The Captain's House (Closed)

無睇食評淨睇menu就walk in。
等5-10分鐘就有位，但話限時入座起計90分鐘，呢個價位、呢個地區、呢個食物（海鮮），竟然好似便宜任食咁限時90分鐘，十分詫異。
-
環境幾好，睇落乾淨企理staff有禮。窗邊仲有一條玻璃柱，裏面放滿蠔殻，一睇就知主打海鮮。
-
主打海鮮當然order海鮮拼盤。海鮮拼盤揀咗三款，小龍蝦、蜆、長腳蟹。
三樣嘢裏面最好嘅係長腳蟹，容易剝殼，啖啖肉，雖然唔算新鮮但唔係難食。其次係蜆，正正常常。小龍蝦最差，好難剝殼、肉少、味道腥。
拼盤裏面仲有薯仔、腸仔、粟米，配汁食都ok。如果唔係有長腳蟹，應該剩係得呢三樣嘢可以頂肚，不過味道只係好味啲嘅快餐店。
-
額外叫多一個蝴蝶粉，汁味道一般，粉既口感一般，似旺角樓上cafe嘅質素。
-
總括黎講幾差。如果唔計價錢，都只係一般。呢個價錢交呢種貨，對唔住自己荷包同胃。即使考慮埋尖沙咀租貴、海鮮來貨價浮動、附近餐廳都係呢個價位，都仲係偏貴好多。