Fun9898's Profile

好耐冇寫食評，今日經過深水埗特登搜尋越南餐廳食lunch。來到先知頂咗手，名字與餐牌裝修都同openruce唔一樣。一坐低，聽到店員都用越南話對話，心諗一定道地菜，唔會掛羊頭。例牌一定要越式番茄牛腩先考到係咪正牌貨，果然不令我失望。（其他冒牌越南餐廳都用甜酸汁代替，一入口就想嘔再加粗囗）有小小插曲，點錯了咖哩牛腩，都唔錯，似泰式紅咖哩，結果食咗兩種牛腩。我一定會返黎再試⋯⋯性價比很高👍🏼服務好親切。…Read More

昨晚好朋友幫我做生日俾左個SURPRISE我，更大既SURPRISE係今D日食物。呢D食物係預早ORDER所以到上菜時先有驚喜。頭盤係生蠔，我基本上唔食生既蠔(多數食酥炸生蠔)，在好朋友催促加鼓勵下試試生食一隻，原來味道同酥炸差唔多只係無左酥皮同埋溫度一樣咁好味，希望腸胃會慢慢接受到生既蠔。跟住有西班牙火腿，小龍蝦同埋西班牙龍蝦「蝦生」。小龍蝦係訂餐牌見唔到，好朋友知道我鍾意食特登同餐廳訂(T_T 好感動啊！)。以前食開中式龍蝦仔係麻辣既，完全唔同FEEL好好味，全進口，因為我怕其他餐廳訂大陸D龍蝦仔係食垃圾養大，又想食又怕食壞人，終於今次食到安全好味既龍假仔囉。我好鍾意飲西湯，叫洋蔥湯，龍蝦湯，周打魚湯，但我只點左例湯，今日係南瓜湯，一樣咁好好飲，如果好朋友知我鍾意飲忌廉青豆湯，唔知會唁會又訂制我食呢...唔使講主菜好唔好味...見圖啦，兩個字『感動』。除左食完攬住個肚走，仲帶住好朋友心意安排既兩滴眼淚(T_T)。PS. 我唔敢問埋單幾錢，嘿嘿嘿！！！…Read More

公司客政治飯，地點有D偏僻要睇地圖先揾到，向荔枝角尾尾，一上橋差唔多到美乎。估唔到工業區有間fine dinning restaurant。點解錯有錯著，正常呢D餐廳向旺區都好難搵車位，但呢度比較靜泊向門口都得，望住架車唔怕抄牌好方便。Menu既食物都唔平(比荔枝角區內其他高級餐廳)，公司客請食飯正在抓頭唸緊點咩食既時候主人家終於出手幫我地點菜，一輪咀咁點，仲點左好多野食頭盤餐前小食主菜等等...(看圖片)，所以有D食物名我都唔知啱唔啱。我唔逐樣寫，環境氣氛唔錯感覺都幾高貴，有一大塊落地玻璃好開揚坐得好舒服。(好重要，男廁都算清潔)，但我地8人邊食邊講，造成一些噪音，如果有VIP房就最理想囉。整體食物都好味，大家都忙住影食物相，好有新意(我好似大鄉俚出城咁)，好多刺身未試過，值得一試。甜品都好出色，但只能POST8張相未能全部放俾大家睇。…Read More

呢間越南餐廳向吉之島商場入面仲要係三樓唔易揾，只會向商場行街既客先會見到呢間餐廳。難得我鍾意食越南嘢，shopping緊咪一試無妨。只係叫左三樣野...無錯有睇我之前既食評都知我一定叫番茄牛筋腩，蝦餅撈麵同埋牛油雞翼。番茄牛筋腩(有D地方叫羅宋牛腩)，意外地啱我口味，牛筋腩夠"林"，我係11點一開門去幫襯，應該係之前炆定。蝦餅撈麵，撈麵唔多似越式但D汁幾特別，唔識點形容，有少少驚喜。最後牛油雞翼煮起索唔晒D油，好牛油好膩，勉強OK。總體而言，可以一試，下次去購物再試埋其他嘢先。…Read More

寫了同區的金城苑，不得不寫芽莊城來比較。同是星期日下午茶時段，沒上碰上其他的食客要等很耐位情況。位於北河街市政大廈內的越南餐廳。坐下不久，點了菜在等食，有位穿著有點殘舊越南裝推著外賣單車的女士打招呼，我猜她是老闆娘，更意外的是她說這裡有免費WIFI，O了咀。我例牌到任何一家越南餐廳都一定是茄汁牛腩河，我老婆又係雞絲河。感覺好似向越南河內街邊食，好地道，茄汁不太濃像羅宋湯底，牛腩夠稔。雞絲河湯底夠香夠味可以知道肴左好耐煲成。樣樣都好好味，而且最讚係滴滴越南咖啡，不另加錢，其他越南餐廳一定話之你，加$15-20。咁好味的越南餐廳我老婆居然話唔會再黎食，再O多次咀，佢話環境好唔店。咁我點帶佢去越南玩呀！…Read More

其實這篇是港式越南餐廳之X了，因為太懶每次食完越南餐回家就沒再上載食評。自少就在深水埗大，太多美食好多時都忽略了特色的餐廳，行到黃金懶得選擇便入了這家金城苑。下午茶時段因為只想填飽個肚，從茶餐餐牌挑了一些大路菜，我點了生牛肉河加春卷，我老婆點沙爹雞絲金邊粉加牛肉串燒($45每位)。一、生牛肉河：我只能引用之前的食評，牛肉無味，湯底淡，最重要係湯唔夠熱，滾唔熟牛肉，呢次真正半生熟牛肉河。小食是春卷，只得三粒(用這個粒的量詞是因為長度只有1吋半長左右的春卷)空空如也，像吃空氣，幸好附上幾塊生菜。二、沙爹雞絲金邊粉，只能說金邊有口感夠彈牙，其他自己想像。牛肉串燒，正確係牛腩串燒，我都是第一次試到牛『腩』做的，味道濃但缺點很難燒熟厚厚的牛『腩』。由於這次是下午荼，未能多試其他菜式，若大家再試到來，請考慮點什麼食物。…Read More

繼上一次寫過佐敦間越南餐廳--百越，又想再寫多間越南餐廳。我個人認為越南餐廳大致可以分為地道(即係去到越南既街邊食果D)及高尚(即係有錢人去FINE DINING果D)兩種。但要做到好地道，大家未必會鍾意食，黎到香港慢慢會因應香港人口味而失去原味。所以又係蔡"潺"果句，自己食過O岩口味為之好味。我公司向呢度附近，第一次黎係食番茄牛腩飯，不過唔O岩我口味，正唔正宗唔敢講，只係同食開唔係好同，最似地道既我覺得太古坊糖廠街後面一間越南餐廳既羅宋牛腩最接近越南口味。自始之後我多數食烤豬肉飯，火車頭同埋順化牛腩豬手湯蒙。火車頭正常不過不失，不過揾左好耐先揾到條好幼既牛柏葉，唔知係咪放漏左呢！(如果因為成本問題為左6而落不如好似豬越咁唔落囉。)順化牛腩豬手湯蒙會比較少人叫，屬於冷門食品，多數人第一唔知順化係乜第二唔係個個都鍾意食豬手，其實順化係地方。豬好爽好有口感，我覺正，O岩我口味，希望有人試下辣版可以話我知好唔好味。我食得最多既係烤豬肉飯/牛肉飯，無他...因為新鮮即刻烤你食，如果趕時間要預左等10分鐘，不過等都抵因為BBQ味真係好香以為聞緊味真香D燒豬肉乾。其實我覺得好食就要推，唔好食就俾意見改善咁先幫到人自己又食到好野。睇過之前D評價話服務麻麻地，但我都好"淹"尖又要加魚露又要加蔥，哥仔們都無黑起面口。…Read More

出發去澳門前幾日，知道週末人多都係BOOK定張台食晚飯穩陣D咯，於是問幾位澳門住嘅朋友睇下有咩好介紹，點知佢地都係咁答我...『澳門人唔食葡國菜』，當堂O咀兼暈左。到步後唯有問酒店朋友介紹左呢間山度士。我地一行8大兩細，要搵間餐廳坐得落而又唔訂位都幾難有得食。 待應好快帶我地上樓，服務都唔錯好快安排我地坐好。四圍望下先，除左牆上的圖畫就見到D SIGN寫住唔可以帶自來食物同飲品，再望一望MENU，不設清水只有餐牌上的礦泉水，承惠$25一枝大嘅夠4-5人飲。向大家研究緊食D乜嘅時候，待應都我地餓，奉上一籃好好味熱辣辣又脆卜卜嘅葡國包。我都照住個推介餐牌好快咁點左馬介休炒椰菜，葡式乳豬，葡國雞，凍蟹，咖哩蟹，葡國肉腸，葡汁煮蜆，鴨飯同埋件仔骨。由於呢餐飯有8個大人都比意見，所以會比較客觀，大家都會用一個鹹字去形容，好似乳豬肉腸都比較鹹，所以大家都以為葡國菜或澳門人口味偏鹹添。咁其他"食送"都有D特色，例如凍蟹旁邊嘅蟹醬，點麵包食幾好味，記住只係D蟹醬咋；咖哩蟹D咖哩汁有D海南雞味；葡國雞D葡國汁唔似港式有D地道味；鴨飯好似港式D臘甲焗飯味；比較印象好味係乳豬不過太多薯條。唔飲啤酒，千祈唔好點肉腸，因為超鹹，係啤酒先止到鹹。聽人講外國人鍾意肉腸佐酒喎！埋單臨走見到一個著住廚師衫嘅外國人，可能佢就係山度士，真係想問佢一句，究竟葡國菜係咁鹹定澳門人口味重定煮鹹D客人幫親多D酒水哩?最後8大兩細埋單一千五百幾，你話抵唔抵食哩！…Read More

我好鍾意食越南，開頭唸住去食對面間河內，唔覺意見到有間新開既越南餐廳...百越...貢個頭去"裝裝"。睇落光猛，我唸應該係新開張無耐，見到貼住"CASH ONLY 只收現金" 睇怕都未裝碌卡機。越南人都知家鄉菜一定有番茄牛腩(有D人叫羅宋牛腩)，我例牌一定會試呢D指定菜，好似港式要一定試乾炒牛河一樣。我只可以話OK，番茄紅蘿蔔加牛腩(都夠林)都齊，好港式唔係我食開D口味，可能我食慣越南人口味果種。我老婆鍾意食河粉梗係要點火車頭，因為乜都有....(隔離台有家人貢入黎唔識點菜，坐低亂點，問個WAITER乜野叫火車頭，雖然講晒D配料，但答唔到個POINT = =") 建議老闆請伙記食一碗就講到個POINT... 記得好多年前有間和X粉餐牌寫住"湯多河少" 就知越南河的重點向邊...廢話不再多講...一上碗河粉心唸點解咁細碗又少左D料(無左牛柏葉)，好彩啖湯夠味, 再望一望D牛腩.....係坑腩 一層肥一屠瘦又好林，好意外！ 算佢啦，原來大碗唔一定最好既...加多個小食...唸好耐揀到食牛油雞翼，味道被外觀影響左....油淋淋...都未琮乾油就上碟(睇片)，好油呀......無改錯名牛"油"雞翼嘛！總之好唔好食口味人人唔同好難俾分，有D野可以客觀睇....裝修清雅，坐得算舒服,播住抒情英文歌，食起黎都好HEA，登登登櫈...最重要係廁所都算簡潔，做左成日生意都KEEP到乾淨，值得加分。…Read More