頭上的豬兒's Profile

今日到美孚新村買少少西餅甜品去探朋友, 其中買多了一件"栗子黑糖慕思"自己試試,  賣相幾好幾精緻, 仲有隻金色碟裝住, 朋友仲以為要四五十蚊一件, 但其實只係十二蚊咋, 哈哈. 味道都唔錯, 外層是一大片栗子cream, 啲cream都幾滑, 上面唧左一朵栗子蓉造的花, 栗子味好香濃, 岩晒鍾意食栗子味既我~ 入面有兩層, 上面係黑糖味既慕思, 口感輕盈, 黑糖味幾香! 下面係朱古力海棉蛋糕, 口感鬆軟. 黑糖和栗子味幾配合, 十二蚊真係幾抵吃!…Read More

前日黎沙田大快活食左個下午茶.....叫左西多士拼雞翼...一見到份西多士個賣相已經好唔吸引.... 切落去就知道四邊都炸得過火, 包邊好硬, 好乾咁, 塊西多士入口也只係丁點微暖, 似係炸好左放了一段時間又唔做好保溫...除左口感唔好, 味道亦唔好食...一點也不香...好失望:(串雞翼還好, 有香草味, 不過隻雞翼太瘦..冇乜肉可以食到...而杯奶茶就保持水準, 還OK啦, $29不算貴但以這個質素來說就唔太抵食...…Read More

上星期一個晚上來這裡食餐豐富晚餐~ 兩人叫了一客"牛肉烏冬鍋天婦羅壽司拼盤" ($150) 和 一客"山海烏冬鍋天婦羅壽司御膳" ($155). 兩個set都分別有一個烏冬鍋, 一碟天婦羅和一碟壽司~山海烏冬鍋&牛肉烏冬鍋:山海烏冬鍋和牛肉烏冬鍋最大分別, 便是前者入面仲有D海鮮, 例如帶子,魷魚,蜆, 一隻炸蝦, 其餘配料都是一樣的, 兩種鍋湯底都有明顯分別, 山海烏冬鍋入面有海鲜所以湯底帶點甜味, 而牛肉烏冬鍋就比較濃味偏鹹.  烏冬幾好夠彈牙, 質素不錯.壽司:兩個set的壽司質素正常, 沒有太突出, 壽司飯的調味都算不錯.天婦羅:天婦羅就有兩隻炸大蝦, 一件冬菇, 一件蕃薯, 一件青椒, 味道幾好, 炸粉不厚, 上枱時熱辣辣的, 又脆又好味.食物質素是OK的, 但不喜歡他們的上菜方式, 我們以慢慢吃的速度 吃了差不多廿五分鐘(其實都已差不多吃掉壽司和烏冬鍋的7成)..天婦羅才上枱.. 以往在其他餐廳吃這類日式set, 一定會全部一次過上菜的, 這樣吃才開心滿足嘛..現在要就住食等埋天婦羅 感覺很奇怪..吃得也不夠痛快.另外..一開始他們送上枱的山海烏冬鍋是漏左放牛肉的....好彩我記得menu上是有牛肉的...所以叫他們補番... 感覺他們的廚房都幾甩漏而且侍應的反應和態度都不太理想... 即使叫他們添茶也要揮手一會兒才有人回應…Read More

今日芝士控嘅我又出動啦, 買咗半熟工房新出既"double fromage芝味二重奏"回家慢慢嘆....好味到暈! 蛋糕外層佈滿粒粒金黃色既蛋糕碎, 切開之後清楚睇到蛋糕係分成3層layers的, 最上層係質感輕身既北海道忌廉, 中間係質感較濃稠D而聞落去好香既北海道芝士,而底層係九州雞蛋做既一層薄薄既海棉蛋糕.口感和味道都是以往食過嘅cheesecake之中數一數二!! 蛋糕入口真係食到double口感, 既食到好creamy軟綿口感, 亦食到一種又像雪糕又像慕斯既輕盈幼滑口感! 即使蛋糕中層有超濃香既芝士味, 好彩亦冇掩蓋到牛奶忌廉既奶香! 最重要是不太甜, 所以一次過切幾件食都唔覺膩! 連媽媽吃過都即刻話今年生日要呢個做生日蛋糕~ 果然識貨!雖然價錢不太便宜($198), 不過以這個質素來說我覺得定價是合理的. 而且其實都可以切到好多件食~ 平時返工咁辛苦..間唔中梗係對自己好D享受一下吖. 佢另外仲有一款細size可以揀($45).  而包裝用既係一個簡約木盒, 我食完仲可以保留個盒平時裝野用~下次會試埋佢另外兩款味道...抹茶同朱古力double fromage…Read More

叫左豬扒包+瑞士雞翼下午茶餐 ($30), 份餐黎到後有點驚喜, 因為比想像中要大份~ 有切開兩邊都幾大件既豬扒包 再加兩隻瑞士雞翼全翼....$30都幾抵食!! 至於味道, 豬扒包塊包都幾鬆軟, 唔係太乾太硬, 入面有D沙律醬同生菜, 有D似公司治既感覺! 塊豬扒都幾淋身幾juicy!瑞士雞翼色水幾靚, 不過就唔算好入味~ 只有雞翼塊皮有瑞士汁味! 但呢個餐整體來說都算唔錯, 性價比OK!…Read More

早前有一晚用了e-coupon食左呢個酥皮湯套餐, $49就有一個酥皮忌廉湯, 煙三文魚蜆肉扁意粉同埋即磨咖啡! 抵食至極! 酥皮湯唔錯, 塊酥皮熱辣辣好香呀, 入面忌廉湯都幾稠身, 味道可以的.煙三文魚蜆肉扁意粉勝在多料又大碟, 又好多粒蜆肉呀, 味道正正常常啦, 略嫌D醬汁太少, 我覺得食食下有少少乾.呢度既咖啡就一向都幾鍾意飲, 幾香滑~!總結來說, 都是性價比高的一餐! 衛生方面, 希望店方注意一下, 因為我來過兩次, 食食下都有隻大烏蠅周圍飛....原本想悠閒食個飯的食客都被大烏蠅騷擾了.…Read More

中午經過呢條街兩邊都有好多食肆, 竟然仲有好耐冇食過既永珍!! 記得讀書時成日幫襯九龍城的分店呢!!立即入去懷愐下~:)叫了碗"越式生牛肉河"~一上來時已經聞到好香喇, 馬上用匙先嘗嘗湯底, 真的唔錯呀, 幾香濃, 又唔會過份地鹹, 還帶一點點洋蔥, 蔥花和芫茜的味道, 令湯底香味更豐富呢. 現在都愈來愈少越南菜館做到好吃的生牛肉河了. 牛肉又薄又嫩滑, 有牛肉香味~ 而且好大塊仲要有好幾塊!河粉都幾滑!$38連熱飲都算抵食!…Read More

早輪去呢度食lunch, 叫了lunch menu入面的一個"特濃芝士焗鮮茄豬扒配蛋炒飯" ($43),  一上枱已經覺得賣相好靚 焗得好香,  即刻忍唔住食一口, 幾好味喎！飯是炒飯底, 幾香口, 雖然比較乾身 但撈埋D汁食口感就剛剛好 ! D汁都好味, 酸甜度恰到好處, 入面有D蕃茄和青豆, 唯一有點不足的是，雖然個名叫特濃芝士, 但芝士真的比較少....完全稱不上是"濃", 如果再多啲就會仲香仲正！豬扒亦都幾好, 淋身.  而份量來說初頭望見隻碟咁淺以為會較少, 點知食食下發現原來都好足夠. 飲品叫了飲熱鴛鴦, 幾香滑 幾好飲！…Read More