m-ng's Profile

難得試到好味嘅咖啡店，值得留低真正街客嘅comment呢個鋪位早排都仲係賣緊台灣茶，點知咁快就轉手，而家多左咖啡賣。有咖啡粉（掛耳裝）同咖啡豆賣嘅咖啡店，喺北角都幾少見，而且唔係堂食店都有手沖咖啡賣，不可多得。今日唔見平日手沖咖啡嘅Auntie，所以order住杯espresso同latte先。Brandy Hot Expresso: 帶白蘭地香味嘅咖啡，苦味淡，偏酸，好surprise 好正。下次試下叫Auntie 手沖先，如果可以double shot Americano 就好了。Yellow Bourbon Hot Latte: 連Latte都飲得出嘅rich，唔酸，幾正。咁啱見到店員係手打奶泡，而唔係機打，唔知有乜分別呢？另外order左份三文治，普普通通嘅喊貨，呢個quality 嘅喊貨 $29都幾貴。如果有即場整嘅三文治就好了，就算係全素三文治都好。可惜裝修仍然係賣茶嘅款，睇落唔似賣咖啡嘅鋪頭。…Read More

聽過咪之巨聲慕名而來。12:30入座唔使等，但一入去，好嘈好嘈，仲嘈過啲連鎖快餐店，絕對嘈過茶記，唔講仲以為人均$30嘅那渣麵。不過上菜後感覺完全唔同晒，無諗過咁嘅環境下食到咁精緻嘅野食。好似SOKO咁講，係日本媽媽用心做嘅家庭菜式，一邊食，一邊諗起日本素人食譜中日本媽媽嘅小小心思。唔係酒店大廚嗰種令人驚艷、味道喺口中大爆發嘅creative fusion菜式，而家好humble 、「地味」、「普通においしい」、小碟小碟煮出嚟嘅家庭菜式。就好似去左日本嘅家庭式旅館咁，由日本婆婆同佢新抱一齊煮嘅「有少少豪華」嘅精緻手工菜。絕對唔係一般$100以下食肆嗰種A food supplier嘅汁+B food supplier嘅工廠煮肉嘅味道。其實 Lunch賣$80 basic set真係太平，比多一倍價錢都值，只係必須要換返合適嘅環境。枱擺開少少，每枱客人有返私人空間，無人想一邊聽住30cm外阿伯播抖音（用speaker但其實細聲）食日本家庭菜。現場嘈到想立即走，嘥晒咁精緻嘅美食。…Read More

星期六18:30到，唔使等位，仲有幾多位剩。但今日唔知點解無左set dinner，可能係星期六？-與同行人order左3小時慢煮烤雞，同三文魚咖哩飯，+$25配龍蝦湯同餐飲凍蜜桃茶。龍蝦湯飲完唔口渴，算係好感恩了，不過水太多太稀太淡。龍蝦肉當然得2粒手指頭咁少，但食落酸酸地，應該浸左檸檬汁，咁又幾好。個烤雞同之前食既一樣好。見有人話太鞋太乾，但咁係正常喎，只要係「烤」即使慢煮都會偏鞋偏乾，否則就要落好多油滲入肉，咁會好油膩；又有人話烤完再翻熱，但咁先係正確做法，同牛扒一樣，牛扒煎完焗完要放一陣先可以出菜，不過免得肉面凍所以餐廳會照燈，而烤雞所謂翻熱做法一樣。至於三文魚咖哩飯，三文魚明顯出手太重，太多鹽，但煮得幾好又無overcook。而咖哩飯幾好，無叫貨咖哩既味道，仲見到百里香既莖，食完唔口乾，不過黃薑味稍稍太重。凍蜜桃茶本身無問題，而家興走飲管urban又走都算，但唔好冰多過茶啦，又無理由飲冰水，結果咪又係要問staff拎飲管，白白增加staff工作量。-總括黎講，絕對係對得住價錢既好食西餐，以連鎖店黎講係超班，畢竟連鎖店多數都差過小店。…Read More

今日（五）19:00左右到達，好彩仲可以walk in，入座後見再有一對客人想walk in都被拒了。-餐廳環境偏暗，因為無check過食評或餐廳資料等，暗到開頭仲以為係bar，不過呢種mood個人黎講都幾中意。-因為係第一次食，先食簡單D既，所以order左個daily special既龍蝦蟹肉天使麵。講真，無見到或食到蟹肉。不過有成半隻龍蝦，而且鉗爆左個殻，好味又易食。天使麵既汁較creamy，惜量少。另外order左杯cocktail “tough of sweet，酒味淡，果味重，Gin 份量多D好D。-總括黎講幾好，環境適合傾計，食物好味，cocktail算唔錯；雖價錢偏貴，但好食就cover夠了。…Read More

今日（三）1930前去到，唔使等位。店舖唔係一般拉麵鋪L型咁客人圍著廚房坐既擺位，似日式料理店咁廚房喺好入，客人離遠見到廚房但又唔使食油煙。-我叫左最普通既特上原味豚骨拉麵，揀左硬 直麵。落單前睇到order紙最頂可以揀「特上」+$13，細字寫住會多加D配料，以為會點樣upgrade法，原來係要「特上」先有正常配料如紫菜味蛋等，否則就淨麵咁濟。同行人叫左特上魚介豚骨拉麵，要一般硬度既曲麵。原味豚骨拉麵既湯十分「原味」，食落無乜味，豚味又無，好淡。配料中，味蛋偏甜，木耳得幾條，而店鋪既主角豚肉（叉燒）意想不到地好好味，明顯係醃料好味，又醃得夠入味，味道似炭燒燒肉汁，相比碗清水般既湯底好100倍。麵底方面，我叫既硬直麵仲以為係一般拉麵店既麵，但食落超似出前一丁棒丁麵，而且麵身好幼，可能因為咁而覺得唔夠硬。同行人既曲麵粗度正常，似直少少既即食麵。-有一樣好特別嘅自助配料，就係生蒜。枱邊放左一甖剝咗皮嘅蒜頭粒，仲有一個壓蒜蓉器，因為我好鍾意食蒜，加上湯底好淡，所以落左生蒜，立即好味左好多。-總括來講一般，唔係好食，但係我接受，因為有好特別嘅生蒜。不過，原本$70-$8x 一碗就正正常常，但要加$13「特上」先有正常配料，就變得太貴。個人來講可以repeat，但同行人就話冇下次。…Read More

無睇食評淨睇menu就walk in。等5-10分鐘就有位，但話限時入座起計90分鐘，呢個價位、呢個地區、呢個食物（海鮮），竟然好似便宜任食咁限時90分鐘，十分詫異。-環境幾好，睇落乾淨企理staff有禮。窗邊仲有一條玻璃柱，裏面放滿蠔殻，一睇就知主打海鮮。-主打海鮮當然order海鮮拼盤。海鮮拼盤揀咗三款，小龍蝦、蜆、長腳蟹。三樣嘢裏面最好嘅係長腳蟹，容易剝殼，啖啖肉，雖然唔算新鮮但唔係難食。其次係蜆，正正常常。小龍蝦最差，好難剝殼、肉少、味道腥。拼盤裏面仲有薯仔、腸仔、粟米，配汁食都ok。如果唔係有長腳蟹，應該剩係得呢三樣嘢可以頂肚，不過味道只係好味啲嘅快餐店。-額外叫多一個蝴蝶粉，汁味道一般，粉既口感一般，似旺角樓上cafe嘅質素。-總括黎講幾差。如果唔計價錢，都只係一般。呢個價錢交呢種貨，對唔住自己荷包同胃。即使考慮埋尖沙咀租貴、海鮮來貨價浮動、附近餐廳都係呢個價位，都仲係偏貴好多。…Read More

之前行過都好多人排隊，琴日（六）19:00前去到，就可以3分鐘內入座。.座位感覺比一般拉麵/沾麵鋪開揚，除左因爲櫈後走廊寬，仲因座位同廚房之間既只係1米5都唔夠既矮牆。矮牆好唔好就見人見志，個人覺得雖然油煙會直接迎面傳出黎，但坐喺度都可以望住師傅煮好一碗麵，feel good。不過店內音樂頗為大聲，尤其播band song 時汁都震埋，就算客人想細聲傾計免得嘈到其他客人都唔得，食麵食慢D都會覺得耳仔痛。.與同行人各叫左一款沾麵，我既係蝦味噌小麥麵，同行人既係黑蒜油黑椒麵。2款汁都夠濃味，料足，但偏油膩，不過食完後飲一杯水就足夠。有一個弄巧反拙既缺點，就係紫菜上打左「彩」字既窿。明白咁係《彩》既特色，但紫菜已經得一塊，面積仲少比一般細一半，加埋無左「彩」既部分，紫菜量太少，唔係死罪但十分可惜。.小麥麵正常好食，黑椒麵感覺有少少兀突，似為落而落，同湯汁唔夾。不過如果平日都中意食麵落黑椒既人應該幾適合，因黑椒打入麵團內一定灑落湯面平均。而麵既硬度無得選擇，對於偏好硬麵既我黎講一定係太軟。不過無特別愛好既同行人都覺得偏軟。.總括黎講只係一般。味道ok，口感ok，店面ok，服務ok，無野差，但除左價錢就無地方值得話好。…Read More