龍糖坊 (好利時大廈)

Open Now

Now Closed

行完街想搵地方歇下，去試試新開嘅龍糖坊。糖水甜品都好多選擇，樣樣都想食，選擇困難症發作，而佢個”一盤大滿足” 實在太好喇，有齊蛋白杏仁茶、芝麻糊、核桃糊、陳皮蓮子紅豆沙。呢個價錢食到4款(加上4款我都鍾意)，出面食個蛋白杏仁茶都要$4x，陳皮蓮子紅豆沙又好多料，芝麻糊同核桃糊都濃味，真材實料，整體嚟講真係大滿足，唔會過甜，份量可以同朋友share。朋友叫咗芒果河粉，如其他糖水舖嘅河粉，係椰汁味，但龍糖坊呢個唔會太厚，芒果汁好多，椰汁湯底唔會過甜。額外加錢叫多份芒果、雪燕，本身份量已經唔少，加料後有啲誇張🤣🤣，十分好滿足！個人覺得傳統糖水最代表到間糖水舖嘅水平，龍糖坊嘅傳統糖水真材實料，可以encore