我地叫左1個古早味牛肉麵同埋1個滷肉便當,有野飲同小食.
牛肉麵十分台式,前菜有乾豆腐,芽菜等,牛肉麵湯底好重藥材味,十分濃郁,牛肉非常厚身,大大塊,肉質又淋,湯底入晒落牛肉到,寬麵好煙韌,份量好好.
另外既滷肉便當好體驗到台灣地道既便當,賣相好似同台灣既都差唔多,配菜都有豆腐,豆,蛋等,滷肉十分之肥美,肥得黎又好香口,如果驚肥膩,可以食D配菜減膩,份量細細份其實已經好足夠,因為D滷肉夠肥. 滷肉飯仲有個冬瓜湯,湯底清甜,亦都有好多冬瓜食.
野飲我地叫左胚芽奶茶同桂花烏龍茶,胚芽奶茶同一般既台灣奶茶唔同,甜度好低,飲落健康好多;桂花烏龍茶茶味香唔會澀.
