經過銅鑼灣好想食日式pancakes 做飯後甜品，間間唔係多人就好貴下，上網搵下有無平民價錢又好味的，又比我搵到喎！
這間I love you 甜品店位置雖然唔算方便，但好值得一試，幾十蚊夠大份又鬆軟的pancakes，去邊到搵到。
首先去到要寫低名等位，店舖好細，所以如剛剛坐滿人，最少要等30分鐘先入到座，入座後又要等30分鍾先有得食，不過真係好值得等。
我地叫左三個唔同pancakes -
1）鮮芒果吉士班戟拿破崙-芒果甜吉士滑拿破崙鬆脆
2）日式紅豆綠茶丸子黑芝麻忌廉梳乎里班戟-芝麻忌廉好正，好重芝麻味，夠滑，班戟係我食過最好食的。
3）蘋果玉桂梳乎厘班戟-這個配搭比較普通，班戟一流。
雖然等位等食用左差不多1.5小時才完成，但我會再來試多幾款味道。
