kakakikk的個人專頁

第一個差評 星期四12:30pm我地三個女仔到左門口見有十幾個人排緊隊, 等左40分鐘到1:10pm, 我地終於企到條隊既最前面, 下一個到我地間餐廳有24個位, 我地見坐門口個三個女人已經食哂台面d小菜都唔走, 我地仲一直話餐廳個呀哥唔執台離哂譜後來有4-5個企係出面等緊外賣既人突然衝左入去餐廳逼埋一舊起哄, 原來d外賣已經整好左一袋袋但餐廳入面冇員工拎出去俾客人, 唔怪得之d人等到唔耐煩自己入去攞到我地入去坐低落單, 發現原來坐門口個三個女人唔係食完唔肯走, 我地誤會左佢地, 根本係佢地3個既麵一直都冇黎過😱😱😱當時已經1:30pm我有d縮沙想走人, 唔通要好似個張台咁等九個字都冇麵食我地即刻同個後生戴帽既呀哥落order, 一個牛肉麵, 一個豬手麵, 一個口水雞麵. 5分鐘後有個伯伯擺低左個牛肉麵, 之後個伯伯去左洗菜, 洗洗下菜成手係水佢又接左碗麵擺係我地台面, 我地話冇叫到, 佢唔係講廣東話我聽唔明佢講咩, 後來廚房呀姐走出黎話個後生既落單寫錯字, 佢睇錯左口水雞麵做酸辣麵🙄 唔理邊個搞錯都好.... 終於d麵到齊我地10分鐘食完出去埋單個時, 個後生戴帽既呀哥問我地有冇單. 冇單. 明明係佢幫我地落單, 明明係佢冇俾單我地, 佢仲問番我地轉頭我地要俾幾錢佢. 我又唔係係個度做, 我點知....我地三個已經好合作係櫃台排隊俾錢. 個呀哥逐個問我地食左咩麵, 逐個收錢. 我地其中一個俾左錢之後出左去出面等. 到我另一個朋友俾錢個時, 廚房係個窿度拎左碗麵出黎, 收銀個個呀哥即刻唔再收我地錢, 轉身接住碗麵拎去俾客人. 之後另一台起身走, 個呀哥又竟然識去收人地錢架喎. 我地兩個繼續企係櫃台佢就當我地隱形. 當時真係想拎住d錢走出餐廳等佢自己追出黎收錢算點解埋張單都要咁混亂, 好離譜後生個個人好似長期hang左機咁, 手腦唔協調. 我未試過食完飯張銀紙都就快塞到入櫃台隻手個陣佢毛啦啦去左上碗麵俾地個客係窄到轉身冇路行既混亂中, 廚房個貌似洗碗既呀姐又走出黎鬧個後生既又落錯單. 個後生話佢冇寫錯. 佢地繼續自己係度研究張單應該點寫. 我地好無奈企左係度, 其實佢地係米做生意, 係米唔收我地錢好唔容易先俾到錢走人. 真心覺得佢地如果人多手腳亂, 咁唔協調就唔好係鬧市開餐廳我已經唔知個麵咩味, 對住佢地我食咩都冇味. 佢地安排真係好恐怖, 唔係, 其實間餐廳係完全冇安排. 貼錢請埋我食我都絕對唔會再去食…查看更多

我地一家四口book左比較早既六點鐘，所以一到步就即刻有位坐，本來只有我地一家坐係四人卡位同另外一張台，但到左七點成個場都已經坐得滿滿的，大部份都係一家大細非常熱鬧！如果係星期六日去食既話記得早少少book位喇~ 一入門口見到掛起左一堆韓國傳統服飾，後來發現有小朋友著住韓服走入餐廳，當時太忙食野唔記得問職員，但我諗係門前既韓服應該係特登掛出黎俾客人免費著住黎食海鮮鍋既第一次去九重鮮，餐廳俾我既第一印象係環境企理乾淨，侍應有禮貌，服務亦十分周到。黃埔店有位叫蔡經理既呀哥，佢親力親為走哂全場同各枱食客介紹蒸鍋。我婆婆有咩問題都會叫我等蔡經理行過個陣問下佢 XD好！講番個蒸鍋，我地食個個係新推出既珍寶蟹餐，經理話新到連menu都未印出黎 XD   經理話個鍋係行蒸氣既，用我地統稱既環保水令成個鍋越滾越出味。侍應係一開始就將我地揀好既人參雞粥底放入鍋底，然後蓋上隔層板覆蓋住，一直蒸煮鍋粥。首先出場既第一層係單層遞上既前菜 - 和牛九節盤。五顏六色包括中間既紅菜頭汁蘿蔔片（用黎包住配料）、主角和牛片、甜蛋、青瓜、紅黃椒、蔥絲、菇等等，作為前菜幾精緻特別，味道爽甜，如果加上紫菜絲就更有韓國風味。小朋友老人家特別中意等食主菜個陣有d細藝，我婆婆包得好開心！蔡經理話呢道前菜又叫做秘密花園。 之後侍應再放多三層，叫我地等十分鐘就可以揭開食。第二層係濟洲豚肉，侍應教我地將豚肉夾泡菜食。肉片切得薄所以好快熟，彈牙好食！第三層為魚板花膠串，蔡經理話構思緊幫佢起多個韓國電視劇名做天國的階梯，因為塊魚板串起上黎似樓梯。花膠好爽滑，我中意佢本身冇咩調味夠清，配上大大塊魚板就有微鹹，岩岩好！第四層鮮味就係大主角加拿大珍寶蟹！蟹蓋既蟹膏係撈埋左蛋一齊去蒸，有少少海水味好滑好好食！呢一層食左好耐，因為大家都慢慢剝蟹，啖啖肉我媽媽至愛😍食哂咁多層，侍應再拎多四層過黎，鍋蓋頂插上左溫度計，當時85度，侍應教我地等到溫度升至95度就可以開始食😋第五層係蔬菜盛盤，俾我地食完花膠同珍寶蟹之後消一消化。我最中意既係芝士水滴 （流心芝士餡魚蛋）同野菜豆腐。有四隻大蝦，好鮮甜！第六層係我最中意既日本大元貝，超級超級超級鮮甜，誠意推介大家一定要將元貝作為其中一層！平時食開粉絲蒸元貝食得多，通常都俾炸蒜頭同其他野蓋哂元貝本身既味道，但大大隻就咁蒸真係比我想像中鮮甜！我可以食兩打都唔厭！第七層，蔡經理叫佢做意外驚喜。有幾驚喜？ 呢層米紙龍蝦湯海鮮卷用埋越南既米紙卷fusion海鮮放入蒸鍋蒸，好似去左酒樓食一盅兩件咁趣緻。我覺得米紙卷好足料，食得出真係用厚厚既米漿做，入面有小切蝦同魷魚粒，仲加左菇粒令口感更爽口。第八層既主角係黃金福袋配甜番薯同甜南瓜，黃金福袋做得好好，入面又係我至愛既流心芝士，番薯同南瓜切片好甜好味道😋到最後出場既第九層 - 人參雞粥！人參雞入面釀左糯米，外面係珍珠米。食左成個半鐘，之前每一層既海鮮既汁都流哂落最底層鍋底既粥入面，個粥好正好鮮味，吸收哂所有精華！特別推薦鍋底揀人參雞！以下係帳單同餐牌以供參考：…查看更多

記得係電視節目有介紹過d間由泰拳拳王開既fusion餐廳, 專程黎一試! 餐廳室內佈置以擂台做藍本，中央位置備有三米高的大屏幕播放泰拳比賽, 大部分餐台係小擂台形式佈置配上沙包形狀既椅子, 而我地兩個就被安排坐係周邊"觀眾席"既半圓紅色梳化, 身後有大沙包, 就好似置身真的擂台一樣. 1. 香辣蟹肉夜明珠 $88店員介紹我地食餐廳既招牌fusion菜香辣蟹肉夜明珠. 師博將蟹起肉加入秘製泰式生蝦醬汁打成蓉, 然後再將蟹肉釀入荔枝肉裡面. 每粒香辣蟹肉夜明珠size大概係一粒墨魚丸大小, 方便成粒送入口. 第一嗒係荔枝清甜既味道同清爽既口感, 緊接係蟹肉既鮮甜同醬汁的微酸同辛辣, 一小口入面有好多不同層次既味道, 食落係幾過癮. 千其唔好唔記得五粒夜明珠下面有粉絲墊底, 粉絲吸收左秘製醬汁, 食落好清新爽口. 小妹只係希望d道菜份量多少少, 我地兩個人食得唔多夠喉, 希望餐廳可將其由前菜改為主菜!2. 海南雞全隻 $238呢個特色全隻海南雞亦都係店員向我地介紹既. 食海南雞食得多, 但我覺得d間餐廳既海南雞整得特別有心思 - 以雞湯溫火慢慢焗熟，用傳統點心蒸籠盛載上菜, 上碟時再淋上完全不添加味精既熱雞湯, 海南雞溫熱之餘, 食完雞便可直接飲用底下的雞湯. 由於海南雞係以低溫慢煮, 食落雞肉非常鮮嫩而且一d都唔油膩, 個人特別中意淋上清雞湯後雞肉濕潤既口感. 小妹比較中意食雞脾, KB就中意食雞胸, 所以我地一人一籠唔洗爭. 我試左KB個一籠雞胸肉, 發現肉質都唔"鞋"口, 好驚喜! 相信係煮之前泵水過程做得好好, 而且用蒸籠焗熱亦保持肉質嫩滑, 係餐廳既用心之作. 海南雞配以三款醬汁/配料: 厚身醬油, 蜜糖色偏紅色既秘製醬汁, 同清爽既醃菜 (味道似冬菜), 我三樣都好中意, KB尤其喜歡秘製醬汁, 微辣中帶酸甜, 好味! 以下為部份餐牌以供參考 - 對餐廳既甜品好有興趣, 可惜我地兩個合力食左成隻海南雞落肚之後, 已經冇哂戰鬥力, 下次番黎再食過!…查看更多

We visited the new Passion by Gerard Dubois at Lee Tung Avenue last weekend - it was very popular even during post-lunch hours at 2pm-ish so we decided to get some take-away french pastries home. We couldn't grab hold of a printed menu but there's a menu blackboard right behind the pastry counter. 1. Chocolat aux Noisettes (NEW)As a hazelnut lover, this cake is always one of my top picks. The dark chocolate coating on the surface is mega chocolate-y, with the core loaded with super moist and thick hazelnut cream filling. I like that the cake tastes a bit less sweet than the typical Nutella flavor but is still very rich and nutty. 2. Dulcey & Banana (NEW)Chocolate and bananas are always a great combination - be it for milkshakes, ice-creams, pastries or mousses. For banana x chocolate lovers, this newly launched Dulcey & Banana cake with rich banana flavor and chocolate mousse is a sinful indulgence. The mild bitterness of chocolate mousse and the fruity sweetness of banana complement each other very well!3. La Boule Chocolat / Pistache One of the signature cakes at Passion with white chocolate mousse, pistachio and dark chocolate granache as the core - it is my boyfriend's favorite. Refreshing and delicious, this pistachio-tuned La Boule Chocolat is a truly dedadent dessert. The dark chocolate mirror glaze on the surface carefully wraps the white chocolate mousse and granache inside, supported by a chocolate crunchy base. I like the base a lot - I can taste a bit of honey out of it and it's also a bit chewy. The white chocolate mousse is not overpoweringly rich so it's easy to finish off. The main character of this cake - the core center with pistachio/dark chocolate granache is very richly-flavored and delightfully refreshing.4. Passion Fruit Mont BlancThis is my favorite at Passion - classic Mont Blanc with a refreshing passion fruit twist. The puréed, sweetened chestnut cream is very delicious, and the fruity-tangy middle has added an important refreshing touch, and has also helped balance out some of the sweetness of the outer layer. With the proper balance between freshness, acidity and the aroma of passion fruit, I'd say the cake is extremely light and delicate. 5. Earl Grey & PearThis Earl Grey & Pear highlights the fragrance of the Earl Grey tea and played up the refreshing sweetness of the milk chocolate mousse and poached pear pieces - quite an original combination of flavors, which surprisingly appealed to me. There are poached pear pieces on top of the cake and in the core layers, they are delicately flavored with the Earl Grey tea/chocolatey mousse and go wonderfully with a cup of tea!…查看更多

要係香港食高質素既漢堡包唔難, 不過係高質素漢堡包餐廳中, 性價比最好亦即係最抵食既應該就係人氣漢堡包店burgeroom! 係屋企人同朋友大力推薦下, 我同kb冒住雨都要去試下傳說中既鵝肝漢堡包! 餐廳分為室內同室外兩部分, 夜晚7點半去到全場坐滿哂人. 等左10分鐘, 我地被安排坐係室內既卡位, 急不及待睇餐牌: 我地兩個人叫左一個雙鵝肝牛肉漢堡($238), 加左額外burger topping菠蘿($12), 同埋一個芝士旋風薯條($50). 極力推薦的雙鵝肝牛肉漢堡! 😋😋😋我同kb都好中意食鵝肝, 所以叫雙鵝肝每人食半個漢堡包都各有一塊鵝肝就岩岩好. 個漢堡包份量驚人, 我咁大食都肯定自己食一個既話唔會食得落其他野🙊 漢堡包有兩塊鵝肝、菠蘿、芝士、牛肉、蕃茄、千島醬及生菜. 麵包好厚身, 皮脆而鬆軟 (絕對唔係某d餐廳個漢堡包包身"軟林林"個種). 主角之一既鵝肝非常肥厚, 由照片可見, 仲要比塊切片菠蘿厚身呀! 鵝肝煎得剛剛好, 外脆內軟, 入口即溶, 但食哂成塊都完全唔覺得肥膩, 真係好好味! 👏😋 唔食開鵝肝既朋友都可以試下, 你可能會愛上! 菠蘿雖然係罐頭食品, 不過勝在好大件兼厚切, 覆蓋到成個漢堡包, 而且甜中帶有微酸, 清爽既口感同鵝肝出乎意料地夾!!!😁 漢堡包另一個主角牛肉亦好厚身, 肉質鬆軟而且好嫩 (唔會因為煮得太耐搞到老左"鞋" sarp sarp) , 而且塊牛肉唔會一切就散, 係高質素牛肉! 廚師冇故意落太多調味料, 因為我地食到牛肉既鮮味, 呢點十分值得讚! 👍 漢堡包旁邊有少量生菜沙律, 調味適中帶有微酸, 非常開胃!芝士迷一定會好喜歡既芝士系列薯條: 半溶芝士加上扭扭薯條簡直係完美既結合, 因為直身條狀薯條點芝士唔夠扭扭薯條厲害, 扭扭薯條可以一次過承托大量芝士送入口中, 芝士迷必食! 扭扭薯條份量多, 比國際連鎖店既大碼薯條份量多, 而$50有咁大碟仲要滿滿覆蓋住半溶芝士, 真係超級抵食不能錯過... 半溶芝士醬味道香濃而且極之滑身, 食左大半碟都冇飽濟感. 芝士係扭扭薯條上放耐左都冇變硬身👍 餐廳另外亦有提供茄汁同芥末, 我覺得芝士扭扭薯條偶然配下茄汁都好好食!😋😋😋仲有好多餐牌上既野想試, 一定會帶成班朋友番黎再食過!…查看更多

博多屋台的設計風格，開放式的廚房讓食客可以欣賞師傅細心烹製拉麵的過程。店內位置不多，只有十多席，但一點壓迫感也沒有。 散發着豬骨香氣的濃厚湯底，溶解了魚介豚骨的精華。齒頰留香，回味無窮。 麵條的粗幼度可以按自己的喜好選擇。1.25mm幼面或1.5mm中幼面。根據菜單介紹，前者軟身幼面容易纏住湯汁，後者硬身粗面就非常有咬勁，任君選擇。而這0.25mm的差別就足以印證日本拉麵師傅的認真製作，細心別緻。 熊特製五花腩 反映了日本師傅的講究認真。 肥肉入口即化，瘦肉口感軟硬適中有咬勁。兩者皆吸汁醬汁的精華。單是五花腩就讓人看得怦然心動。 糖心蛋為這碗拉麵作出畫龍點睛之效。我一向對糖心蛋情有獨鍾。但真的要強烈推介這糖心蛋。 濃烈滑溜的口感，是味蕾的頂級享受。流心蛋汁，更是視覺的一大饗宴。 免費提供的辣芽菜，高菜同紅姜三個配料，清爽的口感與酸、鹹、辣的味道，與拉麵相互輝映。 這間熊拉麵在日本仙台同埋熊本縣都有分店。 香港分店的師傅也是日本人。店員其後告訴我在香港不會開第二間分店，因害怕食物的質素與品質有所參差。 這種敬業的精神，相比起其他不停開分店的連鎖拉麵店，令人十分欣賞。…查看更多

我地成日去食見慣見熟同埋可能有老人家, 店入面d呀哥呀姐都好好招呼. 有次夏天我地覺得某角落頭太大風, 著便服個呀姐 (應該係老細) 都即刻幫我地執野坐去卡位冇咁大風。我地四個人叫以下五樣野食加白飯, 係飽到食唔哂的。之前食過一大窩的蠔仔粥同蟶子都好好食。韮菜豬紅：大大碗豬紅好多, 但係略嫌韮菜少左d (主要浸係豬紅下面, 份量大約可以載滿大半個標準飯碗), 我好中意食韮菜所以如果韮菜多到鋪滿哂就好喇! 新忠記既豬紅口感好爽味道好 (有時係其他地方食車仔面叫豬紅, 如果唔新鮮食落有'sang'味)黃金酥鮮魷: 好好食, 外層炸得好香脆, 而鮮魷本身亦好滑好'林' very good! 由於用大量既蒜頭同蔥花爆香, 所以特別香口惹味, 值得一讚既係份量好多, 4個人每人大約食到7-8件, "送"飯一齊食簡直一流!!我婆婆中意食呢個雪菜煲，食完好暖胃豉椒炒蜆：好食, 火喉夠, 豉椒豪不客氣地落左好多所以特吃惹味. 好大碟食極都未食完, 唯一不足係味道有不穩定, 有些日子去味道稍淡, 有些日子又稍鹹, 不過新忠記d種地道街坊小菜館既好處就係, 可以按個人喜好落單時同伙記要求鹹度. 例牌蠔餅：新忠記將蠔餅size分類為"例牌"同"加大", 我地4個人因為叫左好多其他餸所以例牌已經夠食了, "介"開八份每人有兩件pizza size既份量. 蠔有好多大大粒好肥美, 餅皮本身炸得好香脆, 食落蠔味亦好重, 唯一不足係周邊既皮太厚身, 食到最後太飽, 被逼放棄同脆皮作戰, 但仍然有戰鬥力挑哂滿滿既蠔仔出黎食!…查看更多

每次打去casa fina或者佢d姐妹分店book位, d哥哥姐姐服務都好好又有禮貌. casa fina招牌foie gras pasta, 好足料好足料好足料, 真係食得好滿足, 個醬好好味個pasta變哂色就知道入哂味, 每次番黎都一定再叫番佢. 差唔多每一嗒既意粉都一有鴨肝, 中意口感creamy既朋友一定會好中意食. 鴨肝入口即溶, 其實成碟pasta份量唔少, 不過一路食都完全冇油膩感, 食完亦唔會覺得好「濟」d度每日都有6款蠔做半價, 蠔名我就唔記得哂, 不過侍應哥哥姐姐會逐款蠔同你介紹仲形容埋俾你聽邊款creamy邊款海水味重, 其實我既策略就係全部都試暈哂佢, 因為真係全部都好新鮮好甜好好食呀!呢道小菜係fusion野, 中間既係傳統tuna tartare(吞拿魚撈埋西瓜粒), 我地覺得用一片木瓜圍住幾特別, 而且味道出乎意料好夾, 係周圍既海膽係新鮮的, 食落有甜味, 讚!我地仲叫左個羊扒試下, 連我嫌羊肉有"so"味都接受到, 個扒燒得好好, 值得一讚既係佢雖然係扒骨不過都算啖啖肉, 尤其係條骨其實好幼好細條, 脂肪唔多不過舊肉仍然好"林"身!…查看更多

岩岩開業個時我試過得閒得濟閒日晏就去排左兩個半鐘隊買左12個,分俾親朋好友之後已經冇哂....個時排隊係沿住sogo地庫個d貨架排, 由杯麵架排到餅乾架再排到章魚丸個度.......聽講最近人流少左再去過排, 今次只係排左10分鐘啫！！！！可以平日經過開sogo過黎兜番轉買兩盒走. 今次撞正個個職員服務就麻麻而且反應好慢, 佢問我要幾多, 我叫佢幫我執滿3盒 (我地兩個人, 每人限買12個, 一個盒放到6個) 點知我見佢拎個紙袋放3個入去, 我即刻叫住佢話我地要3盒18個, 佢竟然同我講3盒有36個.........仲叫cashier收我36個既錢, 我話3盒每盒6個 3x6=18 佢仲黑我面 服務真係好差..不過係咁岩個一次遇到個個人, 之後冇再見過佢......買左之後一定係趁熱食最好食. 不過凍左之後可以雪落雪櫃拎出黎食, 入面既芝士會雪到好似cheese cake個種質地又有少少似雪糕咁, 我覺得一樣好好食. 如果想整熱番佢可以放入oven輕輕整番熱佢, 入面會流心番架!放入microwave就要小心而且我覺得冇咁好...某將芝士撻放左入去microwave之後試過爆漿半份芝士流哂出黎冇得食, 所以逐少逐少叮30秒好喇, 同埋用microwave會搞到個皮林左, 不過個芝士心仍然係好香好滑!!…查看更多

以前晚晚開OT一定係叫外賣黃枝記, 每次都例牌嗌雲吞麵／炒飯／粥同一大盒菜, 甜品就紅豆沙, 木瓜雪耳糖水同椰汁杞子桂花糕都好好食好養生呀今次食左d幾樣:柚子骨: 其實即係酸甜骨, 厚肉既骨唔係大大舊'ar'位個種, 好香柚子味而且非常開胃, 送白飯一流鮑魚仔就唔係好抵食, 如果唔中意食陳皮就唔好叫, 因為落左好多陳皮個鮑魚入左味, 我中意食陳皮不過都覺得不太特別新鮮唔值98蚊6隻扇貝平d, 80幾蚊6隻反而好食好多, 上面爆香garlic好香口, 大大隻好厚肉好鮮甜豬肝豬腰粥好多好多料, 好食!…查看更多

名不虛傳真係好食, 我覺得排隊排左半個鐘去食佢係值得既! 綠茶雪糕係我係香港食過最滑架, 以前慣左食sweet house chacha已經覺得好好食, 食完via tokyo對比起上黎d度既雪糕更加滑溜好好好好好幼細好creamy, 唔係好強既奶味, 綠茶味夠重而且好香有回甘的, 隔離個d糯米糍超級彈牙去食個時出左隻培茶味, 順便試埋, 都係有好香既茶味, 但係個人喜好中意食綠茶多d!…查看更多

有amex張食野卡就唔可以唔去d間miso食二人半價餐, 因為半價左就抵食同埋兩個人可以嗌多d野食丫麻! 以前成日去miso食晚餐, 晚飯時間過左7點通常都要等, 所以最好當日5點前打去book定位. 我覺得miso雖然野食係好食, 不過服務唔多掂, d waiter個個行黎行去但成日等三四個經過舉到手軟先有人肯同你落單...每次都叫鍋燒烏冬, 因為個烏冬好彈牙, 個天婦羅蝦冇咩特別, 蛋同肥牛好食, 湯底好多MSG就預左架喇所以豪俾佢啦海鮮鍋反而冇我想像中咁抵食, 一大個煲好多都係菜, 蝦蟹係新鮮既炸蠔好好食, 炸得好脆卜卜但唔覺得太油膩, 個外層薄入面隻蠔好大隻下架, 好食好食我最中意最中意最中意既miso菜式就係d個coconut pudding, 好食到有時我係地間食到好飽都要入去miso淨係食個pudding, 個容器本身就係個椰子bb, 椰子肉係入面係用匙更貼住個殼邊連住椰子肉筆埋d布甸一次過食, 個紅豆雪糕好食好creamy, 食哂之後我通常會繼續食埋d椰子肉, 我覺得d個甜品好健康!…查看更多