夠厚身，近骨位置尤其香口，不過略嫌嚡身左少許；意大利飯嘅口感同味道同坊間食到嘅好唔同，比起常見嘅奶油味，欖油味來得更加明顯，相對會冇咁creamy新西蘭鱈魚柳配泡菜茨茸鱈魚柳肉質厚實，睇起上黎份量唔算好大，但食落都幾飽肚，泡菜茨茸好有驚喜，估唔到泡菜同薯仔可以咁夾，伴碟嘅南瓜味道香甜、口感綿密甜品拼盤朱古力拿破侖：入口有輕微嘅baileys味，感覺唔錯芒果椰汁慕絲：口感輕盈唔會太甜，幾好幾好…Read More