阿達姆's Profile

佢個豉油雞比較特別，豉油只去到雞皮，唔似其他地方連肉都上晒色，咁樣只要連皮食就又有豉油味啲雞又嫩滑。食落其實有啲似去骨海南雞，不過佢係豉油雞。食完走咗自己都唔知漏咗個電話，去埋廁所再等緊車立，個店員先拎住個電話出嚟比返我，頭先坐隔離枱兩位小姐亦向佢表示個電話應該係我。真係萬分感謝！…Read More

$138 有三種肉，又有飯湯泡菜都幾抵，不過五花腩唔係太啱我，牛舌就勁正，下次單點要多份先👍服務方面店員都幾細心，有教你點落單，主動拎紙比你放口罩，同埋話你知下面有位放隨身物品…Read More

睇返先知原來上一個食評係2010年4月，哈哈廢話少講入正題，訂左七點，不過六點半同朋友已經到左所以就入去，首先湯底係日式花甲海鮮鍋$138，我同朋友都鍾意呢D清清地既湯底，都算幾滿意加拿大象拔蚌刺身，時價今日要$428，係就係貴D，但真係好好食(小)$198，真係後悔做乜叫個細，真係好好食，絕對唔夠喉，口感夠淋又有牛味，切得又好美國桶蠔$138，呢個可以話係今餐唯一污點，呢個價錢但係咁細隻，熟左仲更加細隻，下次再黎唔會叫黑豚肉$88，切得夠大塊，只係肉味比較淡，但都算係出色既一味日式野菜藍$78，份量幾多，又有菜又有菇而且都好新鮮，正！招牌四寶丸$98，手打丸四種都好味，牛丸+豬肉丸+蝦丸+墨魚丸，有人可能覺得細粒，但我覺得呢個大細先最適中$49，其實諗過叫八隻抵食D，但侍應話好大隻問我地不如四隻試下，結果好彩佢真係幾老實，真係好大隻啖啖蝦甜品，不過不失的普通貨色呢度雖然貴，但無論食物質素環境同服務都好好，係值呢個價錢，有機會會再黎或者去第二間分店試試…Read More

說沒有改善空間其實係想講呢間野應該唔會打算去改善，所以話說在前，應該最後一次黎，不過講真呢度其實唔算係差，雞扒餐個份量其實幾大而且都好食，蒜茸味又夠香，忌廉湯感覺係翻熱而且d熱肉好老，杯餐飲實在好細杯呢，仲有如果想拎走飲既話要加三蚊 ....講返呢度，我見好多人話服務差，係我覺得只能夠話唔算好，可能呢度有返咁上下歷史，佢地習慣晒又有一班熟客基本上總會黎幫襯，已經有d唔休做，所以都唔好望佢地會改善各種質素黎吸引新客其實呢類餐廳香港雖然唔多但未至於得佢地一間，下次搵過第二間吧…Read More

第三次黎，第一次有寫食評，果陣金融海嘯前，果d定食雖然貴少少但好多份量十足，我仲好記得果一餐食得好滿足。記得上年第二次去，午餐全部縮晒水，連食評都唔想寫，到今次去雖然有返好多種定食，但依然係縮水，仲有我第一次去果陣叫完個餐之後都等左十幾分鐘，結果黎到個餐好靚仔，但今次五分鐘都唔駛就到，幫襯緊既人仲要今次比較多，反映d乜野相信大家都諗倒。講返個餐既質素，最好係天婦羅，炸得好唔會太多油又夠脆，不過d壽司就麻麻，切錯紋一味得個薄，烏冬同茶碗蒸蛋都係一般，最後甜品真係變左地悶牌雜果 ..... 我已經係細食既人，但成個餐清晒都唔覺特別飽，埋單連加一要六十六蚊，比第一次黎平廿蚊，但我寧願比多少少食好d，橫掂呢d地方都預左貴，我諗應該難黎第四次，因為都好難想像佢會變返好…Read More

細法包一個，22蚊？？真係？係喎記得07年頭第一次黎食果陣只係16蚊，另外再付上一張店內07年的剪報，已經加到17個半，而家仲要成22蚊，m記成日比人話狂加價但都好似無佢咁勁，如果食大法包既話足足貴左10蚊都有不過講返食物質素都仲依然係相當好食，但真係無左三年前果種覺得非常抵食既感覺了，呢間點講都只係一間唔係旺區既小店竟然可以咁，其實換個角度睇應該佩服佢先真…Read More

本身唔飲開奶茶，不過又唔憎，最近好似好多來自台灣既特飲店開左，即管黎試下，就要個最普通既迷你珍珠奶茶，12蚊杯但一d都唔迷你，飲左我好耐先飲得晒，味道仲比想像中好，不過唔知點解好少人都要等幾耐下，唔怪得見旺區同類鋪咁多人係門口拎住紙仔等，下次試過第二樣都好…Read More

其實今次係第四次幫襯，兩次食海南雞飯餐，一次叫半隻海南雞外賣，今次叫個海南雞豬頸肉雙併，真係好唔合理，同海南雞飯餐一樣都係38蚊，但係就唔連例湯，咁即係比較貴啦，但其實碟飯個份量無乜分別，少幾舊雞加幾舊豬頸肉，豬頸肉仲要唔多好食，我隔離兩個西裝友都係咁話，仲有佢個油飯我感覺越黎越差，我諗應該唔會再黎食飯餐 ...... 不過話分兩頭，佢d雞係算幾好食，上次買半隻都唔夠食，仲會黎買成隻的。…Read More

又好耐無寫食評，一寫仲要寫埋大家樂呢d快餐店 一哥火鍋果d五十幾蚊，鐵板餐四十幾，都唔知幾時大家樂都貴成咁，但係我食呢個要成58蚊仲貴，鮑魚拼五香牛腩粒加冬菇扒豆腐，仲有白飯同埋雞湯加中國茶，叫之前已經知舊鮑魚會同餐牌上差好遠，點知真係差得好鬼遠，細到死，但都算係ok好食，仲有其他野份量都ok，質素都算係大家樂水準之上，個湯入面難得好大舊雞，不過當然係煮到鞋晒，食晒成個好飽不過係大家樂一個人要食差唔多六十蚊始終覺得太貴，貪新鮮試一次算了…Read More

呢間好似唔係開左好耐，都幾多人幫襯，因為無位坐而且都無時間坐係度食所以叫外賣，要左例牌野蝦餃同燒賣，仲有好多年無食過既咸水角，點心即叫即蒸咸水角就即炸，都係等左10分鐘左右算快，個店員仲同我講唔好意思要我等咁耐。返到屋企都未凍得晒，燒賣用料算幾足，不過係硬左小小，可能堂食會好d，蝦餃同咸水角都唔錯，睇黎下次有機會要試下堂食先得，好似開到晚上一點，搵日消夜黎都好…Read More

食海南雞飯始終我都只係食去骨的，不過呢間寫到明去骨真係第一次見，即管試下，一入去坐低我都未叫野店員已經拎左三種醬汁比我，有d奇怪，如果我叫其他野食咁點？不過唔理橫掂我都係食海南雞飯，油飯既份量幾多，質素都幾好唔會痴埋一舊舊，不過d雞麻麻，首先係非常之凍，而且比較um，已經唔係胸肉黎，仲有就係偏肥，再加埋佢個湯都好肥，不過佢話無落味精我都飲得出應該無既，總括黎講呢餐過去得去但又唔算係好差咁…Read More

純粹個人睇法，我覺得一間食市既服務質素比食物質素重要，當然唔係話服務好就可以整d垃圾出黎比人食，不過同樣地係我個人角度，今次證明左服務質素好真係好重要，十一點幾去到本身唔係好多人所以我坐左四人台都無職員介意，仲好好禮貌向我推介佢地最新推出既幾種食物(點心紙上未有)，其中既炸菜雞絲腸粉我好有興趣，所以要一個加多龍燒賣，即叫即蒸，等左一陣個腸粉先黎，未落鼓油，個阿姐就問我需唔需要，佢話因為炸菜本身都咸所以唔知我想唔想加鼓油，我話要佢就同我加落碟邊，基本上每一個客人佢地都係咁做，我覺得幾周到，不過講碟腸粉既質素應真麻麻，皮厚而且唔滑竟然仲有小小痴牙，不過唔算太過份，然後到個燒賣，出晒煙我都要等一陣先影得相同埋食，其實都唔算係好特別，總之叫做我食過之中算好既。到我差唔多食完既時候可能已經進入繁忙時間，客人開始多，開始要搭台，我見有四個人入緊黎，我果陣都已經食晒仲有半杯茶未飲，都拿拿淋飲埋就起身走，d阿姐見倒都即刻同我講唔好意思，其實駛乜唔好意思，又唔係你趕我走我自己起身姐，本身我覺得香港人有個好黑人憎既習慣，就係係食市好鍾意食完坐返你幾十分鐘先肯走，真係理得你出面排幾長龍，總之我比左錢就大晒咁，我就永遠唔會咁做，因為我自己係一個好憎等既人，所以我都唔會想要其他人等一d無謂既時間，尤其係每次有類似情況我都會諗起某次係某吉列專門店發生既事，我都盡量會讓下其他人。總括黎講呢度既食物質素真係好一般，但我一定會再黎，點解相信唔駛多講了，食得開心的一餐。以上全為個人意見，請勿在意…Read More

上次真係白痴，黎到搵唔倒，原來係因為太早黎未開門，今次晚上六點左右黎到就剛剛好了，間鋪好細，堂食都係得兩張細台，所以見好多人都買外賣，不過我有時間所以係度食埋，睇個餐牌發現呢度都唔算平，薯條加腸要25蚊-28蚊，腸同醬汁可以自己自由配搭，我就要左28蚊既蘇寶力腸再加蜜糖芥辣醬，加可樂共35蚊。即叫即做，因為唔係多人所以等左五分鐘左右已經有得食，餐牌無講大話，蘇寶力腸真係脆皮爽口，口感一流，薯條連住少少皮，係我其中一種最喜歡既類型，加上係即叫即做特別好食，雖然睇落幾細杯，但係食晒都覺得好飽，好彩無走去叫多個熱狗姐一路食緊既時候老板娘不斷拍手招客同講歡迎光臨，我個人超級欣賞這種不厭其煩既行為，加上佢對每個客都好有禮貌，係服務上真係好好，希望佢多d人幫襯，不過呢度唯一唔好就係近窄巷仔，隔一陣就會有大風係巷仔吸出黎，唔小心分分鐘成杯野比佢吹走，不過點都好，呢度我覺得都係值得再黎的…Read More

好少去食糖水或者甜品呢類野，但去親總係會諗起想食呢種芒果布丁，唔係真係成舊芒果肉果d，一定係要好似呢隻咁樣面頭再加d煉奶，每次食都覺得搵返細個果陣既感覺。話時話，唔知呢間綠林三記同綠林有無關？都睇怕無乜關係，因為果度有豆腐布丁呢度無，不過都無乜所謂，最緊要有我最鍾意芒果布丁就得喇，而且呢度仲好食過綠林果d，而且仲平一蚊，睇黎呢度比較適合我多d…Read More

近排每個星期六一早都要黎附近(直頭係隔離)返學，天氣凍左唔夠訓又唔食早餐(想慳錢)所以上兩個星期都病病地攪到集中唔倒精神上堂，今個星期終於決定食完早餐先上堂。呢區已經唔旺，呢頭直頭算係呢區比較靜既地方，都無乜特別野食，見倒求其茶餐廳就行入去，見倒個餐牌，有小小嚇親，兩個食送一個麵加熱飲都係$15？雖然要出前一丁既話要加兩蚊，不過我一向唔偏愛所以無轉，幾年前已經唔易搵倒何況而家，即刻叫個沙爹肥牛炒蛋麵加杯熱咖啡試下，一黎杯咖啡雖然無乜特別，但比起一般茶餐廳呢度算大杯，然後個麵都比我想像中大碗，炒蛋應該兩隻份量，仲有好似比較少茶餐廳會用肥牛做沙爹牛肉麵既料，份量一樣唔少，質素都幾好添，食到我好鬼飽都只係$15，之後上堂個人真係唔同晒，下星期繼續黎！…Read More