今日同朋友去左啟德零售館既「鐵牛台灣牛肉麵」，試左幾款招牌菜同飲品，整體感覺非常滿意！餐廳環境寬敞舒適，服務態度友善～---鐵牛臭臭鍋配安格斯牛肉片（配滷肉飯）$136 臭臭鍋依然係我既最愛！鍋內有臭豆腐、鴨血同豬腸，臭豆腐外脆內軟，吸滿湯汁後味道更濃郁；鴨血滑溜入味，豬腸處理得乾淨又夠腍，完全冇異味。安格斯牛肉片薄切得黎肉質嫩滑，輕輕一涮就食得，配埋臭臭鍋既微辣湯底，真係好夾！滷肉飯亦係亮點，滷肉肥瘦適中，醬汁香濃，撈飯一流！ ---香濃蕃茄爆蔥鍋配安格斯牛肉片（配滷肉飯）$156 呢個蕃茄鍋好驚喜！湯底香濃帶微酸，蕃茄味好突出，爆蔥既香氣令湯底更加豐富。鍋內有蜂窩豆腐、米血糕同芋頭貢丸，蜂窩豆腐吸滿湯汁，米血糕軟糯有咬口，芋頭貢丸好特別，入面有粒粒芋頭，口感豐富。安格斯牛肉片同樣高質，配埋蕃茄湯底，味道更加鮮甜！---牛三寶小拼盤 $70呢個拼盤有金錢𦟌、香滑牛筋同秘制牛肋條，三款都好好食！金錢𦟌燜得夠腍，入口即化；牛筋滑溜有膠質，食落好滿足；牛肋條肉質軟嫩，帶點咬口，調味恰到好處。整體黎講，呢個拼盤份量適中，適合兩個人分享，係一個唔錯既小食選擇！ ---魚酥皮蛋豆腐 $45呢道小食好有台灣風味！皮蛋同豆腐既配搭好特別，豆腐滑溜，皮蛋帶點彈性，加上魚酥既香脆口感，層次豐富。醬汁微甜帶鹹，撈埋一齊食好開胃！ ---飲品 1. （冷）柳丁椰果綠茶 $36 呢杯飲品好清新！柳丁既酸甜同綠茶既清香完美結合，椰果增加左口感，飲落好解膩，特別係食完火鍋之後飲一啖，真係好爽！ 2. （熱）有時候紅豆珍珠奶茶 $38 熱飲既紅豆珍珠奶茶好暖胃，紅豆煮得軟糯，珍珠彈牙有咬口，奶茶香滑唔會太甜，整體味道平衡得好好，係冬日既暖心之選！…查看更多
鮮蝦炒金邊粉$88 佢個鮮蝦炒金邊粉，味道唔錯，蝦都大隻，配料都多，如果有埋花生同青檸自己撈就更好🤣泰式香茅燒雞（半隻）$98呢隻燒雞睇落色水係幾好，表皮炸得幾脆，雞脾都多汁，口感唔錯😇泰式煎蠔餅$108第一次食泰式煎蠔餅，口感幾特別，平時食既打冷蠔餅係粉多脆d，泰式既係淋d似煎蛋餅，不過佢個醬令佢昇華左，幾好食🤗泰式拼盤$138佢拼盤有雞串燒，蝦餅，春卷同魚餅，份量唔算好多，不過佢有曬沙嗲醬同泰式辣醬比你沾😋 芒果沙冰$35佢既沙冰都比較smooth，唔會飲到好多碎冰感覺，唔錯🤣
一入到去既裝修非常精緻，睇得出店主花左好多心機係設計，成個環境比我睇到係非常舒適同非常岩打卡之用
飲品唔算多，但係應該有既都有，汽水，加多寶，飲酒既應該會開心d，酒既款色多d，不過注意水係要加錢架🤣 黎到呢d唔係任食既邊爐，當然首先要期待一下佢既肉類啦！佢既食物價錢都真係唔係貴！平民之選！湯底我地簡左牛骨湯，我鐘意佢隻湯底清清地唔會好油，但有番應有既湯底味我地分別叫左豬牛羊三款唔同既肉試下，三種肉既脂肪都好均勻，食落去口感係好既
黑栢葉都係非常爽口，唔會太難咬，而且價錢唔貴，我都十分推薦比大家試下叫黎食下好少人會發現到呢一間，所以當係佐敦周圍好多人既時候，可以試下黎呢間食下:)
烤雞肉串$188佢既雞肉烤到非常嫩口，真係好好食🤧佢底下仲有一塊塊印度薄餅係到，包埋一齊食仲香口惹味多d！地中海慢燉牛肋骨$258牛肋骨肉已經全部起曬比你，佢真係慢燉到d肉汁鎖實曬係入面，然後好淋，仲有佢個牛汁係再令底下d配菜薯蓉昇華左！芬迪奇生蠔$178好食既生蠔，重點佢仲有兩隻唔同既醬比你，一隻係辣既，另一隻係咸咸地，係幾特別，不過個醬用黎點其他野食好似仲好食d🤣蜂蜜芝士焦糖餅$128估唔到呢個特色甜品係好好食，其實就係睇係睇唔出係芝士黎，因為佢出面有煎過，食落脆脆地同甜甜既蜂蜜味，入面就係連錦既芝士，呢個係必叫之選！米布甸$88呢個雖然叫布甸，不過佢係好似椰汁西米露咁，入面由西米變左做米飯，唔錯但有味道唔算好突出
最後就叫左個炭燒豬胺扒，佢都燒得好香唔會燒得太硬，味道亦都好好，不過本身比較乾，如果有少少汁可以點下就可以中和番個乾身既口感
金邊粉有d普通，但未算去到唔好食，有d乾同唔算好入味唔知係咪趕收工，炒既野全部都打風咁款😂馬拉盞通菜係唔錯既，唔算好辣，食落都幾入味不過呢間衛生情況好一般，環境都唔算好舒服，有改善空間，同埋價錢上，九龍城係有其他性價比較高既餐廳，除左炸皮蛋，試一次就夠了，唔洗再黎都得
