漁民一號's Profile

係外面睇係好吸引，最鐘意係個木招牌，和味濃。餐牌特別，似手寫，又有小小似勁抽體。食凍野先。睇餐牌刺身價錢唔貴，心諗會唔會係元氣既質量先。一上枱，E，厚切黎WOR，個樣好得，點知食落仲得！肥美甘香，想留番小小係牙隙做宵夜。間八簿切，睇見片到咁通透就知唔錯，食落爽口有鮮味，其實好喜歡個蔥花醋汁，好好味。鮟鱇肝，其實係無咩腥味，粉粉地既texture加頭先講過好喜歡既蔥花醋汁，好難會唔好食。呢度既份量仲比出面食既多，食起黎唔洗就住就住，係滿足既！凍食完咗到熱食，蜆湯既蜆細細隻，幾甜，喜歡濃味味噌湯既， 呢個一定要飲。大根螺係關東煮既湯味，用咁大粒東風螺先至係$48, 好抵食！味噌牛筋味道偏甜，牛筋唔係入口即溶，仲保留好有咬口，而又好鬼入味，係勁。炸野開始喇！來一口炸雞，裡面既肉係軟滑的。吉列蠔個粉厚度適中， 呢個蠔SIZE用黎炸最好，夠熟，又唔會咬開之後入面D汁會流哂出黎，令個皮唔脆。針魚天婦羅，好好味，真係好好味，一定要食。新鮮既味！正！最正既緊係要壓軸出場，燒松葉蟹爪，啖啖肉既蟹鉗，有人幫你剝埋殼一燒到啱啱好放係你面前，仲唔拿拿聲食完再re-order! 呢度個價錢同份量係安排得好好，兩個人可以試好多款唔同既菜式，一大班人不停repeat order又唔會覺得太貴，食完唔飽。應該會經常幫襯！…Read More

店裡面的裝潢，是簡單的淺木色，七張小木枱，吧台六位，再忙的時候，都是招呼二十個客人，再繁忙也只是二大個人在說話，吃個寧靜的假飯是可以的。吧台裡的陝少空間，有三位師傅。而餐牌上，可選的有四種，梅，竹，松，特上。梅和竹是份量上的不同。松是多了蟹肉，而特上是多了蟹肉和海胆。看價錢，都不貴。大致是$108-$298。第一次試食，來點基本的。點了竹，靜待上餐時，可以細閱讀下桌上的食法拍指引。三種食法讀完，會期待是什麼玩法。先上桌的是wasabi和醬油。wasabi是新鮮磨的，醬油倒進去，可見wasabi是一小顆一小顆的浮起來，跟平常會完全完全融化到醬油裡的狀態，這個更好食，不嗆鼻子，讓舌頭更能嚐到山葵的香。然後是一碟小前菜，是芝麻醬油甘魚片。之前沒試過這個食法，只是芝麻醬略微搶了油甘魚的香。一個豐盛的丼，在桌上出現，魚生的形態如新地筒上的軟雪糕，份量大概到鼻尖。聲音導航的話，只會聽見嘩，嘩，嘩。貪吃的，先不理會指示上的食法，將醬油由頂端淋過去，醬油像瀑布，流過魚高山。趕快爬一口吃吧！飯是微熱，之前吃過的、丼，飯都是冷的，這個微熱的感覺，好幸福。其實微熱的飯，並沒有影響魚生的鮮味。魚生是已經混好，第一匙，是鱲魚，跟上一顆小青瓜，很清新。好了，小偷步已經滿足了第一輪，那就跟跟指示吃。食法第一開關，手卷式。紫菜好脆，如果想把紫菜最好的狀態放進口，不要太貪心包一大團飯和魚生，剛夠一口吃就最好。那紫菜就不會被手指的溫度的魚生的水份，把紫菜變軟。食法二，是最爽的，就是大口大口的吃。剛偷步的時候是鱲魚清新，要來一口，是蔥吞拿魚腩蓉，肥美的魚蓉軟滑，蔥沒有切得很細，蔥和魚蓉會有口腔新鮮定混合起來。再一口是有柚子的香，柚子的香，很溫柔，只是很輕，很淡的經過味蕾，你會捨不得那種溫柔，而不停的想再吃。請不要吃得太忘形，因為還有第三種食法，就是加湯魚。還記得那片油甘魚片，記緊要放在飯上面。而湯並不是侍應拿個湯壺幫你加，而是要交到師傅的手，由師傅看份量來看湯的份量。再回來桌上的，是一碗熱騰騰的漬飯。以為是普通味噌湯？不是這樣簡單，第一口，有蜆的鮮味。第二口，有三文魚的油香，第三口是魚骨的濃味。整個吃的過程，都充滿著層次和驚喜，$148是物超超超超所值。後話：比較小型的餐廳，飲食的質素總會比大的店來得好，因為廚師專心的做好眼前的，而不是趕上菜而分散了專注，所以小店是很值得光顧的。…Read More

印尼食品係香港始終沒有泰國食品那樣受歡迎。所以要找一家好吃的店，很難。像這一家店的名字，令人好卻步，到底是粉麵店，還是印尼菜？如果是印尼菜，它會否是掛印尼名，賣中餐味的食品？印尼炒麵是油麵底，用鹵水汁炒。鑊氣非常夠，加上紅椒炒香後的辣， 味蕾表示很滿足。印尼雞湯和平時中式雞湯非常非常非常不同，有很多香料，每個都有做主角的特色，丁香，豆蒄，肉桂，放在這一個湯裡面，又不會有其中一個太搶戲，每一個都有恰如其份的演出。是有點喜出望外。湯的底部的椰菜，是絕對不可放過，香料的精華，似乎都停留在椰菜裡，實在忍不住要食呀，食呀，食呀。雜錦串燒，注意是不會有豬肉出沒的。只有雞，牛，羊。雞和牛，都是一般雪藏的質素。如果不怕食羊的吃貨們，你們必須一試。是新鮮羊肉，新鮮！已經好小有，有機會就要試。沙嗲醬加青瓜，只有一塊，記得話比其他人知是不好吃，你才有機會獨享這個美味！緊記。…Read More

打正旗號來自築地，當然想一試。在門口排隊45分鐘，可以入座的時候，門口的經理遞餐牌給我，要立即點餐。如果要我在門口點餐，為何不早把餐牌給我看個夠？就在門口急急忙忙點餐，點了一個海膽三文魚籽香蔥鮪魚腩丼，朋友點了黑鮪霜降腹身丼。上餐時間不算太久。先上飲料，鮮橙汁，大概是期望太高，如果你將果汁先生都當成鮮橙汁，這一杯是合格的。西瓜汁是一杯紅色的糖水。味噌湯飲完，已不記得為何味。到主食，海膽和三文魚籽質量一般。香蔥鮪魚腩，是最大獲，魚腩蓉的溫度，是暖暖的。食落是有點膠膠地，魚鮮味欠奉，沒有香蔥味。真不知道自己吃的是什麼。最陰公既係付了$200。食到好不舒服，肚不舒服，腸不舒服，頭腦更不舒服。其實，要引入日本的食品，有沒有仔細想清楚，引入日本的海鮮出口新鮮，卻沒有引入日本人對食品處理的要求，及對客戶的態度。你有在日本吃過和暖的魚蓉腩？你有看過他們拿著你的丼，在上面不停說話？你有被經理在你頭上大叫3號埋嚇到嗎？如果打正旗號是來自於日本築地水產，請尊重在未出口之前，日本人為保持新鮮的努力，不要在你們手上只為賺錢而浪費了別人的心血。…Read More

•Sawadee-Cha•好鐘意個名，唔係sawadee-tea，而係sawadee-cha。第一口係好奇怪，嗒落brasil味淡淡地，淡淡地滲出黎，令你想飲多啖。不知不覺飲哂都唔知😝•Donut•好多款，少少地試三款，綠色好易認綠茶味。成面墨屎個款係Earl grey。剩番個係Apple crumble。如果淨食面個醬，每一款主題味道都好特出，不過食埋個冬甩，就個個都一樣味😝😝😝因為冬甩本身個甜味好重。所以每次食一款係會令人好開心既😃😃😃•Apple Crumble Donut•最愛Apple crumble，有蘋果粒，有肉桂，食完個人好開心😍😍😍…Read More

炸野係好熱氣，冒住生瘡既危險，都係要趁熱食😁椒鹽夠咸，炸皮夠薄，豆腐夠滑，尺寸適中，份量夠多🤓講完，開動 🙌🏻🙌🏻咩叫正宗，唔洗多諗。正宗就係眼前👉🏻👉🏻煎釀三寶山👈🏻👈🏻咬到係鯪魚既真心，而唔係味精同鷹栗粉既虛情假意。有3吋茄子做配角，一磚過既豆腐做佈景，蒸魚豉油做武指，正宗就練成😡😡😡 不過你無十個人千祈唔好亂咁挑戰，如果唔係，你就要犧牲第二日既午餐，或者係晚餐，同佢作戰多一次，甚至更多次。…Read More

Lamb Burger睇落個堡係唔太宏偉，仲有D單薄咁。 落一口，內有玄機。就係有個幾惹味既醬，小小咖哩味，同個羊肉行到埋一齊。算唔錯喇!唔錯既6張10蚊紙找到數，又唔難食。比起行哂商場，睇到餐牌既價錢，嚇到個心離一離既狀況，已經好好。😅所以係element番工，lunch真係好有挑戰性😎😎😎好在我只係路過蜻蜓🐝…Read More

法蘭西•鴨肉批如果無職員介紹可能會高分d，佢介紹有橙味既醋醃製過，不但令鴨肉鬆化，仲會小小清新酸味味。以為係熱食，一入口係凍。咬幾下，食唔到平時食開鴨既味(拿，我唔係攞燒味飯隻鴨黎比較🙈)，鬆化...唔...唔覺。至於清新味，沙律上面既醋有少少酸味，鴨批本身呢...唔...唔覺。整體黎講，好唔好食...唔...唔覺。完。牛食•兩味兩個人飯飯既好處，係一人一半試新野。下面個塊係Black Angus Persille，(中文要查字典，即係五花🤔，我唔係好識食好野，請搵到正解通知聲🙏🏻) 肥肥地既，要嚼多幾下，就feel到肉味濃。上面個肥師奶就勁，係澳洲籍，攞A5成績既優異生，個種入口會融化既牛油香，多幾多卡路里都抵。雖然窩心地有沙伴碟，不過最頂盡食半份，真係好油膩，好滯胃。…Read More

搵得番喇！一隻大鐵鑊，一大鑊千年油，一抽十幾尺長既大腸。炸到脆，切薄片，一串五片，加豉油，甜醬，黃芥辣，最緊要係咩，梅子醬😍😍😍😍 以前街邊炸大腸既靈魂，唔洗掉西瓜落海都搵番出黎喇！多謝你，廟街牛雜！…Read More

幾條友放工約出去飲飯消消番工既氣，竟然搵到驚喜，真係令煩惱一掃而空。Tokyo Blonde (Japan) 坐低見到一堆手工啤menu, Happy Hour 未過，即刻叫支試試佢先。TOKYO BLONDE 易入口，味道好純，有WILD WHEAT既味，日本牌子既酒，無論包裝設計，到內涵品質，都感受到份認真。Snack Platter人多一定係叫最雜BUN LUN既野。唔好睇相，以為係普通野，條芝士腸係有烟薰味，唔係一般御X皇。個酸瓜咬落SOK SOK聲。肉丸子好多肉汁。每人試少少，留肚食正野！Snack Combo個芝士醬千祈千祈要試！呢個唔多講，要講自己試完自己講。Tempura Bitter Melon驚喜到，炸苦瓜，薄薄既炸粉，脆而不油膩，苦瓜甘而不澀，仲有新鮮既味道。係停唔到口，要REORDER!! Vegetarian Mushroom Roll個酥皮香，個內涵個蘑菇仲香。Super Hot Hot Dog進入正題，熱熱狗，加咗墨西哥辣椒，開頭食個個都好勁，咩一D都唔辣，無料到等等滿枱飛。但當一口又一口咁食，張枱既人開始靜，哈哈哈哈，黎料喇，一股熱力一路上升至頭皮。雖然要等好耐先散走D辣，不過係好味又過癮，點都要試，睇下有無人仲咀gel gel。Guacamole Dog新鮮紫洋蔥加咗有牛油果既沙律醬，清新味可以冷靜頭先既刺激。Banh Mi Dog越色滋味，扎肉同薄荷葉配合得好到位。Chilli Cheese Dog傳統Cheese Dog無美式歐式既膩到滯，芝士味唔多又唔小，令你可以毫無懼怕肥膩而想係咁食落去。…Read More

一班朋友飲飲食食唔少得，打邊爐就最啱feel，咩都有得食，滾下傾下，最過癮。九龍城呢個地方打邊爐選擇最多。今次試下厚福館。門外既魚缸，好似世界地圖縮小版，加拿大美國北海道南非香港，豐富到暈。 先黎個餐前小食，炸得啱啱好，外皮脆卜卜，松露味香到無朋友。象拔蚌刺身 老闆介紹你加拿大象拔，唔洗水養，dadada lalala,知識型介紹，但我聽唔入耳。我驚我專心聽，會唔夠班餓鬼朋友搶。下次再去，我會專心咁聽番一次。海胆仔排哂隊等你放入口。請唔好浪費機會，扮淑女分兩啖咬，人一世物一世，一定要成件入，包你唔會後悔。牛肉刺身 當你放件牛肉入口，冷凍既溫度，令你味蕾感覺唔到D咩特別，但係一用小小力去咬，個D牛脂肪既香會滿瀉.試多件，加條洋蔥，點D柚子醋，都唔錯.不過我都係欣賞單純既牛味。佛跳牆邊爐湯底 浮誇係練番黎，咩蒸海鮮粥底要滾先集到氣，成為一碗極上海鮮粥。呢個湯底半身上枱，已經飲得，新鮮鮑魚，螺片，花膠，冬菇，雞件，想難飲都難。飲哂頭啖湯再加清湯滾出個未來。太強喇！韓牛 Oppa，你果然唔係得個樣，仲好有自己既味道。同中日美既味道，完全唔同。果然係太甜的後裔。高潮蟹膏烏冬 呢個令到全枱人都出現高潮眼既烏冬。秘技係將蟹膏撈落烏冬，然後一吸一啜，就咁味蕾就到達咗高潮。…Read More

兩樣野，好簡單。艇粉，只係個名同香港仔碼頭個艇粉一樣，但味道，賣相。係無1%相似。炸魚片，只係張相同謝記有相似，但味道，賣相。係0%相似。仲要咸到無辦法接受。唔好咁啦！比D心機做好D啦！…Read More

做到好攰好夜，想搵一個靜靜地，無自由行，無趕住要你食完即閃，無無厘頭付加費，無D睇見都唔想食既晚餐常餐。呢度係一個唔錯既選擇。雖然，佢叫燒味餐廳，主打好老實係試叉燒，燒鴨，其實內裡既獨門絕技係蒸魚。時間掌握得好，令到骨肉分離，肉又唔會變老。豉油有蔥香，送哂成碗飯，淋埋落碟菜面，直情係大滿足。次次食，次次好食。算係咁啦！呢度最回味係人情味，老街坊成日都幫襯，對望笑下，傾兩句。見老人家送例湯。等等。呢D情境，係香港，只會減少，唔會加。…Read More

你個味，鹵到出奇好味！連鵝肉都比你鹵到化開！人地食開其他係汁同粉係分開上咁滯，未見過D沙爹汁好似呢間咁痴纏，係都要痴到每條河粉，牛肉，菜都離不開佢，實在太可惡！你叫我點番到轉頭食其他呀！一睇條條芽菜都漲卜卜，9成未熟啦！一咬落去，又FAKE我，完全無臭青味！仲咁新鮮！D鬼祟既咸魚碎，似睇唔到佢既存在，但係每一啖都硬係有佢陣咸香味。算點先，睇唔到又食到！份子料理都無咁出色！你睇住黎，我會再番黎，睇你仲有D咩符FIT！…Read More

星期六等朋友去行街，諗住行左上中環中心搵太平洋，買杯咖啡飲下，行上扶手電梯，發現新城唔見左，變左一間COFFEE SHOP。個門面裝修都幾眼前一亮，白白淨，幾舒服。用左隻雙頭鹿做LOGO又幾特別。 :) 係其他COFFEE SHOP，我只係識ORDER MOCHA，LATTE，見到個MENU，原來有好多選擇，UM ... ...，個職員可能見到我個 UM 樣，好主動介紹左兩個OPTION，如果比較濃味，可以試DOUBLE LATTE，如果喜歡滑身D，就試FLAT WHITE。UM。。。太勁咖啡，我會變成另一個"吳瞓"，所以要左一杯FLAT WHITE。 行埋一邊等，見到有個咖啡壺，影左兩張相，就8掛下，其實呢兩個係有咩特別，BARISTA話用DRIPPER調配既咖啡係一個獨有既味道，視乎人客唔同口味，如果有時間可以試下。輕輕鬆鬆傾兩句，杯咖啡已經攪掂。飲落口，好滑，好軟。液體緊係軟啦，大佬。唔係呢，飲落去個下，個腦係標左"好軟"呢個形容詞。聽落係好奇怪，不過就係咁囉。加埋咖啡濃淡度，好啱口味。 等個FRIEND黎到，講兩句又飲一啖，講兩句又飲一啖，兩條友，未落到COS，已經飲完一杯，諗住飲完咪算，點知，個心竟然有D掛住。。。陣味。FLAT WHITE我會再黎探你。等我呀！隻杯真係幾靚，同埋兩個BARAITA都幾好傾，就係無位坐，實在企唔到幾耐。…Read More