Vivianycy's Profile

尖沙咀都食到平價米其林！Happy Friday約左朋友黎呢度 Happy hour～ 餐廳主打多國融合菜，環境同氣氛都好chill，絕對係放鬆好地方！我哋試咗幾款小食佐酒🍹，全部都好高質，有驚喜！生紅蝦片刺身配布袋芝士紅蝦新鮮味道鮮甜，配上濃郁軟滑布袋芝士，口感層次超豐富！芝士嘅奶香同紅蝦嘅鮮味完美融合，作為開胃菜真係一流～👍日本千手茄子絕對係驚喜之作！茄子外層炸得金黃酥脆，內裡軟腍入味，佐酒一流！香煎比目魚、香辣茄汁藜麥配黑松露忌廉汁比目魚外皮煎得香脆，內裡肉質嫩滑，配上香辣帶微酸嘅茄汁藜麥同黑松露忌廉汁，味道濃郁得嚟又唔膩！黑松露嘅香氣提升咗成道菜嘅格調！Happy hour當然唔少得美酒啦，試咗幾款酒，每款都各有特色：- La Fiole（法國白酒）：清新帶點果香，好適合配海鮮。- Chevalier de Lascombes（法國紅酒）：口感醇厚，餘韻悠長。- Tombacco（意大利紅酒）：果味濃郁，易入口菜式同酒品質素高，環境又舒服，絕對值得再encore！💃🥂…Read More

適逢Pondside三週年紀念，之前試過佢哋既下午茶好高質，今次同朋友黎試佢哋既三週年三道菜晚餐，環境同食物都好滿意👍當晚揀左河畔位置，落地玻璃設計採光極好，邊欣賞湖景邊享受晚餐，好chill。夜晚燈光浪漫，適合情侶或者慶祝活動。 前菜鮑魚拼大西洋紅蝦刺身鮑魚薄切，口感爽彈，鮮味足夠；紅蝦刺身超驚喜！肉質綿滑帶甜，蝦頭膏香濃布拉塔芝士配彩茄士多啤梨黑醋汁布拉塔芝士爆漿感十足，奶香濃郁，配酸甜士多啤梨同彩茄好開胃。 雜菌忌廉湯濃郁滑順，菌香突出，奶油比例剛好不膩，飲到細碎菇粒增添口感，仲有淡淡松露香。溫泉蛋沙律溫泉蛋火候剛好，切開微微流心，蛋香濃郁。主菜澳洲黑安格斯肉眼扒肉眼扒煎得焦香，切開粉嫩，肉質軟淋，牛味濃，邊位脂肪焦香。 配菜有烤車厘茄、蘆筍同薯蓉，薯蓉細滑，蘆筍爽嫩好食！ 威靈頓三文魚酥皮焗得金黃鬆化，三文魚厚身，肉質嫩滑，熟度剛好。內層有菠菜，增加口感。旁邊配咗薯蓉、蘆筍、車厘茄，清新解膩，呢個配搭有心思！ $333就享用到三道菜晚餐，好滿足好抵食，仲有靚靚紀念品贈送！8月限定，快啲約朋友去enjoy啦！…Read More

Tallore is always my go-to spot for delicious and nutritious meals on the run. Been eating way too much junk recently, so tonight it's time for some healthy light food to reset my stomach. Ordered four items and shared with mum!Chicken Breast cauliflower rice was perfectly seasoned and satisfying. It gots chicken breast, chopped cauliflower, quinoa, and a runny egg. The caulirice also mixes with purple cabbage, cherry tomato and edamame. Definitely a great light meal!The Smoked Salmon Wrap was fresh full of spinach, cucumber and cheese. Every bite is refreshing and full of packed flavour.The Pumpkin and Sage Soup was creamy and comforting, it is ideal for a light yet fulfilling bite. Their Mixed Salad is a standout. I picked the tuna Poke Salad with its zesty citrus sesame dressing, the roasted cauliflower with tahini and pomegranate sauce and the Roasted Sweet Potato with maple sauce. Every dish felt balanced, wholesome, and full of vibrant flavors. If you're looking for healthy fast-casual food that doesn’t skimp on taste. Highly recommend this go to healthy restaurant!…Read More

終於去左食我期待已久既Threads爆紅海南雞！長期人龍究竟有冇伏？今次就帶埋gym友黎會一會呢間傳說中被稱為雞胸界天花板既海南雞👅溫泉雞胸柳套餐雞胸肉肉質非常嫩滑，完全唔乾柴，但略嫌調味重手左啲。油飯香而不油。另外套餐配無味精靚湯，雞湯清甜唔油膩。有住家feel；醬油小黃瓜，爽脆解膩～溫泉海南雞（半隻） 雞肉好滑溜，去晒骨食落好方便。配有三款醬汁包括黑醬油、辣醬、薑蓉，每個餐都有配三色醬唔夠味可以蘸醬食，個人覺得調味已經好夠。醬油溏心蛋蛋黃流心，醬油味適中，唔會太鹹。全日雞係北角都開咗分店，港島朋友仔以後唔使特登過海食了！…Read More

人氣健康乳酪雪糕靜靜雞喺天后開左分店！試左三款甜品之後...我明點解佢哋咁受歡迎了👀開心果乳酪雪糕杯開心果控必試❗️ 開心果乳酪雪糕作底，質地輕盈順滑，加上開心果粒粒醬、開心果黑朱古力、開心果碎石同神秘開心果脆脆～每啖都係濃郁開心果香，而且口感豐富！牛角杯✨天后店限定✨可以自選2款配料+1款醬汁我揀咗抹茶奶凍同草莓凍乾，配熱情果醬。酥脆扁牛角包，蘸軟滑乳酪雪糕食口感好豐富！酸甜可口雙莓乳酪 croffle 熱辣辣既Croffle外脆內軟，配上冰凍想乳酪雪糕同雙莓醬，酸酸甜甜，冰火交融！牛角杯同窩夫都係即叫即焗，仲有為毛孩準備寵物杯！👍逢星期五、六同假期，無論天后定中環分店都會開到夜晚11點，天后店更加開到凌晨12點！呢間健康乳酪雪糕，採用希臘乳酪製作，低脂無負擔！以後深夜突然想食甜品，但又怕有罪惡感，知道去邊啦？…Read More

呢間素食cafe bookmark已久！假期同朋友黎食brunch，果然無失望！每道菜都係色香味俱全嘅藝術品，完全顛覆咗我對素食嘅印象！十二種蔬菜開心果醬貝果全日早餐一上枱就俾佢嘅色彩吸引住！貝果烘得外脆內煙韌，塗滿濃郁自家製開心果醬，堅果香氣濃郁。旁邊嘅十二種蔬菜新鮮爽脆，配上炒菇同薑黃豆腐，營養滿分！高蛋白質本地有機莧菜青醬鷹嘴豆泥碗幼滑鷹嘴豆泥配上本地有機莧菜青醬，味道清新獨特。碗裡有齊牛油果同各種烤蔬菜，口感層次豐富。配埋外脆內軟嘅酸種麵包，蘸嚟食真係一絕，飽足感十足又零罪惡感！黑松露枝豆醬烤椰菜花呢個小食絕對係驚喜！烤椰菜花外層香脆，鎖住juicy。黑松露醬混入枝豆，多咗份豆香同綿密感，松露香氣濃郁得嚟好溫和，食到停唔到口！超級能量黑芝麻蛋白質特飲賣相已經好IGable！入口係濃厚黑芝麻香味，口感順滑。唔會太甜，健康又好味！酸種貝果配果醬既純素芝士貝果口感煙韌，帶微酸味，配上純素芝士，甜甜地，好夾！香芋蕃薯波波外層炸得金黃香脆，內裡煙韌，仲有滿滿香芋蓉，唔會太甜，酥脆唔油膩！…Read More

可能係全港最抵食台式料理😍！下午茶時段仲有95折！手撕雞飯足料到嚴重懷疑老闆係咪唔使賺💰🤨仲系芋泥控既天堂，簡直係一次過滿足兩個願望！芋泥控真係要save底！香蔥紫菜手撕雞飯（轉豆腐底） 呢個飯超級抵食！手撕雞多到遮晒成個飯面，肉質嫩滑，蔥油好惹味。最驚喜係可以飯轉豆腐底！真係全港首創！蛋白質🆙又飽肚！生酮減脂友好！仲有海量紫菜青瓜絲同椰菜，簡直係完美練後餐！🌟超松露！我松來不是章魚燒（新品）松露醬超香！章魚燒外脆內軟，裡面好章魚粒，估唔到松露醬配章魚燒可以咁夾！松露控必試！酥炸花枝丸 炸粉超薄，炸得金黃香脆！面頭撒上五香粉，增添香氣！蘇子青瓜手撕雞手撕雞份量誠意十足！啖啖雞腿肉，蘇子粉香氣突出，加上海量爽脆青瓜絲，白芝麻，增加口感同香氣。芋泥肉鬆脆皮蛋餅 蛋餅皮煎得香脆！芋泥同肉鬆比例7:3，每啖都係綿密芋頭加鹹香肉鬆，凍咗都唔會變韌，外賣返屋企翻焗一樣脆身！芋見百寶奶豆腐 打卡一流！豆腐奶凍口感軟滑豆味濃，配新鮮芒果同西瓜粒，面頭仲有芋泥球，性價比高過甜品店芋泥二文治 好特別！烘到微脆既餅乾，夾入綿密芋泥餡，作為小食一流！仙草豆奶加馬蹄爆珠馬蹄爆珠口感，仙草滑溜，豆奶淡淡豆香，最特別係可以轉0卡糖！減肥友好！全手作芋頭鮮奶+ 豆腐牛乳布丁無糖豆奶底健康之選，布丁豆香超濃，夾埋芋泥，奶香濃郁，飲到底仲有芋頭粒…Read More

呢間新開社企Cafe好食到唔想走！無論食物高質，仲有唔少靚靚打卡位🌹🐻🥯 煙燻三文魚貝果配Dill Cream Cheese
貝果外脆內煙韌，煙三文魚鹹香十足，搭配清爽青瓜片同Dill Cream Cheese，味道層次豐富，套餐仲包溫泉蛋，烤南瓜、沙律菜，整體豐富有營養！🍝 蒜香蜆肉意粉
意粉口感al dente，蒜香濃郁，蜆肉鮮甜，帶微辣，好惹味～除左抵食午餐，仲有多款特色甜品，將傳承糖水文化同西式甜品融合，推出多款黑芝麻系列甜品，黑芝麻控必試！黑芝麻奶凍
奶凍口感滑順，黑芝麻香氣濃厚，甜度適中，面頭仲有花生碎同白芝麻，增加口感同香氣！黃金酥配芒果雪糕
金黃酥脆可頌搭配香甜芒果雪糕，冷熱交融嘅口感超級豐富！旁邊嘅焦糖香蕉香甜軟糯，再配上自家製鮮奶油、蜂蜜麵包脆同冧酒焦糖醬，每一啖都係幸福嘅味道～榴蓮忘返
榴蓮控必試！香濃榴蓮雪糕配搭紫米紅豆糖水，口感綿密香甜，榴蓮味十足，真係令人「榴蓮」忘返～😍藍蝶花荔枝梳打
藍紫色真係打卡必點！💜 加入新鮮香水檸檬片，清新又解渴，荔枝嘅甜香同檸檬嘅酸完美結合，夏天飲一流！蘋果醋梳打
酸甜開胃，蘋果醋嘅醇香加上梳打嘅氣泡感，清爽解膩，健康之選！呢間cafe無論係食物質素、擺盤定環境都非常出色！快啲約埋朋友一齊嚟試下啦～💕…Read More

呢間內地人氣江浙菜過江龍，一直以特色手工菜同獨特環境作賣點。餐廳裝修充滿江南水鄉風情，木系枱櫈、亭台樓閣嘅設計，燈光偏暗幾有情調。龍井烤雞招牌必點！外皮烤到金黃香脆，肉質嫩滑多汁，帶有淡淡茶香。粉絲裹蝦開蓋蒜香撲鼻！蝦仁數量唔算好多，但勝在夠大隻同爽口彈牙。精華在於底下嘅粉絲，完全吸收咗蒜蓉、蝦汁同醬油嘅味道，超級入！送飯一流。蝦米絲瓜絲瓜清甜，燜得軟腍。蝦米嘅鹹香起到提鮮作用，成道菜感覺好清爽健康。狀元芋頭煲身為芋頭控，呢個真係大推！芋頭片燜得軟糯，入口即化，完全吸收咗醬油同肉汁嘅精華，味道鹹中帶甜，非常濃郁。芋頭片夾著五花肉，增添油香。砂鍋西施豆腐用砂鍋上依然保持到溫度。豆腐口感嫩滑，湯汁鮮味，係一道清淡得來又唔會寡嘅菜式，特別適合長輩同小朋友。三色雞絲涼麵夏日必點！賣相好色彩繽紛。麵條口感爽彈，配上青瓜絲、紅蘿蔔絲同雞絲、麻辣醬汁，撈勻之後食好清爽，辣辣地好過癮。楊枝甘露奶凍將楊枝甘露倒入幼滑嘅奶凍上面。奶凍口感細滑，配上香甜芒果肉、柚子肉，口感層次豐富。…Read More

放棄你對健康餐＝難食嘅偏見啦！呢間藏身觀塘工廈Cafe，主打低卡高蛋白料理，啱曬鍾意食野但又怕肥既各位靚女！慢煮雞胸牛油果沙律配檸檬柚子醬慢煮雞胸肉質嫩滑，🥑 牛油果creamy得嚟唔會膩。檸檬柚子醬清新酸甜，非常開胃，成個沙律嘅味道瞬間提升。蒜香松葉蟹椰菜花飯低碳生酮人士必點！將椰菜花變成「飯」嘅口感，粒粒分明，用左risotto既煮法，口感濕潤，蒜香十足。🦀 松葉蟹肉份量適中，仲有大量菇菇同洋蔥，成個配搭鮮味突出，食落完全冇負擔，滿足咗想食「澱粉」嘅慾望，但又唔會有罪惡感！三重芝士焗大啡菇菇控同芝士控會愛上😍！大啡菇超級厚肉，多汁juicy，面頭鋪滿三種芝士，焗到金黃色，芝士嘅濃郁同蘑菇嘅鮮甜完美融合，每一啖都係幸福感～…Read More

唔使再捱乾柴雞胸！觀塘呢間「肆柒食堂」絕對係我同Gym Buddy嘅新飯堂！🔥 成個Menu都係為我哋而設！海南雞米線（味增清酒湯底）海南雞肉嫩滑，仲系雞胸位！啖啖肉😋湯底清甜零負擔，完美補充蛋白質，Cutting期必點！手撕雞溏心蛋和風沙律 手撕雞胸絲份量十足，加上流心溏心蛋，優質脂肪加蛋白質一次過補足，食沙律都可以好幸福。慢煮雞胸和風沙律 慢煮雞胸一D都唔「鞋」，肉質Keep到Juicy，沙律菜新鮮，仲有烤翠玉瓜！熱帶菠蘿梳打菠蘿梳打好refresh，夏天飲好清爽！最驚喜係零卡糖！仲要糖漿係另上，自己可以控制份量！滿足到Cutting都可以飲手搖既癮😍冷泡蜂蜜桂花高山茶天然蜂蜜甜味，清新解渴…Read More

灣仔船街呢間「Flagship」真心有驚喜！餐廳環境chill得嚟帶啲工業風，同朋友傾計食飯一流。香煎魷魚鬚魷魚鬚煎得外層微脆，內裡依然彈牙。簡單用蒜片同香草調味，已經將鮮味完美帶出21天熟成厚切豬扒 豬扒超厚切，肉質鬆化，肉味濃郁。旁邊嘅Apple Purée清甜，完美平衡咗豬扒嘅油脂感～特色卡邦尼意粉全晚最驚喜！將傳統意大利Carbonara加入中式元素✨ 用咗煙肉同臘肉一齊煮！意粉掛滿濃稠蛋汁，食落有濃郁芝士同蛋香，間中會食到臘肉嘅鹹香，中西合璧竟然毫無違和感，創意满分！傳統中帶住驚喜，絕對係灣仔一個高質嘅聚腳點。下次再嚟試其他菜式！…Read More

原來「自己人」喺沙田開左新分店！假期帶左鍾意食點心既媽咪去試下👅 將傳統潮菜加入玩味元素，每道菜都靚到唔捨食！🌟必試推薦🌟「金魚戲水」湯蝦餃 完全係藝術品！打卡效果💯！金魚游水嘅設計好有心思，蝦餃皮薄餡靚，打卡味道兼備！黑蒜蝦燒賣黑蒜嘅香氣同鮮蝦鮮甜味好夾，面頭加上金箔點綴，矜貴得嚟味道層次超豐富～酸菜龍躉龍躉肉份量十足，肉質嫩滑，底下仲有海量薯粉、酸菜同芽菜！薯粉吸滿精華湯底，好鮮味😋份量多到可以當多個主食，堅係抵食！女兒紅醉蝦陳年女兒紅滲入爽彈大蝦，每隻都爆膏，酒香超濃郁，酒鬼必點！鮮荔枝球創意爆燈！神還原荔枝外型，咬開係流心芝士蝦球，芝士控要試。梅汁金不換沙白清新之選！梅汁嘅酸甜帶出沙白鮮味，金不換香氣畫龍點睛，夏天食超開胃～香辣牛腱牛腱切得薄薄一片，但份量唔少，口感有嚼勁，滷得超級入味，辣味係慢慢滲出嚟，愈食愈過癮。面頭仲有芫茜、洋蔥、花生粒，增添香氣同口感豆漿蟹肉蕃薯葉苗健康搭配！豆漿湯底順滑溫潤，蟹肉絲增加口感，蕃薯葉苗嫩滑，吸滿豆腐湯汁，鮮味十足。黃皮檸檬綠茶黃皮加上清新檸檬，酸甜解膩，配濃味菜一流！呢間潮式點心館無論環境同菜式都充滿驚喜，打卡味道兼備👅 沙田友以後又多個聚腳點啦～…Read More

最近見到九十番地居酒屋全新推出左 - 極尚套餐超抵食❗️$488就可以無限追加A4薩摩和牛、雪夢豚、海膽右口魚邊手卷，真心抵到笑！😍🍙手卷三重奏・無限追加▫️A4薩摩和牛手卷 - 和牛油脂滲入醋飯，每啖都係幸福▫️海膽右口魚邊手卷 - 海膽甘甜濃郁，右口魚邊油脂豐腴，估唔到咁夾😋我encore咗4次！▫️藍鰭吞拿魚腩蓉手卷 - 魚油爆發，入口即化🍲鍋物超足料▫️壽喜燒牛肉鍋 - A4和牛片，雪花超靚 油脂豐腴▫️味噌蠔鍋 - 濃厚白味噌湯底配肥美生蠔，蠔肉爆汁超鮮甜💡 試正味噌蠔鍋誠意十足，滿滿廣島蠔，仲可以無限追加！套餐包括▫️ 前菜：魚子醬三文魚子蟹肉杯/藍鰭吞拿魚刺身沙律▫️ 時令主食（三選一）：串燒拼盤6串/日本直送即開生蠔4隻/時令刺身拼盤5款▫️ 豪華主菜（二選一）：芝士燒龍蝦、鵝肝多士期間限定價：【極尚套餐】$488（原價$698）【旬味套餐】$388（原價$555）任食時段：120分鐘💡記得留quota比無限追加項目，和牛同藍鰭吞拿魚堅係要encore！…Read More

荃灣湘辣辣|招牌小炒 酸菜魚＋牛蛙水準驚艷！必訪！今次唔洗北上就可以吃到正宗湖南菜，堅持用新鮮食材全部都即點即炒，重點係仲可以選擇自由辣度，有辣有唔岩辣，符合返港人口味，果然係最受香港本地人喜歡的湘菜，排隊王！18秒爆炒雪花牛肉18秒猛火鎖住肉汁，鑊氣十足！牛肉切得薄身，炒得岩岩熟，入口嫩滑得黎帶少少焦邊，配合辣椒同花椒既香氣，味道層次好豐富，送飯就一流湘味酸菜魚湯底金黃濃郁，酸菜爽脆入味，魚片份量足而且完全無骨，忍唔住飲左幾啖湯，酸辣開胃！火爆紫蘇牛蛙第一次食牛蛙有驚喜！肉質頗嫩滑，紫蘇既香氣同辣味好夾，值得一試。膠原脆皮豬手外皮好脆，滿滿膠原蛋白黏嘴唇，蘸少少辣椒粉食，味道更加提升。涼拌花甲花甲新鮮無沙，肉質爽彈，蒜蓉醋汁味道清新，微辣，適合想試湘菜但又怕太辣既朋友。翡翠醬肉香煎包包底部煎得金黃香脆，肉餡多汁，麵皮帶淡淡菠菜香，顏色好靚好打卡。鴨屎香檸檬茶 茶味濃郁 唔太甜西瓜檸檬茶 清新解渴，解辣效果一流！面頭仲有大塊西瓜（好打卡！而且餐廳位置交通都好方便，招牌好醒目夜晚去一眼就望到，容易揾地方又夠闊落坐得好舒服，絕對值得再嚟，推薦！！…Read More