catsnbaby's Profile

呢間餐廳喺逸瓏灣嘅商場內對出馬路已經有露天時租停車場夠晒方便好鍾意呢間餐廳嘅裝潢有一面牆掛滿不同嘅菲林再加啲Polaroid 相片Vintage得嚟仲好型格喵奴都順勢同兩位公子講吓咩係「 菲林」「菲林相」又係點曬出嚟食物方面我哋叫咗4個晚餐set瑪格烈特薄餅餐：以前唔敢嗌呢款PIZZA因為怕啲仔唔鍾意羅勒葉嘅味道估唔到哥哥一試愛上仲話想食多件不過sorry個個都想食唯有下次再嗌過香煎海鱸魚配日本南瓜薯蓉餐：海鱸魚大件得嚟又香脆再配上幼滑嘅南瓜蓉清甜又健康紐西蘭草飼肉眼扒配新薯及菜餐：我哋叫咗5成熟牛扒肉質鮮嫩又juicy而且草飼牛肉出名脂肪少唔會太過肥膩以前試過鋸扒切走晒啲肥肉得返2/3食得落今次成塊扒都食得晒感覺健康啲又冇咁浪費脆香巴馬火腿卡邦尼扁意粉餐：意粉比較偏淡因為上面有脆香巴馬火腿整碎再撈落意粉度就鹹返啲所以我先夾起未撈火腿嘅意粉俾兩個仔再同老公品嘗撈咗火腿嘅卡邦尼扁意粉一碟意粉兩種味道啱晒一家大細食！套餐附上雞翼2件或吉列炸蠔2件雞翼酥脆多肉感覺有啲似M記嘅唔辣雞翼炸蠔唔會太厚粉我又唔會吹到好似生蠔咁好食嘅但咁嘅價錢有炸蠔食性價比已經贏晒飲品我哋有加錢轉特飲有咖啡有特濃朱古力加cream有玫瑰荔枝梳打又靚又好味如果出去市區食呢餐應該閒閒地都過千呢度4個餐加埋特飲都只係7百零蚊（新張期間，居民晚市仲可以有八五折添）性價比好高呀…Read More

又可以同老公二人世界，老公話想食放題，於是我地就搵左大埔間「滿屋」日本料理嘅放題。呢間放題係可以用電話落單📲，方便又環保。前菜、飲品同甜品都係自助形式。落單既食物有好多類，刺身、壽司、火炙壽司、手卷、軍艦、卷物、串燒、一品料理、燒物、煮物、炸物、天婦羅同甜品等等。特別一提，呢度係有自助清酒🍶提供，如果鍾意飲清酒既不妨可以考慮一下。先講刺身，我地差唔多樣樣都叫左兩片黎試試，普遍都水準之上，油甘魚同帶子刺身都好鮮甜，大赤蝦同甜蝦🍤都好好食。壽司方面，劍魚腩同三文魚腩壽司🍣都好好味😋我地跟住就叫左好多串燒🍢，有牛舌、雞翼、海蝦同菠蘿，我同老公食唔停口。燒物就正正常常，我地叫左比目魚🐟同羊鞍，燒得岩岩好，轉下眼又食晒。跟住到炸物，呢間餐廳有炸榴槤食，可惜我地唔太好所以無叫到🙁，我地叫左炸蠔🦪，又炸得幾脆幾香口。之後係廚師料理，有燴花膠同和風炒雞腎，我好鍾意食花膠😜，老公就好鍾意食雞腎，兩樣都整得好好味，正！我哋仲叫咗海膽手卷，size 唔算大但海膽份量都足，食落都新鮮㗎。仲有一品料理嘅炒粟米同避風塘炒墨魚仔，可以講下呢間放題處理熟食係幾出色，全部熟食都好好食。鍋物因為太飽無叫到，最後叫左兩杯movenpick 雪糕🍨埋尾，下次先再試下個鍋物喇！呢間放題啲飲品選擇係好多，有汽水、烏龍茶同檸檬茶等等，仲有最鍾意既台灣龍井茶！下次再帶埋兩個仔嚟擦餐勁嘅！…Read More

噚晚同老公去粉嶺聯和墟食晚飯，最近出街都係食日本嘢，今晚就試下韓國嘢🇰🇷！上網一搵就見到有間叫「 #梨泰院」嘅韓式餐廳，同之前韓劇個名一樣😍，一於試試佢。由於唔係好肚餓，於是我地只係叫咗 #韓式炒年糕，#烤原隻魷魚 同埋 #炸軟殼蟹。最後同老公一人一杯飲品，#雜果梳打 同埋 #藍莓沙冰。韓式炒年糕啲汁好開胃，年糕都炒到好有口感，第一道菜真係食唔停口👅。之後就嚟炸軟殼蟹🦀，好香口，佢同平時食既軟殼蟹有少少唔同，佢係原隻上，大約手掌心咁大到，個味道都調得唔錯，咸香味夠。最後就食埋個烤原隻魷魚🦑，佢一上碟時見到原來係兩隻魷魚，夠晒我同老公食，魷魚烤得岩岩好，好chewy，夾埋佢個燒烤汁，又清碟。飲埋兩杯飲品🍹🍹，我個杯係藍莓沙冰，好靚😍老公就係雜果梳打，味道都幾好，就算唔叫飯同麵都夠晒飽，而且餐廳地點都好方便，喺正瓏山一號地下，好易搵㗎咋！…Read More

呢排成日都想食日本野，咁啱老公放假，一齊去旺角試吓一間叫「長阪燒」嘅日本餐廳，佢哋中午12點至6點會有個半價menu，好抵食呀😍！我地今次叫咗好多野食，飽到捧住個肚走！有燒花魚一夜一干配御飯、鹿兒島黑豚溫泉蛋丼、茶蒸碗、炸蝦天婦羅拼盤。壽司就有火炙京蔥三文魚、醬燒熟蝦、劍魚腩同埋立魚黑松露。先講壽司🍣，全部魚都有新鮮，賣相亦都好好，特別係劍魚腩🐟，一睇就知好肥美，壽司飯唔會掐到好大舊，我地仲留意到佢用咗赤醋去整個壽司飯，食多幾舊都唔會覺得滯，真係要讚一下👍🏻！茶蒸碗，正常水準，個蛋蒸到好滑，入面啲料亦都好足！即刻試埋個炸蝦天婦羅拼盤，個衣炸到好脆好薄，好好食😜！之後就到主角，👑燒花魚一夜干，條魚睇顏色已經知道燒到岩岩好！條主骨好容易就成條起出黎，啖啖肉，花魚啲肉質又好嫩，拎黎配白飯真係好夾🍚。最後就係鹿兒島黑豚溫泉蛋丼，黑豚切到個size岩岩好，細細塊就鋪滿係個飯嘅表面，醬汁好好味亦唔會太鹹。食到咁上下我就篤穿左個蛋🥚，撈埋啲蛋汁落個飯度，當然成碗食晒啦。今餐好滿足，全部食物都清晒，今次揸車冇叫到梅酒飲，聽聞都相當出名，下次唔揸車過嚟飲埋杯酒先🍶！長阪燒-爐端燒、居酒屋…Read More

喵奴雖然係ftm，但都重視metime🥳，難得聽到朋友們話想去打邊爐，梗係要搵間坐得舒服，又食得開心嘅餐廳啦！尖沙咀醉胡爐喺柯士甸路，由紅磡火車站行去5-10分鐘就到，非常方便👍🏻。一入門口，就俾佢嘅裝修吸引住，有中西合壁feel，新潮得嚟又有中式味道，非常舒適☘️。👑金翅花膠乳鴿湯嚟到當然要試吓皇牌湯底啦。湯底無味精，有原隻乳鴿、足料金翅同花膠，乳鴿底部仲有大大個冬瓜盅，打邊爐前先飲兩碗湯暖一暖身，仲好養顏呢。職員同時附上8款醬料，點溝都得。蔥花、辣椒同芫茜都好新鮮。之後我哋就scan QR code點餐，簡單易用。👑胡爐小拼盆（小）有安格斯手切肥牛、牛胸爽、牛舌芯、霜降牛柳粒、極上手切牛胸脊，每款都色澤鮮豔，非常新鮮。我最鍾意都係牛柳粒，好少會食到入口即溶嘅牛柳粒㗎，絕對高質👅！牛胸爽彈牙爽口，牛舌薄得嚟咬落仍然好有口感，呢個小拼盆真心高水準呢。👑XO鮑魚蝦餃王（半份4粒）蝦餃椒薄餡靚，蝦肉好足，襯埋落XO飽魚即刻味蕾升lv 呢。👑黑松露蟹肉餃（半份4粒）黑松露墨魚丸（半份4粒）兩款手打丸都非常好味！餡肉飽滿，啖啖都係肉同丸；黑松露味濃郁，但又唔會蓋過蟹肉餃同墨魚丸嘅鮮味，係超高水準！👑廣島蠔冇諗過佢哋嘅廣島蠔會咁大隻🦪！用金翅花膠乳鴿湯底熬出嚟特別鮮甜呢。👑蔬菜拼盆（小）睇相就知幾新鮮啦！總括嚟講，食物高質，環境高質，價錢都幾高質(😆)嘅餐廳，不過我會再搵機會再同屋企人嚟食，因為我鍾意！…Read More

早幾日係聯和墟食左間日本餐廳「瀧之亭」，離開餐廳時發現係正隔離有間越式餐廳，所以過兩日老公決定收工去買外賣返嚟試一試。老公總共叫左四樣食物，有蒜香牛油雞翼（6隻）($68)，熟牛肉河($50)（其實我地都鐘意食生牛肉河多啲，但想俾兩個仔仔試埋就叫咗熟牛肉河），海南雞飯套餐($60)同埋香葉肉碎煎蛋飯($50)。先黎蒜香牛油雞翼，剩係聞都聞到好香牛油味，雞翼本身又夠大隻，又炸得好脆，做餐前小食就啱晒，小朋友都岩食👍🏻。熟牛肉河，外賣時會好細心咁分湯，避免浸到啲河粉脹晒，個湯底好清，唔太咸，牛肉都好好味，唔會咬到痴晒牙，老公係牛魔王😂，差唔多一個人食晒成碗👅。海南雞套餐可以揀油飯同香飯，我地梗係揀左油飯喇，個餐仲有油菜同凍熱飲送，真係抵食😍。海南雞好滑，口感好好，雞醬好惹味，酸酸辣辣咁，唔覺唔覺又食晒個飯🤤。最後就係香葉肉碎煎蛋飯，肉碎就係主角，餐廳一啲都唔孤寒，一打開個外賣盒就見到塞滿晒肉碎😱，拎黎撈飯一流💯。總結就係我地三個人加兩個小朋友係清晒所有食物😜，可以講得上個一間幾好食既餐廳，下次就番老公放假就黎試埋個堂食先。…Read More

見到粉嶺愈來愈多餐廳林立，對北區人嚟講絕對係喜訊🎉。呢晚又同老公撐檯腳，去粉嶺嘅「瀧之亭」食日本菜。瀧之亭入面有刺身、壽司🍣一定唔少得，仲有天婦羅、炸物、串燒、同埋多款丼🍱、日式炒飯、鍋物🍲等多款選擇，仲有廚師推介，對於有選擇困難症嘅我，真係要用5分鐘慢慢揀。當然精心「挑選」出嚟嘅食物都非常吸引，老公讚不絕口呢👍🏻。廚師推介「牛脷石鍋丼」$98好多牛脷呀👅！夠晒厚身，非常爽口彈牙，再配上香口洋蔥同三色椒🌶，最上層灑上蔥花同芝麻，色香味俱全💯！極上壽司拼盤 $238包括有鰻魚、油甘魚、鱆紅魚、帶子、赤貝、牡丹蝦、八爪魚、海膽同三文魚腩，啲飯原來用江戶前傳純壽司制法，用「赤醋」打壽司飯🍚，所以啲飯係啡啡紅紅，暖暖地，酸度適中，飯更香濃♨️，更能襯拓出魚嘅鮮味。我覺得油甘魚、鱆紅魚同海膽都好好味！蟹子軟殼蟹卷 $98同樣地同上赤醋飯，軟殼蟹好大份，蟹子勁多，口感更豐富呢🤤。鹽燒雞翼串燒 $20燒雞軟骨 $22/2串雞翼皮燒得金黃鬆脆，肉質新鮮，啖啖鹽燒味又唔會太鹹；雞軟骨燒到卜卜脆，好想叫杯啤酒送雞軟骨呢🍻(可惜我揸車過嚟)。難得粉嶺有間咁高質素嘅日式餐廳，希望可以繼續保持水準，為北區人士「造福」🙏🏻😘。…Read More

每次去尖沙咀都會煩食乜好，今次我同老公就搵到海港城附近嘅一間樓上鋪，Whatever Bar & Restaurant，又幾有驚喜，我諗我哋會再番黎食嘅!👑Black Mussel Pot with Classic White Wine $ 138食第一啖已經有驚喜，青口好鮮，啲汁又調得好好味，加埋個多士去點啲汁簡直係一流。我同老公好快就食完呢個頭盤👍🏻。👑Smoked Salmon Pizza $108煙三文魚醃得岩岩好，唔會太salty。配埋個薄身餅底，飽肚得嚟又唔會太滯（我最怕就係厚身薄餅底😅）。👑Crab Risotto $168上到檯時已經見到碟飯真材實料，好多蟹肉係啲意大利飯上面，食落個飯身軟硬度適中。個汁食落都好有口感好creamy，我同老公食完嗌飽飽，之後繼續去番隔離海港城shopping🛍。講埋個環境，呢間餐廳係有露座位架⛱，如果大家想係尖沙咀呢個鬧市入面搵露天餐廳既都可以諗下Whatever Bar & Restaurant！…Read More

喵奴早幾日生日🎂，對當日食嘅安平燒肉實在太念念不忘，所以寫出嚟同大家分享吓😍。呢間安平燒肉據聞係第二間分店，我哋食5點，上到去見好多人都排緊隊。入面裝修以木為主，真係似台灣嘅燒肉店。每張檯有隔板，每塊隔板都印上唔同句子，好有心思👍🏻。另外可以著上佢哋即棄圍裙，唔駛驚啲油彈落衫度。我哋揀咗$358最貴個款放題「澳洲M5和牛120分鐘吃到飽」，可以任叫81款美食，基本上咩都可以任叫。以前食開個啲放題，你點十樣，佢可能淨係上5-7樣俾你，漏單就扮睇唔到，但呢間唔單止上齊，仲好快！職員又後生又有禮貌，我覺得似去咗酒店食飯咁呀💯！肉唔駛多講，睇相都知幾鮮，每食一啖都係味蕾嘅享受👅，仲有多款台灣特色美食，好似原住民鹽燒肉、豬大腸、煙燻鴨肉片、起司鵪鶉蛋、雞泡魚干，仲有台灣小枕頭（麻糬），特別得嚟又真係好好食呀衰鬼！（宜家一路打字都仲回味緊呢🤤）海鮮不得不大讚虎蝦🦐，隻隻有手掌咁大隻，鮮到好似仲識跳咁，好難得放題可以大啖大啖食虎蝦，真係食到返晒本啦。講起飲品，一般放題驚你食太多，所以只提供汽水，搏你飲完汽水好快飽肚就食唔落嘢。安平反其道而行，出 #自家製冷泡茶🍵，我最鍾意飲桂花烏龍，好香好清新呀，忍唔住飲咗兩支😂。飯、湯、蔬菜都係自助區拎。甜品可以揀雪糕🍨同愛玉，我想講....我今次真係感受到咩叫「飽到上喉嚨椗」🤣！走個陣個肚好似5個月身紀咁🤰🏻！職員叫我哋即場登記做會員，可以馬上有9折（即係減返加一），另外like埋佢哋社交平台，再送你珍珠奶茶🧋！可以拎走添，今勻真係「又食又拎」，好癲呀！夜晚見佢send email過嚟，話17號13:00開始可以網上訂位（只限晚市），我已經同朋友傾好再去擦多餐啦，大家安平見啦😍。（但應該好full，希望大家都好彩book到啦！）…Read More

我同老公因為好掛住日本既拉麵，今日就黎到深水步一間拉麵店黎吊一吊癮。我揀左一碗蟹肉拉麵既厚切叉燒，老公揀左一碗辛辣拉麵配火灸叉燒。我地可以選擇拉麵嘅軟硬度，同埋叉燒麵可以揀厚切薄切。我地仲叫多左個唐揚魷魚，仲追加左紫菜，溏心蛋同雙倍叉燒。話晒咁耐無去晚市堂食，一黎就食餐飽嘅。拉麵食落軟硬都分別唔大，但我鍾意食硬身少少既拉麵，碗麵入面落左好多蟹肉，一啲都唔吝嗇，個湯底亦都好好飲，味道好濃。溏心蛋亦都好有水準。老公叫嘅辛辣拉麵就主要食到辣味，但係同叉燒個味道又幾夾，火灸叉燒都食到燒烤味。至於個小食唐揚魷魚就真係要讚一讚，佢炸到個外皮好脆但係一啲都唔油，入面嘅魷魚食落熱熱辣，好香口同好好味。環境邊面呢間都坐得幾舒服，地方都算寬躺，我同老公會想再黎食多一次。…Read More

老公話對跑鞋跑蝕晒，賢妻良母嘅我當然阿陪佢出旺角揀跑鞋啦。不過買鞋前一定要醫醫肚先，我就帶老公去我最鍾意嘅旺角餐廳 - 蟲二。蟲二喺上海街618號，呢幢經活化後嘅歷史大廈，只係朗豪坊隔離，非常方便，入面有唔少本地自創品牌，搭𨋢上到頂層就係蟲二。入到去會見到好多植物，估唔到係旺角鬧市會見到咁綠化嘅餐廳。今次係喵奴第三次去食，每次水準都如往常一樣高。今次喵奴叫咗：一汁三菜 便當 $150入面包括有漬物（川味香菇、青瓜漬、柚子蓮藕片）、慢煮蛋、主菜係西京箱漬燒鯖魚，再配上鰹魚昆布高湯同日本穀米御飯。便當可以「二食」，首先大家可以先將一半高湯倒落米飯，配以主菜（鯖魚）進食。鯖魚好足份量，原來要用西京調醬，再醃製12小時，再拎去蒸烤，難怪唔同平時食開嘅鯖魚咁「乾爭爭」。食到一半，再將漬物同慢煮蛋撈入飯內，再將淨低嘅高湯倒埋落飯度食，喵奴最愛咁食，因為慢煮蛋混入飯內，飯香更重，仲有好惹味嘅漬物，簡直係味蕾盛宴！桂花麻糬傳統班戟食完主菜就叫職員上甜品。麻糬班戟係呢度嘅「皇牌」，我每次嚟都會食。今次叫桂花味，味道好清新，又唔會太甜，班戟口感綿密，入面有QQ麻糬，非常煙韌，伴碟仲有桂花粒同生果，甜甜地又好健康呢。洛神花檸檬紫梳打紫色真係好夢幻呢！原來係加入蝶豆花，再加入微微檸檬酸味，同埋洛神花嘅香味，食完班戟再飲真係perfect match!…Read More

喵奴早幾日book 咗大埔人氣餐廳，好彩揀星期日9:30 ，所以仲有室內位選擇。餐廳只可以網上預約📱，因為限聚令，所以booking只可以選擇2大人/ 1大1細，所以我同老公各自book1大1細🤣。一般可以選擇indoor / Garden (pet zone) / corridor，預約後幾日會再send sms過嚟問係咪confirm 預訂，記得要回覆呀↪️。餐廳門外有 #室外停車場🅿️，寫明只供顧客泊車，大約有廿幾個車位，入口有個職員會指示你泊邊度，我哋食完去拎車已經12:00，當時車場已full，不過我諗如果係顧客佢哋點都會安排到位俾你泊車嘅😎。餐廳以歐陸簡約風為主，餐廳都好大，重新裝修後反而比起以前嘅座位仲闊落咗🪑，可能多咗玻璃，少咗侷促感。餐廳另一邊仲裝修緊，相信裝修後餐廳會有更多打卡位。幾年前喵奴嚟過呢度，入面有得玩充氣城堡，希望裝修後會繼續保留兒童設施啦（對家長嚟講真係好重要好重要！）。另外餐廳對出嘅湖明顯細咗同淺咗，唔知第時仲有冇得撐船🛶呢？餐廳隔離有條小馬路，本身喵奴諗住食完早餐就去大尾督踩單車🚲，不過呢度少人啲，更適合小朋友玩呢！雖然話少人啲，不過始終都係馬路（雖然見唔到有車入過嚟），大家都要留神呀。踩踩下會發現去到餐廳對面，再踩到盡頭就係火車範圍，兩位公子第一次咁近距離見到火車喺隧道出嚟🚇，都幾震撼，睇到佢哋嘩嘩聲呢😱。…Read More

最近個個都去郊遊 或者踩單車，尤以上水流水響最多人流，行完山後同大家附近嘅Cafe丫，食件cake，飲個咖啡，優哉游哉👍🏻。呢間cafe喺上水圍文閣村 內，其實唔算難搵，村外有個公眾停車場，沿路入去大約行5-10分鐘就到。餐廳外放咗個同人咁高嘅高達，都幾易望到，唔怕搵唔到Cafe。成個餐廳格調都好田園🍀，門外好多唔同嘅植物🪴，仲有唔少多肉植物嘅擺設。可以揀室內/室外坐，我哋中午去剛好有陽光🌞，坐喺室外曬吓太陽非常舒服。大門寫住「進店前，請先將煩惱放於門外。」，的確，嚟到呢度好relax呢💕。我同老公分別叫咗cappuccino , dirty coffee☕️, chocolate bagel🥯同抹茶檸檬cake🍰。喵奴唔係成日飲咖啡，但我覺得呢度嘅咖啡唔錯，就算冇落糖都唔覺得苦，bagel外脆內煙韌，朱古力味唔算太重，但反而更易入口。我最鍾意都係抹茶檸檬蛋糕，好清新，好好食呀真係🥰！餐廳仲有隻放養嘅貓貓🐱，好乖好得意，我仲第一次見到貓貓送禮俾主人呢🙈！聽聞最近都好多人嚟，好彩今日係星期二中午，比較少人👍🏻。…Read More

近年古早味蛋糕 人氣高企，宜家終於到上水都有得食古早味蛋糕啦！呢間古早味蛋糕店喺符興街，都好近街市㗎，買完餸過去買盒古早味蛋糕就啱晒。店內有足足9款口味嘅古早味蛋糕可以選擇，包括有原味、黑糖、抹茶、核桃、朱古力、杏仁、肉鬆、流心芝士同紫菜肉鬆 味，不使用香精、糖精、奶精，新鮮又健康。流心芝士古早味蛋糕買個陣剛剛出爐，就算返到屋企啲芝士仲流緊，而且味道好濃，濃到有啲似蛋黃醬嘅味道，好好食！紫菜肉鬆古早味蛋糕食完鹹鹹地嘅流心芝士，再食個甜甜紫菜肉鬆味試吓。紫菜同肉鬆都好足料。蛋糕質地鬆軟又濕潤，蛋味香濃，.無論配上芝士或紫菜肉鬆都係perfect match，鹹甜味都咁好食！食完蛋糕當然要配返杯飲品啦，店主好有心思，提供自家製酸奶，100％即切即釀，啖啖都係果肉，同古早蛋糕都襯呢。草莓肉肉酸奶新鮮士多啤梨再加Yogurt，唔會好酸，yogurt比奶昔杰少少，又綿綿地好特別，兩位公子爭住飲呢。元氣燕麥紫米酸奶平時喵奴食糖水最鍾意叫紫米露，原來放落yogurt酸酸地又幾開胃喎！燕麥可以改善血糖、血脂偏高等問題，又可以改善便秘，再加埋紫米同yogurt真係非常健康，啱晒想好味又健康嘅我啦。…Read More

有日同老公出元朗拍拖買餸，喺附近search到間日本料理喺附近，見咁近就去試試。呢間日本料理喺元朗廣場附近，過去只需幾分鐘，非常方便。鋪頭細細間，廚房都佔咗大半，佢係開放式，可以見到廚房相當乾淨。我同老公一人叫咗個主食，另外再加小食，已經飽到上心口。我哋加$30轉定食，多咗前菜、煎茶、味增湯、再加$10轉貓飯。呢個貓飯真係「重中之重」，裡面有紫菜、木魚花、日本醬油同牛油，侍應話貓飯要盡快攪伴，因為牛油會溶化。撈完之後食第一啖，真係好正！啖啖牛油香入到口中，又滑又好味，我覺得就咁叫貓飯已經可以食晒成碗飯！主食：招牌蒲燒鰻魚（半條）$72好大條鰻魚呀，而且好肥美，蒲燒汁唔會太重味蓋過鰻魚原味，食落冇腥味，唔會太甜，難怪係招牌菜！泡菜炒豚肉 $64豚肉好足，泡味好惹味，不過我自己比較怕辣，覺得泡菜辣咗啲啲啲啲，但用來伴貓飯一流，我自己本身唔好洋蔥，但有泡菜味嘅洋蔥原來好正，我忍唔住係咁食啲洋蔥呢。小食：章魚小丸子6粒 $38以前同老公拍拖成日去一間小店買章魚小丸子，間小店執咗後已經搵唔返咁好食嘅小丸子喇，估唔到呢度竟然搵返當年嘅口感！小丸子做得好出色，入面章魚好足，有淡淡嘅薑味，非常開胃！本人覺得呢間日本料理性價比好高，鋪頭細細但份量好足，絕對冇「揸流灘」，貓飯係一定要叫嘅！大家都要支持吓黃店呀！…Read More