棋子's Profile

第一次食真正的法國菜，感覺好特別！首先沒想像中咁慢, 其次是這餐廳竟有自己的一部專屬電梯上落, 感覺好專貴!上到去燈光好暗, 台台都係情侶, 感覺都好浪漫, 不過可惜我同朋友去就冇咩Romanic feel! 這些機會真的不是屬於我的, 嗚哇!首先上的是starter – 龍蝦清湯配藍龍蝦薄片及龍蝦雲吞哇! 個款好精緻呢! 而且個味極鮮! 出色! 龍蝦雲吞係非常驚喜, 夾埋個湯好好食!之後是main course 是羊架羊架、蔬菜非常鮮嫩, 個汁亦好夾, 食落好juicy! 個人其實都幾怕羊會有騷味, 而且之前都試過會好韌, 不過呢個羊架就沒有呢D問題, 唔騷亦唔韌, 夾埋個汁食真係好好食!甜品是 – 玫瑰慕絲配荔枝雪葩成個配合好fresh 好驚喜, 唔係好甜, o岩晒我!而值得一讚的是, 其他的細節他們亦不馬虎, 甜點及餐包都非常好味, 只是餐包我都吞了3個呢!…Read More

之前同朋友來過2次，都覺得好唔錯，所以今次打算再來encore，今次來好驚喜，因為d野個樣同個味都好食左，連點餐紙都轉左design! 不過個價就好似冇加過 (好似係!)見到有日本汽水，我又心思思加左錢叫!好了，開餐啦!個刺身好驚喜，除左放得靚之外，仲來得好足! 好多時去出面食放題，佢地都會漏單，尤其是係刺身! 但呢度就來得好足, 而且仲擺得好靚仔!沙津同d熟食都好好食! 個味係似去有質素的日本料理，60幾蚊一個的味道! 勁讚!而壽司同手卷的味同飯的比例都非常配合! 手卷的紫雲好脆! 唔似一般的日本料理 “林” 到死!我覺得200頭一個人，真的物超所值呢!…Read More

我同D FRIEND 最LIKE BBQ, 一來可以STAY多D時間吹下水, 二來可以燒好多自己鐘意食既野, 不過一到冬天、夏天呢D時間長期係室外的話又真係好難頂, 所以我地通常到會去韓燒頂下癮! 前果排聽朋友講山林道有間串燒既食店, 我地幾個BBQ腳就相約一齊去!去到覺得個環境幾清優，如果唔凍坐係室外位置吹下風、食下野嘆下紅酒 (可於店內點)，都幾爽家! 不過我地去果時比較凍，所以揀左室內坐。我地去BBQ最鐘意就係食海鮮，所以我地見到個MENU有好多海鮮選擇都非常HAPPY。我地點左扇貝、蠔仲有凍蟹 (我地好Surprise會有凍蟹呢!所以一見就即點來試試!)扇貝同蠔都比想象中大隻，而且都好鮮味，我地4個人點左各兩份都唔夠喉呢!而隻凍蟹非常的大隻，仲大過我隻手呢! 而且味道好鮮! 如果大家有機會來真的值得一試呢! (我仲後悔緊點解唔叫多一隻!!)另外，我地都試左幾款串燒，總體都覺得好野味，個人比較喜歡雞翼同芝士羊仔柳! 羊仔柳一d都唔騷夾埋個芝士一齊食個味好夾好特別! 推!食左咁多肉類，都要點番d蔬菜中和下既，我就點左最愛的茄子同v8喇!茄子個醬辣辣地好好食!而我地最開心的是佢地除左串燒仲有冷麵同烏冬可以叫，你知啦係咁食串燒好難飽家嘛! 有D澱粉質落肚當然好好多啦!…Read More

好喜歡去MK的樓上CAFÉ食飯, 今次就揀左呢間試。一上到去吸引我的係佢地的椅子好特別, 有D愛麗斯夢遊仙境既FEEL! 我同個FD去完之後成日用 “D櫈好特別果間” 來形容佢! XD講番野食先, 由於我地2個女仔唔係食到好多野, 叫左2個前菜同2個主菜已飽晒!前菜有沙律同紙米卷。凱撒沙津我認為最重要是多芝士粉, 呢度就比到我啦! 差不多啖啖都有勁多, 食得我好滿足! 另外紙米卷的醬汁也是亮點, 點點酸酸的好開胃, 是很稱職的開胃前菜!主菜我地點了PIZZA 同PASTAPasta 好creamy, 磨茹同意粉都好有咬勁, 夾埋個汁, 我食左好多! 而PIZZA亦是我的真心推介, 不過我口味比較古怪, 向來我喜歡食PIZZA的餅底多過PIZZA的餡, 但往往出面D PIZZA店就餡多過餅, 而呢度反而就平衡到, 唔會太多餡, 餡與餅的比例我覺得剛剛好, 唔會太膩。…Read More

成日聽朋友仔話IKEA既CAFE好抵同好好食, 果日行開去買野就決定順手試一試佢!去到成個FEEL都好自助, 又自己執台, 自己推車仔去點餐, 針野飲同比錢, 成個FEEL有D番左大學CANTEEN的感覺!呢樣我覺得係幾好的公民教育, 要食客自己manage番所有食具, 食完自己抹台, 唔係入餐廳坐係到等食, 食完拍拍個蘿就閃! (當然, 都仲有好多人係ikea都係食完咩都唔執充閃既!不過我見好多其他都會指指點點說佢冇公德心囉!)說回正題! 我今次同朋友2個人叫左四樣野, 都係承惠$113.2, 已經食到好鬼飽!幾樣我覺得pancake同肉丸都幾好食, 不過牛肉同千層麵就好一般.同埋樣樣野唔夠熱都係一個問題!不過我覺得咁先夠ikea, 就係平野你預左有咩質素吖, 食得你飽, 個樣呃得下人就算啦!…Read More

香港地星期一逼到星期日，放假想耳根清靜一下，除了出外旅遊，其實香港亦有不少好地方。上星期就和三五知己到香港愉景灣酒店來一個buffet gathering。起初聽到愉景灣，還以為是甚麼豪宅屋苑。原來是位於東涌較入的地方，住的是外國人，附近設有高爾夫球場、海灘等，感覺清幽寫意，還可登上馬車圍繞愉景灣觀光一番。進入酒店大堂便是Cafe bord de Mer，落地玻璃外的是無敵大海景，還有非洲鼓表演，那刻的輕鬆自在，真的難以想像自己身處香港。環境舒適當然可以開懷大食，款式不少，驟眼看，大概有中、西、日菜式及甜品。當然不少得我最愛的海鮮!! 食了不少長腳蟹同蝦!牛肉新鮮切出黎, 紅卜卜~~ 不會太熟當中個人比較喜歡中式菜, 所以覺得最好食，侍應更換食物密度亦高，質數夠新鮮及溫質洽當。嗜甜品的我，試了當中8成甜品，以熱食甜品最為欣賞，那就是杯裝心太軟，我還連吃兩杯。…Read More

其實我自己唔係好食得辣，不過我身邊的朋友仔都好鐘意食，見佢地之前成日就我食唔辣既野，見天氣開始轉涼，今次秋季GATHERING 就決定以火辣辣的作為冬季的序幕，去左間連個名都好狠的 - 紅椒力量拼一拼啦!我的朋友果然唔留手，味味都點辣的。有見及此，我都叫了杯青檸梳打來定一定驚先。XD雖然唔太食得辣，不過都覺得個鳳爪辣得來好開胃，酸酸甜甜辣辣地，味道好有層次，是一個好合適的前菜。呀, 唔記得講，紅椒力量其實係食星馬野既，咁就一定唔少得串燒啦!我地就叫左雞同豬各半打來試，個人認為肉質ok，夠入味，唔點醬汁都好食。主菜方面，金邊粉可說是是晚亮點，我的朋友簡直讚不絕口!!! 雖然佢都好辣下，不過個味真係好野味，所以我一啖青檸梳打一啖金邊粉都食左半碟呢!最後就係個人的推介 – 咖哩雜菜蝦球飯，咖哩可說是我平日唯一會食的辣野，所以我對佢好高期望，而佢亦冇令我失望! 我個人最喜歡的咖哩是有濃濃的椰奶味，而個汁一家要 “傑”! 佢呢兩點都做得好好, 而且最好的是雜菜並沒有被咖哩過度淹至林晒，反而好有咬口，感覺好鮮嫩，連埋飯食真的very good!…Read More

成日係FB見到D FD post係呢度食野既相, 覺得環境好靚, 一直都好想來呢度黎度食野! 前一排終於去左了!!由於想睇下周圍環境所以揀左室外位置坐, 一邊望住個海一邊食, 真係好relax!果日我地去到赤柱，行左一陣先來, 來到已2:30pm, 見到3-5pm有semi tea buffet 就係出面等左一陣先入來。出門serve的姐姐態度好一般, 搞到我都唔敢request係出面座, 都係叫我朋友同佢講xd以semi tea buffet來說, 佢已經叫多野食, 價格亦合理, 我尤其喜歡佢地的甜品同沙津, 好有大酒店的質素!可惜的是, 佢地的主菜卻相對遜色, 分量太不在話下, 而且食物唔熱, 味道好一般, 所以我地試左幾款都已經冇再叫, 都係主力攻番沙津及甜品 XDOVERALL 我覺得如果主菜可以改善, 員工Services 可以好d, 多d笑容, 唔好好似呼喝客人的話, 我相信會更好。始終赤柱都係旅遊區, 服務真的是需要比其他地區更加著眼的…Read More

泰式白雲鳯爪。這是一道稱職的開胃前菜，酸酸甜甜，帶點微辣，難得的是軟筋部分不會浸得過淋，保留一定口感，有咬口，吃得好不過癮！泰式柚子蝦沙律。上枱之際，有點儍了眼：分量可真多！在其他泰國餐館，我很少點這道菜，原因就是分量很少，但這個沙律很大碟,柚子也絕不吝嗇, 建議四人組合分享這道是鎮店之寶：蒜蓉牛油雞翼，好味得不得了！幾乎每間越南菜館都有牛油雞翼，全盛時期，在銅鑼灣的兩間姊妹越南餐館令港人首次認識這道越南菜，其香噴噴的牛油雞翼令港人為之傾倒，但隨著餐館多次易主，牛油雞翼做得越來越馬虎，那種滋味成為喜歡越南菜的人的集體回憶。沒想到在「小越南」，我找到了回憶中牛油雞翼的味道！雞翼新鮮無雪味，炸粉厚度適中，牙齒咬破炸粉的外層，濃濃的蒜蓉牛油香撲鼻而來，難得的是雞翼沒有炸得過火，內裡的肉汁仍在；黏附在表面的炸蒜是靈魂，整道菜每個細部都能感受到㕑師的用心，謝謝你再次讓失傳了的牛油雞翼重生！每次到越南餐廳都必點的蝦餅。近年越南菜為了迎合香港人口味，經常變種，有的更把蝦膠沾上麵包糠拿去炸，漸漸傳統的蝦餅被淘汰，因為傳統的蝦餅很考功夫，蝦膠用料必須新鮮，經油炸後才能保留彈牙感，偷工減料的做法可以是在蝦膠中滲入生粉，代價就是蝦味不濃，一吃便知滲了生粉。小越南的蝦餅在水準之上,用料新鮮, 如可厚切則更佳這個我俾一百分！用上牛油和蒜蓉焗的大頭蝦，蝦身超多膏，好甘甜，好味連蝦殼都不捨得放過，必吃之選！…Read More

前幾日朋友仔生日, 去左佢一直想試既 “涮得棧”, 本身想打邊邊既, 不過條友去到見到個菜單, 又突然話想食小菜, 真係比佢激死!! 不過佢生日就比佢話下事啦! XD佢係海鮮怪來的! 所以我地就佢叫左好多海鮮, 有: 避風塘大肉蟹, 蒜茸粉絲蒸聖子皇及合桃沙拉蝦球。聖子同蟹都好鮮, 好好肉! 值得一提是個蟹, 少少辣又好好肉, 食落好入味, 連D殼都炒得趣趣的, 我連肉連殼一起吃, 非常的野味! 聖子隻隻都好肥, 連蒜茸粉絲一起吃, 清得來又有D蒜味, 很不錯! 至於個蝦, 咬落好彈牙, 連埋沙拉及合桃食口感好好!差不多食到中段, 我地先發現原來沒有叫菜!! 所以拿拿聲補叫了一道四合一的蔬菜: 農家四合菜! 味道不可以說是驚喜, 不過這個組合的確是新鮮, 可以一次試下唔同款式的蔬菜!由於我地幾個都是女孩子, 所以主菜叫了不多, 反而最後留力叫左好多甜品XD有香芒布甸, 楊枝金露同桂花糕! 我自己最喜歡的是楊枝金露, 一般出面食因為有太多西柚, 所以味道都比較苦澀, 但這個卻味道得宜, 不太甜又不太澀, 我自己就吃了一大碗。朋友就比較喜歡桂花糕, 她說清香得來又好有咬勁, 她自己一個就鯨吞左3件呢!!…Read More

前幾日第一次去行Vcity, 去到餐廳果層第一眼就見到呢間裝修好特別既茶餐廳, 遠睇真係覺得有d似細個時去的荔園! 可能係小時候的情意結啦, 就係咁, 好快就比佢吸左過去, haha!等左一陣就入左去坐, 入到去其實覺得有d似蘭芳園個feel, 不過我自己覺得羅麥記比較好食, 同d野比較特別!單講個餐牌同餐紙就已經攞晒分, 本學生手冊feel的餐牌做得很像真, 康樂棋盤的餐紙真係可以玩得家!餐牌內都唔求其, 講晒餐廳既來歷家!之後映入眼簾就係 “十大必食” items, 我地就揀左磚頭焗豬扒飯, 豬羅飽, 羅麥雞翼, 蕃茄濃湯底牛肉公仔麵, 熱咖啡同菠蘿冰。落左單之後就有一大個木夾夾住左張單, 得意又o岩feel!熱咖啡同菠蘿冰就先來!值得一提是菠蘿冰的冰入面係粒大菠蘿來的!!! 真係連冰都食埋, 正!接著是蕃茄濃湯底牛肉公仔麵, 個湯底好濃好甜, 好驚喜! 因為一般的茶記個湯一係好稀, 一係好酸, 其實好食的應該是甜甜地的, 而且個麵亦唔林唔硬, 好入蕃茄味, 讚! 所以我好欣賞佢!之後是豬羅飽, 特別是佢係一邊係洋蔥豬扒一邊係蕃茄豬扒飽, 所以menu 寫係兩食。個雞翼超!級!好!食!!! 好入味, 男朋友食完想再encore 添!最後充係磚頭焗豬扒飯啦, 一來到我就 “嘩”!左一聲, 真係冇想過會咁大碟. 麵包內係塞滿飯的!!!! 2個人食咩都唔叫都應該夠晒飽, 所以如果你打算叫呢個, 就唔好叫太多其他野了!個麵包好鬆脆, 好好食, 我用個皮包住d豬扒再點汁食, 一流! 有豬扒飯, 又有豬扒飽, 兩食! 掂!總體來說, 我覺得D野好食, 裝修特別, 係個會想再去的地方!…Read More

前陣子因工作去了這間位於中環的日式拉麵店, 其實之前都想試沾麵好耐, 一直都冇機會, 估唔到誤打誤撞就去左試! 湯底算濃郁, 麵亦有咬勁, 不過成件事夾埋卻感覺一般.除了湯底有一點煙薰味之外, 其他都沒有什麼特別之處, 80多元一碗, 感覺有點貴!希望接著來的日子可以試到有間令我會有驚喜的沾麵…Read More

我同我男朋友都好鐘意飲茶, 不過2個人去酒樓好似好怪, 所以好LIKE來功夫點心呢類的中式快餐食野!佢最好係有D點心可以一件一件叫, 唔洗一盅幾件咁, 我地2個人鐘意叫幾多就食幾多!而且佢D質素亦唔比大酒樓差, 個人覺得好食過稻香!佢D盅飯好好食又大件, 10幾蚊真係幾抵唯一個飽汁鳳爪麻麻, 有D甩皮甩骨的感覺, 而且成$28一碟有D唔值飽點類亦唔差, 都幾鬆軟!…Read More