豚王 (New Town Plaza) (Closed)

一行兩人，唔想食傳統豚王，於是一個叫做翠王($96)，一個叫咗黑王($96)。 (不過其實佢D湯底其實都係由豚骨湯底加唔同配料變化)翠王即係橄欖油同芝士粉，食落口味較清淡，有d西式意粉咁。黑王為黑蒜油，一向黎豚王必叫，不過個人覺得比較重口味，所以落單湯底建議醬油/香味油/蒜蓉可選擇淡或少。腩肉較香，肩肉較瘦(但亦都有脂肪位，唔係瘦)。佢有驚喜嘅餃子王($2x/5隻)，皮好薄，煎到好脆，熱辣辣，而點埋佢餃子汁都好正。