betweenus's Profile

上次食過tea,因為環境坐得舒服,食物又唔差,所以今次諗住食dinner今次dinner食物質素都OK，價錢因為有景又坐得舒服我覺得都合理，但服務一般，收碟速度快過我收工執嘢走，碟上仲有食物都收走，而且每碟都係咁，我哋已經係最早嗰枱走，又仲有吉枱，出面都冇人，有少少趕客Italian Stir-fried Octopus and Squid-$218冇影相，冇咩特別，味道較單一，有少少比辣味搶走主角嘅鮮味Spaghetti with Vongole-$258味道還好,garlic, chilli flakes同white wine 個balance可以做好dSlow-cooked Yellow Chicken with Porcini Foam-$298雞肉好tender and juicy,保持咗雞肉嘅香氣,唔錯Tiramisu-$118最鐘意係tiramisu,好balanced同smooth…Read More

情人節嗰日去咗呢間餐廳♡︎之前都同friend去過覺得食物嘅質素唔錯♡´･ᴗ･`♡最緊要係環境好靚! 最適合去打卡!!亦都坐得好舒服今次我哋叫做情人節套餐份量對女仔來講啱啱好不過男朋友嫌有啲少🤣d食物出得好快服務都唔錯 而且叫Vday menu仲有張即影即有送喺疫情下叫做留個好d嘅回憶🥲講返食物質素♡︎𝑜𝑐𝑡𝑜𝑝𝑢𝑠 𝑐𝑎𝑟𝑝𝑎𝑐𝑐𝑖𝑜♥︎有好crispy嘅pancetta增加口感red onion令到食落去感覺fresh d個八爪魚就正正常常🐙︎♡𝑡𝑟𝑢𝑓𝑓𝑙𝑒 𝑝𝑎𝑝𝑝𝑎𝑟𝑑𝑒𝑙𝑙𝑒♥︎我同男朋友都好鍾意食pasta呢道我哋都覺得不過不失個combination一定唔會出錯pappardelle都有蛋香🍝♡𝑏𝑟𝑎𝑖𝑠𝑒𝑑 𝑜𝑥 𝑐ℎ𝑒𝑒𝑘♥︎ox cheek幾稔都好易pull apart價錢好reasonable 同埋影相真係好靚會再去♥…Read More

今日係星期日 我同男朋友去咗大圍食嘢 唔少人推介呢間嘅麵包同bagel🥯幾好食 所以心思思過嚟試吓 我哋大概三點到咗 目測外面有三對情侶等緊入座 店外有幾張凳俾人坐住等 我鍾意佢店外感覺簡約 不過喺烈日當空之下都幾曬🥵最後等咗75分鐘先有得入座😦 等緊途中都不斷有人買外賣同排隊 自然會覺得呢間嘅食物質素有返咁上下 先會受到附近街坊同其他人慕名而來🤔店內有四張枱 坐滿晒大概可以坐13個客人 店員態度唔錯 送餐速度亦都幾快 我哋嗌左一個抹茶醬麻糬bagel同埋一個伯爵茶麻糬卷我哋一食嗰兩個包 即時好失望抹茶醬麻糬bagel: 4/10 🤨咬落去好硬 同其他嘅bagel口感好唔同 個bagel嘅顏色係綠色 不過真係一啲綠茶味都食唔出 餡料嘅份量好似有d少 同埋真係太硬同冇味 可能加熱d比我哋會好d伯爵茶麻糬卷: 1/10🤢呢個咬落去成陣番梘味 又係一d伯爵茶嘅味都冇 冇味都唔緊要但係嗰陣番梘/香精(?)/唔天然嘅味真係好難頂 食多兩啖 麻薯嘅甜味就蓋過其他味 真係食唔落肚等咗咁耐竟然食到呢啲質素嘅嘢真係有啲嬲嬲地🤬出嚟嘅時候都見到有五六個人排緊隊 可能係咖啡定係其他食物吸引佢哋嚟 但係如果係想食bagel或其他包 咁我就覺得完全唔值等咁耐🤢…Read More

平時行尖沙咀好少行到依邊,不過原來都幾多野食,我地就搵左間台灣菜食餐廳外形其實有D似日本料理,遠睇都唔覺係食台灣野.我地叫左一個紅燒牛肉麵,一個紅燒半筋半肉麵,唐心蛋同埋涼拌黃瓜涼拌黃瓜作為前菜真係一流,酸酸地,少少辣,青瓜又爽口,非常之開胃.唐心蛋依D美食真係食極唔厭,蛋白好軟熟,蛋黃又濃又流心,外面有少少豉油,1人食1隻都唔夠!紅燒牛肉麵賣面真係唔錯,湯底紅,其實唔會辣,幼麵底,4大塊牛肉,牛肉非常嫩,肉味濃,亦都吸晒湯底.個人鍾意紅燒半筋半肉麵多D,牛肉加牛筋既配搭真係好完美.牛肉肉質厚;牛筋口感就好軟綿綿.D野食份量岩岩好,價錢都係每人100到,幾抵食!…Read More

對上一次去貓cafe已經係好耐之前，同埋呢排放暑假諗唔到去邊玩，所以就喺旺角搵咗間貓cafe🐱入去前要除鞋同消毒雙手，大家要記得着襪，如果唔係係唔比入架！一入門口已經見到一隻貓仔！🐱坐低之後有店員講解收費同注意事項，一個人一個鐘收費係$68，包一杯飲品，之後每小時收費$38（包另一杯飲品），我哋坐咗2個鐘，可能掛住同d貓仔🐈玩，我哋每人叫咗一杯飲品加tiramisu千層蛋糕就已經好夠啦d貓仔好活潑好動，同客人都好多互動！🐈食物質素都唔錯，特濃朱古力🍫飲得出比起平時餐廳更濃滑同香醇；抹茶鮮奶都有出面連鎖咖啡店嘅質素，唔會好甜，有抹茶嘅甘香。🍵tiramisu千層蛋糕雖然做唔到每層都好薄，不過食起上黎都算light，唔會覺得好膩🍰所有嘅餐具都同貓有關架！好cuteeee🤩😍…Read More

平時都幾鍾意食拉麵,今次經過土瓜灣,見到依間出名雞湯拉麵就入左去啦.金鶴拉麵出名雞湯拉麵梗係要試下啦!我地叫左個極濃雞白湯拉麵同埋一個黑醬油拉麵.黑醬油拉麵好香醬油味,湯底既醬油好濃郁得黎唔算咸,拉麵都幾煙韌,而且醬油湯都掛到係拉麵到.唐心蛋好食;叉燒香口,除左叉燒之外仲有2塊雞肉,職員建議唔好浸D雞肉入湯底到,咁就保留到佢既嫩.濃雞白湯拉麵湯底一睇都覺得濃郁,係濃到有D稠,雞肉味非常重,D拉麵吸晒D濃郁雞湯,所以食起上黎都有D膩,不過有D脆既牛蒡可能可以解到少少膩,雞肉亦都十分嫩滑可口.我地另外叫左個甜品抹茶軟凍,軟綿綿又煙韌,唔甜而抹茶味香.…Read More

今日同朋友去咗新蒲崗，因為好少黎呢頭，所以唔知附近有咩好食，我哋落咗車之後，喺巴士站附近搵到呢間Cafe，見鋪內環境唔錯所以就入去食。鋪頭佈置簡約，木嘅枱令人有舒適嘅感覺，係同朋友傾計嘅好地方。💕👯‍♀️個set menu上面菜色選擇都幾多元化，有西式、中式、日式D都有！我同朋友叫咗安格斯西冷扒配沙律薯條同埋日式滑蛋厚切豚肉飯。lunch set有湯/salad同飲品，羅宋湯酸中帶甜，飲落去唔會覺得淡，不過不失。安格斯西冷扒配沙律薯條✨個安格斯西冷扒上咗枱一開始驚食唔哂，不過有🥗salad balance番；薯條係粗身；🥩扒就叫咗7成熟。🥩肉味重，肉汁豐富，不過可能西冷肉質纖維較厚，所以下次都係叫5-6成熟就更好!日式滑蛋厚切豚肉飯✨🐷豚肉入口即融，唔會肥膩，肥瘦分佈平均，d肉淋得黎都有咬口，好好食！旁邊嘅蓮藕爽口，如果怕太多肉都可以 和番。☕️🍹…Read More

因為格離就係戲院既關係,所以係睇完戲再食埋飯傾下計就過到個下晝~餐牌有D野食方便買去戲院食,有D就係D套餐咁我地叫左個鐵板牛肉眼排同埋餐廳推介既醬燒半條豬仔骨前菜係簡單既凱撒沙律同蒜蓉包鐵板牛肉眼排黎到果陣已經"炸炸"聲,落埋D蒜蓉汁仲炸得勁,可見個鐵板有幾熱. 塊肉眼排十分之大塊,熟度岩岩好,,切落去牛排好淋,食落肉質都唔錯,牛味都足夠. 配菜薯條份量岩岩好又熱辣辣.醬燒半條豬仔骨賣相好吸引,燒得唔錯,醬汁方面唔會太鹹太濃,切舊骨出黎成舊叉住食就最和味啦,肉同骨都分離,好易撕舊肉出黎大大啖食;薯條方面就可以揀配咩醬汁,我地就揀左肉醬薯條,味道都唔錯.價錢正常,如果諗唔到做咩打法時間,可以去依到附近食下野睇埋戲,唔洗諗去邊!…Read More

台灣菜唔係淨係得茶木! 係銅鑼灣D大廈入面搵到依間台灣菜,個人覺得D午餐幾抵食.我地叫左1個古早味牛肉麵同埋1個滷肉便當,有野飲同小食.牛肉麵十分台式,前菜有乾豆腐,芽菜等,牛肉麵湯底好重藥材味,十分濃郁,牛肉非常厚身,大大塊,肉質又淋,湯底入晒落牛肉到,寬麵好煙韌,份量好好.另外既滷肉便當好體驗到台灣地道既便當,賣相好似同台灣既都差唔多,配菜都有豆腐,豆,蛋等,滷肉十分之肥美,肥得黎又好香口,如果驚肥膩,可以食D配菜減膩,份量細細份其實已經好足夠,因為D滷肉夠肥. 滷肉飯仲有個冬瓜湯,湯底清甜,亦都有好多冬瓜食.野飲我地叫左胚芽奶茶同桂花烏龍茶,胚芽奶茶同一般既台灣奶茶唔同,甜度好低,飲落健康好多;桂花烏龍茶茶味香唔會澀.…Read More

完咗實習實在要放鬆下，所以今天去咗旺角嘅一間cafe到食下野。呢間cafe環境幾舒服，除了正常嘅位，仲有tatami；話明係cafe點少得board games呢！games種類同選擇都幾多，而且唔同age group都適合。食物方面，因為我哋唔算好肚餓，所以就只叫一個+$38 set, set包soup, garlic bread, main course, drinks同dessert。個mushroom soup好creamy，比想像中濃，有細細嘅mushroom粒加強口感。主菜叫咗鮮蝦蒜辣天使面，蝦食落彈牙，有微微蒜香同辣味帶出蝦嘅鮮味；天使面煮得入味，但係唔會好濃味，適合鐘意食得清淡小小嘅人。dessert就係呢個chocolate cheesecake，食落唔會覺得好heavy，chocolate味啱啱好，唔會搶咗cheese嘅鹹。另外仲叫咗broccoli+cheese,好多cheese，不過食落唔會好膩。跟餐叫咗一杯honey black tea，淡淡嘅甜味同茶香好夾！飲品仲叫多咗rose & jasmine tea,茶味愈泡愈香，jasmine同rose令個茶多一份清香。definitely recommend this cafe if you are looking for somewhere comfy to hang out with friends:)…Read More

完左實習,梗係同同學去食放題慶祝啦!首選梗係日式放題!一坐低就同同學拿拿聲係咁落單啦! 食物都好多樣花,有刺身壽司,熱食,炸物,樣樣都有.各種野食都好快到, 刺身都算厚切, 三文魚新鮮,油甘魚油甘香,帶子爽口.  我地叫左好多甜蝦同特大牡丹蝦,甜蝦鮮甜,牡丹蝦大大隻啖啖肉,肉質都豐富.炸物叫左雞翼同炸蠔,天婦羅等,炸蠔大隻,天婦羅炸粉薄,好香口, 最正係炸雞翼,真係外脆內軟, 雞肉好juicy好細滑,所以我地都ENCORE左幾輪.壽喜燒份量適中,有唔少牛肉,同菜, 個湯好清,就算加埋D牛都唔會好油膩.仲有可以食花膠!蠔汁都幾濃,花膠就入晒D蠔汁.放題必食既燒牛舌,牛舌多汁,落埋檸檬汁中和下岩岩好,如果少D調味就更好!最後每人都可以叫個雪糕,我就叫左movenpick既maple walnut,味道好特別,唔算好甜,有D核桃仁,口感唔錯!…Read More

深水埗出面好多平民野食,其中一樣就係粉麵舖啦.我地叫左一個秘製新鮮牛腩河同五香牛筋河,另外加多一個新鮮炸魚皮,同一杯熱檸水.牛腩河賣相好傳統,河粉上鋪滿肥美肥牛腩,配上炸蒜同蔥.  河粉好細好滑,滑入口咁濟,牛腩肥得黎都多肉,個人就好鍾意個牛腩湯唔會好濃同重味精味,所以食完都唔會渴. 份量都幾多,一定食得飽!同牛腩河一樣,牛筋河都一樣咁大份,牛筋十分之淋又滑,個人鍾意牛筋河多D,因為清D,無牛腩咁膩.整體2樣味道好傳統好食!魚皮係佢自己新鮮炸既,所以魚味十足,而且唔會多調味,又唔會油膩,好食!價錢又平民價,岩晒Lunchtime個陣食.…Read More

一放工就立即去灣仔同2位朋友食飯，最近大家都十分大壓力，難得有機會終於可以坐低慢慢傾訴真係好！一直都想試呢間餐廳，今次終於試到！呢間餐廳好大，環境舒服，啱哂我哋傾計。首先叫咗3杯飲品，有蜜桃柚子茉莉茶、自家製西柚冰茶同招牌水果茶。3杯味道都好fresh，唔會得個甜字，飲到最尾都好香茶味，仲夠大杯，飲到食完飯仲飲緊！叫咗惹味韓式慢煮八爪魚做頭盤，第一次食慢煮八爪魚，食落唔會好老好un，依然有咬口，份量剛剛好。巴馬風乾火腿蘑菇薄餅好好食，ham嘅鹹香配上蕃茄同火箭菜，classic得黎又好食，令我諗起Rome嘅pizza。至尊海鮮西班牙飯 (二人份)真係好大份！細食嘅女仔3-4人分都得lol唔止大份，d料都好足，有新鮮青口、大蝦、帶子等，d飯如果濕d會更好！秘製招牌香脆咸豬手係我覺得最好食嘅！最鍾意個豬手皮，真係好香好脆；豬手都幾多肉，食落好有肉味，好正！…Read More

太安樓出名有好多好野食，依間手卷鋪係我地成日去食既，因為價值抵，食材又好新鮮。今次做完野慶祝，所以我地決定食豪D！我地一人叫左個帆立貝三文魚手卷同埋一個海膽赤海蝦手卷。帆立貝三文魚手卷賣相好好！帆立貝同三文魚各有2大塊：帆立貝爽口新鮮、三文魚又大塊又甘甜，因為D刺身好新鮮，所以我地覺得唔落豉油更加食到個鮮味。以為帆立貝加三文魚已經好正，估唔到海膽赤海蝦手卷仲吸引！海膽係用加拿大海膽，而唔係馬糞海膽，海水味重，海膽味亦都好濃郁，好多層次，口感好豐富呀；赤海蝦就一大條，食到落底，好爽口、彈牙。咁好既質素，可能係喺太安樓既關係，所以我地覺得個價錢好抵食！…Read More

尖沙咀出名多野食,不過今次就去搵D high class既餐廳作慶祝,所以就搵左依間日本餐廳!我地依晚就揀左個"大滿足之火鍋"既套餐,身材好豐富,有熱食,亦都有刺身等既凍食,一見個menu都知會食得好飽!前菜係芥辣八爪魚同蕎頭,十分精緻,岩晒開胃.跟住就上依個超級有份量既頭盤: 油甘魚厚身而甘,帶子大隻又爽口,赤海蝦新鮮肥美,生蠔清甜,最正既係大大隻半隻既波士頓龍蝦,蝦膏遍佈係龍蝦頭,味道濃郁,龍蝦肉肉質好豐富,好新鮮,無乜其他調味更加適合依D新鮮食材.仲有3款壽司: 分別係三文魚,左口魚同松葉蟹,個人最鍾意係個左口魚,少少燒過之後,魚身入口即融,同元氣既大相逕庭.跟住就係個大滿足火鍋!火鍋我地揀左昆布湯,材料有:松葉蟹,和牛,黑豚肉,日本米飯,烏冬同野菜,個重點係依D所有都係無限追加,一定會食到滿足!松葉蟹可以生食亦都可以煮熟先食,兩樣都有試,各有特式,凍食肉質較實在多汁,好新鮮;熟食就蟹肉甜.  D蟹鉗超多肉,鍾意蟹既一定要添!  和牛煮一陣就好啦,油脂豐富,入口都係立即融化,牛肉味濃,encore多D,一啖和牛一啖飯咁食,包滿足!最後有個抹茶既甜品,抹茶味好重,唔會好甜,好好食,可惜無得添加!食咁多咁靚既食材,價錢真係好抵!…Read More