vincci140401's Profile

呢間Cafe整體環境好chill，燈光偏暖黃，有啲法式小酒館feel，見Dinner 有個勁吸引嘅set就點左(前菜、主菜、飲品、甜品)。前菜—黑松露薯條松露香氣好濃郁，配埋脆卜卜嘅薯條，真係忍唔住一條接一條，完全冇得停口！ 主菜—海鮮香草意粉意粉煮得啱啱好，海鮮係鮮蝦非常新鮮彈牙，配埋香草嘅清香，成個味道平衡得好好。澳洲西冷牛扒至於牛扒，燒得啱啱 medium rare，肉質鮮嫩多汁，仲帶少少燒香味，好滿足！果味梳打甜品—心太軟（配芒果雪糕）心太軟一切開，個朱古力醬即刻流出嚟，配埋芒果雪糕，酸酸甜甜中和返啲濃郁嘅朱古力味道！…Read More

最近屯門發現咗一間新開的西餐廳Lumos restaurant and bar，lunch time嘅時候去食就叫咗兩set套餐。每份套餐前菜可以選擇蘑菇忌廉湯或沙律，還包一杯飲品，必推蘑菇忌廉湯，忌廉汁配有濃厚的黑松露味，這個湯非常惹味。香煎盲魚柳伴欖油蒜香辣椒扁意粉set，魚柳外皮煎得酥脆，內部肉質柔嫩，入口即溶的感覺，帶有魚肉的鮮甜，再配上香口的意粉，口感彈牙，淡淡的橄欖油、蒜片和辣椒的香味，而且不會太辣。坑烤紐西蘭一級肉眼set 七成熟牛扒煎得啱啱好，肉汁豐富，每一口都能感受到牛肉的鮮美和淡淡的草本香氣。配上經典的紅酒醬，這些醬汁的味道濃郁，能夠進一步提升牛排的風味。配菜有薯條和薯泥完美的搭配。…Read More

元朗有一間別具有文青氣息的cafe shop 叫 Overlap coffee ，入到去成個環境好清靜，好適合一邊食嘢一邊放鬆休息。除此之外，入面啲嘢食都唔差㗎，食落有驚喜明太子忌廉海膽蟹肉闊蛋麵估唔到除了明太子的香味，仲有加上海膽嘅海水同鮮味，兩者加埋一齊令到個口感好豐富，蟹肉的鮮甜味道和忌廉的奶油香味，食落唔會太膩之餘口感提豐富多變，味道濃郁可口All day breakfast 呢一間嘅All day breakfast 同出面啲鋪頭唔同，佢入面有窩夫、芝麻醬拌豆腐 、沙律、兩條烤腸、三文魚，別具特色，更加似係貼合日本風格嘅all day breakfast。不得不提嘅係，三文魚非常之鮮甜，有一種入口即溶嘅感覺，咬都唔洗咬，口感十分趣致。除此之外窩夫、烤腸等西式食材，再配合埋日式嘅芝麻豆腐豆腐同埋沙律解膩，令到就算食完個餐郁唔會覺得個口油淰淰。飲品中比較推薦肯尼—涅里 卡加利 上面有一層厚厚的奶盖，奶香味十足，玫瑰蜜桃茶的口感都唔錯，有淡淡嘅花香味，而口感都十分清爽。#overplacoffee #文青 #chill #香港美食 #美食 #清靜 #元朗…Read More

上個星期六，我同我男朋友去咗旺角中心3樓嘅堅泰食晏晝飯，呢間餐廳裝修都幾搶眼，而我敢講入面啲嘢食仲搶眼堅泰的環境都幾舒適，比起旺中嘅其他鋪頭，佢都算幾有特式，冇太花巧嘅霓虹燈，只有簡潔面嘅裝修，牆上掛著一些泰國的風景畫，同埋令人眼花撩亂嘅食物大圖。食物方面，堅泰嘅泰國美食絕對地道。我哋嗌咗佢哋嘅招牌榛子醬香蕉煎餅，食落唔會太甜，反而佢個皮做得幾出色，食落好酥脆豬頸肉金邊粉：呢度啲金邊粉唔係乾炒嗰隻，面係濕濕哋，酸酸哋，都幾開胃肉碎生菜包：我男朋友食開清淡嘢，所以對佢對呢碟餸評價都幾高分，啖啖肉，啱哂佢呢啲食肉獸吖特別值得一提嘅係佢哋嘅泰國奶茶，香濃順滑，帶有茶香和甜味，絕對是一個必試的飲品。堅泰嘅價格相對合理，份量都夠。佢哋嘅菜式品質都幾唔錯…Read More

難得想食好啲優雅啲同朋友食飯傾計，又唔想次次剩係食西餐，今次就黎太古廣場食泰菜😋一入到黎坐低店員已經送上一籃手工蝦片，香脆大片得黎又有蝦味，落完單肚餓就塞左好幾塊去墊肚🙈泰式東北小食拼盤第一次食小食拼盤除左炸物外有埋生菜肉碎🤩一次過滿足多個願意，估唔到份量都幾多，兩個人叫個小食拼盤食完已經飽左一半😛泰式和牛船麵超多炸豬皮！！！吸晒船麵湯底精華，Yummuy😋船麵同和牛就中和左和牛本身食落油脂感。紅咖哩和牛勒肉超香嘅牛勒肉，一咬即鬆化，配上微辣嘅紅咖哩，特別餸飯。當然，食泰式咖哩唔可以缺少薄餅啦，點上咖哩汁黎食，食唔停口👅可惜兩個人胃部空間有限，睇餐牌有好多特色飲品，真果汁沙冰，特色甜品，都無緣去試下。如果鍾意飲酒的話，呢度還有雞尾酒提供。餐廳內部裝潢優雅得黎帶點華麗，特別一讚係員工服務唔錯，唔需要特別提醒就已經幫手斟水，特別適合同三五知己聚會或者二人世界🤭…Read More

最近，我係OpenRice發現一間幾驚艷嘅一間餐廳 - 創作割烹 Stella。呢度有精緻的料理，仲有一流嘅環境。重點係，價錢平得嚟食嘅食材都好新鮮，廚師加工得好用心，每樣精緻嘅擺盤都睇得出廚師嘅用心首先，佢個門口真係好難搵！餐廳行一個低調嘅路線，入面嘅位唔多加上門口都好隱蔽，所以餐廳入面都幾靜同幾舒服。餐前酒款:一開始，服務員推薦兩杯酒俾我同我嘅朋友，我揀咗一杯清新嘅意大利白酒作為餐前酒款，口感醇厚而平衡，完美地搭配咗精緻料理，令到食物嘅鮮味昇華。搭配微酸的 Prosecco 作為搭配。Prosecco 來自意大利，氣泡細緻而持久，散發出綠蘋果和白花的香氣。它的清新口感和微甜的尾韻。頭盤: 第一道菜是一道精緻的三個頭盤，每個都好好食，相得益彰，令人回味無窮第一道菜:食完頭盤之後就上咗第一道菜，明太子釀意大利黃瓜花天婦羅。本身上菜嘅時候以為係一道好普通嘅天婦羅，點知食落有驚喜，外面十分酥脆，入面黃瓜花就好腍，加上入面啲明太子連埋啲沙律醬爆出嚟，成個配搭真係冇得頂第二道茶：和牛舌酢漬姬菇 - 食完啲濃味嘅嘢，就食返啲淡嘅牛舌。慢煮牛舌十分之腍，配埋啲紅蔥頭同埋姬菇，味道上幾清新主菜:鮮鮑魚浅蜊富山米意大利飯 - 用嚟自富山嘅米煮嘅Risotto，不得不讚係幾有口感嘅，啲鮑魚同蜆都好新鮮，配上特製嘅鮑魚肝醬，鮮味十足利洪內塞式烤穴子- 外皮焦脆，厚肉嫩滑，口感豐富日本A5和牛配味噌夫根 - 全晚最最最正嘅主菜，無諗過呢個價錢可以食到A5和牛，仲要廚師烤到完美熟度，油脂剛好融化，又帶出牛香，無得彈！甜點:最後，來到了甜點環節。里科塔奶酪小會紅豆 - 鬆軟嘅餅底再加原粒嘅紅豆，口感好豐富，加上又唔會太甜四小味甜品 - 4款甜品都各有特式，全部都超水準，食完之後就好滿足總結:Stella 餐廳提供了一餐令人印象深刻的 8 道fusion，並喺酒嘅選擇上給予了非常豐富的選擇。無論是清新嘅白酒定係氣泡嘅 Prosecco，每一款酒款都巧妙地搭配了相應的菜品，提升了整體嘅美食體驗。無論你係一個愛好美食嘅美食家或者係一個酒愛好者，Stella 餐廳絕對值得一試…Read More

我喺尖沙咀嘅厚福街，我發現咗一間幾令人驚喜嘅燒烤店 - 大樹燒烤。個裝修格局都幾唔錯，播啲歌又幾啱聽。我試咗佢哋嘅燒烤之後，發現佢啲嘢食都幾唔錯環境：大樹燒烤嘅環境簡單舒適，有種家庭式嘅氛圍燒烤選擇:大樹燒烤提供咗多款新鮮嘅燒烤選擇，包括牛肉、豬肉、雞肉同海鮮。佢哋嘅食材新鮮有質感，令燒烤更加美味。我特別推薦佢哋嘅羊肉串，肉質鮮嫩多汁，每一口都散發出香味但一啲都唔羶。除咗傳統嘅燒烤，大樹燒烤仲有啲特色嘅菜式，例如烤生蠔同蒜蓉蒸扇貝其他美食:我覺得一個好嘅燒烤晚餐唔小得啲小食同酒水。大樹燒烤提供啲豐富嘅小食，例如炸雞翼同避風塘炒魷魚鬚，好啱用啲送酒，啤酒加埋啲小食簡直係絕配，但可惜因為我揸車嚟所以冇得飲酒，唯有嗌杯鴨屎香檸檬茶，飲落都幾香同啲燒烤幾夾，最後仲嗌咗碗冰粉降一降溫總結:總括而言，厚福街嘅大樹燒烤係一個令人滿足嘅燒烤體驗。佢哋提供新鮮嘅食材同獨特嘅風味，令人回味無窮。環境舒適，整個用餐體驗幾愉快。無論係牛肉、豬肉、雞肉定海鮮，佢哋嘅燒烤都好好味，配埋酒飲同frd吹水都幾唔錯…Read More

收工之後，同事推薦我哋食呢間位於旺角兆萬中心嘅韓式燒肉放題餐廳 平昌。呢一間家餐廳的特色是提供各式各樣的韓式燒肉，包括牛肉、豬肉、雞肉、海鮮等，而且都係好新鮮，醃料好入味。基本上我每一款肉都試過晒，全部都好鮮嫩多汁，而且配上韓式醬料和泡菜，好似返咗去韓國噉。除咗燒肉外，這家餐廳還有其他的韓式小吃嗌，例如炸雞、年糕、冷麵、拌飯等，都是好地道。我特別鐘意呢間嘅的牛骨湯，足料得嚟又好香。個人嚟講，我幾鍾意佢哋個環境，裝修得好現代化，有好多好有趣嘅畫作，令人有一種置身於韓國嘅感覺。而且佢哋嘅冷氣都好夠，燒緊嘢嘅時候都唔會覺得太熱，抽油煙都算夠力，食完唔會成身癡淋淋。而最令我驚喜嘅係佢哋嘅廁所冷氣好足，入到去好似去雪房噉但又唔會太凍，乾淨又冇異味。服務員都很親切友善，最主要係佢哋會主動幫忙換盤子同埋換網，唔洗自己開聲問。我覺得呢一間餐廳幾值得推薦，同事果然冇介紹錯。…Read More

一如既往，收工同同事食飯，一入到嚟開鋪真係好驚喜，個環境好特別，天花板有好多月亮波波燈，每張枱都有星球燈，好浪漫，如果同另一半嚟應該都會幾開心Sagittarius熟星座嘅朋友聽名就知佢係以12星座嘅射手座命名，係一杯芒果味嘅Cocktail，入口有比較濃郁嘅奶味同酒味，啱一啲重口味嘅人😋Gemini同樣係以12星座的雙子座命名嘅青蘋果Cocktail，上面鋪咗啲薄荷葉同花，飲落都好fresh，重點係酒味一啲都唔濃，好易入口Truffle Bikini呢份小食類似三文治，兩塊麵包夾住啲黑松露同芝士，味道好濃郁，芝士溶得嚟又有啲咬口 唔會話變咗一pat嘢，黑松露亦都好香，water行緊過嚟都聞到🤤FRIED OYSTERS with mint mango mayo外皮香脆，一口咬落啲汁就標晒出嚟，生蠔鮮味十足仲有配上舖頭整嘅醬汁，味道跟上一層樓，一共八隻，份量好足十分之推介J.Moon Pizza薄皮食落去卜卜脆，芝士非常濃厚，有唔同嘅海鮮有煙三文魚、蝦等等，加埋啲蕃茄醬酸酸甜甜，再配上溫泉蛋解芝士嘅膩之餘令到成個pizza 好creamy See urchin sauce呢一款長通粉好完美噉掛晒啲海膽汁creamy 得嚟又鮮甜，個汁又唔會太甜，加埋D三文魚籽增加啲口感整體嚟講都好夾…Read More

估唔到喺沙田都有川味特色小食，就嚟到「嚐聚」。我哋就點咗一份烤魚，烤魚上面嘅辣椒非常惹味，辣度啱啱好，以及配菜上有洋蔥、芫荽，索晒烤魚汁香味。最特別嘅地方係魚皮燒到金黃色，食落去脆卜卜，魚肉味道清新爽口，口感鮮嫩😋啲湯底簡直係冇得陣，麻得嚟又香，啲魚或者嘢食掛哂啲湯，逼返食材啲鮮味出嚟，真係一流👍🏻另外我哋加咗少少錢轉做火鍋放題，都有好多嘢簡，我哋每樣都嗌咗啲，同埋嗌咗好多肥牛，鮮牛肉，梅肉。佢哋啲牛肥瘦均勻，又新鮮，放題嚟講都算唔錯，好過出邊嗰啲火鍋放題好多，我最推薦的是牛肉丸，彈牙得嚟又鮮甜，同埋佢個牛柏葉，水魷魚都好爽脆，所有材料都非常新鮮👍🏻加上原本嘅湯底，成件事昇華哂…Read More

我同frd 放之之後上網搵咗間鰂魚涌嘅台灣餐廳，叫一葉台灣料理，賣好多正嘅台灣菜同小吃。評論好似幾唔錯就入咗去試下。個皮蛋地瓜苗用咗皮蛋，杞子，蒜頭，薑同地瓜葉，味道清新又開胃，皮蛋香氣十足，地瓜葉又爽口，杞子同蒜頭仲有啲特別嘅風味👍🏿個糖醋雞球用咗去骨雞肉塊，裹粉炸到金黃香脆，雞肉外脆內嫩，醬汁甜甜酸酸，唔會太油太膩，好惹味。仲有啲青紅椒絲同洋蔥絲一齊炒，增加啲色彩同香味🤤呢間餐廳嘅服務都幾好，店員好nice，上菜快手快腳，份量都唔錯。店內裝修得幾靚，有木頭桌椅同牆上嘅菜式相，有種喺台灣食飯嘅感覺。價錢都幾算OK👌🏿一葉台灣料理都算係一間唔錯嘅台灣餐廳，整體嚟講值得一試😍…Read More

街坊茶餐廳這裡屋邨附近沒有幾間餐廳選擇，不然就要走再遠點的得寶商場或是更遠的淘大商場。街坊鄰里通常都在幫襯。食物味道正常，大部分菜品都不過不失，沒有特別驚豔的菜式，但食材和廚房火候掌握還不錯。環境尚算乾淨。…Read More

越南河粉是我的最愛美食❤️濃郁清新的牛骨湯配上爽滑河粉，讓人停不下口。生牛肉河粉未必大家能吃慣，因為是直接生牛肉上倒入熱湯來燙熟，有可能上菜時帶點粉紅💓但來到錦麗必點它們的牛丸河粉！！！巨好吃！！！牛丸爽口彈牙，超重牛味，不可錯過！！…Read More

前排同frd喺Openrice 搵到間鐵板燒，叫做宴·鐵板。入面裝修唔算差 亦都唔算大，但入到門口映入眼簾嘅係無敵大海景。因為係我哋食個陣係晏晝，所以成個環境都好光。我同我個frd兩個人嗌咗兩個lunch set人均差唔多4百幾。第一碟上嘅係季節前菜，上咗個富山灣螢光魷魚🦑配鱈魚條薯仔沙律同餅乾，魷魚好新鮮鮮，配搭沙律同餅乾一齊食增加個層次，個口感好豐富。之後到精選刺身，深海池魚配白松露油同油甘魚二食。池魚肉質緊實而爽口、略帶油香，味道鮮甜；油甘魚魚肉細緻幼滑，入口即融。精選壽司亦都唔錯，真鯛配少少辣椒醬調出鮮味，鮫鰈魚經過燒烤嘅魚邊香味十足。去到鐵板燒環節，我同朋友分別叫咗沙巴虎蝦🦐同北海道帆立貝，兩款都好好味。香煎沙巴虎蝦肉質爽口有彈性，蝦味濃郁；北海道帆立貝配牛油香蒜汁，味道更加出色。香煎鵝肝伴藍莓醬，藍莓醬酸酸甜甜好開胃，鵝肝軟綿配薄脆多士，食落好多層次。美國牛柳🐮可選擇薄燒或者厚燒，兩種做法都好出色，好食到停唔到口。廚師火候掌握的好好，五成燒仲可以見到🤏🏻pink😍💖最後仲有櫻花蝦炒飯、海帶麵豉湯同炒雜菜伴芝麻脆脆做收尾，大滿足。題外話，個度啲師父除咗會好細心同你講解啲食材同法之餘仲好傾得，仲可以交流下心得，好抵讚，喺香港呢啲咁傾得又煮得嘅師父真係買少見少。👏🏿…Read More

我最近去左旺角嘅滾爺火鍋，試左佢地個湯底同食材，好有驚喜！佢哋嘅椰子雞湯底用咗兩個椰青同兩個椰皇，再加埋珍珠馬蹄同新鮮三黃雞，真正🈚️添加。湯嘅味道清甜，雞肉嫩滑好食，仲有滋補脾胃嘅功效，值得一試！仲有，我都試咗佢哋嘅牛魔皇🐮，即係牛肉拼盤，入面有牛頸脊、牛舌、金錢肚，仲有超罕見嘅牛骨髓。牛頸脊厚切增加口感，既重牛香又重牛味，牛骨髓嘅口感好獨特，滿口膠原蛋白嘅感覺，真係叫人驚艷。而且，上碟嘅時候，仲有仙氣圍繞，非常啱畀人打卡。蝦滑配上蟹籽增加口感，正👍🏻皇帝菜新鮮爽脆，打邊爐必嗌！仲有好多選擇，今次就不能盡錄。不過滾爺嘅椰子雞湯底、牛魔皇牛肉拼盤同皇帝菜都係我好鍾意嘅，唔單止好食，仲有好多營養價值。如果你都鍾意食火鍋，可以過黎試下😉…Read More