sweet..小甜甜's Profile

朋友生日，搵左呢間韓國餐廳，裝修幾別緻，但環境比較擠迫，仲比較嘈吵，如果要傾下計就要大聲d先聽得清楚。1）煙三文魚沙律-蔬菜新鮮，好多芝士粉在蔬菜面，好好味！2）韓式炸雞（芝士同柚子味）-柚子酸酸甜甜雞又炸到脆卜卜，好好味，芝士好香濃。3）卡邦尼年糕-年糕炒得剛剛好，夠彈牙4）烏卒卒火山飯-呢個一定要叫，做型好得意，灰色做型是蛋白做的，頂有一個蛋黃，內裡是鰻魚粒櫻花蝦炒飯，炒飯炒得香濃惹味。5）榛子忌廉窩夫-因爲切蛋糕要比$100切餅費，所以就唔買蛋糕上來，就叫個甜唔當蛋糕，窩夫一般，比較乾硬，但個榛子醬就好好味，提一提大家如要寫生日快樂字在甜品上是要加$10的。這間餐廳食物都不錯，但服務只是一般。…Read More

睇電視介紹，又行街經過，黑糖珍珠飲到悶，就試下呢間「樂法」，這間主打鮮果飲，健康又消暑。叫左一杯叫「火龍果雲朵沙冰」，用乳酪、火龍果製成沙冰，火龍果清甜加埋滑滑乳酪，口感一流，凍冰冰解渴又消暑，顏色又鮮豔，用來打卡好吸引。…Read More

觀塘工業區已經變成一個美食天堂，入面好多餐廳選擇，因為在工業大廈內，普遍餐廳環境都會好闊落，今日想食泰國野，就上網搵下，見到呢間評語唔錯就試下啦！餐廳環境寬躺，好有泰國風味，食物水準一般，價錢尚算合理，可以一試。泰國小食拼盤$148，有蝦餅、春卷、蝦片、雞翼、豬頸肉。蝦餅好味，新鮮彈牙。蒜蓉炒椰菜苗$66，蒜蓉香口，椰菜苗又夠嫩口。炒金邊粉配鹹蛋蝦$138，大蝦配上鹹蛋炸得鬆脆香口，金邊粉就炒得太濕，我就唔太鍾意。最後到甜品啦！芒果糯米飯配雪糕$68。芒果香甜，糯米飯夠軟身，但椰汁唔夠味，而雪糕是椰子味仲有粒粒椰子肉，但食唔出係椰子味😅…Read More

近年興起一片串燒熱，想試好耐，見父親節未諗到食咩好，就搵間串燒店同爸爸去試。父親節間間店舖都好full下，好難book位，搵到呢間串燒屋，可能位置唔太方便，第一輪任食仲未滿，就快快手book左先。位置離地鐵有一定距離，要行10分鐘左右，仲要行條斜路，老人家有少少辛苦。店舖乾淨企理，座位都算寬躺，二小時任食$198，仲要送生蠔同三文魚刺身，汽水啤酒任飲，雪糕任食，真係好抵食。串燒多款式，牛肉串都有五、六款，每款牛肉都新鮮牛味足，一定唔係平價貨，雞翼一定要食，好好味。除在串燒仲有一埋炸物任叫，我地掛住食都唔記得影相。…Read More

銅鑼灣食早餐真係唔平，閑閑地三、四十，今日經過這間餐廳，見餐廳入面都幾闊落，我又想慢慢嘆返個早餐先開工，就入去坐底啦！間間茶餐廳來來去去都係果幾款，這間都唔例外我就叫左個雞湯火腿通粉拼炒蛋牛油厚多士，通粉個湯好濃史雲生雞湯味，都幾大碗炒蛋無咩蛋味，但好滑，個多士幾軟熟，整體算唔錯。但呢間d服務麻麻地，我一個人入去，明明好多位，但等左好耐佢先安排到我入座，可能唔夠人手啦！如果這方面改善埋，都值得再去食。…Read More

媽媽想飲茶，但又唔想去樓下酒樓，想食d特別少少點心，好彩搵到呢間港味，點心同個鮑魚炒飯好好味喎！ 1）桔仔蝦餃-做型特別，鮮蝦好爽，好新鮮2）招牌三色包-黑金流沙包最好味3）鮑魚燒賣王-大大粒鮑魚，睇到都流口水4）乳鴿-又平又抵食，仲燒得香口脆皮（呢個忘記左影相）5）鮑魚紅菜汁炒飯-呢個我覺得一定要試，味道特別，唔油厭，一陣間就比我地清晒6）相思豆白兔仔-做型好可愛，食落又滑又香奶味呢間酒樓裝修好靚，有部分座位仲向海，又無限時，慢慢食仲可欣賞下海景，確實唔錯。…Read More

這間餐廳位於Tower 535，但唔好由大門口長電梯上去，係上唔到的，要在隔壁的小門口入。餐廳裝潢好特別，全部同音樂有關。今日來到就試左晚餐的Testing Menu，食物包括前菜、小食、主菜同甜品。1）意式海鮮薄片-帶子片新鮮配柚子汁，好開胃。2） 小食拼盤-A5和牛加芝麻醬廣島蠔，A5和牛入口即溶，牛味充足。而蠔炸到脆卜卜，食落仲好鮮味。4）主菜-首先湯底有和牛清湯及法式海鮮湯，我就選左法式海鮮湯。而火鍋主菜就有三款和牛，有肥有瘦，好重牛味。五款海鮮、新鮮美味。仲有大埔振興肉丸同蔬菜。醬料都有9款，湯匙都同音樂有關。食埋呢個和牛自家製意大利冷麵，非常飽同滿足5）最後到甜品啦！一共有5款，5款都好好味！呢間餐廳職員會詳細講解每款食物食材，服務細心，值得一讚…Read More

$198 有海鮮，有6款配料，在openrice book 位仲要送多一款配料，非常抵食。海鮮新鮮，大件，只是蜆比較細小。配料多選擇，個粥底鮮甜好味，仲要有蠔仔一齊煲，唔係求其比d白粥你放落去就算，真心抵食足料，想信第二間都食唔到。而店員服務也很貼心，會全程幫你落火鍋料，計時，以免煮得過火，唔好味，兩個小時都有專人服務，真係唔錯，食完仲要有甜品，雖然只是每人一粒泡芙，但味道不差。呢間店唔好在離地鐵太遠，交通唔方便，但有時間我會再來食。…Read More

在將軍澳海濱跑完步想食宵夜，見到呢間日本餐廳，裝修別緻，就入去試下啦！唔太肚餓所以只叫左少少食物，呢間餐廳都多選擇，但價錢有少少貴。精選刺身拼盤（三種）-有牡丹蝦、吞拿魚、油甘魚超新鮮，尤其油甘魚，鮮甜爽口。牛舌、帆立貝串燒 牛舌爽口，燒得剛剛好，帆立貝大大粒，都幾好味。豬骨拉麵煮雞蛋 豬骨湯濃郁，叉燒大大塊，有半隻溫泉蛋，拉麵算爽口。餐廳距離地鐵有一段路，相信要行最少15分鐘，如果不是來跑步或住在附近，真係好難會發現到這間餐廳，但整體食物不錯👍🏻，環境寬躺，有機會會再來食過。…Read More

今日去大埔探朋友，佢話帶我去食好野，聽到有好野食人都精神d，大埔我唔太熟路，跟住朋友去到呢間餐廳，條街有少少靜，餐廳有兩層，我地一行4人上左二樓坐，環境安靜方便傾計。餐廳食物種類唔算太多，但每樣都好有水準。坐低後我地叫了幾個小食：-1）香蒜牛油炒野菜-白蒜味好重。2）皇室脆辣雞鎚-好香口鬆脆3）蒜片牛柳粒-是今晚最好味的小食，好重牛肉味，新鮮，夠淋。食完小食就到主菜啦！我地4個女仔叫左三個主菜,三個主菜都是一人一爐，仲有牛脂起爐，增加牛肉香味，值得一贊。另外主菜包溫泉蛋、面鼓湯和飯，我地4個女仔都食到好飽差d食唔晒。美國頂級吉列牛小排$178呢個係外脆內軟，牛味豐富。澳洲和牛肉眼上蓋肉$168牛肉脂肪均勻，好好味。熊本霜降西冷扒$198日本牛唔使講一定好味啦！今晚食得好滿足，有機會一定會再來。…Read More

一早入沙田辦事，做完野醒起「喜茶」在附近，即去睇下多唔多人，去到見到只有十多人，即排隊買來試下，買完拎左飛仲有位比客人坐住等，環境一流。今日我只用了15分鐘就買到啦！我一個人只買了一杯「芝芝芒芒」，價錢好似比深圳貴少少，貴少少唔緊要，最緊要好飲。拎到杯野飲淨睇個樣就知一定好重芒果味，飲落真係好芒果，唔太甜又夠香滑，難怪咁多人排隊買。…Read More

一試難忘的日式pancakes 經過銅鑼灣好想食日式pancakes 做飯後甜品，間間唔係多人就好貴下，上網搵下有無平民價錢又好味的，又比我搵到喎！這間I love you 甜品店位置雖然唔算方便，但好值得一試，幾十蚊夠大份又鬆軟的pancakes，去邊到搵到。首先去到要寫低名等位，店舖好細，所以如剛剛坐滿人，最少要等30分鐘先入到座，入座後又要等30分鍾先有得食，不過真係好值得等。我地叫左三個唔同pancakes - 1）鮮芒果吉士班戟拿破崙-芒果甜吉士滑拿破崙鬆脆2）日式紅豆綠茶丸子黑芝麻忌廉梳乎里班戟-芝麻忌廉好正，好重芝麻味，夠滑，班戟係我食過最好食的。3）蘋果玉桂梳乎厘班戟-這個配搭比較普通，班戟一流。雖然等位等食用左差不多1.5小時才完成，但我會再來試多幾款味道。…Read More

男朋友生日，諗住搵間靚景餐廳食返個西餐，浪漫一下，怕無位又想坐窗口位，所以早兩日已訂位啦！去到坐低見到成個海景真係對呢餐好有期望，但最後卻失望而回。首先這裡話晒高級餐廳，但店員服務真係差勁，坐低後問食咩都粗聲粗氣，仲慘過去茶餐廳食，一d禮貌都無。我要牛扒，竟然無問我幾成熟，煮到本來唔錯的牛扒有七、八成熟，塊牛扒「鞋」晒，雖然我叫lunch set,但都應該問下顧客口味，要幾成熟啊！餐廳環境唔錯，風景一流，坐在這裡進餐，眼睛都有得享受。但檯面比較細，如果食物來齊，唔太夠位放，可能想做多幾檯客啦！我地叫左兩個lunch set雞扒伴薯仔 同 安格斯牛扒伴菜沙津雞扒完全無味，唔好食，牛扒味道唔錯但太熟有點「鞋」，菜沙津新鮮，對兩個餐的味道好失望，反而前菜同麵包還可以。如果這間餐廳無呢個靚景，相信是原全吸引唔到我來。心…Read More

今日朋友生日，想食海鮮，去左這間滿粥試，火鍋套餐$198不用加一，不收醬料費，有7款海鮮同其他火鍋配料，但不包飲品。這間店舖比較狹窄，所以在打邊爐時要不停讓位比店員，因店員會幫忙煮海鮮，而限時兩小時也有點趕，不能好好享受。見到海鮮真係會嘩嘩聲，今日有大蝦、蟹、蚌、鮑魚、蜆、多寶魚，樣樣都好鮮甜，好新鮮。另外套餐可選6種火鍋配料，這裡的火鍋配料很一般，美國牛肉原全沒有牛味，其他也沒特別好味的。全部野食完之後店員會幫忙用火鍋煮粥，所以個粥非常鮮味，我自己都食左兩大碗。…Read More

今日去大尾督行山，行完去大埔轉火車，實在太肚餓，等唔到返屋企先搵野食，就去左大埔火車站個新達廣場搵野食，這個商場只有幾間食店，都唔太吸引，見未食過牛氣就試下啦！去到只有三、四檯客，甘我地叫左「嚴選美國牛肩肉」90分鐘放題，唔使二百一個人，牛肉都唔錯，仲有雞腿肉同豚腩肉揀。我地叫左兩個湯底，一個蕃茄，另一個加錢叫左棉花糖湯底，棉花糖個湯底好特別，甜甜地，配牛肉又幾夾。除左主要肉類，佢仲有一個幾多選擇的自助位，飲品任飲，仲有幾款熟食，所以呢個價錢算抵食。這間餐廳食物方面不錯，但服務一般，有待改善！…Read More