多咀小妹的個人專頁

講到日本經典烤肉，依家市面上選擇似乎好多，但做到多元發展就無邊幾間做到。丸十就係少數可以食到日本燒肉之餘又可以食到正宗日本菜。小妹同朋友一齊叫左個玉子，冰涼彈牙的玉子係採用日本雞蛋製成，亦都係招牌之一。小妹力推呀！至於刺身，小妹近年都少食刺身因爲市面上刺身肉質散、「乾真真」咁。加上，刺身如果唔新鮮的話，食落肚都生蟲。所以小妹都無再食啦，但係丸十俾左好大驚喜小妹。佢嘅刺身鮮嫩爽口，絕對係食燒肉前嘅清新小品呀！至於燒肉，小妹首推牛板腱，出面係好難食到牛板腱架，因為油花靚，口感結實，燒三至四分鐘左右就可以沾沾燒肉醬汁放落口。一咬落去肉汁四濺，實在至高享受！…查看更多

近排天氣轉凍，又係一眾香港人烚下烚下嘅時候。小妹星期五晚放工同班friend 聚會。一定係去任食最抵啦，以前成日幫襯兆萬果幢大廈嘅放題。因為有多次等位，所以今次小妹都專登提早一個星期打電話上黎留位。幸好，小妹留定位啫，晚飯時間果然人多。今次任食海鮮火鍋加刺身其實唔貴，因為海鮮係堅足料，聖子王、鮑魚、虎蝦、大貴妃蚌，新鮮程度媲美海鮮店。講起海鮮，小妹首推當然係鮑魚龍蝦啦。老實說，肯俾鮑魚做生料嘅火鍋店五隻手指都數得完，因為鮑魚成本高、同埋如果唔新鮮，口感分別極大，哩間火鍋店揀選嘅鮮飽都彈牙十足，足見其新鮮程度。海鮮盆中最觸目相信非龍蝦莫屬！老老實實，出街市買盆海鮮返屋企食都無哩度咁抵。事關，波士頓龍蝦份量大，再加加埋埋新鮮鮑魚（仲識郁）其實已經值回票價，再講，佢蟶子王同翡翠螺，齋食海鮮都會飽！何況仲有生料放題呢！輪生料，小妹推介手切肥牛，脂肪肉質分佈平均，實係上等靚肉。擺落湯底烚返兩三分鐘已經鮮味十足！正！…查看更多

小妹同朋友聚會，想有一個地方任坐傾下計，隨意係旺角找一間cafe。今次就來到近油麻地的 eat me 小妹本來就預左錢食野，好彩係月頭，誰知佢有個二人餐，有前菜、湯、牛扒同意粉、飯後甜品同飲品，二人餐都只係二百幾蚊全包！以今時今日食個中午餐都百幾蚊，其實真係好抵！講起湯，小妹當日就飲左玉米忌廉湯，餐廳製作認真，無用罐頭湯hea我，值得一贊！小妹係牛扒忠實粉絲，因為係cafe林立的東九龍做野，唔高質牛扒自問睇唔上眼。今次塊牛扒可以吸引到我係個醬汁，小妹真係字食過同樣口味的牛扒，酸酸地唔太酸，可能幾個巴仙酸味咁上下，一般難以形容的味道，同塊扒勁夾，塊扒T骨，煎得脆口之餘保留到肉汁！小妹同朋友都贊不絕口。然而小妹食開過癮，加優惠價換水牛城雞翼，雞翼炸得岩岩妹，略嫌醬汁太濃啦哩份。如果醬汁少D，將會是佳作！同朋友食完飯，精美甜品係個設計精美的雪糕，外觀好看，係一眾女生促膝長談的好時機！…查看更多

燒肉用熨斗？未聽過，所以朋友相約立即應允。今日便來看看如何用熨斗燒出美味韓燒。 走進餐廳，裝潢十分特別，好像走進了韓國工廠餐廳，屋頂的管道與每台上方抽氣管道相互呼應，很協調也不突兀，反而覺得更特別了。 一坐下就有種類豐富的前菜供應，很欣喜。桌面擺放整齊，打掃的很乾淨。 兩人擔心吃不完，放棄了二人套餐。單叫了各種肉類，侍應全程幫忙燒，服務十分用心。 牛俐：肉質勁道，燒完後有自然的香味，一咬就斷，冇肉筋，唔塞牙。雪花肥牛：肥瘦相間，分佈均勻，肉質鮮嫩，沾上醬汁讓人停不下來。 豬頸肉：豬頸肉已醃好，燒完脆脆地，同牛肉滋味唔同，也很不錯。熨斗燒肉，能把肉壓的很實，讓醬汁滲透，更入味，也避免燒肉時油飛濺出來。另叫了胡椒雞亦，很入味，皮很脆。兩人消費$580，飽到食唔落，很抵食。…查看更多

同同事放工專登去大公館附近有特色的商場看了看。然後同事一早訂枱到哩間餐廳食飯。講係餐廳唔完全餐廳，有點酒樓風格，但並非傳統酒店被門口一對霸氣古代裝潢吸引！嘩。堅好奇哩間係咩野黎！點知內籠裝潢好高雅中國風，環境清靜，俾到人一種舒服感覺！可以飯後吹水都唔會有問題！講返食物先啦！哩間餐廳極度花心思係廚師同客人互動上，由製訂餐牌已經同客人有商有量，廚師會知道客想食咩！並且因應季節盛產同合時為客人選擇最合適的食材！小妹認為以咁嘅平民化價錢可以有咁嘅待遇，真係唔錯架啦！而食物方面，小妹好深刻係佢功夫湯！功夫湯好特別！因為佢係每人一壺！唔洗爭！俾套茶具你自己慢慢嘆！好正係每一壺好似個獨立湯煲咁！有哂湯材料！飲完仲可以打開壺蓋食湯料！只係哩道菜式已經可以做餐廳賣點！其次小妹最欣賞係佢叉燒！蜜汁叉燒！半肥瘦！入口香滑，似乎佢係用左黑豚肉燒，因為蜜汁有少少花香味！所以令到叉燒都好正。送飯一流！搞到小妹都忍唔住食多碗飯！小妹知道佢嘅飽魚係每黎食嘅人都會點！因為一上枱係有煙，係佢新鮮即整嘅！有陳皮味！勝在汁夠特別！中意食平民化菜式的朋有絕對可以一試！…查看更多

美食尋寶圖最適合工廈，工廈租金平，吸引了不少對食有研究、有要求的店主到此開設特色美食今次卻是以手作市集為特色的商場之上的中菜館開面好有古典中國門第的格局跟媽媽入內，便等待美食到來小妹先來介紹前菜小食涼拌海蜇頭海蜇在外大多是吃到一條條絲，入口爽彈，但海蜇頭比街外的更爽彈，口感更豐富別以為它是普通的叉燒它是黑毛豬所製成的叉燒，比一般叉燒入口更滑，更嫩，而且不肥，採用蜜汁製法，有著傳統叉燒風味黃金沙律汁蝦球蝦球好大隻，沙律汁剛好份量的包著蝦球搭上輕煎的茄子，外脆，內多汁，清新而不膩西班牙火腿米皇津時蔬底下的米皇富有米香，菜嫩入口自然滑，加上火腿咸咸的調味，令米皇平淡中生色米原來也可以有如此特色的菜，令小妹驚喜在此 雖然是中菜廳，但也不乏西式甜品小妹點了Tiramisu 賣相是否吸引見仁見智 但不騙你的確是美味，cream 入口香滑，外面的朱古力、咖啡碎，入口脆而香濃，味道比外面的技高一籌…查看更多

講到食辣小妹好中意去食哩間雞煲。事關小妹食過咁多間就只有哩間令小妹覺得真正係香辣兼備！小妹一坐低即叫招牌大檸茶！真係好大！只係睇都已經過癮！真心打邊爐應該大飲大食！所以咁大杯小妹覺得係令到雞煲錦上添花！講起雞煲！8妹雞煲D雞妹肥大厚肉！同埋鮮！小妹經常食雞煲，特別成闈去任食雞煲！但好可惜果D雞煲好瘦小！好令小妹失望！但哩個就唔同啦！雞用上本地鮮雞！令到重點突出！但係雞煲有胡椒味同香辣味妹特別！相信係獨家泡製！另外，食完雞煲當然唔飽肚啦！小妹加碼上個海鮮！鮮蝦份量好夠！再搭上鮮魚骨腩！先係真正烚下烚下！正！小妹唔夠喉 要黎個象拔蚌，份量算大，出面D海鮮可能烚完會無左縱影。但係8妹既就唔會啦！烚完依然爽口同大份！所以真係大飽口福！小妹特別推介手打鮮墨魚滑！因為係啖啖鮮墨魚！唔信既朋友真係要試試！不過小妹覺得服務方面可以做得更好更貼心！…查看更多

Run for a reason! 已經唔再係跑步的名言，都係為食嘅因由 跑去邊？咪就係MK，潮人潮食嘅聚腳點Running 燒咪就係跑去韓燒囉！一出lift全層都係佢，唔洗多講，價錢自己睇，重點係夜d去就著數d，有折好好彩小妹是最後一位能夠霸到枱，幾旺場韓燒飲品當然係任飲，但湯都有得揀，韓式海帶湯，點可以唔飲碗打定底，無甘熱氣啊！黎到有海鮮揀，當然先上海鮮啦魚柳新鮮大塊，食落唔止厚身，仲一d都唔腥肉類唔洗多講，豬、牛、羊、雞樣樣有齊，腸仔，雞腎都有，肉類佢好在預先醃定，調定味，悉心處理食材，燒完上黎食上去會更入味，肉質會較滑，唔同街外嘅索性解凍就俾您燒肥牛睇落都已經好靚，唔會太肥，食落肉味都濃郁，又夠香海鮮睇到都知新鮮、大份啦！蝦、帶子、蠔通通大隻新鮮，帶子、蠔 肥又夠膏，燒完仲好大隻，入口都夠滿足，不但無沙，夠乾淨，仲要有水份蝦食落爽口彈牙，成晚任食，認真抵！餐廳細心到準備埋蘿蔔俾我地不時清理烤盤上的漬，等我地食得舒適除左晚市，仲做埋午市套餐，around 60蚊，今次甘滿意，下次可以黎食埋。。。睇下有無甘出色…查看更多

係尖沙咀黃金地段要搵一間價錢親民既日本菜真係一D都唔簡單！錦丼雖然位於國際廣場，但位置一D都唔算易搵！小妹同朋友兩人同行好隨便咁係商場行下揀左哩間餐廳！事關餐廳佈置仿如還原日本餐廳小店的模樣，招牌擺設、裝飾，都充滿日本風情！去過日本的朋友一定會喜歡！好靚！餐廳客人唔少，好多都係唔同國籍人士，但都好寧靜感覺！讓食客食得好舒服！小妹一黎就叫左壽司拼盤！質素唔錯！魚生勝在夠新鮮！小妹推介三文魚腩！界花唔但只靚，擺盤吸引油脂平均香口，唔飽肚！可以留肚一嚐其他日式美食灸燒芝士三文魚壽司壽司輕輕燒過，聞到芝士、三文魚帶出黎的香味芝士入口溶化，同三文魚融合，配上三文魚魚香，魚油濃郁，三文魚食落更滋味:)自家製厚燒蔥花玉子，玉子滑一滑，好似食豆腐花咁滑，蔥花好豐富！豐富到食落完全覺得玉子更加香，賣相絕唔輸蝕海鮮丼，呢個黎到一定要食！呢間餐廳小妹不得不讚魚生新鮮程度高，入口鮮甜丼飯嘅魚生完全無吝嗇過，舖得滿滿，海膽新鮮，味道香濃，食落就令我掛住日本蝦身粉嫩，色澤光鮮，甜而爽身，魚子粒粒飽滿，脆卜卜入口，點到您唔覺得滿足…查看更多

小妹縱觀咁多間放題店。哩間係小妹去過既最多人排隊既一間。小妹原本對放題店質素之高見怪不怪。估唔到哩間出到中菜贏哂。👍🏼不負眾望！小妹一早訂左位先有機會入，飲品款式巨多！小妹推介哩款橙汁，味道天然仲有果粒幾得意！仲有維他檸檬茶同菊花茶，堅揪！飲品成本都唔低！好啦，小妹都唔等啦，即叫左刺身，厚切刺身足料啵，小妹特別中意劍魚，油脂比例好高！好正！脆口証明佢新鮮，其次係帶子，帶子屬於巨大類！鮮味十足，同甜蝦一樣鮮甜，值得一提係，蝦無發覺有長長蝦腸，處理時相當認真，乾淨俐落！👍🏼三文魚水準正常，不過小妹覺得三文魚成日有得食，大家可以試下其他！壽司好細件，首推鰻魚！醬汁唔太咸，甜度適中！燒得剛剛好！不過小妹覺得哩間放題種類巨大，每款試少少都已經夠，所以唔洗叫太多壽司。熟食方面，哩一應該係唯一有花膠食既放題店，真心花膠靚過火鍋店，冬菇炆花膠，幾盞鬼！個芡水準拍得住中菜廳。幾正！另一推介，就係芝士焗蝦。香濃芝士味配上大蝦結實既肉。實係回本之選！而炸物方面，炸芝士年糕同埋紫薯都係小妹必食之選。👍🏼正！…查看更多

深水埗多野食個個都知，小妹食遍深水埗，今次去間新開既火鍋店。同朋友兩人相聚潮福都幾大，上左電梯口門面開揚乾淨企理。服務員都好多好夠。我同朋友坐底服務員即刻介紹湯底，秋冬進補湯底有藥膳雞湯，小妹一向中意食藥膳雞。所以諗都唔諗叫左藥膳雞湯啦！湯底係有驚喜既！因為佢上左半隻雞，因為得小妹同朋友食，半隻雞都夠！雞黎左，賣相吸引！落鍋好快熟左啦！係意想不到的鮮甜！服務員仲問我地D雞靚唔靚，好貼心，其實係好食，肥瘦適中，多肉，放左落湯底四五分鐘好啦，太熟會老！打邊爐醬料同生料同樣重要，醬料選擇妹地道香港，胡麻，重慶醬料都齊！然後到自選食材，選擇極多，小妹喜歡試海鮮，叫左北海道魷魚，佢原條上好新鮮，仲有魚骨腩，魚骨腩真係好食！脆口厚切，吸收埋湯底精華！魚肉十分滑！識食既一定會叫定竹笙，因為竹笙吸哂D湯底！一定要咁食！然後小妹當然唔會放過手打墨魚丸，哩個小妹encall左一次，因為墨魚成分高，咬落真係有墨魚肉！好正！一定要連辣味醬油一齊食，咁先係帶出鮮味！至於手切肥牛，質素唔錯，但可以再好！哩間店有心做！係深水埗難得既火鍋店！要加油呀！…查看更多

其實粉嶺哩間cafe，小妹時有聽聞，因為粉嶺cafe不多。係市區都好多食肆，但都係連鎖店。小妹帶呀媽黎到工廠區，都搵左好一陣子，結果先順利上到去大廈一樓。估唔到工廈間隱藏住間咁型格cafe，有架電單車好盞鬼！cafe 有情調，有美式工場的格調。小妹一開始都唔敢抱太大期望，因為始終出面其他區cafe講緊質素都麻麻，況且what the food價錢又唔貴。所以小妹唔會寄望神級食物。點知，杯飲品一黎就叫小妹驚喜，一黎飲品足料，係真生果打成，唔係香精同色素。呀，小妹叫左芒果沙冰，清淡芒果汁唔搶味，加上，沙冰唔會超凍，因為小妹牙齒敏感，接受唔到坊間有沙冰令我打牙震。第二，飲品份量夠大，唔會令人邊食野方就住飲果種感覺！同埋解到渴好重要！飲品極力推介！野食方面，小妹揀左七成熟牛扒，煎得岩岩妹，底面熟，中間肉汁飽滿，肉質鮮嫩！牛扒夠大塊，唔膩，可能因為師傅預左充足時間解凍，令到牛扒肉味鮮甜！薯菜方面都好正，薯條好粗大，唔太咸，欣賞師傅唔會只追求味道落重調味粉！值得一去！…查看更多

佐敦好多好嘢食，但海膽燒唔多見。係佐敦一個街口就見到大大招牌，小妹同友人決定入去一試。餐廳裝修清爽簡約，似有海旁的風吹過🐚pic1老闆娘好熱情，人好靚❤一坐低就同我地逐項介紹皇牌菜品。主打各類海膽燒，炒飯、海鮮、翠玉瓜、薯蓉，大啡菇，樣樣都好想試！只可惜得一個肚，諗左好耐，最後叫左海膽炒飯同扇貝除左特式海膽，仲有其他海鮮同串燒，真係好多嘢撿。紫貝天葵-呢支飲品要特別推介。紫色已經好吸引，雖然係涼茶，清熱消暑，但一啲苦味都冇，酸酸甜甜好似酸梅湯。必試！海膽炒飯，一啲都唔腥，海膽的鮮味配上炒飯的甘甜，正！炒飯唔太油，又唔會太乾，每一啖都食到翠玉瓜的清香，火候啱啱好。海膽汁焗扇貝，超好味！扇貝真係巨型，成隻手咁大！小妹仲研究緊點切，原來大廚已幫我地切開左，所以好易食。食一啖，味道好特別，芝士入面好似加左沙律醬，甜中有酸，中和返芝士所以唔會膩，真係好有心思！人均$150，好滿足，一定會再來…查看更多

係哩個充滿韓式餐廳的金巴利道....隱藏左台灣過江龍，小妹喜食港式火鍋，第一次黎到食臭臭鍋皆因某雜誌力推，吸引小妹收工過去試。雖然係平日晚上，但等位人數算多，小妹七點半到，前面有兩堆年輕人等位，其實按小妹觀察，幫襯以年輕人居多，相信係因為佢地係台灣試過。餐廳裝潢同口味都合乎年輕人話說點解叫臭臭鍋，相信因為鍋裡有個臭豆腐，全餐廳都漂住臭臭味。味道唔難聞，小妹將人生第一次品嚐臭豆腐的經歷獻給8鍋啦😂小妹好辣，所以都好理所當然點左個臺式麻辣鍋，鍋內有海鮮，無幾耐臭臭鍋登場，麻辣味道唔算好刺激，唔太食得辣的朋友都已經可以食到，辣的程度係中等。但因為調料香口、加上台灣秘制調料，令到食開港式香辣的朋友會覺得別有洞天，因為係香港唔會食到相同的麻辣味道。鍋料都富有台灣特色，例如幼身泡麵、豬紅同大腸。麵特別值得讚！因為佢幼身唔會食到人好濟，亦有杯麵果種乾脆口感，配以麻辣湯，味道一流架。😋臭豆腐味道唔令人抗拒，什至食左都唔覺佢臭。對於大食朋友，一鍋未必滿足到胃口，加上佢邊烚邊食，胃口會愈食愈開，小妹推介花枝丸，花枝本身係由墨魚做，份丸都幾足料，丸本身係得鮮味，好似張白飯，配以麻辣汁鮮味更凸出。順帶一講，每個鍋配以台灣米飯，小妹覺得以汁底搞拌食用，風味更佳。抵食之選一定係牛肉，每碟48蚊，但好大碟，比出面火鍋店便宜！👍🏼😋飲品方面，台式飲品應有盡有，包裝以一般台灣飲品方式包裝，都算大杯，目測有450毫升以上，夠飲！小妹揀左傳統珍珠奶茶，略嫌珍珠有點太實，不太彈牙，但奶茶味道是不錯的☺️😋加上餐廳設計似咖啡店，係傾計慢活的好地方👍🏼…查看更多

同frd睇完話劇，就係中環周圍行下搵下野食醫肚。行過見到呢間"胡鬚仔"幾得意，又想扮下外國人試下fish and chips就入左去啦。雖然間野比較嬌小，得四五張高枱，圍住幾張高櫈咁，但擺設裝修就好有風味，有船的模型同船牢標誌，仲有霓虹燈字牌寫住welcome aboard！好，就等我一齊出海"捕"魚啦！個日天口咁熱，一入去當然叫番杯凍野飲下先消下暑，望一望個飲品架都幾多選擇，酒精冇酒精都有。下晝又未想飲酒住，就叫要左杯凍檸檬茶飲，當然係用鮮檸檬，正正常常ok大杯啦。跟住諗食乜先發現fish and chips咁講究，分好多種唔同既魚。冇食開既我即刻問下店員小姐邊款受歡迎。佢又好細心咁答我，冇食開既可以揀signature，魚係hoki fillets，如果想食特別既魚就可以揀ling cod fish(鱈魚)。咁我當然聽聽話話揀signature啦！仲有得八款醬入面揀一款添，仲多選擇過點jack！可憐我有個蛋黃醬痴frd勁快幫我答左mayo，想試其他味都要等下次lu。原來佢地做所有食物都係即叫即做即炸，咁好野係要等既，我地就等左10分鐘左右啦。主角炸魚薯條終於上枱！熱辣辣炸起金黃色超靚，塊魚仲手掌咁大添！我急不及待落檸檸汁再切開試下個魚，入口時仲有少少辣口，真係好香好鬆軟！魚面頭帶輕微白胡椒味，原全冇蓋到個魚本身隻甜味！同平時早餐食個啲又稔又冇味既炸魚柳完全唔同level！個魚已經夠甜我都冇乜點過蛋黃醬~可惜我個電話虧影唔到咬開左個魚中間幾靚幾鬆化！再試埋個chips，唔係空心的，係個種中間充滿薯蓉既粗薯條！即炸已經冇得彈，加埋邪惡既蛋黃醬真係一流！雖然好似細細地一盒咁，但食落去真係超飽！店員小姐好好幫我做左set A price，即係$60 fish and chips + $10 凍檸檬茶，成餐都係$70，咁正真係超抵！而家再諗番都流哂口水，知道呢間野中環碼頭都有分店，等我下次撘船前再戰其他魚+唔同味既醬！…查看更多