mabelho2112's Profile

同屋企人同埋朋友食左兩次，試左兩種丼飯，兩次都係好正嘅體驗!成間店淨係賣天婦羅丼，有三種，睇你想食穴子(即係鰻魚)定鱚魚定係舞茸。我第一次係平日晚上6點就到左，如果齊人基本上都可以直接入去，慢慢就開始出現蛇餅，大槪6點半都好多人了。如果唔想排隊排好耐就早D食晚飯吧? 另一次就係星期五下晝兩點去，都排左一陣，大槪廿分鐘。第一次食真係一定要食江戶前天丼，有穴子個款，鰻魚好大條，大過我隻手，好甜，好脆，粉唔係好厚，所以脆得黎我更多係食到啖啖魚肉。佢嘅天婦羅已經有醬汁係上面，飯都已經有汁，所以冇另上醬汁，但侍應哥哥話唔夠都可以問佢地拎。雖然佢點埋醬俾你，但舊天婦羅都係脆的，正。紫菜天婦羅都好正，好想要多塊，蝦就唔係好大條，但食落唔似雪藏貨，幾甜。天婦羅蛋又係超正，蛋黃濃濃杰杰，撈飯一流，兩次食隻蛋都係差不多質素。個飯入面嘅米飯其實唔多，因為個碗雖然大，但唔深，另外成個飯最令人遺憾就係D米，唔係靚米，如果用埋靚珍珠米就好啦。另一次就係試左上天丼，但食過穴子，鱚魚就唔夠吸引了，大概手掌心大，冇鰻魚咁鮮甜咁好食，但都係好脆，連魚尾都可以食。另外連餐嘅湯就係正常味噌湯，有豆腐海帶，而小菜有酸薑片同牛蒡，我兩款都嘛嘛地。話說同一張枱第一個飯上嘅時候，侍應會同你講建議食法，幾貼心。…Read More

住大窩口的朋友帶我來這間餐廳食飯，話好抵食。一入黎就見到裝修好有氣氛，橙黃的燈光，仲有好多日式裝飾品同一個好大嘅多啦A夢。呢度就算係夜晚，一個套餐，有湯有飯有沙拉有蒸蛋都係$75，朋友叫左拉面就要$78，我個人覺得套餐吸引D, 咩都有~隻杯都係日本風，仲有店名嘅元字。溫泉蛋牛舌飯套餐($75)，有味噌湯,牛舌飯,細碗沙拉同茶碗蒸，好大份。味噌湯就正常水平，熱辣辣都OK好飲。沙拉都正常，菜都OK新鮮，爽口嘅，醬汁酸酸地幾開胃。重點嘅溫泉蛋牛舌飯幾好食，牛舌有6大塊，入味，肉質偏軟腍，拮穿溫泉蛋，蛋黃流出黎，再拌上蔬菜、蟹柳、黃蘿蔔同飯都已經好好食，再加上牛舌真係好滿足。茶碗蒸好滑，我個人好鍾意食茶碗蒸，呢個都幾好食。朋友叫左豬軟骨拉面($78)，有兩大塊肉同糖心蛋，朋友話都OK好食，肉好腍，蛋入味，成個面唔會太咸，但佢都覺得套餐吸引D，話下次想食返套餐。…Read More

星期六加銅鑼灣，兩個條件加埋本已預計食飯一定會傷荷包，但竟然同朋友搵到呢間又抵又好食嘅泰菜，超幸運!店內環境不錯，仲有架泰國篤篤車，好有泰味。星期六仲有午市套餐，仲要只係$60，有飲品，更送甜品，我同朋友大呼神奇，良心午市。泰式炒金邊粉($58)，好食，蝦爽，碟邊有辣椒、花生碎及糖，混合一起更惹味。黃咖哩焗雞飯($58)，好多汁，雞肉份量都唔少，四五件大大件，咖哩汁偏甜味、椰汁味，好味。加左個沙爹串燒($68)，兩豬兩雞，熱辣辣，沙爹汁香濃，我和朋友覺得豬肉好彈好好味。雖然有套餐有甜品，但我們都係加左個芒果糯米飯($60)，超正，椰汁好香，夠稠，掛在飯上好香。有白、紅兩款糯米，我覺得紅色更香，芒果好甜，好滿意呢個甜品。跟餐甜品都唔hea，係好好味嘅椰汁西米露，好香椰味，唔係死甜，西米都煮得剛好，好欣賞呢間店嘅食物。跟餐飲品，都OK，奶茶都唔錯。成餐食到好飽，平時黎簡單叫個套餐都好足夠，性價比高，食物好食。…Read More

晚餐時間來到朗豪坊，驚覺這間日式洋食甜品店原來有供應晚飯，於是便和朋友一試。Menu好簡潔，因為是和洋食，主要選擇都是意粉，有一款是日咖哩($98)。我個人很喜歡日式咖哩的調味，便叫了一個，朋友則要了蕃茄大蝦青口意大利麵($118)。另外加了沙拉和飲品。當日的咖哩是野菜咖哩，上菜時看到覺得好搞笑，造型好有趣，食落好食，好多蔬菜，有著通嘅薯仔紅蘿蔔，仲有秋葵、蕃茄、西蘭花，好健康，咖哩汁好合我口味，微辣，有蔬菜嘅甜，而且好夠份量，啱哂我呢D撈汁人士。沙拉都不馬虎，蔬菜新鮮，仲有紅火龍果，色彩好靚，醬汁微酸。另有一塊香脆面包及少許漬物作配菜。朋友叫的蕃茄大蝦青口意大利麵，大蝦煎過，很香，而且夠大隻，整份餐點都很好吃。我點了凍檸茶，朋友則叫了熱檸茶，整體造型是熱檸茶大獲全勝，一組茶具上來，感覺優雅，打卡必備。…Read More

又一次同朋友嚟呢間日本餐廳食dinner，完全冇令我失望!平日晚市7點半來到都好滿場，好彩仲有位~前菜呢個火焰左口魚邊牛油果沙津($68)酸酸甜甜咁好開胃，而且黑松露嘅味道好香。白身魚薄切二點($118)好新鮮，口感清爽，係白身魚特有嘅食感，好味。我最鍾意都係黃金海膽炒飯($118)，好夠份量大碟到我地三個人都食唔曬，炒得又入味，海膽為飯增添了更強鮮味。芝士厚燒玉子($58)我都好鍾意，啲芝士夠香，啲玉子又冇燒得太乾，同餐牌圖一模一樣，誠實佳作!三款戀系列壽司都好靚，好大件，海膽拖羅蝦戀($48)、章紅魚海膽花戀($32)同芒果花之戀($23)，件件都好鮮味，挑選嘅海鮮配搭得好正~最後個鰻魚牛油果班戟($98)有啲似fushion菜咁，好少響其他餐廳會見到呢種菜式，值得一試!今次呢餐飯整體嚟講好好味，價錢OK~會再Encore!…Read More

睇電影前同朋友一齊食個飯先，見到呢間望落都幾骨緻嘅食店，就決定入去食返碗雲吞面。我叫左款招牌推薦手撕雞絲擔擔面($43)，朋友就叫左薑汁椰菜豬肉雲吞麵($39)，另外加左個香煎脆脆韮菜餅($33)。薑汁椰菜豬肉雲吞麵有7粒大大粒雲吞，皮薄餡靚，雲吞肉餡好鮮甜，大大碗好滿足。手撕雞絲擔擔麵，雞絲好足料，湯底咸鮮，配上芝麻花生碎，微辣香口，加上小小佢地自家制嘅辣菜圃成碗面更香辣好味。香煎脆脆韮菜餅有5件，件件都好香脆，上枱時熱辣辣，食落好香口。茶亦係呢間店自家制出品，主要係健康養生飲品，不論配辣或是炸野都好夾。朋友叫左羅漢果野生靈芝，飲落清甜潤喉，可以解辣。金橘檸檬蜜酸酸甜甜，都係潤喉解辣嘅味道。…Read More

拉麵癮起，拉埋朋友去麵屋武藏食拉麵醫肚，之前已經黎過食晏，今次就黎食晚飯。7點來到，店入面都好多人，店面整齊企離，剛好有人離開，我便同朋友坐在卡位，都幾舒適。我們要了兩個拉麵和幾個小食，包括朋友點的虎尾拉麵及我點的白叉燒拉麵，還要了個沙拉、玉子燒及春卷一份。虎尾拉麵($78)有一大塊肉及長長的虎尾腸，朋友表示麵湯味道是豬骨湯，較為濃厚，麵爽口，是較直的類型，掛湯力一般，配上濃湯咸淡適中。肉的部分肥瘦相間，口感鬆化，虎尾腸很長，大口大口咬的感覺很爽，糖心蛋的蛋黃也有漿糊感，是肉食獸之選。白叉燒拉麵($78)上的叉燒大大片，很柔軟，如果可以追加肉就好了。麵湯和麵條和虎尾拉麵一樣，也有糖心蛋，所以選哪一款就視乎個人喜歡有咬口一點或是柔軟的肉。極上野菜沙拉($62)的沙拉汁令我印象最深刻，因為它有淡淡芥末的味道，非常清爽醒神，用了很多種蔬菜，甚至還有士多啤梨，可以調整拉麵的咸味及厚重感。明太子玉子燒($48)很大份，玉子燒有高湯的鮮甜味，加上咸鮮的明太子醬，尤其我同朋友也很愛吃蛋，下次會再encore~魷魚海老棒春卷($39)香脆，造型很方便入口，吃得出蝦的爽口，但吃不出魷魚的存在，有點可惜。菠蘿特飲($15)正常的菠蘿果汁味，杯內有數塊菠蘿，收貨。雜果特飲($15)味道不錯，fruit punch感覺，有椰果，同樣收貨。食左好滿足嘅一餐~搵日要再黎~…Read More

放工和友人吃飯，大家又累又餓，隨意找間餐廳醫肚，呢間聚好冰室水平出乎意料不錯!餐牌上菜式種類頗多，但晚市時間當然要叫小菜才對，我們三個女生就要了一個椒鹽鮮魷、啫啫雞煲和XO醬海鮮炒飯。由於實在很餓，我們再點了三個蛋撻，馬上蛋撻就來了，酥皮底香口，不會太厚，蛋滑也有蛋香，好食。飯前送的例湯也很足料，大大碗，湯都鮮甜，唔係味精貨。椒鹽鮮魷($77)上有乾蒜，面衣薄，脆的面衣配上彈牙魷魚，再加上椒鹽惹味，蒜香更是畫龍點睛，成碟菜好香口。啫啫雞煲($78)熱辣辣上菜，雞肉好滑，醬汁濃郁掛在雞上，超好送飯，下次再黎可以encore!XO醬海鮮炒飯($61)料頗多，有魷魚、魚柳一大片、蟹柳等，好大碟，同樣係惹味派，雖然好好食，但下次黎食小菜都係叫白飯好D，咁用汁撈飯都可以啦。整體黎講小菜份量冇呃秤，三個人食左200幾蚊，晚市算係咁，呢間餐廳都不失為平日食飯嘅好選擇。…Read More

我個人好少食泰菜，了解不多，今次有朋友約我食下新野，我梗係跟上去，等佢發板介紹D正野俾我。呢間餐廳係尖沙咀，位置就腳，隔離就有個大商場可以行街，食飽飯之後即刻有娛樂~我地一行4人，叫左個小食拼盤、燒黃鱔、馬拉盞通菜、雞牛豬串燒、蒜茸雞翼同菠蘿炒飯，我叫左杯芒果沙冰，有個朋友叫左個椰青。芒果沙冰嘅芒果味好濃，但唔人工，沙冰好滑，啜一啖凍冰冰嘅沙冰，望一眼尖沙咀街景，覺得心情舒暢。椰青水好清甜，椰肉好軟好甜，粒椰青個口開得好靚又夠大，我同朋友係咁刮D椰肉食。呢個小食拼盤好澎湃，大大碟，有春卷、蝦餅、肉碎生菜包、魚餅，咩都有得試下，我最鍾意個春卷，夠香脆，個2種醬汁都好正，紅色係正常好味嘅泰式酸辣醬，黃色係帶有檸檬柚子香酸酸甜甜嘅醬，兩款都好味、襯到D小食。肉碎生菜包嘅肉碎香辣惹味，都唔錯。燒黃鱔係成餐飯入面最正嘅一味菜，唔好睇佢其貌不揚，但其實燒得好好，邊邊嘅魚皮有小小焦脆，內裡嘅魚肉香軟，面嘅魚皮柔軔，配合附在魚上甜甜嘅醬汁，我地食完係想encore!蒜茸雞翼不過不失，有滿滿嘅蒜茸，連埋乾蔥蒜同洋蔥好香口，雞翼都入味。雞牛豬串燒入面我最鍾意豬肉串燒，微甜嘅調味，有彈性唔鞋口嘅肉片又有D厚度，好味。馬拉盞通菜又係好香口，馬拉盞個種海鮮嘅咸鮮味，又有D辣辣地，通菜梗爽口，通菜葉吸哂醬汁嘅味，真係配飯一流，唔鍾意食菜嘅我覺得自己可以食哂呢碟菜。菠蘿炒飯普普通通，上面嘅肉鬆為佢加分不少，令個飯濃味左。食完呢餐，對泰菜多左D認識，下次再黎試下其他野食~…Read More

今日去佐敦搵食，試試呢間Plato Cafe & Bistro，食身為食肉獸嘅最愛--扒!我地一共三個人，就叫左個二人餐同一個套餐。二人餐有餐湯面包、白酒煮蜆、煙三文魚凱撒沙拉、兩份主菜同兩杯飲品。主菜要了一份安格斯西冷、一份安格斯肉眼，飲品要了普通的凍檸茶，另外加錢要了兩份甜品。另外的套餐只包餐湯面包、主菜及飲品，要了西班牙黑毛豬鞍架及芒果草莓茶。先來了每人一份的南瓜湯及面包棒，湯有南瓜甜香，面包棒不過不失。白酒煮蜆不錯，蜆肉鮮甜飽滿，數量不少，3人每人也有3-4隻。煙三文魚凱撒沙拉也很好吃，蔬菜切成了小塊，不會小得失去蔬菜的爽脆感，只是方便了女士們可以優雅進食，不用大張嘴巴。沙拉中的面包粒香脆，配上煙肉脆粒和芝士的咸香，讓我們很快便吃光了整盤。安格斯西冷是兩款牛扒中更出色的一款，叫了五成熟，而牛扒的熟度剛好，肉上那一層薄脂肪很甘香，牛肉軟而不失口感，不配醬也很好吃。跟扒的醬汁有酒香，配上又是另一番香味。安格斯肉眼也叫了五成熟，比較西冷，肉眼更有口感，跟扒的醬汁和西冷的一樣。這份扒質素不差，只是本人更愛西冷扒脂肪的甘香^^西班牙黑毛豬鞍架令我很驚豔，豬肉有彈性，煎得剛好，帶一點脂肪，很香，調味適當，配的醬汁很合，推薦這款!芒果草莓茶有點太甜，還是普通的檸茶更好喝。甜品正常，份量OK，我更喜歡Tiramisu，但它的咖啡酒香不濃，不過不失的好吃。整體來說，價錢合理，食物味道值得一讚，下次會再來~…Read More

對常常在荃灣出沒的我來說，愉景新城是我比較少去的商場，也不太了解裡面的食店。今次是約了朋友來逛街和吃晚餐，正巧是萬聖節前夕，chef's stage kitchen的裝潢比較暗，富有情調，配上南瓜頭裝飾，有心思地應了下節。我們二人點了一份墨魚汁鮮帶子海蝦扁意粉和炭燒美國天然極黑厚切黑豬鞍排，跟了套餐，飲料則要了2杯特飲。套餐包了湯或沙拉，我們都要了湯，當天供應的是南瓜湯，湯很香滑，吃很出濃厚的南瓜甜味。同時附上還有的面包和餅乾棒，面包很棒，烘得外面微脆，香草味增加了風味，籃中的醬料和面包很搭。墨魚汁鮮帶子海蝦扁意粉份量很足，墨魚汁鮮香濃郁，濃稠地沾滿每根意粉，上面的鮮蝦和帶子都很新鮮，我和朋友是一口接一口的吃，吃的嘴巴都是黑黑的。豬胺排厚度十足，煎的很好，肉保留了肉汁，雖然厚卻不乾硬，有豬肉的彈性，調味也不錯，即使不沾汁，味道也夠。飲料方面，我點了Pineapple mango，水果的味道很平衡，冰沙夠滑，沒有大塊冰碎，有熱帶風情，味道清新。朋友叫的blueberry banana, 冰沙也是很滑的，顏色夢幻，味道方面香蕉味較重，甜度比另一杯pineapple mango低。整體上，我們都對這間餐廳的食物很滿意，由餐湯到主菜到飲品，味道都是一流的，份量也足夠，環境乾淨舒服，是可以再來的餐廳^_^…Read More

星期四晚上約了朋友見面，大家都忙，難得見面想要多聊一會，就找了個好坐的地方吃飯聊天。這間餐廳位於一個安靜的小商場，佈置都是走文青風，四周的裝飾都是些postcard、書籍、畫之類的。隔邊還有間文創精品小店，整體風格走文青cafe感覺。餐廳是自助形式的，自行入坐，點餐後等圓形"咇咇機"響，就自己出去取餐，等10-15分鐘就有得吃了~我和朋友二人叫了黑松露汁雜菌意粉、牛油果香草包配乳酪沙律和水牛芝士巴拿馬火腿番茄醬披薩。黑松露汁雜菌意粉很香濃，有黑松露和芝士香，味道很夠，雜菌很多，面的份量也不少。牛油果香草包配乳酪沙律，香草包外脆內軟，牛油果和芝士、蔬茶配搭的口感很好，和面包一起吃口感有層次，味道較清新。沙律的乳酪醬附上玉米片，還蠻合的，蔬菜爽口，不錯。水牛芝士巴拿馬火腿番茄醬披薩，量又是很足，餅底薄脆，蕃茄醬酸甜，水牛芝士大方給，每片上都有一大塊，配上火腿滋味十足。整體而言，這間餐廳的食物味道很好，分量頗足，我和朋友2人吃剩了半個薄餅，問店員拿了外帶盒子帶回家了。因為是自助式，服務方面沒甚麼特別好或差的。店的面積頗大，開放式空間的感覺，很適合大家聚會聊天!…Read More

來到天水圍搵食，全因朋友第一次出糧，大家開心慶祝一下~這間日式餐廳裝修有格調，牆上壁畫氣勢十足，環境亦十分舒適。餐牌封面頗有日式風情。這裡提供的餐點款式豐富，有刺身鍋物串燒，也有不同款式的清酒，連生蠔也有提供。我們最後點了一個極上自選二人套餐和一個薯條，豪食一餐!首先上了刺身拼盤，點了三文魚、甜蝦、和特大海赤蝦，盤上的碎冰保持了魚生的溫度，三文魚有厚度，口感柔軟鮮甜，食得出用料新鮮，甜蝦也是鮮味十足，特大海赤蝦真的十分大隻，一口吃下滋味令人十分滿足。炸雞野菜沙拉，沙律菜爽口，沙律醬汁有芝麻醬香，炸雞也頗香脆，好吃。牛肉鍋一上，我和朋友都嚇一跳，鍋中有滿滿的蔬菜，上面鋪了滿滿的牛肉，湯是有點似壽喜燒的味道，有點甜甜的。蔬菜爽甜，牛肉很香，和湯汁合襯，用牛肉包住蔬菜一口吃下，十分滿足。我也很欣賞帶子牛油燒，帶子燒得剛好，內裡軟滑鮮甜，附的燒蘆筍也吸了它的鮮味，很好吃。壽司則要了碎蔥三文魚、生芥末八爪魚、青芥辣蟹籽及玻璃蝦。碎蔥三文魚很好吃，蔥和三文魚很夾，生芥末八爪魚及青芥辣蟹籽的芥末味十足，很過癮，玻璃蝦也是鮮甜好吃。甜品則要了抹茶蕨餅，蕨餅香甜柔滑，很有抹茶香，令人一口接一口吃不停，上面附的牙籤也很可愛。另外叫的薯條也很好吃，熱吃香脆那是當然，但冷了也仍然香脆又不會油膩，很好吃!整個套餐水準很高，菜品豐富，價錢合理。想便宜吃的也有其他抵食之選。這家小商場中的日式餐廳真是超呼我想的高，推薦每一個天水圍街坊來試一試!…Read More

又到星期五，又係放工chill一chill嘅時候，今次同朋友仔去左食印度餐，挑戰不同國家美食~一入店中就聞到一股特別香味，不難聞，而是一種薰香的味道，不是香港四處會聞到的，但相信是一種印度人常用的香料味~店內裝修精緻，很寬敞，感覺很舒服。店中客人多是外國人，只有我們和另一枱客人是香港人，令我相信這間餐廳口味應該十分正宗~而店員也是外國人，所以要用英文點餐。店內有兩本餐單，一本是中文，一本是外語，相信他們為了在香港經營也費了一番功夫。我們叫了2杯乳酪飲品Patiyala lassi，一甜一芒果口味；一個餡餅stuffed paratha，要了芝士口味；一個鍋炒飯pot rice；還有一個肉汁印式炸白菜Veg manchurian (gravy)。大部分都是店員姐姐推薦的，因為我們實在不知道如何選擇，所以店員姐姐問過我們的口味，知道我們不吃辣就推薦了幾款菜色給我們，所以我們也就不想了，就來試一試印度人的口味吧~乳酪飲品Patiyala lassi ($49)，定價有點高，但真是十分好喝，口感濃厚的乳酪十分順口幼滑，兩款內都有些有口感的粒粒，我更偏愛甜味的，乳酸味濃又香甜，好飲而且解辣，點辣味菜必配，而芒果味的則帶了芒果香而乳酸味比甜味弱一點，一杯飲下來都頗有飽足感。餡餅stuffed paratha ($45)，芝士口味，朋友話莞茜味重，我覺得還好，芝士味蓋過了莞茜味，咸香咸香，餅皮柔軔有咬口，配上另一道菜的肉汁，濕潤的肉汁微辣，配上餅味道配合，好吃。肉汁印式炸白菜Veg manchurian (gravy) ($80)，炸白菜外層已經被肉汁浸濕，微脆，內裡柔軟筋道，完全不能從菜名想像到的味道，但是很好吃，味道微辣惹味。鍋炒飯pot rice ($98)，這個菜的香料味很濃，莞茜、蔥、茴香之類的香味混合，喜不喜歡真是個人口味，我們是普通喜歡的，但他的飯是好吃的，米是長型的，很香很有咬口，煮得偏乾身，硬飯口感，配上醬汁和爽口蔬菜其實幾好食，但前提是你不抗拒他的香料味。2個女生來說我們點得有點多，因為飯的份量很大，而且飲料也有一定飽肚感。這是我們吃得很滿足的一餐，是一個很新的嘗試，可以再試試除了咖哩外，其他有趣的印度菜色!…Read More

今日到大圍上課，看見施工多月的商場終於開了，一眼看去全是食店，大圍又有了搵食地點了!而正正位於行人路邊便是這間王牌冰茶，在工業風的灰牆內，一個個茶桶上的花紋透出一股中國風，而餐牌上的茶品似乎也偏向中國風，應該是主打茶的品質，所以我馬上去試一試了~我最好奇的就是他的桂花珍珠，於是便點了桂花珍珠觀音王。半糖少冰的茶，底下的珍珠不少，其實我飲下去淨茶是沒多少甜味的，甜味來自珍珠，而茶底頗清香，感覺茶的品質不錯，而珍珠有桂花香，珍珠中有桂花糖中的桂花碎，比起黑色的珍珠，這款的口感更軟懦一些，喝之前要用力攪一下，不然珍珠會黏在一起。整體來說這杯茶的感覺健康過其他的台式奶茶，茶香解渴，不會膩口，喜歡茶的人士可以一試~…Read More