小野口's Profile

天吉屋係我係香港食過最好食最抵食既日本天婦羅。次次經過都大排長龍, 呢排肺炎少左人, 等左5分鐘就入到去。 每次黎都係必叫佢天幕御膳($148)。 每人有牛蒡茶，漬物即係牛蒡同蘿蔔, 同椰菜絲沙律加柚子汁, 全部都可以添。天丼可以點天婦羅汁, 天丼醬汁, 同埋加鰹魚湯做泡飯湯。 根足佢個食法簡介食就冇錯! 天婦羅汁點炸蝦(共4隻)好正好夾, 而之後 天丼醬汁味道教濃, 但個人認為係3款食法最正既一種。 食到最後炸野太多, 想清清地, 加D鰹魚湯食埋炸洋蔥, 正! 個人認為咁多種炸物最出色既係炸軟殼蟹, 好鮮亦好多肉。 佢D炸物真係好出色, 炸到好脆但又唔油膩。佢嘅丼飯都幾大份, 而佢既飯好好食,係日本七星米, 雖然好飽, 但我地兩人都仍然加左一次飯, 哈哈! 絕對會再幫襯! 唯一唔好既就係張檯太細, 天幕御膳太多野, 有少少放唔落, 但完全冇所謂, 因為實在好好食, 哈哈。…Read More

由於好想食刺身，所以即日決定去食刺身。而呢間地方就腳，星期五晚17:30-19:30，每人248+10%，19:00 last order。(可選食到20:15 就$288)由於呢排肺炎，所以都冇咩人，場地好大。首先當然叫左一大盆剌身，不過個人就覺得佢既剌身係比出面嘅size細d，尤其係甜蝦，不過比較特別嘅係有蟹腳食，但我怕煩唔想搣殼就叫左一兩隻試算。飲品方面有清酒任飲，有凍熱可選擇。亦有梅酒。雪糕就限每人一杯， 不過就算任食食到最尾個肚都冇咩位食啦其實總括嚟講，呢度食嘅嘢同其他放題餐廳食嘅嘢冇咩大分別，質素亦差唔多。不過間野service好好，keep住同你收碟，態度亦好好。…Read More

一行兩人，唔想食傳統豚王，於是一個叫做翠王($96)，一個叫咗黑王($96)。 (不過其實佢D湯底其實都係由豚骨湯底加唔同配料變化)翠王即係橄欖油同芝士粉，食落口味較清淡，有d西式意粉咁。黑王為黑蒜油，一向黎豚王必叫，不過個人覺得比較重口味，所以落單湯底建議醬油/香味油/蒜蓉可選擇淡或少。腩肉較香，肩肉較瘦(但亦都有脂肪位，唔係瘦)。佢有驚喜嘅餃子王($2x/5隻)，皮好薄，煎到好脆，熱辣辣，而點埋佢餃子汁都好正。…Read More

諗住可以食番餐好嘅, 見佢中位價錢又就腳就試下, 但係點知嗰度啲牛扒完全唔得😥叫咗澳洲M5熟成 $550 10oz 但佢既taste完全對唔起佢既材料同價錢😢 叫咗四成上但上到至少六成 真心唔好食...龍蝦汁意粉算正常 不過不失 得一舊龍蝦肉 但幾彈幾鮮 甜品係幾好食 心太軟配柚子有驚喜 質素唔錯😊除咗甜品以外整體嚟講絕對唔值呢個價😢星期日6點幾食到8點幾 個場坐約滿一半 算幾清幽 如果要食環境都可以一試 佢成間都玻璃窗但如果唔係都唔會再幫襯了…Read More

約咗朋友食飯，呢度近地鐵站都幾易搵！我哋book咗六點半，如果冇book枱都比較難搵位。我哋分別叫做一個辣椒蒜片橄欖油意大利麵，同埋腐乳忌廉汁釀肉扁意大利飯。蒜片意大利麵好香，但係略嫌有小小太油。 一開始完全冇辣味，但食食下啲辣開始出，就會有少少辣， 辣得啱啱好。腐乳忌廉汁好得意，食落唔會唔夾，而且羊肉亦都好香。加埋openrice嘅優惠券， 兩人每人平均一百二十蚊左右， 位置都算坐得幾舒服。但係要注意比較多人，我哋啱啱食完亦都畀人通知話之後有人book咗枱，繁忙時間坐唔得耐。但呢個價錢同呢個質素，都幾抵食…Read More

由於佢放題係分時段，我哋一去到嗰時段大概早咗五分鐘，但係已經有勁多人排隊，沿住消防後樓梯一直落咗幾層先搵到隊尾。一開始黎到，未有得燒個時，全部人都出曬去拎熟食。 熟食就有普通壽司，沙律，嘢飲。 有海底椰五花茶，幾特別。之後分批每枱有海鮮畀你燒， 海鮮每樣都有少少，夾夾埋埋都試到好多。 海鮮靚就唔係靚㗎啦，但係勝在可以試到好多種。 餐廳亦都好貼心，menu有寫每一種海鮮要燒幾多分鐘。個人認為最好食係佢啲貝類海鮮， 而且亦都係可以添嘅，食咗幾round。總結嚟講，呢一個價錢不過不失。但係個人嚟講，我應該會選擇用呢一個價錢去食一啲更好嘅放題，因為呢度嘅食物質素唔算高。 但如果為左試下燒海鮮，始終供應嘅餐廳唔多，可以一試。:)…Read More

同朋友食tea，入座限時1.5hour環境舒服，咁岩有近溜冰場嘅位坐， 仲可以一路睇人溜冰一路食嘢。首先，叫咗個pizza，講真個火腿同個pizza好唔夾，食落去好怪，但係勝在夠新鮮，新鮮熱辣出爐， 而菠蘿唔係切粒菠蘿，而係一塊塊薄片菠蘿，食落幾得意。之後叫咗個即焗雪糕班戟， 同想像中有啲唔同，喺幅相都見到，個皮外面有太燶，但士多啤梨味雪糕食落有少少乳酪味，成個感覺都唔錯，而且又係即焗， 所以雪糕溶咗喺上面 ，正。…Read More

聖誕期間食，非常非常非常多人，但幸好人流都快，等左幾個字。同薩莉亞好似，每樣野portion唔多，但平平地可以試好多款。呢個pizza係crossover日式，味道好似章魚小丸子，幾特別，對於唔鍾意茄汁既人感覺唔錯。Salad,正正常常，份量有d少。個飯食落都幾飽。食落幾油，同有d乾。每樣野都正正常常，好食就說不上，但平價野食算係咁，可以試好多種野食，坐得舒服又免加一，都有下次:)…Read More

新年黎開TKO食午餐就去試下呢間，都要等位等幾張飛。我地兩人叫左:1）一個部隊鍋，係日本餐廳食韓國野有少少奇怪，部隊鍋份量都夠。普普通通2）壽喜燒牛肉鍋配飯及飲品(Set lunch)，出奇地好食，湯底好正，不過唔鍾意甜既有可能覺得佢太甜，但就我個人口味黎講就幾鍾意，送飯一流（仲有一隻生雞蛋自己打落去）兩個鍋均一直在電磁爐上加熱，冬天一路食都唔怕凍，暖笠笠兩人埋單約$150…Read More

首先等位等左半個鐘，終於入得，點知俾遲過我地黎既人話佢地黎先，店員又信，又繼續等。終於入得啦，等落單又係一個漫長既過程，店主只係話唔得閒落單。好啦落左啦，又等野食到，由門口排到入去食到野等左一個鐘有多。講野食，首先肉骨茶係幾唔錯，份量適中，d肉都幾ok。但個菠蘿炒飯超級唔掂，又冇味，又少菠蘿，俾普通炒飯仲差。唉，但食到一肚氣，真係冇下次…Read More

好得意，係中醫館食芋圓，我去既時候醫師仲未診完症，場面都幾有趣。但留意下午四點後先開因為要等醫師收工，四點去到佢先岩岩開店，係街已有十多人排隊。夏日炎炎食番d凍野就最舒服，佢成碗好真材實料，芋圓一d都唔少，芋圓唔會只得甜味，煙煙韌韌，最有驚喜係底既仙草，原來以為都係類似涼粉，但非常非常非常煙韌，用spoon係好難cut開佢要用口咬，非常驚喜。今時今日芋圓愈開愈多，但呢間價錢公道，料足，值得一試。…Read More

我絕對係為左openrice 上九百幾個笑臉而來，久仰大名，專登去試下。位置唔近紅磡站，有一段距離，但經天橋行都ok. 舖位係天橋出口，易搵，店內位唔多。食左個豬柳芝士包配沙律汁，豬肉好香，好好食，芝士未溶仲係一片，汁頗多，唔錯。第二樣食個雙層牛肉芝士蛋包配黑椒汁，非常惹味，牛肉亦香，略嫌有少少太冧，但整體好好食。認為黑椒汁比default 既沙律汁香好多，亦唔辣。仲有薯條，不過不失，好耐冇食過茶餐廳既粗薯條。以咁平既價錢黎講，咁既質素，值。…Read More

位置都幾難搵，要經過後樓梯落地下。裝修是典型港式舊冰室。第一樣叫左 蕃茄魚蛋通，湯不稀不濃，但魚蛋好腥，好彩我唔係特別怕腥，整碗麵普普通通。第二樣叫左 蕃茄牛肉撈蛋麵，正。俾起齋湯有蛋差好遠，香好多。麵底係出前一丁，牛肉亦幾多，食完碗麵湯都所淨無幾。…Read More