L 先生's Profile

今年真係好懶，E家先再出post, 先忠告大家要好好做足預防措施，對抗目前緊張既疫情，有好既身體，先有空間再食多D好野，大家一齊加油 !!!言歸正傳，今日悶悶地，行左去雞地， 見到有間食泰國菜既餐廳， 嘩....見到佢地租左兩個舖，林住實無死嗱，點知......食完之後，要再搵其他野食(未食得飽)，因為味道真係好麻麻麻麻麻，點解麻麻， 一陣再同大家講，先睇睇相先: 食店位置：方便，係元朗西鐵站出，由Yohx mall(x 茶嗰個出口) 行過去，5分鐘內到職員服務：職員服務係好既，一舉手，唔洗等，好快就有人黎幫你，Good食物質素：我都係點左D好大路既菜色，如下1. 木瓜沙律 > 分數 5/10, 淨係得木瓜 + 花生 + 醬汁 + 蕃茄嘅一碟前菜，如果個醬汁做得好食係冇問題，但係佢地偏偏就係做得麻麻麻地2. 咖哩軟殼蟹 + 薄餅 > 分數 3/10, 大家食之前， 試吓做一個實驗，就係蒙住自己隻眼，去估吓呢個餸係泰式咖哩 定係 普通茶餐廳咖哩.... 你就知道我當其時嘅感受，而最大鑊就係軟殼蟹， 我第一啖入口就係一pat嘢 + 好林既感覺，抱歉，我已經食唔到第二啖嗱，所以，呢個就係我既感覺 !!!3. 生菜包 > 分數 4/10，佢地可能主打中國人口味，所以呢個菜色就冇咗生菜包嗰種酸同魚露味，總之，佢地同其他餐廳and 係泰國嗰度食，味道就係特別D嗱...總結: 純粹個人口味，不過你哋睇到d相， 雖然D餸菜仲淨返好多，但係其實我已經係埋咗單， 我絕對鼓吹唔可以浪費食物，但係我已盡力了仲排緊隊嘅你哋，不妨可以一試，睇下我有冇呃你…Read More

今日係年初八， 指定動作先祝大家新年快樂， 日日有食神， 伏店好頭痕， 身型唔好肥騰騰😁今次想主要分享， 我遇到嘅經歷，有關外賣服務，之後會講小小食物方面真人真事發生喺我身上，案發當日: 15/12/2018案發時間: 下午 13:30受害人: 牛屎仔 (即係我自己)嗰日就致電佢哋嘅元朗店叫外賣，好啦，落哂order, 去到最後同佢講，我住既位置係匯 x 銀行附近，x x 大廈，8樓，E 室，林住搞店，等食點知個姐姐同我講，我地送外賣係唔送上樓囉，OK 無問題， 姐姐可能驚我係"番梘強"，我咪林住一人行一步，同姐姐講，我係樓下等係攞外賣嗱，姐姐俾我既回答係，"我地淨係送去地舖"...我輸1:0我身為地地道道嘅香港人，有獅子山下嘅精神，所以我再試第二次嘅外賣案發當日: 04/01/2019案發時間: 下午 12:15受害人: 都係牛屎仔 (即係我自己)嗰日我又致電佢哋嘅元朗店叫外賣，好啦，落哂order, 去到最後同佢講，我住既位置係匯 x 銀行附近(其實元朗得一間匯 x 銀行)，x x 大廈，8樓，E 室，又林住搞店，等食點知個姐姐同我講，我唔知邊度係匯 x 銀行喎，姐姐都好好心，係個電話裏面大叫"有無人知邊度係匯 x 銀行"，最後姐姐俾我既回覆係"無人知匯 x 銀行係邊"，所以唔送...我輸2:0😣😣😣其實你地米線既味道，真係唔差，有相為正，我都有去你地既舖頭食米線，仲成碗食晒Tim，不過我真係好想試下你地外賣米線呀📣📣📣📣總結: 我對你地又愛又恨愛係你地既味道，圖中我order 左堂食既酸辣雞絲豬軟骨米線。味道: 8.5/10 位置: 8/10 (由康樂路輕鐵站步行只需六分鐘)食後感: 9/10， (呢點係我最喜歡的，因為冇太多口渴嘅感覺)服務: 7/10， 姐姐人數不多(一般飲食業， 遇到嘅問題) 態度尚可恨方面: 就係你地有代改善既外賣服務…Read More

大家好，又係元朗牛屎仔 !!!"咪呀來"係泰文，意思係唔好食呀點解"無生生"會去呢間面店呢？原因係早排"生果日報" 有介紹過，話呢間餐廳係用牛骨去做個湯底，今日有時間咪去試下喎。好啦，入正題，今日我好早到步，大約11:40左右已經到餐廳，目測我應該係第二台客。題外話，我先講講餐廳位置，如果唔熟元朗既朋友，如果想去呢間餐廳的話，除左可以透過GoGo Map 之外，亦都可以問下D路人，因為小部分既元朗既街訪都好Nice(無錯, 係小部分, 驚呀呢)，路在口邊，用“容鳳書健康中心”去搵，您99%可以搵到呢間餐廳，因為呢間餐廳就係健康中心大門口隔離。揸車既朋友仲方便，因為附近有2個有蓋既停車場。講番食物呢，咁我就order 左兩個船面，分別係猪肉泰式河粉 and 牛肉金邊分。猪肉(內有猪肉丸and猪肉)泰式河粉:面質: 8/10 > 好野，係新鮮貨, 滑+Q, 無投訴肉質: 5/10 > 肉丸，係由泰國來貨，因為個size and 口感同係泰國食既差唔到幾多，不過，佢地可以雪得太耐，口感好淋and軟，猪肉，係敗北之作，唔知大家有無食過任食打邊鑪嗰D猪肉，佢地就類似嗱湯底: 3.5/10 > 外觀: 顏色上係跟到總統既船面，味道: 呢個湯底真係不得了，因為係咸到不得了，您地做乜要搞到咁咸呀，完全搵唔到有牛骨既味道，只有咸味and葯材味💔牛肉(內有牛肉丸 and 牛腩)金邊分面質: 5/10 > 一般，佢地應該係用乾身既金邊分黎煮，所以口味同滑身性都係一般肉質: 7/10 > 牛腩，淋+滑，有驚喜，要試，肉丸，雪藏野，無特別，唔推介湯底: 同上 (因為兩碗都係同一湯底)💔💔服務方面: 8/10 > 係好既，食到尾聲，會自動加water and 遞牙籤畀客人食後感: 4/10 > 食完之後都幾口渴，係我除左湯底之外，最討厭既😝😝😝最後: 希望您地可以有所改善，明白到一間小店唔易經營，您地幾個哥哥仔老板要再俾多D心思and心機呀🐝🐝🐝…Read More

利申: 首先講左先，我本人係未去過成都，因為我食呢間餐廳之前，係OpenRicx 見到有4-5号師兄姊，話呢間好有四川口味，又有D話好有成都口味，又有D話呢間野口味真獨特。食後感: 雖然我唔係一個“ 烚下烚下”既精英，不過，我絕對唔係第一次食麻辣火鍋。食完之後，感覺係出事了，我小...有..咁...中伏了罪狀 1. 麻辣味方面: 睇雜誌話，依...喂...呢間野係四川好出名喎，我食完之後，咪就覺得係“死辣”，完全食唔到，先香，後麻，最後就係辣既感覺罪狀 2: 食物質素: 我既Order 有肉類，菜類，甜品，內臟，飲品等既食物，品質價錢係中上，食物質素係中下，因為有好多都係已成功解凍既食物，所以，結果就係唔新鮮3. 罪狀 3: 硬件問題: 經常送錯食物，所以，都送大家一個溫馨提示俾大家，必須check 單，無謂蝕底畀人啦4. Like 方面: 佢地個xxx龍眼凍飲係唔錯，主要係唔太甜，同埋佢地唯一既甜品，都可以試下，好似涼粉咁(不過係透明既)5. 員工方面: 態度ok la, 經常性“多謝晒”，“哎呀，唔好意思呀”，請留意，講既時候係無笑容，不過都幾搞鬼6. 地點方面: 我覺得可以接受，遠離地鐵站10分左右。如果都話遠既...行吓嗱年靑人7. 食後感: 口味基本呀，好多時食完麻辣火鍋都會有，唔係新鮮事最後: 就算我有野，我放唔到入口(因為唔新鮮)，我都佢全部放哂入個鍋，眼不見，為乾淨仲有仲有，佢地既廁所幾有大6 Feel最後提一提: 如果係附近真係搵唔到野食，又 或者泊底左嫁車，唔想再開車住，咪試下呢間野囉，否則，你真係咪點，實俾fds 鬧呀…Read More

一間難得係968巴士站總站，可以暫得住腳既食店，“漁民”您地繼續加油呀餐廳位置: 坐輕鐵, 巴士, 跟住行5-10分鐘就到，好易搵職員服務: 老闆請嗰D姐姐，應該大部分都係無餐飲業經驗 (個人感覺)，不過每位姐姐都好有Heart, 用心，有耐性，服務到位食物質量: 我地去片先👇呢個就係個Meal，個日我食左個湯面and撈面如果唔洗飲D湯，係一種浪費叫左杯Hot既菊花柚子茶，嫲嫲話幾好，又唔太甜🤗我食完，我嫲嫲就仲嘆瑾個撈面,食後感: 無口渴，無口乾，Good評價: 一分錢，一分貨，收得您$3x, $4x, 有花膠食，當然D花膠無可能係好似包Tempo紙巾咁厚，不過單講係營養度，已經非常滿足 !!!備註: 我特別講D花膠 / 冬菇, 總之...入味…Read More

林住開開心心去旅行前，係機場度搵D野食先去坐飛機.....點知.....未出發先中伏....討厭（要用國語講）先講食物: 簡簡單單點咗個紅燒豬軟骨湯麵 + 珍珠奶茶, D豬軟骨係硬嘅， 個湯嘅感覺, 好似一包味精粉, 但係用雙倍嘅水去沖咁, 淡而無味, D麵正常珍珠奶茶: 珍珠正常✔, 但係最鑊係d奶茶， 甜到入完開唔到眼服務態度: 係令我最接受唔到，搵個阿姐攞多個碗仔，佢竟然同我講好忙呀， 完全唔理我 ,咁我跟住咪自己攞囉... 面對依間餐廳我真係認輸啦…Read More

我又返黎啦，唔好意思，呢排比較忙，所以好小上黎呢度，希望大家都幾好啦相信睇到呢編文章既時候，相信你又入黎元朗搵食呢你真識貨，元朗人多，車多，好食既野都好多先同大家講聲唔好意思先，因為我受到一D壓力, 所以, 唔能夠公平咁, 再寫呢間餐廳嘅食評啦，抱歉不過, 最後我都呈上幾張相, 俾大家睇下啦, 呢啲相係之前影嘅， 我覺得自己啲影相手勢好過啲食物囉總括: 食物質素唔評論, 但做生意嘅手法確有問題, 想食嘅朋友自己執生啦…Read More

真係激死林住星期三去食下Lunch, 影下相俾大家睇，想再向大家証實一下（因為之前已經食過，please refer 番之前有一編叫“麻麻地姐”既食評），唔知點解突然之間咁多“like”同廣告既餐廳，食物既菜色同質素係麻麻, 點不知，呢間野話休息就休息如果想睇埋第3集，請繼續留意個食評，我會好快，好快...再加圖，再加文字去証實。坊間依家好多餐廳搵電子媒體，去話自己間舖頭，有幾食，幾特色...我會用真實既文字去表達，希望大家欣賞…Read More

剛剛行完玩具展，咪去搵下“掌門”飲杯野食物: 我個日叫左...1.台灣腸 ~ 無特別，台灣黑橋腸，煎熟左俾我食... 2. 鹽酥鷄 ~ 頂多只可叫炸雞配沙律醬，因為“掌門”既鹽酥鷄，係無台式既味粉係雞上面，所以味道一般酒類飲品: 我叫6款不同既啤酒（唔識晤瑾要，有人介紹），幾特別，有heart 之作，飲之前，waiter 會教教你點飲服務 and 位置: 服務到位，好夠waiter 係餐廳裡面，可能我Happy Hour 去，唔 Full位置: 易去，離地鐵站約10分鐘…Read More

食過午餐，晚餐，雖然無影相，不過以下係我小小意見:1. 舖頭雖小，不過菜色都好小2. 味道: 睇x果日報都有介紹過，係“開飯嗱”都好多個“讚”...但係我感覺佢地同其他燒臘舖or打冷既差唔多，我非常懷疑D“讚”係點黎3. 位置: 唔算難搵，係輕鐵站行過去約7分鐘4. 服務: 成間舖頭坐到8-12人，老闆娘負責收銀 x 侍應，都可以嗱，畢竟年幾都唔細5. 回頭機會: 呢半年內都唔會，因為真係並不是大家講到咁神同好味“希望唔好怪我直接，因為我長居元朗，所以知道仲有其他好既地方食野😆”…Read More

個日點左個猪扒瑞士汁撈丁x 紅豆冰，plus 女朋友既常餐 x 凍0荼..........難食到無言.......猪扒瑞士汁撈丁 = 是油水撈林面紅豆冰 = 甜到糖尿糖常餐 + 凍0 茶 = Ok 總算大步欖過大家要食的話，祝你好運 !!!…Read More