food.diary's Profile

超過30年歷史的九龍城泰國餐廳，店員都是地道泰國人，試過九龍城附近幾間泰國菜，最鍾意都係呢一間。裝修富歷史感夠地道，食物質素不俗，價錢相對嚟講都係便宜，性價比都高👍🏼，食物水準穩定• 炸蝦餅新鮮彈牙又大件，夠惹味• 必食大圓法包椰皇黃咖喱雞，黃咖喱不辣，甜甜地，而且很香椰子味，配上外脆內軟法包蘸來食，十分開胃，最特別係咖喱有椰肉，口感不錯。 • 泰式燒牛肉做得恰到好處，燒至差不多8,9成熟，但肉質唔會靭、乾• 特飲椰子冰同青檸梳打都還原到泰國街頭市集個種地道風味，泰完美😍…Read More

尖沙咀芋見好圓有賣台灣夜市小食-地瓜球、芋頭球，地瓜球仲係即叫即炸，熱辣辣！除咗地瓜球仲有芋頭球，全部都點嚟試下，唔使等到去台灣先有得食。QQ地瓜球有黃色紫色地瓜，我就比較鍾意食紫色，因為食落甜甜地，另外揀咗加梅子粉更加惹味大甲芋頭球，外面炸到脆脆地，額外加左海苔粉，海苔粉唔會搶咗芋頭嘅味道。如果又想食地瓜球又想食芋頭球，可以選擇可芋不可球，呢個除咗地瓜球仲有大甲芋頭球，一次過滿足兩個願望想食鹹食就可以揀蛋黃肉鬆芋頭球，入面有鹹蛋黃同肉鬆，食完好滿足所有食物都係熱辣辣新鮮製作！芋見好圓旺角、大角咀、屯門、上水嘅分店有台式糖水、麵食，下次有機會再去試吓！…Read More

weekend想同朋友搵地方Hea傾偈，揀咗去土瓜灣新開嘅到dozy, dozy有幾間分店都係以水泥裝修、綠色植物, 感覺好舒適，而且十分寵物友善，近門口outdoor位置狗狗都可以一齊坐，店員都好歡迎狗狗，另外無用餐時間限制，可以同朋友嚟 hea 、傾偈十分適合食物方面，點咗蒜香柚子牛油魷魚八爪魚意粉，楓糖蘋果燕麥美式鬆餅，意粉份量好多，足夠同朋友share，雖然係蒜香柚子味，食落去覺得似咖喱魚蛋味，係好食嘅；pancake 似蘋果批味， 上層有一啲合桃、中間有蘋果，餡料都好多，連埋雲呢拿味雪糕一齊食，好好味。 飲品叫咗Mocha，matcha latte，一邊傾偈一邊飲，過咗一個悠閒嘅週末。…Read More

行完街想搵地方歇下，去試試新開嘅龍糖坊。糖水甜品都好多選擇，樣樣都想食，選擇困難症發作，而佢個”一盤大滿足” 實在太好喇，有齊蛋白杏仁茶、芝麻糊、核桃糊、陳皮蓮子紅豆沙。呢個價錢食到4款(加上4款我都鍾意)，出面食個蛋白杏仁茶都要$4x，陳皮蓮子紅豆沙又好多料，芝麻糊同核桃糊都濃味，真材實料，整體嚟講真係大滿足，唔會過甜，份量可以同朋友share。朋友叫咗芒果河粉，如其他糖水舖嘅河粉，係椰汁味，但龍糖坊呢個唔會太厚，芒果汁好多，椰汁湯底唔會過甜。額外加錢叫多份芒果、雪燕，本身份量已經唔少，加料後有啲誇張🤣🤣，十分好滿足！個人覺得傳統糖水最代表到間糖水舖嘅水平，龍糖坊嘅傳統糖水真材實料，可以encore…Read More

秋田鐵板燒刺身專門店（尖沙咀）尖沙咀天文台圍8號1樓朋友推介咗秋田呢間鐵板燒好耐，今次終於到我去食喇！餐廳有三層，入口已有職員招待。我哋坐1樓，職員安排我哋2個坐四人餐枱，坐得好舒服，而且每枱有師傅即場燒嘢食，食鐵板燒其中一樣吸引之處就係可以一邊食一邊睇師傅煮。餐牌有二人餐同四人餐，價位多選擇，基本二人餐已好豐富嘅食材，龍蝦、鮑魚、鵝肝、和牛，鐵板燒嚟講價錢唔算貴。煮嘢食前，師傅會先展示食材，龍蝦、鮑魚仲好生猛！頭盤有個light嘅沙律，緊接有魚子鵝肝蒸蛋，蒸蛋滑溜。之後開始主菜 龍蝦鮑魚，龍蝦肉燒得啱啱好，肉質彈牙唔會乾，師傅用蝦膏調醬，加少少胡椒。師傅仲表現火燒龍蝦頭、好有氣勢，真係睇到嘩嘩聲！師傅好專業咁指導使用慢動作鏡頭，影得好靚！昆布忌廉南非鮑魚，鮑魚嫩滑！之後就有時令海鮮銀鱈魚，厚切鵝肝，點黑醋食一流，仲有配新鮮菠蘿解膩。之後上埋啱啱嘅龍蝦頭煮湯。套餐仲有和牛，鹿兒島霜降和牛五成熟，厚切和牛Juicy，薄切和牛包住蔥同埋炸蒜片，好惹味！雖然食到呢度已幾飽，但食鐵板燒點少得炒飯、炒野菜。甜品係師傅現煎銅鑼燒，紅豆餡配綠茶雪糕，好好食！食過幾間鐵板燒，都係得秋田有現煎銅鑼燒。整體嚟講，秋田鐵板燒食物質素對得住，價錢，職員服務好好、餐廳環境舒適，唔會嘈吵、價錢豐儉由人，適合同家人朋友慶生或小聚，不妨一試！…Read More

ChaTruMue 原來喺沙田新城市有餐廳！今日去新城市ChaTruMue cafe食晚飯，除咗平時嘅泰式奶茶飲品，仲有甜品、泰式主食叫左signature 湯河 - 泰式安格斯牛肉河,佢個湯底係用牛骨牛腩熬製，超級濃郁，河粉入哂味，加埋嗰幾塊大粉嫩安格斯肥牛肉，配合埋佢哋啲地道泰式香料，真係惹味。另一份主食係泰式去骨海南雞配油飯，味道不過不失，令人眼前一亮嘅係海南雞醬汁，味道確實好地道，撈油飯一流！飲開ChaTruMue既都識揀佢地既泰式斑蘭珍珠系列。今次就揀左一杯泰式斑蘭珍珠特濃紅茶鮮奶，就係鍾意佢茶味濃，配合埋甜甜地班蘭珍珠真係一絕。另一杯就揀咗泰式Cappuccino。最後必然有點佢哋嘅招牌甜品 梳乎厘班戟 同 泰茶千層蛋糕！梳乎厘班戟好軟熟，配合濃郁泰茶醬同焦糖蛋白脆脆，一硬一軟的口感，真係回味無窮。而泰茶千層蛋糕亦秉承泰式茶濃味嘅DNA，泰茶味厚，都有配埋焦糖蛋白脆脆，冇得輸！總結：餐廳嘅泰式主食，同佢地招牌茶飲同甜品一樣都非常地道泰式，令人驚喜！…Read More

今次去新蒲崗仁愛街文青店Wozi窩子餐廳試一試！ 佢地嘅招牌菜式真係大推！首先係香煎牛油帶子配自家制椰子雞湯意大利飯，超大帶子好嫩滑，爽口多汁，再加上香濃嘅椰子雞湯醬汁，味道更加豐富，真係回味無窮！ 仲有佢既double chocolate 梳乎里班㦸真係甜品界嘅王者！重裝朱古力配料（朱古力醬、朱古力脆脆、朱古力條、朱古力碎）完全不惜工本！配上自家制梳乎里班㦸嘅軟滑口感，真係一絕。每一口都帶嚟嘅甜蜜感覺，絕對係甜品愛好者嘅最佳選擇！ 而佢既coffee亦係不可不試，今餐飲既Flat White，豆香fruity 滿滿。Overall 招牌菜式正到爆冇得輸！…Read More

今次去旺角廣華街Black Coffee餐廳，真係好正呀！佢嘅招牌菜式真係大推！首先係佢嘅自家制煙燻豬腩配黑啤意大利飯，仲有乜嘢比得上煙燻味同黑啤嘅組合呢？！豬腩好嫩滑，一入口即化，再加上香濃嘅黑啤意大利醬汁，味道更加豐富。真係叫人回味無窮！ 仲有佢嘅手打牛肉同原隻大啡菇漢堡配脆薯，話真係好滿足味蕾！牛肉好juicy好多汁，加上新鮮嘅大啡菇，口感更加豐富。漢堡內嘅配料好豐富，再配上鬆軟嘅竹炭漢堡包，每一口都係享受！加埋一份脆薯，完美啦！ 最後，提拉米蘇日式梳乎里班㦸真係甜品界嘅王者！提拉米蘇濃郁香滑，配上日式梳乎里班㦸嘅軟滑口感，真係一絕。每一口都帶嚟嘅甜蜜感覺，絕對係甜品愛好者嘅最佳選擇！ 飲品方面，佢既手打白桃冰茶係一定要試嘅！冰涼清爽，白桃味道濃郁，好解渴又好好味。 Overall 招牌菜式正到爆冇得輸！…Read More

大概每星期去1次，諗唔到食咩又想同朋友傾吓計。今次食牛肉碎寬條麵，份量足夠，鍾意佢係handmade意粉，口感比較彈牙。餐飲係冰茶，可以少/走甜及冰，但始終都係比較鍾意以前嘅茶放一舊橙。…Read More

喺灣仔一帶返工都係第一次食Fin’s。2個人食，今次試左mushroom pizza同避風塘炒蟹意粉，先講pizza, 薄餅皮唔會太厚，芝士味又份糧夠。避風塘炒蟹意粉都幾正，係避風塘炒蟹果啲炸蒜撈意粉食，蟹肉個份量都足夠。…Read More

我同朋友去咗厚福館黃埔店食火鍋，揀咗「野生A級蚌刺身&即劏驏牯肥牛二人盛宴」。火鍋首先係簡湯底，老實講呢間野真係有好多選擇，套裝原設定係清湯底，但你可以比錢升級靚湯底，悉隨尊便，靚湯底有好幾款，本身真係好想試，有原隻巨頭蝦x2加精製龍蝦湯、真．龍皇巨頭蝦出巡龍蝦湯、真．金山翅煲雞湯底、真•足料佛跳濇、日本昆布蛤蜊清湯、豆腐津白魚頭湯底、野生姬松茸野茵湯底同甜蟹肉冬瓜海蜆湯蜜，仲可以揀兩款湯底雙併。不過最後我哋就平平地揀咗蕃茄薯仔豬骨湯同冬菇瑤柱湯底。講返呢個二人火鍋套餐，用料真係一流！先講下前菜，有好多高級食材，包括時令海膽同加拿大野生A級象拔蚌刺身，超新鮮唔腥口，當中最特別既係海膽附上日本紫菜佐住食，好鬼地度。再講下招牌主食，有特盛鮮活海鮮併盤，有串蝦、龍蝦尾、花甲、蟶子，份量算適中，鮮活質優，冇得輸。而招牌手工丸餃併盤就有黑松露餃、韮菜餃、手打蝦丸、手打墨魚丸。當然仲有鎮店靚牛肉雙併 - 唔係講笑，因為係即劏騸牯肥牛邊抓位，每一塊牛都味道濃郁，加上豐富油香既手切嘅靚牛頸脊，真心食完想番焯。唔少得有日本讚岐烏冬撈湯作結。最後甜品方面，就有香港製造特色雪糕，可以揀曲奇、朱古力、豆腐同芒果四款口味，因為食得飽，就清清地簡芒果味雪糕埋尾。總括嚟講，厚福館黃埔店嘅火鍋可以話同佢既總店平分秋色！湯底選擇多，用料上乘豐富，環境算舒適。如果你鍾意火鍋，真係要試吓呢間餐廳。絕對唔會令你失望！…Read More

平時去友利食開燉湯餐，今次想食西餐，叫左軟殼蟹羅勒蕃茄意粉，味道同賣相都幾好，蕃茄汁份量適當，意粉唔會dry, 而友利嘅嘢食一向份量都足夠，但如果軟殼蟹再大隻啲就更好。…Read More

灣仔薔紅馳名嘅燒春雞真係好抵食，啲肉嫩滑，不過係會有啲油膩，午餐去食，份量足夠，平日Lunch去食都好多人排隊，所以唔好太晏去，食完離開餐廳嘅時候出邊都排晒長龍,灣仔名物…Read More

墨魚馬蹄餃子係山東小城招牌菜，所以嚟到一定要試吓，的確幾好食，喺出邊其他餃子舖冇食過、無得食。另外都有試到羊肉餃，都係好食但就覺得冇乜特別。山東小城嘅餃子皮口感有少少煙靭、唔會過厚。其他山東餃子店嘅皮只會覺得好厚皮，餡料少。…Read More

最近去咗elephant Ground lunch, Menu食物嘅選擇都唔少，今次試咗豬扒三文治配薯條，份量好足夠，食物味道幾好，三文治有蕃茄同菜，整體唔會好乾，豬扒唔會炸到乾。另外再加一杯咖啡，食完真係好飽好滿足。…Read More