thxdtsdd's Profile

今天 11-08-2011(四), Thxdtsdd 及太太到尖沙咀的皇家太平洋酒店的柏景餐廳吃自助午餐.為什麼 Thxdtsdd 會選擇到這裏吃自助午餐? 因為它在 Openrice 的排名甚高, 而且又有 75 折優惠券, 一於試試啦!我們在 12:05 入座後, 發覺座位及食物的擺放都算寬敞, 而且不會太嘈, 相信是甚少中國同胞在這進餐有關.Thxdtsdd 先來一 round 冷盤, 煙三文魚, 火腿, 沙律等都不錯!再來就是青口, 蝦, 蜆, 三文魚刺身, 幾樣食物都新鮮, 味道就一般, 因為未夠甜美.熟食方面, Thxdtsdd 吃了焗青口, 燒番茄, 鴨胸, 西班牙汁豬柳, 海鮮飯, 四季豆炒花姿片. 全部食物味道都不錯, 這也出了 Thxdtsdd 的預料.還有藥膳燉湯, Thxdtsdd 及太太都覺得好喝, 太太更喝了兩盅.:)又到了 Thxdtsdd 吃甜品的時間, 首先這裏的甜品數量充足, 當中以焗蘋果及 Tiramisu 都很好吃, 拿破崙普普通通, 黑森林蛋糕就不好吃, 因為朱古力味不足.:)雲石芝士蛋糕很好吃, 芝士味很香很濃. 焗黃梅蛋糕及草莓蛋糕都 ok.雪糕是自取的小杯 Dreyer's, 不用多說, 大家都知道質素不錯吧, 而且不用排隊慢慢"筆", 讚!還有冰板炒雪糕, Thxdtsdd 選擇了草莓雪糕, 隨意加一些合桃, 朱古力, 糖果等已經十分美味! 即製班戟, Thxdtsdd 選了雜果, 蛋香很濃, 雜果也不錯, 好吃!果凍, 芒果奶凍味道普通.Thxdtsdd 最後一輪食物都是甜品, 未吃過的只有焦糖燉蛋, 原來焦糖很香口, 蛋的甜味適中, 十分好吃.還有, 這裏有自助形式的咖啡, 檸檬茶等飲品供應, 比大部分自助餐只有一杯飲品好得多!自助午餐原價 $198, Thxdtsdd 用了 Openrice 75 折優惠券, 最後 $168.3 一位, Thxdtsdd 及太太都覺得花 $170 十分值得, 因為食物種類不少, 而且味道大部分都很好吃, 很合我們的口胃.:)服務員的帶位, 換碟, 埋單等都做得不錯, 食物好, 服務不錯, 而且又不貴, Thxdtsdd 日後再光顧的機會很大. …Read More

5月4日中午 12:30, Thxdtsdd 及太太來到尖沙咀的雅苑閣吃自助午餐, 因為今天 Thxdtsdd 只需在上午工作, 見有時間, 就食好少少囉!Thxdtsdd 早上來電訂好座位, 我們 12:30 入座, 在 12:00 開始的自助午餐, 已經有很多人了, 估計當時已經有 7-8 成滿座了.先講環境方面, 普普通通啦, 唔算靚, 但又唔算差咁樣. 可能當時客人較多, 擺放食物的地方也比較集中, 所以 Thxdtsdd 覺得略為嘈吵! :(Thxdtsdd 先從冷盤著手, 蝦, 蟹, 青口, 煙三文魚等都唔錯, 幾新鮮, 雖然唔係十分鮮美, 但味道就 ok 啦! 吃完冷盤就吃熱葷了, 芝士焗海鮮, 龍脷柳, 咖哩雞等比較好吃. 燒烤類食物就普普通通. 如果以熱葷為主的朋友, 可能會有點失望了, 因為食物數量不算多, 味道也一般般. 芥菜咸蛋赤肉老火湯, 一般過一般, 都唔似老火湯, 好彩只係要了小半碗.:(忌廉湯都係不過不失, 宜家傢俬既忌廉湯絕對比佢好. ok, 到吃甜品了, 亦係今餐比較滿意的地方. Thxdtsdd 先吃一口 Tiramisu, 入口即溶, 充滿芝士及酒味, 好食! 朱古力批及芝士蛋糕都唔錯. 藍莓芝士蛋糕又好食, 藍莓唔會太酸, 芝士既香味又夠. 其他甜品, 例如忌廉蛋糕, 茘枝甜品, 朱古力噴泉等都 ok.仲有麵包布丁, 不過沒有影相, 味道略甜, 不合 Thxdtsdd 口味. 雪糕班戟, Thxdtsdd 揀了朱古力及杏桃雪糕, 都幾好吃. 不過得一個服務員負責勺雪糕及整班戟, 所以要等一會兒的. 這兒的雪糕是 H 字頭的, 所以質素很好! Thxdtsdd 最後加多一輪甜品, 都係以朱古力甜品為主, 今次新試的係三色朱古力, 好食, 很濃郁的朱古力味, 正! Thxdtsdd 今餐用了 openrice 6 折 coupon, 原價 $250 一位, 而家 $175 一位(連加一服務費), 以呢個價錢計, 算幾抵吃, 食物味道也 ok, 其中以甜品比較好, 如果食物種類可以增加會更好. 服務方面都可以, 不過服務員好幾次冇換碟, 要扣 D 分. 如果以正價計, Thxdtsdd 就不建議幫襯了.…Read More

Thxdtsdd 係 21/04/2011 中午 12:00 黎到九龍城, 打算快快趣趣食個午餐, 見到大婆牛肉麵內客人不多, 而且知道佢口碑不錯, 所以決定食返一碗牛肉麵先.Thxdtsdd 進店後, 循例看看餐牌, 但心中早已打算吃一碗招牌大婆牛肉麵(大: $47), 落單後很快便有牛肉麵上檯, Thxdtsdd 一看, 見到碗麵都幾大. Thxdtsdd 先喝一口湯, 辣辣地, 都幾濃郁, 好似唔錯喎! 牛肉都幾"淋", 麵質都幾彈牙. 可惜 Thxdtsdd 愈食覺得愈唔對勁, 因為愈吃愈淡, 沒什麼味道, 如果用黎醫肚都 ok 既, 講好食就一 d 都講唔上了!上湯時蔬($20), Thxdtsdd 揀了通菜, 上湯很淡, Thxdtsdd 只好將通菜浸落牛肉麵的湯底再吃.:( 這個午餐花了共 $67, Thxdtsdd 覺得物非所值, 食物味道不過不失, 呢個價錢一 d 都唔合理, 唔會再幫襯了.:(唯一可以讚既野就係服務員都幾好禮貌, 因為當時有一對外籍遊客在店內, 服務員雖然英文麻麻, 但都努力為遊客服務, 抵讚! :)照片可參考:http://hk.myblog.yahoo.com/thxdtsdd/article?new=1&mid=4445…Read More

Thxdtsdd 及太太 於 04/04/2011 約 7:00pm 黎到深水埗吃飯, 因為見天氣仲係涼涼地, 就一於食蛇羹啦! 因為 Thxdtsdd 要係鴨寮街買 hdmi 線, 於是順路係鴨寮街既 "蛇王協" 食蛇羹了.我地各自叫了一碗大蛇羹($50), 蛇肉好多, 幾足料, 味道就唔算好濃郁, 但都唔錯, 幾好食! 如果只食一碗蛇羹, Thxdtsdd 一定唔夠飽, 所以加多一碗生炒糯米飯, 不過碗燸米飯就令 Thxdtsdd 有少少失望, 因為一來很細碗, 二來味道一般, 糯米又不夠軟熟, 總之就麻麻地啦!Thxdtsdd 及太太都覺得 "蛇王協" 的蛇羹不錯, 足料又好味, 係冬天食真係一流. 至於生炒糯米飯就可以不理了, 因為又乾又唔好食. :(照片可參考:http://hk.myblog.yahoo.com/thxdtsdd/article?mid=4444…Read More

Thxdtsdd 及太太在 15/03/2011(二) 6:30pm 到了旺角的富記飯店吃晚飯. Thxdtsdd 下午 已經 book 了位, 來到時一個客人都沒有, 我們是第一檯客人.這裡的裝修不算新淨及漂亮, 但還可以, 不過食具就有點髒.我們點了以下食物:1. 冰鎮芥蘭 (凍凍地加埋個醬汁, 又真係幾好食喎, 不過份量就少 D, 兩個人食就 OK, 如果多人就要叫多一碟了)2.孖寶中的法式片皮雞 (西式既中菜, 雞同麵包都炸得好香脆! 十分香口, 好吃! 不過就好熱氣!)3.金沙焗海蝦 (係孖寶另一個菜, 即係黃金蝦, 同樣係好香口, 好有雞蛋同咸蛋既味道, 如果 d 蝦再大隻 d 就好了!)4.砵酒焗蠔兩隻, 很大隻, 酒味也很香, 不過就略嫌用太多粉去炸了, 我地覺得味道還可以.5.方魚肉碎泡飯 (今餐我地冇叫白飯, 直接叫左一碗方魚肉碎泡飯, 雖然知道個湯係"開"出黎, 但都幾濃幾鮮美, 方魚肉碎鹹鹹地, 幾好食!)6.最後食送的紫米露糖水都唔錯!. 這一餐共花了 $348, 大部分食物都好吃, 價錢都 ok, 唔算貴, 可能客人不多, 服務也可以, Thxdtsdd 會再幫襯的機會很大, 只是餐具的清潔情況仍有改善的空間.照片可參考:http://hk.myblog.yahoo.com/thxdtsdd/article?mid=4433…Read More

04/08/2010(三) 7:15pm 黎到大圍食晚飯, Thxdtsdd 同太太決定試下金曼谷泰國餐廳.當時客人不多, 戶外座位只有一檯客人, 室內座位亦只有 3, 4 檯客人, 我地可以隨便揀檯, 然後馬上落單了. 我地食左:飛天通菜, 炒得幾香口, 辣辣地, 幾好食.雞翼湯河, 河粉比較"淋", 好易夾斷, 雞翼煮得唔夠香脆, 個湯就 ok 啦, 整體只係合格水平.:(椒鹽軟殼蟹, 食第一啖已經覺得外皮既粉好厚, 而且又係烤得唔夠香脆, 椒鹽味更加明顯不足, 低水準的食物. 黃咖哩牛肉, 咖哩唔夠香, 牛肉好"鞋", 應該係煮耐左, 食到尾都唔想食, 係今餐最差的食物.後加的蒜茸包, 係配咖哩食既, 蒜茸味足, 亦烤得香脆, 好食!:) 呢餐埋單 $181, 唔算貴, 但大部分食物都唔好食, 最好食反而係蒜茸包, 另外送既大菜糕都好食, 真奇怪! 服務方面就一般啦, 幫我地落單既後生仔可能係新人, 落單好慢, 又漏左落咖哩牛肉, 要我地催落單.Thxdtsdd 相信再黎幫襯既機會唔大了. :( 不過呢間食店都幾多人幫襯, 因為我地離開時室內座位已經全滿了, 戶外座位亦有 50 % 滿.相片可參考:http://hk.myblog.yahoo.com/thxdtsdd/article?mid=4127…Read More

太太弟弟 Joe 出左花紅, 係 01/08/2010(日) 請家人吃自助晚餐, 真係多謝曬!:)Joe 揀左係大學站既凱悅酒店, 雖然係星期日, 但早一日都 book 到位. 我地約 7:00pm 到, 大約七成滿座, 後來就陸陸續續滿座了.我地 4 人被安排坐大堂區, 環境唔錯, 梳化都好舒服, 不過張檯略矮, 有點"頂腳":(Thxdtsdd 先巡視一圈, 覺得食物種類唔算多, 但都 ok.Thxdtsdd 先吃冷盤, 沙律之類既食物, 覺得蝦, 青口都幾新鮮彈牙, 幾好食, 沙律就一般啦! 不過最令人失望係冇生蠔囉!魚生, 壽司方面, Thxdtsdd 只吃了三文魚同甜蝦, 覺得都幾鮮甜, 唔錯!Thxdtsdd 及家人都覺得這兒熟食唔錯, 當中以燒烤類食物更好. 我地 4 人都覺得燒羊架非常好食, 肉味很香濃, 肥瘦又適中, 正!其他熟食, 好似燒牛肉, 牛腩, 燒蝦, 肉腸, 薄餅等都唔錯, 幾好食, 有返咁上下水準! 不過大大枝既串燒牛肉就唔多掂了, 燒到又燶又乾!至於甜品方面, 對於愛吃甜品既人黎講就會有少少失望了, 因為種類較少. 如果你用一個大碟, 基本上一次過可以拿曬所有既甜品, 唔洗行第二轉.好彩大部分甜品都 ok, 幾好食, 當中以芒果布丁較好, 好重芒果香味; 麵包布丁又係好食. 不過 tiramisu 就麻麻地, 因為酒味太濃了. 藍莓芝士蛋糕唔夠鬆軟, 亦太多檸檬味.:(香蕉雪糕斑戟都唔錯. 另外, Thxdtsdd 覺得雪糕味道都 ok, 不過太太就唔欣賞了.Thxdtsdd 覺得呢度服務幾好, 服務員充足, 加水, 換碟等速度都幾另人滿意. 食物大致都可以, 不過種類真係略少, 而且並非位於市中心, 只係大學站, 要收 $398 連加一服務費就略貴了.:(再一次多謝 Joe 請客! Thanks! 相片可參考:http://hk.myblog.yahoo.com/thxdtsdd/article?mid=4121…Read More

19/07/2010 上午 11:15 左右, Thxdtsdd 及太太黎到深水埗添好運點心專門店吃午餐, 準備試一下平價美芝蓮級既食物. 當時冇人等位, 即刻可以入座, 不過座位都幾逼.我地馬上睇只有一張咁大把既點心紙, 選擇並不多, 不過唔緊要, 最緊要食物好食就得. 大排檔式茶壺, 只有獨沽一味的普洱菜, 每位 $2, 味道都 ok 啦, 起碼 d 茶唔會濃到苦.落左 order 後, 等 5-10 分鐘就有點心上檯了. 先來黃沙豬潤腸, 腸粉皮又薄又滑, 加埋細細塊既豬潤腸, 好好食! Thxdtsdd 之前都係廣州食蓮香樓食過豬潤腸, 都唔夠添好運好食!豉汁蒸鳳爪, Thxdtsdd 賣相, 顏色好靚, 豉椒味都好好, 鳳爪又夠淋, 最重要係唔會煮到 d 皮都甩埋, 值得一讚!晶瑩鮮蝦餃, 皮都幾薄, 蝦幾新鮮, 大致不錯!煎臘味蘿蔔糕, Thxdtsdd 及太太都覺得好吃, 幾足蘿蔔, 唔會只係一舊粉, 不過就冇咩臘味了.古法糯米雞, 大大隻, 幾抵食. 燸米比其他酒樓軟熟, 好吃, 餡料都幾足, Thxdtsdd 收貨了.:)最後黎既係酥皮焗叉燒包, Thxdtsdd 覺得好好食, 特別係酥皮甜甜地, 又香口! 雖然包仔細細, 但叉燒餡料都好足, 正! 大家一定要試試啊!今餐埋單要 $91, 唔算貴, 食物真係唔錯, 比一般酒樓好, 不過服務就真係麻麻了, 侍應又"論盡", 先整跌 Thxdtsdd 太太的筷子, 再幾乎整跌對面同座既食客的筷子, 而且清潔檯面又馬虎, 呢 d 都絕對要改善既地方.我地走既時候大約 12:15, 已經有幾多人等位了. 下次 Thxdtsdd 黎吃點心, 都要早 d 先! :)相片可參考:http://hk.myblog.yahoo.com/thxdtsdd/article?mid=4066…Read More

02/05/2010 Thxdtsdd 及太太到沙田宜家傢俬餐廳及咖啡室吃午餐, 我地大約 12:00 到, 可能假期既關係, 當時都差不多滿座了, 我地今餐都食左幾多野, 分別有:有機蘑菇湯, 忌廉味道好香濃, 好滑, 好鮮甜, 好好飲, 真係一流!:)香草煙三文魚, 鹹鹹地, 味道都 ok!十粒肉丸, 黎到宜家, 一定要試肉丸, 因為真係呢度既招牌菜, 好好食, 肉味好濃! 至於同碟既薯仔就麻麻地, 味道太清淡了.三文魚扒配蔬菜餅團, 呢個係 Thxdtsdd 既主菜, 三文魚味道雖然不是很好, 但都 ok, 蔬菜餅都幾有趣, 外面脆脆地, 食落都幾好味. 唯一要彈既係醬汁略減.太太既主菜係忌廉火腿長通粉, 係一個做得一般的通粉, 味道都係略淡.我地仲食左瑞典甜品 + 熱咖啡, 件朱古力餅朱古力味好濃, 仲有花生, 好好食, 不過杯咖啡就麻麻地了.Thxdtsdd 及太太對呢餐都大致滿意, 大部分食物都好好食, 特別係有機蘑菇湯同肉丸絕對係宜家既招牌菜, 至於價錢亦都好合理, 相信短時間內會再黎食飯!照片可參考:http://hk.myblog.yahoo.com/thxdtsdd/article?mid=3834…Read More

Thxdtsdd 24/04/2010 同家人一起去沙田霸王山莊吃晚餐, Thxdtsdd 早一個星期已經 book 了 7:00pm 的檯, 不過當我們到達時, 服務員竟然說沒有我們的 booking.正當 Thxdtsdd 想提出疑問之前, 服務員已經說會為我們安排座位, 只須等一張檯就 ok 了, 我們都放下心頭大石, 因為這時候已經有很多人在等位, 如果重新等位一定要等很長的時間, 真的要一讚他們的服務.:)我們 6 人等了 20 分鐘就可以入座了, 都算 ok. 服務員端上兩小碟前菜, 一碟是豆角.另一碟我們看樣子都猜不到是什麼? 原來是薯仔. 兩碟前菜的味道都不錯, 幾開胃.我們今晚吃了:花雕醉雞, 雞肉很滑, 很好吃, 酒香很濃, 濃得連喝開酒的 Thxdtsdd 爸爸也覺幾勁! 小籠包一籠有 4 隻, 我們點了兩籠才夠, 小籠包的皮都幾薄, 肉質嫩而鮮甜, 加上肉汁, 很好吃!中 size 的砂鍋雲吞雞, 雲吞都幾大隻幾滑, 不過湯既味道就不太夠鮮味, 雞肉也是普普通通!上海炒年糕, 比預期的大碟, 而且炒得不錯, 年糕炒得剛剛好, 而且質感很好, 不過太軟!樟茶鴨, 應該是煙燻的, 醬汁幾好味, 鴨味還可以,不過肉質乾了點.金華火腿扒津白, 火腿很鹹, 津白很鮮甜, 不過太大塊了, 吃起來不方便.黃金蝦, 很香口, 有很濃的鹹蛋香, 蝦又夠大隻, 很好吃!豆沙鍋餅, 豆沙餡料很多, 不算甜, 也算不錯!我們還吃了炸銀絲卷, 不過炸得不夠香口, 一般水準.這餐花了共 $658, 我們大致滿意食物及服務的水準, 特別是有關 Thxdtsdd book 檯的處理更是令我們滿意, 因為他們相信客人, 也以客人為先. 另外, 服務員在落單, 加水, 收碟等服務都恰如其分, 不會令客人覺得煩, 又是值得一讚!相片可參考:http://hk.myblog.yahoo.com/thxdtsdd/article?mid=3798&prev=3834&next=3812…Read More

19/04/2010 Thxdtsdd 見中午有時間, 又去深水埗試試新食店. 今次到 "山東餃子店" 吃餃子, 一於吃一個簡單的午餐!Thxdtsdd 點了 "韮菜豬肉餃" ($18 十隻). Thxdtsdd 先吃一啖, 覺得餃皮略厚, 餡料很足, 韮菜很香, 可是吃落就愈吃愈淡, 後來更要加辣椒油吃才比較好吃. :(Thxdtsdd 還吃了兩串羊肉串 ($9 一串), 同樣地, Thxdtsdd 只是第一啖覺得好吃, 羊肉味幾鮮, 幾肥味! 可是羊肉串燒得不夠香口, 而且香科也不足夠, 比在大陸吃的羊肉串差很遠. 這個午餐花了 $38, 雖然不貴, 但是食物味道很普通, Thxdtsdd 再光顧的機會很微! :(相片可參考:http://hk.myblog.yahoo.com/thxdtsdd/article?mid=3784&prev=3812&next=3785…Read More

05/04/2010(一)清明節假期, Thxdtsdd 及朋友一共4人到金山海鮮酒家吃晚飯, 因為早幾日訂了位, 我們7:00pm來到後即刻在位, 被安排在2樓坐.呢餐我們吃了雲英雞半隻, 係呢度既招牌菜, 可惜我地覺得同普通既白切雞分別不大, 雖然雞肉都算滑, 但肉既鮮味就唔多覺了.炸大腸, 一食落口已經覺得炸得唔夠香口, 麻麻地, 比泉x居差很多.蝦醬通菜炒魷魚, 好彩炒菜做得ok, 蝦醬的份量剛剛好, 夠香之餘又唔會太咸, 魷魚又很香.豉汁蒸鱔片, 鱔片很肥而且爽口, 豉汁也很惹味, 好吃!砵酒焗生蠔, 一打開錫紙時已經聞到好香既酒味, 食落口就只有少許酒味, 生蠔都幾鮮甜, size就中等啦, 如果再大隻 d 就會更好吃了! 不過上菜時唔記得影相, 只係影左一自己碗上的一隻蠔. 豉椒炒蜆, 又係煮得普普通通, 豉椒既味道唔夠香濃, 好彩d蜆都算大隻同鮮味, 補返豉椒既味道不足, 但整體都係一般!沙拉醬燒排骨, 係呢餐最後既一個菜, 想不到有一點驚喜, 燒排骨的肉肥瘦適中, 而且很嫩, 加上沙拉醬酸酸甜甜, 很開胃好吃, 如果同行有小朋友一定要叫啊!這餐我們還叫了3支啤酒, 2支可樂, 4碗白飯, 埋單共$594, 價錢都幾抵, 食物味道都算ok! 難怪我們走時仲有唔少人等位. 另外不得不讚呢度d亞叔侍應服務唔錯, 佢地無論落單, 上菜, 加水等都幾周到, 又唔會煩住 d 客人, 而且呢度仲有綠豆沙糖水奉送, 算幾好了! 照片可參考:http://hk.myblog.yahoo.com/thxdtsdd/article?mid=3718…Read More

Thxdtsdd 及太太在今年復活節沒有出埠, 只是留港休息. 我們在03-04-2010(六)去了大圍食雞粥, 以前都黎過合發食雞粥, 覺得幾好食, 今次再來吃雞粥囉! 我們7:00pm來到合發, 客人不多, 約60%滿, 因為店內只有大檯, 我們坐在街上的檯, 好彩附近的客人都沒有吸煙. 我們點了:1.雞粥兩碗($22一碗), 粥底都幾鮮, 但比較稀, 仲有幾塊雞, 雞肉都幾滑, 不過雞味略淡2.豉椒炒蜆, 豉椒味道很濃, 不過蜆肉好細隻, 味道也不算鮮美, 是最差的一道菜3.馬拉盞炒通菜, 大大碟好抵食, 又炒得香口, 好食4.火腩炆鱔片煲, 鱔片及火腩都煮得很入味, 鱔片幾爽口, 火腩數量很少, 味道也可以, 最抵讚的是”墊底”的大白菜好甜, 好好食!我們還喝了一罐可樂, 埋單共$195, 價錢ok, 幾道菜除了炒蜆外都幾好食, 整體食物不錯.照片可參考:http://hk.myblog.yahoo.com/thxdtsdd/article?mid=3706…Read More

23-03-2010(二) Thxdtsdd在 ”劉森記” 吃完雲吞蝦籽撈麵後仍然覺得意猶未盡, 所以到了 ”綠林甜品” 吃甜品.Thxdtsdd 先來一個豆腐布丁($13), 因為在其他甜品店很少見到這甜品, 所以要試試! 豆腐味幾濃幾香, 至於幼滑度都 ok, 而且唔太甜, 整體都幾好食!:)吃完豆腐布丁, Thxdtsdd 加多一碗芝麻糊加杏仁露($15), 不過店員以為我是外賣的, 用了外賣碗盛糖水. Thxdtsdd覺得這碗芝麻糊加杏仁露一樣很好吃, 甜度適中, 很香口, 不過芝麻糊的味道較濃, 杏仁糊的味道稍稍被蓋過了, 但整體都唔錯!Thxdtsdd 覺得這類舊式甜品店甜品好吃, 價錢又實惠, 比新派的甜品店更好! 照片可參考:http://hk.myblog.yahoo.com/thxdtsdd/article?mid=3681…Read More

23-03-2010(二) Thxdtsdd 放工後到”黃金”逛, 之前當然要吃一頓晚餐先, 就來了”劉森記”吃麵了. Thxdtsdd 點的麵當然是招牌的雲吞蝦籽撈麵啦, 再加一碟生菜. 點完食物後, Thxdtsdd 先吃幾小塊放在檯上玻璃樽內的醃蘿蔔, 酸酸甜甜又爽口, 很開胃的小食, 正!幾分鐘後,蝦籽撈麵先來, 然後分開上的雲吞也來了. Thxdtsdd 先吃一口蝦籽撈麵, 麵身真係幾彈牙, 幾有口感, 蝦籽也很香, 好吃! 至於雲吞也不錯, 餡料很足, 味道也很濃, 湯就反而淡了一點. 另加的一碟生菜就同其他麵店吃的水準差不多.這餐共花了 $38 (雲吞蝦籽撈麵$28, 生菜$10), 價錢 ok, 雲吞蝦籽撈麵及醃蘿蔔都很好吃, 下次再去”黃金”逛, 除了吃豬潤麵外, 雲吞蝦籽撈麵也是另一個好選擇!…Read More