Purin Lu's Profile

今日路經這間食店，見店一個都冇，於是入去食晏，等小朋友坐得舒服點，我們2人一入去問幾位之後就指我去近廁所和廚房門口的二人枱，除了這張2人枱，沒其他2人枱，於是我要求可否轉坐近窗位置4人枱，我們坐埋一邊，因當時一個人都冇。店員黑面即唔客氣話得，但等陣有人要坐你要同人搭枱或比番枱我。我們叫了滑蛋豬扒飯，份量不多，要80蚊。套餐只包少少沙津和一碗麵豉湯，味道普通，我當時不知道連茶都要自己攞杯和倒。所以茶都沒有杯，直到尾至見人自己攞，至知，食到差唔多中途，可能1點，有些客入來。到我仔仔食到剩番3啖左右的飯，有4個客入內，但當時仲有一張大枱6人和4個bar枱位。店員就好大聲咁喝我，喂你宜家就比番張枱我，你坐bar枱啦，完全沒禮貌語氣，但眼見其實有位。又完全沒過來幫我轉枱。要我自己拖住3歲幾小朋友拎住袋來來回回兩次取自己碗飯去坐bar 枱。我當時感到好無助。食餐飯食到好無奈，如果我一人， 我就無所謂，但有小朋友，佢應該要過來幫我拎飯餐轉枱，所以我話這間店完全服務極差，我們食完比錢，店員繼續黑面又沒一句多謝或唔好意思。雖然我見佢整間店好似兩個人，但連基本禮貌都沒有，每個餐至少70幾蚊以上，又唔係好平，仲要我走時。張6人枱都係沒有人坐。食到嬲。永不再來。…Read More

住在附近一直都想試試這餐廳, 星期六, 於是跟仔仔和老公一同前往試試食午餐, 可能已約二點左右不用等位, 他們安排了一張四人枱在餐廳最入的位置,因怕仔仔未坐定, 於是我地三人都一同坐同一梳化等的一面, 兩人夾住仔仔方便照顧睇了餐牌, 這裡有All day breakfast 餐和午餐, 價錢普通, 兩者都起碼60 至90蚊左右一個餐包括一個湯和一杯熱餐茶, 但個餐轉凍飲要加4蚊, 略貴, 或要其他特別飲品都要起碼加14蚊以上, 仲有加一服務費, 有位中年女待應招呼我們, 她先放好餐具給我們, 仔仔一見匙羹就拎起咗, 那位待應即用兇神惡殺的眼神和聲線對我仔仔講"你同放低匙羹", 態度差劣, 好像不歡迎小朋友到這餐廳, 跟住我們點了茄醬雞肉意粉和銀鱈魚柳檸檬牛油汁飯, 老公的意粉好少雞肉, 但大量草菇和番茄, 味道一般我的銀鱈魚柳飯, 飯好硬, 好似飯底咁, 想比些仔仔, 仔仔都吐出唔食, 魚味道ok, 但好少汁, 所以好似食緊煎魚伴白飯咁因仔仔食食下瞓著, 我抱住他和我已經食完, 老公都差不多食完, 只剩下少少意粉同半杯凍O水, 這時候, 那位中年女待應就來跟我們說, 麻煩你地坐番一張二人枱, 因出面好多人等位, 因我們坐的枱比較入, 我抱住仔仔, 我怕等陣間很難走出, 二來我老公差不多食完, 於是, 我便跟她說可唔可以等一會兒, 我們就快食完和怕難以走出, 和或者可唔可以叫客人坐在我們對面先, 但那女待應堅持不可以, 仲要好惡咁說佢地枱號已定, 不能這樣, 一定要我老公起身坐番我對面心想這裡地方咁細, 約只有十張枱, 待應得三個, 真係咁難因為枱號難送餐嗎? 服務態度差劣, 我老公於是將就起身坐在對面, 可是, 到最後騰出的枱沒有其他客人入來坐, 因那位客人有狗狗要坐露天, 而且也沒有她所講好多人等.有小朋友也不便帶來, 沒有兒童椅.我們不會再來食.…Read More

小學同學介紹, 之前食過好正, 所以今晚相約一行五人來食海鮮餐, 以前我食過全記, 但宜家冇以前咁好食, 仲要好貴, 同學之前已打來問有乜靚海鮮, 根據他們推介我地叫了:白灼海蝦 (嘩...好新鮮, 隻隻爽口, 食得出生蜢海蝦)椒鹽鮮魷 (好好味, 炒得好有火喉)鹽焗海螺 (隻隻一樣size, 螺肉好爽口, 冇沙)蒜蓉蒸扇貝 (正, 又係好好味, 粉絲入晒鮮味, 時間蒸得剛剛好, 食咗一隻, 唔夠喉, 好彩同學已經預咗每人兩隻)清蒸海班 (蒸得剛剛好, d 肉好滑, 最後, 其中一個同學, 清晒成條魚, 食得乾乾淨淨)椒鹽癩尿蝦 (嘩...好食到, 唔夠喉, 好大隻, 啖啖肉)豉椒聖子(good, good, very nice, 好多肉, 夠火喉, 好新鮮)楊州炒飯 (都ok, 唔錯)佢地仲附送了:飯後果 - 橙湯水 - 紅豆沙掛住食, 後尾都唔記得影相吖...食咗$23xx已計埋加一, 全餐都係海鮮, 除了飯外, 正, 服務都唔錯, 不斷幫我地換碟, 下次要再來食過 …Read More

:)今晚同一班朋友在尖沙咀食飯, 其中一個朋友推介樓上小菜, 於是我地一行五人去試一試, 上到去好似一間家庭式的飯店, 朋友說這裏的靚好好飲, 我地揀咗兩個二人套餐 再加小菜,豉油雞半隻 - 正, 好滑, 好有雞味火腩班頭腩煲 - 班頭腩都好滑, 唔錯炒雜菜 - 住家菜, 冇乜特別咕嚕肉 - 炸厚粉唔多, 唔會好厚粉,幾好食時菜肉片 - 肉片, 應該新鮮肉, 有肉味最正係佢d 湯, 四個人飲海龍海馬花膠湯, 一個人龜苓湯, 好濃, 好有味, 好足料, 冇味精, 一流, 下次會再來食過, very good 的一餐.…Read More

今晚我地一行五人叫了油鬆餅、薄餅、沙爹串燒、 海鮮喇沙、 金絲奶油大蝦、 貴妃苗、 巴東牛肉、 檳城炒貴刁...等金絲奶油大蝦, 好好味, 值得一食.巴東牛肉, 個汁非常好味, 夠惹味, 下次一定再叫. 其他食物味道都唔錯, 服務唔錯, 我一定會再來莎巴. …Read More

今晚同朋友到九龍城食泰國菜, 附近的餐廳太多人等, 見到這間有位, 而我地未食過, 所以我地試下先。我地叫了- 蝦餅 (都算OK)- 牛油蒜蓉蒸青口 (朋友食到青口內, 有海草 >_<)- 冬陰公 (只係得辣味, 湯內只有蝦毛仔, 唔好味)- 生菜包豬肉 (OK, 好味)- 泰式海南雞 (同一般白切雞沒分別, 冇味道, 唔知點解熱熱地)- 馬拉盞炒通菜 (全晚最好味)服務幾好, 只是食物一般…Read More

今晚本來我同朋友去食和文, 點知好多人, 於是我們便試一試隔離日本料理, 那裡款式有好多選擇, 不過價錢比較貴了小小, 可能係大部份都係set, 不過食物質素同賣相很不錯. 我們選了三色飯同海鮮粥set, 好好味, 而且份量都唔少, 可以下次再試.但係佢地服務有少少問題, 帶位方面很奇怪, 門口侍應帶我們入內, 轉交另一位同事, 一路入, 有很多吉位未有人坐, 但她就引領我們到最入都最隱蔽靠檣坐, 而且那兒還沒開冷氣添, 那時已經差不多八點, 出面些的位子有很多沒人坐, 於是我們要求另一張, 但她說出面的已被其他客人book了, 我朋友於是跟她討論, 沒可能全都被book, 跟着她又說那些要給予三人以上, 雖然我們兩個人, 都不應該這樣安排, 到最後我們要求下, 她們都要我們坐在最隱蔽但不用靠檣坐的四人枱, 到我們差唔多食完至有人到我們身旁坐, 因身旁的客都是兩人, 到走外面的位子還沒滿坐, 希望她們的帶位可以彈性些.…Read More