Edmond.kongkm's Profile

聽朋友講 辣媽 好好食，上次去咗大棠路那間，但只得飯麵食，無小菜，味道跟個價錢，一分錢一分貨，算係咁啦。今次去咗安寧路呢間食。環境整體好好，舒適乾淨。唯獨有少少不足，因坐靠窗位置，見到好幾隻蚊在窗邊飛來飛去，但還好只在窗邊飛，無飛落啲食飯度。叫咗幾個小菜，手撕包菜，干鍋花椰菜，羊肉串，水煮牛肉。手撕包菜味道唔錯，辣度跟個酸度做得好好，值得一試。干鍋花椰菜 也可以必食，因為個菜同肉都炒得好食，夠哂味道。羊肉串，好食！也是必食！味道，辣度，餘韻都好好，帶少少羊肉羶味，整體配合得好！水煮牛肉。我最期望呢個，但也是最失望，去過幾間川菜店都會叫嚟食，但呢個味道無味，好似就咁食緊 邊爐滑牛咁，我覺得完全唔掂!食物份量方面都建議3~4個人去食，今次兩個人食覺得好多同埋好飽。另外叫咗兩個白飯兩杯野飲。下次會試埋個酸菜魚，希望會有驚喜！…Read More

平時甚少會嚟圓方，皆因唔係好就腳，同埋地方唔係咁好行，所以都好少行嚟呢面食野。話說早幾日咁岩同朋友相約行下Hea下食下。喺大家都唔知揀邊間好就揀咗食呢間。因為大家對川菜都懷著興奮嘅心情。3人行叫咗小籠包、酸菜桂花魚、高麗菜、和牛炒飯、桂花小丸子糖水除咗小籠包係好食😋其他野真係唔掂！😫😫我個人本身都好鍾意發現及欣賞每款食物的好與壞，但真係覺得唔太掂。酸菜魚 🐟個魚我覺得有少少腥 同埋味道唔入味，我地有加到薯粉，反而薯粉出嚟味道效果唔錯！高麗菜 🥬即係平時食開嘅 「手撕包菜」？？ 我諗係喇，呢個菜個味唔夠香濃、唔夠味、唔入味，味道較淡，可能因為呢個原因，更帶出個油份，感覺很油膩。和牛炒飯 🍚呢個好失望☹️，個飯好濕，食落入口好濕，一啲都唔夠乾身，唔夠粒粒分明，可以太過濕，所以啲味道都唔多夠。桂花小丸子糖水 🍡粒小丸子好食，但整體個桂花糖水無咩特別。唔係難食，但都唔係出色。3個人去到大約 下午4點左右開始食，總共食咗$840。對於食，我都捨得洗錢，但對於今餐咁嘅價錢，咁嘅質素，真係失望。 ❌❌❌❌❌…Read More

即興的嚟到荃灣，經過呢度又即興的進入試試。食個陣係下午4點左右，下午茶時段所以啲菜式都有個優惠價錢，而我又好鍾意飲冬蔭公湯，每到泰國餐廳我都必定會叫嚟飲，亦好想試盡所有冬蔭公！海南雞飯亦係必食之選。每間餐廳都有啲野係最拿手，任何餐廳都會有，而呢間泰國餐廳就一定係個醬汁，因為佢個醬汁係非常出色！任何菜式都係！我叫咗沙律、湯、飯、菜，都感覺到佢地啲醬汁係非常入味，非常好味！啲醬汁咁好食，也建議四個人去食會比較好，因為好想試多啲佢唔同嘅菜式，下次都一定會再去再試！！非常值得推薦！！…Read More

由於食飯當晚太耐了，只能憑記憶記住好食定唔好食。我兩個人 叫咗兩份套餐，因為佢地套餐一定要兩個人咁叫，呢樣真係唔方便，有好多想試嘅野都試唔到。話說呢度喺好幾年前參加過一個葡萄酒開幕禮，我首次品嘗便覺得非常精彩！仲要靚海景！環境昏暗，極有情調！但真係偏黑，情侶嚟就可以，有老人家就唔方便喇！菜名唔記得啦，只能記住好定唔好嘅味道。雖然有部分都有質素，但比起第一次應覺太差。個片皮鴨每次都有個廚司喺客人面前燒，我見佢都燒到手痛，雖然係特別，但咁樣燒真係好傷手！…Read More

喺朋友社交平台度講緊呢間野，仲要講明熱辣辣脆卜卜，我就俾佢啲野食吸引咗，於是我就決定晚飯食呢間。以我所知呢間野係深圳裕記燒鵝嘅傳人過咗嚟尖沙咀開，諗住再打靚個品牌，而深圳裕記燒鵝喺燒鵝界真係數一數二全晚整體非常滿意！每樣食物都非常好食😋 大家可以睇下我每款食物俾啲星星個數量而去試試～呢間野都係第一次食，估唔到咁高水準，每項食飯我都有叫，希望可以試多啲唔同種類嘅食物，但因是晚兩個人食，食量有限，搞到有好多野都要打包，建議四個人去就最好！…Read More

呢間嘢個驚喜度爆哂燈🌟🌟🌟一定要去試！！話說朋友推介一定要試吓呢間嘢，咁好啦，就去試一試。去到荃灣西地鐵站轉搭的士過去，但原來係好近，行一段路過條天橋就到。叫咗幾樣嘢食，每樣都好出色，特別個意粉最有驚喜。有黑松露喺入面，平時我就唔鍾意食，除咗喺某間台式餐廳食過覺得好食外，呢度係另一間。呢度可以話係休閒好去處，食完嘢仲可以玩層層疊，益智又輕鬆 因為喺工業區果面，希望多啲人繼續支持，將好嘢食好餐廳可以延續落去～…Read More

嘩嘩嘩！好耐無寫食評啦！！趁有時間寫一寫先，因為真係一定要寫，超級推薦～～～一間大埔嘅隱世扒房，一定要去試吓！！點去就唔記得啦，朋友帶路由大埔墟站行咗10分鐘左右。今次中午時段去，門面裝修幾特別，入到去坐低員工詳細介紹餐牌嘅食物，有Brunch 有 ALC，最後我地揀咗ALC share食～最特別係可以去揀扒，鍾意邊件揀邊件，即時磅俾你睇！我地揀咗 US Black Angus Prime Rib eye、Argentina Black Angus Prime T-Bone Steak、UK Berkshire Pork Chop。全部都係我地親自選擇👍🏻👍🏻 叫主菜仲有兩個Side dish 送👍🏻👍🏻非常好～成班朋友每人都可以試到好多款唔到嘅嘢食！Mustard 方面有三大款：Dijon, Mustard seed, Horseradish foam，應有盡有。如果海鹽方面有多兩三款就更好！因為實在太飽～甜品叫咗份Share 都係好出色！ 整體非常滿意，值得推薦！！！👍🏻👍🏻👍🏻👍🏻👍🏻…Read More

朋友來自遠方，聽聞 黃宗澤 👱🏼‍♂️有間西餐廳🍴因該朋友是他的粉絲，所以要朝一朝聖，便帶他來試試。之前我都在網上有睇過，都想見識下咩情況。餐廳位置都還好吧，在 柯士甸站 行去大約5分鐘左右，在中港城 問問職員就容易找到。本來訂了8點，但9點才到達，餐廳地方不大，安排了坐在角位沙發位，餐廳環境都比較寧靜，好適合傾計，談心。可能9點先食，客人與客人間唔會太擁擠。一坐低職員就問 食唔食生蠔，那當然食，聽說這裡是生蠔主打，大約有6款蠔提供，員工也一一介紹，我想了解大小，員工也立即推了架蠔車來展示給我們。最後決定試 法國Gillardeau n 愛爾蘭Majectic .....這兩款是我比較熟悉且很喜歡的生蠔，其他的不感興趣。味道方面 還好，是應有表現的味道，朋友們都吃得開心然後便是 西班牙紅蝦刺身🦐，佢個present幾吸引，用啲乾冰做到煙霧彌漫的感覺🌫，雖然無乜特別，但這種方式我也喜歡的味道唔錯。再到36個月西班牙火腿配無花果生拉🥗。味道好食，唯一缺點是只有3片 約3隻手指位大小的Ham.....墨魚汁意大利麵🍝，見到話係廚師推薦👨‍🍳 當然也要點，味道真心棒！！點菜時叫了5成熟豬扒🐷，員工卻說做不到5成，沒關係，照廚師意思。但出來後只有4成左右，4成真的吃不下，立刻叫廚師加熟啲，結果當然是太熟啦⋯⋯最後點了員工推薦的A4 Sirloin🐃，點了7成熟，因為日本和牛真的要熟啲才香口，但出來的賣相是4片，而不是一整塊，而且脂肪比例是8成脂肪，2成肉........餐牌沒有甜品，問員工下原來有個 Dessert set....想要既時候已經賣哂了....可惜可惜....吃西餐沒有甜品真的不完美不滿足.....😩😩當晚點了一瓶意大利汽酒 🍾及 意大利紅酒🍷。9點開始，11點半離開。員工服務態度好，食物質素不是太差，環境也不錯，所以值得一再來。是晚4個人共消費了 $3000.…Read More

跟朋友臨時相約食LUNCH, 便找找中環有什麼好食.搵到間有400幾個好評,最出名又係海膽.對於我地呢啲海膽迷又怎可以錯過?地點跟據資料顯示係威靈頓街51號....但係錯既!!!51號應該係 THE LOOP...或者蔡蘭越南餐廳個面...咁我地繼續搵搵搵.....走到斜路 砵典乍街 位置先搵到....入到去見到空間雖小,但懷著隱世美食既態度,就去試試佢咩料子!!!! 大約下午一點半左右去到,唔洗等位..............個餐牌主要係食丼.....當然我地叫左3樣野.....第一名的  十層海膽杯....第二名的  雲海板上飄.....以及  龍蝦海膽三文魚丼.....但我想講...D野食完全唔掂!!!!!!!!!!!!!!!!   先講第一名的  十層海膽杯......賣相的確頂瓜瓜....打卡殺菲林一絕...但食物質素完全唔新鮮....好普通,唔係鮮甜........第二名的  雲海板上飄....海膽極少....蒟蒻麵又無味....當中又混合了黑松露...味道相當古怪.............龍蝦海膽三文魚丼....我懷疑龍蝦已經變了...沒有鮮甜味....味道好怪,得個咸字,口感好梅.................相信已經死左或擺左好耐......海膽也是同樣貨色...也是不新鮮....三文魚普通.............沒出色...............由於黎之前無睇到啲野食價錢....見到200至400蚊...加上食好野絕不睇價................餐牌上又好像無寫價錢............結帳一望.........要成1000蚊多左............實在氣憤!!!!!!!咁既食物................收咁既價錢............實在不公 !!!!!!!!!!!忍了幾天,終於忍唔住...一定要同大家分享!!!我都從未試過這樣批評一間餐廳...........400多好評...相信都是找網路打手做出來的........去的人一定要三思!!!!!!!!!!!!!!!!!!!!!!!!!!!!!!…Read More

對於一班酒友，對於一班會自來酒的酒友，找一間免瓶餐廳真的難，非常難。本來有間法國私房菜由免瓶到收費，我都不介意給那開瓶費。那是個很特別的餐廳。快樂的回憶總在那裡發生。然後有朋友建議試試呢間。二話不說立刻訂枱過黎試試什麼情況。科技時代既進步，發達。有個智能手機去邊都得。甚少去灣仔既我，很快就到達目的地。嘩~！我朋友真係犀利，夠哂份量。竟然包了場！全場只有我們一張枱。招呼和總廚也是一個老婆，一個老公悉心打理。認真夠特別和味道。因為當天至今，時間太久了，很多都遺忘，也沒有做記錄，所以將最令我深刻留下的記憶寫出來。餐牌方面，分別有3，4，5道菜既套餐選擇。生蠔，部分海鮮可以單點。但我們很少理，想食什麼就叫什麼，帳單由餐廳安排。一開始叫了份Iberico Ham，味道還好，因為是18或24個月的，味道適中。然後便海鮮盤，都是正常味道，唯一特別既係Shrimp, 很有味和口感。然後到Foie Gras, 我個人覺得已不錯，有點不足是味道再豐富一點便好，在口中的空窗期太久，沒什麼味道。水果再由Peach 改成 Apple中和返會更好。主菜方面，各樣食物都做得好好。Iberico Pork Chop已經叫了7成熟，但若果再生一點會好好，但又未完全5成熟。因為要外脆內嫩先好食。咁耐以黎淨係試過1次做到這樣要求的在某餐廳。甜品方面，個心太軟做得非常出色，Creme Brulee 因沒貨關係，沒有加了Vanilla seed進去，所以食落有種空虛感。其他甜品都不錯。整餐飯非常愉快和滿足。一整晚除了我們5位客人外，還有另外2位客人（我們當然不是包場，哈哈）。看來下次過來一定要訂座啊！好讓餐廳準備食物和安排。要改善的地方，作為一間法國菜，應該要有Sorbet 也對。好讓客人有個休息，停止的空間。準備吃主菜的準備。套餐裡也應加插Sorbet，就算大部分客人不懂，也可以教育他們。客人感覺學到野，自然繼續來。完。…Read More

受邀請來到這餐廳享受葡萄酒午宴，第一次看到這餐廳，令我不禁要立刻找 Dr. Rice (Open)去探索一下，這是什麼何方神聖!? 🎃看見評價也是相當唔錯，有種非常期待的感覺去迎接。🎁🎁今次有幸跟我的好伙伴一起參與，實在難得。但餐廳的面貌，跟他的記憶完全不一樣，彷彿去了新一片天空。現今的社會，在科技發達的時代下，找一個地方，找一樣東西絕不是難事。因為第一次來，所以也找了Google Map老師指導，很快找到出口。找到目的地。也看到目的地的入口⛩餐廳內令人有種很舒服的感覺，地方闊落，有空間感。另外再有Private Room, 最適合一大班人或公司聚餐。私人空間感非常充足午宴安排了4款美食🍝🍝，但因時間的關係，所以只能試到3款美食。但已經滿足非常。Starter - Soup...Jerusalem Artichoke Soup with Bottarga 味道豐富，配搭創新第一次喝這個用Artichoke 做主角既湯。新奇，有驚喜!!🤓🤓Appetizer - Homemade Potato Gnocchi with Cheese Fondue 一次又一次....既驚喜!!實在令我有種每餐都要黎呢度用膽既衝動!!😍😍 Gnocchi 本身好少食，對呢款食物既經驗不太好。但這款無論是口感還是味道都是值得一讚，再讚黎這裡，必定要食這個菜式。但很不明白，為何把這個非常飽肚的美食放在前菜。一邊喝酒一邊吃完這個後，跟本沒有位置再可容納其他食物，真是失望。Main Course - Braised Rump of Lamb Polenta, Red Wine Jus and Blue Berries 份量太大，之前的安排令喝酒之人再無空間交食物，再看到這個更沒胃口。味道不夠入味，食物難配酒，前菜那麽好，想不到主菜卻令人失望。餐廳有責任去建議選取食物的種類再介紹給客人。不是隨便喜歡煮什麼，就做什麼，也要 能"配搭"才可。太不專業!甜品時段因為趕時間，沒能吃到。希望有機會再來一試…Read More

知己好友難求，為了慶祝同埋維持我們之間既友誼，便成了今晚的聚會。聚會食飯怎能少得美酒佳餚，所以我也帶了2瓶酒特別送俾當晚的壽星仔，壽星女。打頭陣先飲個 野菌忌廉湯。香氣迷人，入口味道豐富濃郁。有了個好開始，相當不錯。有朋友生日又怎能缺少香檳。這裡會收取100蚊一支的開瓶費。帶了2支也收了200蚊。太唔識做啦！嘿嘿...若然餐廳如果懂得special wavie corkage,我也會在 tips 上補返。但規矩歸規矩，收是道理，免是懂趣。這裡的 墨西哥薄脆 和 火腿煙三文 配上香檳也非常開胃，夠哂惹味。這種配合實在棒。大家都可以一試。生蠔盤，精選幾款，味道覺有特色。重要的是新鮮爽口Fois Gras.......實乃正常貨色。若再稍煎香，煎燶，煎脆 一點，便是上等菜色。松露意大利麵。大家必須要試它。色，香，味 俱全。但同等貨色 相比 茶木 那個松露意大利麵。茶木 略勝一籌。至於牛扒方面。叫了份1855 肉眼扒。本人雖然實在不喜歡肉眼，因為很不喜歡吃它的筋位，要用好多力氣去跟它駁鬥。但迎合朋友們還是叫了。成熟度較本來的生了一點。幸好本人比較兇殘，不怕血淋淋的東西，好吃便行。結果當然好味啦！配上 80年代的紅酒更是完美叫絕。到終極大佬.....鹹豬手。味道也很好，外脆內嫩。但食物實在太過豐富。已經飽到無空間再吃了！飲埋淨低既酒就畫上句號了！我的西餐既習慣，沒有甜品怎能畫上句號？因為實在太飽，買單後散步了一會，最後還是去了別的地方吃因為是星期一晚。還有個mini 組合表演，一彈一唱。隨我們客人點歌。歌聲的美妙加在用膳裡，實在寫意浪漫。還有一點是。當晚也看到最少3，4台客人在這裡慶祝生日。環境燈光璀燦，美食在前，愛人友人共聚一起。人生就需要這樣享受著。分享著。如果自來香檳白酒，請大家清楚跟員工說明，叫他們開個冰桶放上去。因為我叫他們幫我雪支香檳先，佢地收埋左一邊，應該擺左落雪櫃。而不是放在冰裡。幸好察覺得早才不用等咁耐先有得飲。…Read More

原本去的那餐廳被包場，然後轉去聽聞一間很好吃的日本料理店。這就是 秋月居。天氣實在太熱，加上地理位置密不透風，由地鐵站走到這，已經出了幾桶汗了！怎料去到已見好幾位客人正在等待座位。裡面全場爆滿。等了十多分鐘便可以入去了！很欣賞他們 食物餐牌 跟 飲品餐牌 分開。而且圖文並茂非常清晰，飲品餐牌更值得一讚中英對照而且種類也很多很全面。看見旁邊枱的飲品有用乾冰上，令人感覺迷幻。他們的刺身盤和我叫的海膽也是用上乾冰上，給人有種很與別不同，很震撼的感覺。總結各方面都非常滿意，會下次再來…Read More

陵發。呢個名字，是從很多人口中得知。香港打冷必定要到 陵發。聽從那麽多人都訴說這裡，讓我不禁對這個地方充滿幻想，滿著期待。早幾天終有機會一試這間傳說中的餐館。滿帶著興奮與好奇去之前當然要做好功課，看看各位兄弟姊妹意見，看看有什麼東西好吃，不竟今次只有2個人食，當然要食得精，重質不重量。我們約6點去到，我們是第一枱食客吧…哈哈！菜式也上得快。後來也越來越多人來食。蠔仔粥方面，可以叫一碗 或 一鍋。2個人當然一碗已經好足夠，因還要試其他菜式。味道方面我覺得沒太大驚喜，正常水準。味道夠，但如果可以味道更濃更重會更加好。(但意思不是要咸) 所以只有3粒煎蠔餅，聽說是混合了鴨蛋加雞蛋。出來味道與別不同，有獨特風味。所以有4個鵝片，開頭想叫個拼盤要鵝片+腸 或其他。但不能，只能獨立單份叫。沒關係，那就試試究竟為何。鵝片比較薄片，入口有種像溶化的感覺，肉質很嫩，味道均衡。真的是必試菜式有5粒腐乳通菜，有肉當然也要有菜。腐乳通菜雖然簡單，但也不是每間都做得出色。越是簡單的菜式要做得出色越是困難，這間也不例外。沒有多大驚喜，不入味。只有3粒總結，食物質素滿意，可再翻食。但不是那種人人說得那麼瘋狂的好吃。我個人會俾 6個 (10個為最高)。…Read More

早排工作比較忙，都沒時間寫食評，現在比較有空，而今次亦有幸參加在這裡舉行的一個小型Private葡萄酒午宴。來之前已在Open Rice 看看食評，雖然午宴既食物係已被安排，但亦非常期待！這間是以 牛排 聞名的餐廳。就試試有什麼特別的~~我們安排了一個 Private room 進行這個午宴，跟外面的枱分隔了，就像在一個小天地享受著。餐廳環境時尚優雅，坐位也很舒適。服務也是很不錯，員工也很友善，非常親切。我看見餐廳其中的特色之一就是有個可以展示給客人看的酒櫃，而我又是 Wine Lover, 所以絕對要給眼睛看飽就離開。看看有什麼美酒可以作下次用膳時享用。最後也是忍不住要看看酒單，酒單上的酒也包羅萬有，無論是杯裝還是瓶裝的種類也很多。特別很多舊年份的真令人期待！！…Read More