littlelittletummy's Profile

早幾個月有朋友推介AMMO嘅下午茶set, 今日同朋友黎，原來今次個tea set 係13周年限定下午茶！個period係1/9到31/10。個set嘅甜鹹點全部都好精緻，而且我地坐喺窗邊位對住出面翠綠嘅大樹，呢個下午茶係視覺同味覺享受，weekend就係要黎一場優雅嘅下午茶之約😚😚鹹點4件：脆皮雞肉迷你漢堡（好滴骰好得意，舊雞炸得好香脆）帕馬火腿蜜瓜卷燴珍珠鮑魚撻 (食落除左鮑魚味仲有d黑松露味，勁香）蝦仁鵪鶉蛋串（呢個配搭嘅口感好豐富好特別）甜點5件：煉奶濃縮咖啡布丁（咖啡味濃香非常好食，好岩咖啡控）大理石芝士蛋糕抹茶馬卡龍迷你草莓蛋白餅（第一次食呢種餅，口感有少少似馬卡龍但又唔完全一樣，食到新野覺得好驚喜）英式鬆餅（鬆軟好食）另外叫左一杯mocktail同一杯cocktail,又係好靚，打卡真係一流～～另外仲送埋餐廳限定杯墊比我地～好有心思呀high tea真心好開心，期待下一個主題再黎食tea😍…Read More

Reflect呢間餐廳主打fusion手工墨西哥料理，餐廳有個好靚同幾grand嘅bar枱，仲有室外座位，環境好乾淨真心坐得舒服！嗌左份TACO,餐牌有幾款選擇，而我地就揀左雞肉。三塊taco都幾大塊，仲要個taco皮係勁脆好似薯片咁，好香口好好食😍餐廳好細心有提供濕紙巾，所以用手拎住食完全冇問題👍雞肉量多莎莎醬又美味。面頭有齊牛油果醬，蕃茄同sour cream，賣相又靚，滿意度100分！另外嗌左個海膽醬大帶子扁意粉。非常surprise個海膽醬好鮮甜好好食！醬汁係十分之夠！本身仲以為會得好少海膽點知最後係勁足料，餐廳真心夠誠意🥹😍大帶子有三粒，都係鮮甜。呢個意粉極正最後嗌左甜品，叫反轉蘋果撻，個名好鬼攪笑🤣個撻底好香牛油味同脆，蘋果沾滿玉桂香，同埋有雪糕。冷熱交織好好食呀crazy🥹…Read More

每次聽到有日本過江龍嘅拉麵店都好期待去食☺️呢晚去左中環花丸軒，食完佢地嘅拉麵同蕎麥麵覺得幾正，中環地段黎講定價又唔算太貴。鰻魚野菜天婦羅蕎麥麵，第一次食天婦羅鰻魚，原來好好食架喎！炸皮非常脆薄，就算之後我地傾計放耐左，都仲係脆的！激辛原條豬軟骨拉麵&溏心蛋，雖然個名係激辛本身都驚好辣，但我地問店員可唔可以小辣，所以最後碗麵真係小辣好香好岩口味！！豬軟骨超厚超長一條，非常腍身又吸晒啲湯精華，極終好食！仲有叫左個小食，係天婦羅紫菜魷魚鬚，份量都唔細碟架，幾抵食，都係非常香又鮮味。呢度嘅炸物都係少油，我好欣賞呀👍…Read More

第二次喺香港食段純貞，上次食完個牛肉麵之後念念不忘，又帶左另一個朋友黎食。今次去左moko分店，坐滿晒人。食物：燉濃湯雞麵（細麵）招牌紅燒腱心牛肉麵（微辣）(手工麵）蒜粒古早台灣腸蒜醬油麥菜麻油素麵根椒麻皮蛋（微辣）飲品：紫香芋泥特調葡萄柚香橙璞玉紅茶麵款有手工麵同細麵兩款揀，我個人就勁鍾意手工麵，係寬身又寧舍煙un, 細麵就相對淋身d,我朋友就鍾意細麵嘅口感多d。牛肉麵湯底非常濃郁，牛肉又炆得好淋同入味，絕對唔係味精味。濃湯雞麵湯濃味得黎唔會油淋淋，仲比左大大隻嫩滑雞脾我地，好高質！揀多左兩個小食，食台灣腸諗起當地夜市feel,好香！麻油素麵根食落好開胃！手搖飲品係必嗌，款式多之餘，又大杯又好味，半糖調配又調得恰恰好，下次經過都會想外賣試多幾款飲品！…Read More

今晚同朋友想食下西式野，行過赫德道見到彌敦左岸呢個名幾得意，即管望下個餐牌。見到有beef wellington好似好吸引好想試下。入到黎發現樓上果層氣氛唔錯wor!皆因原來撞正呢晚有dj party,食食下野有dj播下歌卒下碟，啲食客都有出去睇同跳動下，氣氛一流👍期待嘅beef wellington😍酥皮焗得非常香脆，牛肉juicy而且內裏仲有鵝肝架，成件事更加高級同令味道口感更加豐富！5成熟嘅牛烹調得非常恰好，味道滿分！另外叫左個避風塘炒粟米，酒吧餐廳有d咁港式嘅野又幾得意，痴線地好食！😍微辣嘅是拉差辣椒蛋黃醬非常非常惹味，每條粟米都沾滿炸蒜，好味到食唔停口！酒我地就唔太好，嗌左兩杯果汁，都好好飲！…Read More

最近三文治癮發作，星期六去左灣仔果邊搵左間幾chill嘅cafe食三文治，覺得好適合所有三文治控😍Cafe座位唔多， 黎到都多人，30幾度爭啲要喺餐廳出邊座位食，但好彩最終餐廳都安排到室內吧枱位俾我哋坐👍 signature sandwitch set ($148) 包咗三揀一嘅三文治+沙律菜+飲品，足料抵食。Satay roasted beef sandwich & Poached chicken sandwitch: 自家製嘅沙嗲醬微辣非常惹味，牛肉亦夠juicy同無筋位，啖啖肉好好食。加左青蔥油嘅雞肉同樣係好好食同嫩滑。兩款三文治配菜都有極香蛋味嘅奄列蛋同生菜，而份量認真唔少，覺得好有誠意超級加分！野飲係matcha latte同pineapple ice tea, 兩杯都係預設左無糖，健康又茶味濃香。Matcha果杯仲好明顯睇到漸層，影相好靚😚…Read More

之前經過見到呢間餐廳已經好想食，再加埋睇埋OpenRice啲相，更加想黎食，因為環境真係好靚呀！勁高嘅樓底，猶如喺教堂食飯咁，木化石嘅主題別具氣派雞肉絲墨西哥餡餅，有4塊，餡料塞到滿滿，雞絲嘅調味料好香，夾餅個皮烘至微脆。有3款醬可以點黎食，而我最鍾意就係點牛油果醬食夏威夷薄餅，勁耐無食過有菠蘿嘅pizza,酸酸甜甜好開胃，幾鍾意佢選用嘅芝士，係唔會過咸嘅芝士，幾light幾健康嘅感覺。個批邊厚度適中，唔會過薄唔夠飽肚，又唔會過厚咬唔到特色木化石朱古力餅，呢個都係幾signature嘅甜品都真係必嗌！食落係我鍾意嘅濃黑朱古力味道，個餅濕潤可口，好食到所有朱古力片都比我清晒😎每人只係$200,呢個野食質素同環境認真值回票價😍…Read More

Still環境好骨子舒適，食物精緻且美味，融入日式風味嘅西班牙菜，真心唔錯嘅lunch之選☺️lunch menu會每個月轉一次款，大約月中左右。set包湯/沙律，餐飲，其實幾抵食！是日餐湯係蕃茄忌廉湯，沙律就黑醋汁紅菜頭沙律。兩款味道都令人好開胃。甲羅燒蟹肉西班牙飯，呢碟飯驚喜在於混合左日式嘅甲羅燒，啲蟹肉好新鮮，真係啖啖肉，仲要係好滿蟹膏架🤩而個西班牙飯底又夠多汁，配合蕃茄同青椒味，覺得好香好好食！什菌沙嗲墨西哥夾餅，發現自己好多年冇食過出自墨西哥嘅quesadilla,所以即嗌左！個面係脆卜卜架，切開會見到內裏餡料好滿，有大量什菌同瓜，健康又惹味🤓甜品有Churros!外脆內軟，堅整得出色！！！😍…Read More

原來呢間段純貞啲野勁好食，食到好正嘅傳統台灣味道😍！同個朋友放工過黎食，order左兩個小食，兩個主食，兩杯飲品（日出茶太crossover),再加多碟油菜。招牌紅燒腱心牛肉麵（微辣），招牌嘅野一定要嗌，啲牛係勁入味又煮得腍，份量有三大舊，真心足料煮得勁出色。仲有好surprise手工麵係好粗好有咬口架，食落好正，一試愛上🥹🥹青花椒香手撕雞乾拌麵（微辣），乾拌麵就淨係得幼麵揀，同樣都係有好有咬口架。配料有糖心蛋，花生，雞絲等等，微辣好開胃又係好好食好香嘅一款麵小食嗌左麻辣鴨血冬粉（微辣）同藥膳雞翼。好癲連個小食都好大份好抵食🥹佢地嘅鴨血好好好好食！個湯底唔會係死辣果種，係帶椒香。冬粉索晒啲味，令我忍唔住一啖接啖咁食晒🥹而藥膳雞翼湯底都好濃香，雞翼尖又滑。真心呢度小食一啲都唔馬虎👍👍日出茶太有好多飲品款式揀，我鍾意d qq口感所以就飲左百香qq, 朋友果杯係紫芋特調，大家都覺得半甜好岩味，大杯又解涼…Read More

暫時食過最抵食嘅串燒店一定係呢間燒烤堂，集港日西韓川泰疆風味，款式非常豐富，另外亦加設燒烤堂自家製新品，好有驚喜，而且款式亦都間唔中會轉下👍尋晚同屋企人黎食，嗌左呢啲：牛舌芯：牛舌控嘅我第一樣就係嗌呢個，中切都幾有咬口同牛味濃燒A4和牛：和牛定價性價比好高，超多肉汁架鹽燒開邊雞翼雞皮：脆到似薯片，超好食而且炸得好乾身明太子雞腿肉：雞肉好嫩滑，明太子醬都幾多，幾開胃糖不甩燒芝麻湯圓：第一次食燒湯圓，作為甜品一流呀燒芝士年糕香草蒜蓉包牛油蒜蓉焗金菇蟹肉芝士最中餅：造型有啲心思，蟹肉量多而且最中間夾左舊cream cheese焦糖鰻魚玉子燒蒜香牛油煮蜆韓燒泡菜五花腩豚肉牛油果卷：呢類卷物配搭都好好食同健康，豚肉嘅配搭仲有荔枝、蘋果、豆苗、鵪鶉蛋等等，全部都係心機卷物，每款都有心動想試！即打芒果乳酸即打士多啤梨乳酸…Read More

Vegmind顧名思意即係以素食作理念嘅餐廳，素食款式幾新穎，一d都唔死板，而且價格以鯉景灣地段黎講都好親民，吸引左我地黎食。Set Dinner最抵食，揀左素芝士千層麵同野菜天婦羅意大利飯。千層麵入口非常開胃！蕃茄酸度恰好，芝士份量夠多，岩晒我呢d芝士控，而且黑松露味又唔會太搶，真心食唔停口嘅一款千層麵！而天婦羅都炸得乾身香脆，絕非油淋淋，秉承健康素食理念，呢點我好欣賞！菠菜醬嘅意大利飯我係第一次品嚐，又幾好食喎值得一試！小食嗌左個Nachos, 性價比好高好大碟！特濃朱古力咖啡同開心果Latte兩杯都好好飲，因為係素食餐廳，甜度控制得好好，又健康又香嘅兩杯飲品🤩…Read More

Potluck Eatery 6月份做緊mirror ian生日應援活動，由門口至餐廳內會見到不同嘅ian圖畫作裝飾，勁有心機🫰仲有部卡機可以抽卡，又播住ian嘅歌，岩晒ian fans黎！而且本身餐廳空間感好大，座位寬敞，真心坐得舒服，木系嘅純撲裝修又幾靚，係間好chill嘅餐廳！卡邦尼手捲意粉，第一次食呢種手捲意粉，有d似長通粉咁中間係充滿咗啲汁架～個汁稀杰到調得剛剛好，配埋厚切煙肉粒，味道濃郁好好食👍牛油白酒煎焗挪威比目魚，係好滑好滑嘅比目魚，自身嘅油脂好香，超好食！有少少蔬菜做配料，包括車厘茄、蓮藕、粟米芯、焗薯。雪糕窩夫，雪糕味有朱古力，芝麻，香芋3款味揀，我地揀左芝麻，微脆嘅窩夫熱辣辣，夾住凍冰冰雪糕好好食！右邊果杯叫做Apple Yuko,係蘋果+柚子+earl gray飲品，好fresh好岩夏天飲🤩…Read More

呢間cafe嘅野食每次都令我好驚喜同滿意🤩去左尖沙咀海威商場分店，呢間有啲門拱形design,幾靚，同埋又多位！三文魚菠蘿通心粉貝果配沙律（$97)🥯大份到癲左😆嗌呢個嘅原因係因為覺得個配搭幾新穎，菠蘿通心粉係沙律醬撈埋，跟住配上煙三文魚，睇相會見到餡料真心多！好豐富嘅口感+味道，然後個bagel口感係好煙靭架，上癮的口感🤭極鍾意呢種口感，真心令人好surprise同好滿足！😍藍莓loaf cake好好食，唔會好甜，質地濕潤。Matcha Latte,嗌左large size😆佢地嘅抺茶幾夠濃，同時奶味都好香，large都係多幾蚊，好抵！…Read More

vol. 1 cafe出名手工意粉，專程約左個意粉holic嘅fd黎食。餐廳室內室外位置都有，乾淨骨子。App落單，嗌左呢啲：忌廉明太子配手工圓粗麵($138)卡邦尼手工圓粗麵($138)炙燒白松露雞翼（$58)抹茶麻薯巴斯克蛋糕($68)奶蓋桂花鮮奶烏龍茶($48)百香果菠蘿桂花烏龍茶（$42)啲手工麵好好食呀！係幾有咬口嘅麵條，份量都唔細架，汁量又好足夠味道又濃郁，最緊要係佢啲麵好掛汁，正呀！炙燒雞翼超香噴噴，尤其係加埋面頭嘅香草,好鍾意佢調較嘅味。一碟有4隻。抹茶麻薯巴斯克蛋糕不論係size,溫度，味道，滑溜質感通通都滿意十足🤩內有麻薯更豐富口感，呢款cake係必嗌！左邊係奶蓋桂花，原來係好靚架喎，奶味濃！而右邊果杯入面除左有菠蘿同百香果果肉，仲有蒟蒻架！…Read More

星期六喺dirty skillet食左個正正brunch, 環境好靚好舒服，令人心情好舒暢。我地坐窗邊，裝修有種小清新嘅感覺，真心坐得舒服。brunch set 款款都好吸引，啲野飲款式又好多，我地嗌左個安格斯手打牛肉漢堡同意式乾茄鱈魚意大利麵，賣相極之靚！！burger個面有烘過架所以係微脆好好食！中間夾住溶岩芝士，香噴噴嘅煙肉，juicy嘅牛，煎蛋等等，仲有秘製醬汁，非常豐富足料同勁好食，要比滿分呢個burger!另外d薯條都係即炸起好香噴噴同脆而個意粉都好好食，佢個汁好開胃，鱈魚都夠滑，份量又多，麵條口感正正係我鍾意嘅適中度。野飲又係好靚，有Matcha Mountain同Dragon Hat,兩杯都唔會好甜，火龍果果杯仲有鮮甜果肉，非常適合夏天嘅飲品呀！…Read More