spampork's Profile

女友生日, 諗住特別D去這間日航的法國餐廳食Semi-buffet, Buffet就食得多, Semi-buffet就第一次食, 六點四十五分到左, 到counter攞位, 原來它的counter不在大路, 而在Serena側, 入到去只得10張枱左右, 每枱放了一個燭台, 都幾浪漫, 這點可以加點分, 侍應很快比了餐牌我們揀主菜, 但係沒有燈光很暗, 只得靠燭光看Menu, 字印得很細, 看到一個用好似用金色字印的寫著龍蝦Pasta之類的字眼, 於是就點了一個鱸魚及一個龍蝦Pasta, 侍應覆了我一次說, 龍蝦Pasta要加$250, 嘩!原來要加錢, 仲要$250緊係唔食啦! 即改其他, 由於是Semi-buffet 所以只設Salad bar及Dessert bar及小量凍食壽司, 襯主菜未到出去睇睇, 看見Dessert bar 有焦糖燉蛋, 毛司蛋榚全部都細細杯, 最好食是Tiramisu, 食了五六杯, 凍食有長腳蟹腳, 蝦, 煙三文魚, 巴馬火腿, 食了很多巴馬火腿同煙三文魚, 長腳蟹無乜特別, 其他久奉, 等了好耐, 主菜到, D魚又鯹又多油, 仲難過自已煎的表魚扒, 餐湯係金寶磨湯, 只要加了少許帶子及mussel, 面包好硬, 連雪榚都無杯, 埋單位位$548, 即$1096兩位, Openrice Rice coupon七折, 再加一即$876.80, 好似無乜野食過落肚, 出去再食過。P.S. 下次都唔會再食Semi-Buffet! 搵笨居多! 不如食Set meal套餐好過!…Read More

聽聞很久的檸檬車露,今次真的有機會嘗一次, 去到已經有一大班人圍住了, 相比前面的Haxxx Daxxx就比較冷清, 心想必定有其能耐之處, 幾經辛苦, 要了綠茶味及馳名已久的的檸檬車露, 檸檬車露味果然名不虛傳, 檸檬味很出, 酸酸的,而綠茶味亦很真, 並不做作, 一個字, 正!…Read More

在大堂巷吃完檸檬車露雪榚, 又想食一些咸野, 女友聞到有牛雜香味傳來, 我便到處尋找, 但發覺大堂巷共有三間賣牛雜的小店, 最後發現一間有兩部抽氣扇抽出香氣的小店, 所以肯定香氣是由這裏傳來, 名叫錦華牛什, 佢地有$15細碗及$20大碗,我就叫了大碗的, 等了片刻阿姐做好了, 我便同女友坐在路中的石櫈上享用, 它的汁有點咖喱的啡色, 應該是咖喱汁, 但阿姐說這是香汁, 食落都幾淋, 很易入口, 味一是很濃烈, 不能說是很好食, 比起香港的實有點遜色, 但都ok, 不消一會便吃完了, ok掂的! …Read More

每次去到尖沙咀都會黎呢間位於尖沙咀食街的厚福街食越南菜;原因不外乎大件夾抵食,那晚七時到達好彩仍有一檯卡位,同Honey叫了法式牛柳粒紅飯;炸蝦餅飯;馬拉盞炒通菜;火箭煆春卷;青檸梳打;菠蘿蜜冰;越南春卷;先講越南春卷;是用春卷反包著炸成外脆內熱有豬肉粉絲;而火箭蝦春卷是用功夫較多的米網做成;甘香脆口;內為脆口蝦肉;好味!牛柳粒紅飯;飯粒帶香濃番茄味;牛柳粒香口;蝦餅也不錯;馬拉盞炒通菜大碟入味;下次會再幫襯!…Read More

今日行開土瓜灣有食街之稱的北帝街;突然想起這裏有-l—間竹昇蝦籽麵;便即時上Openrice搵地址;原來就在金雀會隔離;入到去不是很多人;急不及待叫了雲吞蝦籽撈竹昇麵;在我前面一張檯;有一個阿姐在摵大地魚;有個男人走過去個阿姐度;吩咐佢千祈唔好將魚頭同魚身放埋一齊;我諗呢間鋪緊係用大地魚餚湯:等了約5分鐘;麵到了;佢地將麵、蝦籽同雲吞放埋一碟;小碗清湯另上;麵沒有像澳門祥記加了豉油王;蝦籽都很多;先試清湯;嘩!好香好甜;再夾麵食!仲正!麵彈牙爽口絕不須用豉油王做掩飾;蝦籽咬落卜卜聲;好香呀!講多無謂;自己睇相啦/…Read More

由大馬路入清平街轉入福隆新街便見到這間賣竹昇蝦子面的祥記麵家了;入到去已座無虛設;我們被引領至卡位搭檯很迫;叫了兩碟招牌蝦籽撈面;不消多久;兩碟如CD碟大少的面被捧到我們面前;急不及待夾起來食;不見蝦籽鮮味;只有用走撈面用的豉油王苦味;兩注入口已被消滅怠盡;埋單即走;無下次;賣$23很貴;後悔不吃坑腩河!…Read More

同女朋友食完勝利豬扒包後;便出番大馬路過對面;再食義順雙皮奶;去到餐牌也不用看了;就叫了馳名雙皮奶;侍應啊姐問我地要凍定熱;我緊係叫熱啦;不過啊姐話熱的要耐少少;唔緊只要好食就得了;等待過程中見到伙記不斷車一桶桶的容器入店內;我說應該是佢地自我標榜自設牧場的牛奶掛;雙皮奶到了;望落面頭有一層衣;雙皮奶食落好香好滑;正;不過好細碗;賣18蚊;有少少貴…Read More

上午11:20到門口, 不得其門而入, 因為開中午12:00, 覺得做生意做得頗為招積, 不過唔緊要, 為左食好野, 等半個鐘又算得係乜呢, 等到12:00, 開舖就一馬當先, 叫了個蝦籽撈面, 當碟面到了面前, 一睇, 嘩兩注都夾曬啦, 食落去, 覺得撈左落去d面既豉油皇, 有D苦味, 唔掂, 仲賣成23蚊碟, 食完找數即走, 無下次, 如果唔係黃X記這兩天休息, 根本唔會黎!…Read More

第一日到澳門, 到酒店Check-in後, 第一件事就係醫肚, 人地話勝利茶餐的豬扒飽好食, 我便慕名到來一試, 這間在新馬路前行, 營地大街與新馬路交界處, 向左轉第二間舖, 就是勝利茶餐了, 當時約下午1:00, 正值食飯時間, 入面坐無虛設, 花了一分鐘搭枱, 叫了豬扒飽, 飽不是做定的, 而是落單即做, 所以要等成10分鐘, 當豬扒飽到了, 被切了兩半, 豬扒是吉列豬扒, 被脆豬皮豬仔飽夾著, 豬扒是厚切的, 一口咬落去, 感覺鬆軟, 脆而有淡淡的香味, 豬扒炸得不乾, 仍有Juicy, 真很好味, 搞到我臨走王Encore兼打包番香港食, 自已睇相啦!…Read More

今日到榮暉度食早餐, 先至去其他景點觀光, 叫了馳名雞湯米, 雞湯是用新鮮雞做的雞湯, 用料十足, 有雲耳, 杞子, 雞湯, 雞肉做,上面鋪了很香的芫茜, 雞肉入口嫩滑, 講多無謂, 自己睇相啦!…Read More

見到呢度咁多食評都話好食, 所以同女朋友去試下新野, 晚上6:00去到, 竟然唔駛等位, 就入座先, 跟住到Cashier睇下有乜野食, 同女朋友揀左個鮮露笋芝士煙肉意粉, 一杯焦糖咖啡, 自己就揀左芝士石班焗飯同Cappucino, 比完錢, Cashier比左一個有號碼的牌我, 放在枱頭上, 等侍應送餐來, 我同女友坐在有沙發的餐枱度, 有點家的感覺, 等了大約15分鐘, 餐送到了,鮮露笋芝士煙肉意粉的露笋好像韮菜花的莖咁幼, 唔似露笋, 但食落D意粉軟硬適中, 有不太濃烈的芝士及煙肉味, 比XXXXfrancx的好食, 至於芝士焗石班焗飯, 石班真的是石班, 不是越南鯰魚, 很是鮮甜, 由於厚切, 很有口感, 份旺亦很足, 焦糖咖啡好滑及有焦糖的淡淡香味, Cappucino沒有甚特別, 環境總括來講都很舒適, 由於就在文化中心地下, 我還見到導演楊凡同朋友在用餐, 老實講, 百二蚊左右就可以在尖沙咀的中心地帶用晚餐, 對我呢D沒有家底的後生仔來講, 實屬難求…Read More

本來同女友諗住去山度士食葡國菜, 但係見到鬼死咁多人, D枱好迫, 坐到好似磨肩擦背, 仲要等幾張枱, 去旅遊都係想開心o者, 何必比錢人洗都要咁辛苦自己喎!, 於是放棄去了官也街後便的一條乜野"施督欠正街", 見到一間有熊貓標誌的食店, 呢間野全完係難搵又唔起眼, 但經驗話比我聽, 好食的地方往往都是唔起眼的, 胆粗粗入到去只得一枱坐了8個人的枱, 無客, 我同女友就坐了右手面的卡位, 好大張, 枱同枱之間有5,6呎距離, 私穩度高, 咁先至係情侶黎的地方呀嗎, 叫了葡式沙律, 葡國燒乳豬, 仲有炸馬介休球, 又叫了一杯紅酒賓治, 嘩!好好飲, 咁大杯都係$22, 抵飲, 沙律係同Salad Dressing分開上, 自己撈, 好食, 馬介休球炸到外脆內軟, 好食, 最係等了成20分鐘的燒乳豬黎, 真係落單即做, 伴以鮮炸薯條, 乳豬共6件, 但係好大件有肉, 兩個人食o岩o岩好, D皮脆到仆仆聲, 好入味, 一個字"正", 埋單只須$299, 抵食, 好過食D乜野搵笨蟹粥, E+我地番到香港仲好回味, 有機會一定會再去食過!…Read More

何文田廣場的文香園真係好唔掂, 那天叫了個黃咖喱雞飯, 心想套餐連凍飲都要成$32, 在何文田屋村地方實在太貴, 不過麥當奴多人到迫都迫唔入, 在無乜選擇, 及趕時間下, 才在這裏食, 果碟飯一黎到, D雞得果四舊, 仲要係雞轉彎, 雞背, 雞肶頭, 全部無舊有肉, 唯有靠D汁餸飯啦, 點不知D汁咸到無倫, 唯有硬食這碟豬稍, 發誓以後都唔會有番單!…Read More

揚州炒飯用特殊炒法,令大量水份被鎖死在飯粒內,入口即溶化,對消化不良的我甚為受落,飯粒當中夾雜些少叉燒及蛋,對力求清淡的我,又有一種受到又一次照顧的感覺,最是一題就是什扒飯,都是由一些已預製好一大盤,外表樸實烏潤的豬扒煙肉所組成,份量很足,對力求追求廉價蛋白貨的青年,實在無與倫比!…Read More

今天星期日去到,可能係Lunch Buffet關係,已經見到好多C9一家大細到左場,個場好細,中午收9X多元可能已是數一數二最平既Lunch Buffet了,末開始D人已經四圍行認定首先殲滅的目標了,終於開始了,嘩!D人好似餓左好耐咁,一湧而上,即時進佔所有食物台,擠到密不透風,好似盂蘭輪大米咁,我見到D人將D蜆,同埋D吞拿魚刺身成盆倒入個碟度,罧到成坐山咁高,有個男人仲犀利將四分一既火腿腸撥了入個碟度,跟住仲同個仔講,好彩我係度食埋你個份咋,如果唔係就唔底啦!侍應上了一條石班上台,輟一聲已經變左條魚骨,侍應換了約三大條石班但係都唔夠餵飽呢班如狼似虎既食人倉,Refill快都無用,食物方面都算幾多,有炒蜆,炸魚,豬皮魚旦,碗仔翅,木瓜魚尾湯,白湯,Jelly,Pan Cake,煎釀三寶,炒麵,檸茶,汽水任飲,吞拿魚刺身(有骨),壽司,經理同侍應好辛苦,D人係度搶野食都係度維持秩序,猛咁勸喻大家唔好爭,仲有好多刺身同壽司黎緊,雪榚係雀巢公司出品,不過我就唔會再黎食,因為D食物主要是中菜為主,而且比較平實一點,就如沒有Tiramisu同焦糖布甸,換來的只是香蕉榚,迷你果撻仔,如果只想大而無當的這未嘗不是一個好的選擇,但我卻喜歡西式及精品一點的食物,如平時較少吃到的日本冷麵,蕉糖布甸,但我觀察所得個班街坊食客都頗滿意,個個人都捧著大肚子離去,熱鬧氣氛都不錯的!…Read More