Emma7520's Profile

上月29日係我同男朋友拍拖記念日，佢book左依間餐廳睇住海景食brunch。唔知係咪疫情關係，餐廳好似只係得一個女侍應，見佢一個人service 咁多枱客人，而且佢都好禮貌，服務唔錯。個Set入面有沙律、湯、炸魚柳、M6和牛同蛋糕，全部都會加入松露配搭，我覺得哩個價錢，食倒咁多款好食嘅嘢，CP值幾高。…Read More

約左兩個朋友食dinner, 其中一個朋友係觀塘返工，另一個朋友就話想食泰國菜，於是係觀塘返工的朋友就話去Add Some Thai Restaurant食，佢食過lunch覺得唔錯，但佢就未食過晚餐，所以今晚一於一試。黃咖哩蛋炒軟殼蟹 - 幾特別分開六碗上，每碗都有軟殼蟹同一塊多士，我地正正3個人食，每人有兩碗。黃咖哩加上蛋花香濃惹味，味道甜而不辣，唔會有油膩感，軟殼蟹炸得鬆脆。椰皇海鮮炒飯 - 海鮮包括有青口、魷魚、椰青肉全刮出來切絲, 而且椰肉帶點點爽口, 不會過林/過硬, 配合椰漿, 整個飯濕潤, 充滿椰香, 完全能夠食出椰青既精華。AST 泰國小食拼盤 - 有豬頸肉、 泰式鳳爪、蝦餅、春卷、雞翼、蝦片。好多好大份，可以一次過試曬佢咁多款泰式小食。沙嗲牛柳粒串燒 - 上桌時熱烘烘的，帶微微焦香，串燒燒得剛好，肉質不會韌，再沾上濃郁的沙嗲醬，十分惹味！！芒果糯米飯配雪糕 - 糯米軟硬適中，但芒果可能唔係時候，有少少酸。…Read More

之前已經同朋友食過晚餐，覺得唔錯，今次就帶男朋友黎食。是日餐湯同沙律竹炭朱古力奶蓋及Doux水果茶西西里開邊牛油龍蝦意粉 - 龍蝦雖然不算大隻但勝在肉質爽脆彈牙，而意粉口感十足，配合西西里汁惹味非常。烤虎蝦咸蛋黃櫻花蝦乾意大利飯 - 虎蝦大大隻，好香蝦味，意大利飯煮得煙韌彈牙、食落仲好香咸蛋黃味，大大粒的櫻花蝦撈埋意大利飯一齊食，真係好好味，櫻花蝦份量頗多。甜品選左LAVA，其實就係心太軟，賣相已經好吸引，心太軟下面鋪着棉花糖，香滑朱古力漿甜度適中，加上一球雪糕，無論春夏秋冬都係甜品首選之一。…Read More

平時晚飯好少揀中菜，不過有日同事話我知玉桃軒嘅片皮鴨唔錯，而且做緊特價，另外，晚飯都可以order古法千層糕，所以決定一試。7點去到銅鑼灣玉桃軒，環境寬敞舒適。片皮鴨嘅鴨皮好香好好食，兩個人食份量都幾多，餅皮望落少但其實岩岩好。皮和肉的比例岩岩好，鴨皮酥脆，唔太肥，食落每一啖都充滿鴨油香，配上青瓜絲、京蔥絲及醬汁和餅皮一起吃，真係好好味！開頭諗住食個片皮鴨未必夠飽，所以order左一個小食，蒜片牛柳粒。呢份牛柳粒煮得幾香口，而且蒜片嘅味道都好香，令到全碟嘅小食都變到好惹味。我係為左古法千層糕而黎食，以前細個飲茶時必叫，但宜家已經好少地方可以食到。難得比我搵到，當然一定要叫喇。蛋黃千層糕令人滿意，甜而不膩，就算吃飽也忍不到口。最後再加左個椰汁百合燉雪蛤，雪蛤本身冇味，椰汁味道清香，有蓮子同多舊雪蛤夠多料。…Read More

天氣又開始凍凍地，係時候食雞煲。出面好多地方都係麻辣雞煲，我同男友都唔中意食麻辣。要食芝士雞煲，必食米走雞。黃金芝士雞煲(細) - 芝士份量好多味道好濃，岩晒芝士控既我。雞件都好滑好入味，而且份量都唔少，我地食完d雞又已經飽飽地。食完仲可以加清湯或芝士湯做湯底。叫左幾樣配料打邊爐，有鮮製四拼餃、五寶拼盤、蜂巢冰豆腐同翡翠苗。鮮製四拼餃有雲吞、水餃、牛肉餃、韭菜餃，新鮮，足料，有咬口!!。五寶拼盤就有墨丸,蝦丸,豬肉丸,牛丸同鯪魚丸，彈牙仲唔會黐口。每款都有2粒。岩岩好兩個人食每人每樣都食到。蜂巢冰豆腐吸湯後好入味。…Read More

因為好耐冇食放題，而今日又去左葵芳行街，就搵下附近有咩放題，搵到呢間夢工房西日料理。一入門口除左有熟食，仲有爆谷機，爆谷爆到香噴噴。重有大量飲品同雪糕雪條自己攞，都係任飲任食。呢個地方都算幾大，坐落都幾鬆動，而且有好多款式嘅食物可以選擇，有魚生、壽司、卷物、串燒，炸物、天婦羅、鐵板燒、沙律、拉麵、火鍋等等。魚生好新鮮，食落都好有鮮味，壽司都唔差架，舊飯唔會大大舊。炸物都非常岀色，炸物外皮好脆，炸蠔裡面啖啖肉。以百幾蚊呢個價嚟講，真係好抵食，任食又多野食，食到飽一飽😋大滿足的一餐。…Read More

今日去澳門玩，我同男友買左船票係上環上船。記得之前有朋友介紹上環一間隱世小店唔錯，就同男友去試下。上船前要食飽飽，我地叫左一個沙律+兩個lunch+兩個甜品+兩杯飲品。每個lunch set都有主菜、薯條、沙律同飲品。西柚青檸特飲 & 草莓啤梨特飲芒果蟹肉沙律 - 菜嘅種類非常多，咩都有啲，面頭放滿蟹肉同芒果，冇落沙律醬同無醋，但都唔覺得太dry。美式豬仔骨 - 豬仔骨表面佈滿甜甜既燒烤汁 ，餐廳已經切好左三件。肉既份量都唔算少。肉質軟腍且夠滑嫩，脂肪位唔多。平鐵牛扒 - 牛扒十分厚身，份量十足，令人流晒口水~草莓窩夫配雪糕 - 分別以雲呢拿雪糕配窩夫，窩夫酥酥脆脆，口感鬆化，整體上的味道很好。咸焦糖朱古力布朗尼 - 質地比海綿蛋糕較為濕潤，朱古力味道亦較濃郁。…Read More

之前已經黎過食dinner覺得唔錯，今日就黎試下午餐。其實午餐同晚餐既食物選擇都係差唔多，不過價錢上相比晚餐就抵d。我地叫左兩個set lunch，一個要湯一個要沙律。經典肉眼牛扒配薯條 - 依到烤肉眼扒烤得好香，牛味濃之餘，仲好juicy。  生熟程度拿捏得好好, 水準一流!! 香煎帶子扁意粉 - 意粉煮得合時，煙煙韌韌，挺有嚼勁，口感不俗，還有五隻肉厚肥大的帶子，外表煎得金黃，肉嫩鮮味，質素不俗，讚！蘋果檸檬磅蛋糕 - 其他餐廳未見過有依款蛋糕，好奇見到就order黎試下。蛋糕扎實不乾口的蛋糕，其實都幾好食，不過就比較普通。海鹽焦糖及鮮忌廉可麗餅 - 可麗餅口感煙韌，有淡淡蛋香，簡簡單單加海鹽焦糖及鮮忌廉已經覺得好好味。…Read More

泰廚泰國菜館都幾大，有兩層，我哋就坐咗喺第一層，餐牌選擇都幾多，每日重有特價食品同加$1食品。平日都好多人等位呀，等左15分鐘就入到去。菠蘿炒飯好大碟，入面亦都好足料，有好多菠蘿，炒飯亦都好惹味。泰式炸蝦餅併春卷，蝦餅炸起脹卜卜咁，切開半邊圓拱型，外層炸得夠脆得黎又唔油淋淋，咬開蝦餅肉彈牙又香口。春卷都好香脆。串燒叫左一串豬、一串雞同一串和牛。呢度一次過淋晒啲沙嗲醬上面，唔使自己點。沙嗲醬惹味，d肉亦都燒得好好。馬拉盞炒芥蘭夠大碟又夠鑊氣，芥蘭炒得清脆碧綠，鮮嫩無渣。最後加$1要左椰汁西米糕，佢有兩層，第一層比較creamy，似係椰漿嘅感覺，底部係西米比較結實，唔會太甜，係適合炎炎夏日嘅甜品~…Read More

今日阿姨請食晚飯，阿姨話佢屋企樓下新開左一間餐廳燒鵝幾好味，所以就去左大壹燒鵝食晚飯。我哋叫咗兩份燒味瀨粉，分別係乳豬瀨粉同燒鵝瀨粉，再加多兩個小菜。- 乳豬外脆內軟，不過有少少肥- 燒鵝冇得輸！食落口有一種煙熏嘅味道，燒鵝皮好薄，食落好香口，唔會好油膩。所以一定要食。椒鹽鮮魷 - 份量十足，睇得出係即叫即炸，粉漿唔會太厚，入面魷魚炸過都依然好彈牙，唔會𡁻極都𡁻唔到。拔絲咕嚕肉 - 咕嚕肉個皮好脆，應該係用梅頭肉食落淋身，舊舊肉，完全無骨。 佢個掛汁唔會過多，酸甜味剛剛好，而且少見用蕎頭解膩，又可令整體味道帶酸。…Read More

我地到旺角行左一陣街，見有D攰，又想坐低抖抖，於是就搵到依間cafe。入到去啲裝修好休閒舒適嘅感覺。坐低睇完menu就叫左香辣茄醬鴨胸扁意粉、雞肉牛油果意大利飯同薯條。香辣茄醬鴨胸扁意粉 - 番茄汁再加上少少碎蕃茄，再加上煙鴨胸炒成，意粉份量適中。雞肉牛油果意大利飯 - 牛油果果肉軟滑，營養價值十分之高，意大利飯 上還配有芝士片，增添鹹香！！一口意大利飯，比一般的帶點硬身口感十足，忌廉汁非常Juicy。另外，本身想叫黑松露薯條，但朋友唔中意黑松露，所以叫左個普通薯條，坐下傾下計，一食就知係新鮮薯仔之作...好味道。Pineapple Fizz - 鮮淡黃色的菠蘿，再加上梳打水的碳酸氣，不失為炎炎夏日嘅最佳透心涼冰凍飲品。…Read More

今晚黎到依間位於銅鑼灣鬧市既居酒屋，店內地方唔算大，平日晚上也有唔少人黎輕鬆一番。軟殼蟹牛油果壽司 - 牛油果軟殼蟹卷比較失色，壽司好容易散，卷內紫菜淋左d， 但軟殼蟹夠脆口，整體都算足料。蟹味噌甲羅燒 - 甲羅燒係燒好左拎出黎，而唔係自己放上爐燒，蟹膏味濃, 唔會過鹹, 亦唔會有苦澀味, 食到蟹既鮮甜味, 夾埋個飯團同紫菜一齊食更豐富了口感。Firebird雞肉串燒盛合 - 串燒包括有自家製免治雞肉棒、長蔥雞肉串、雞腿串、雞胸串同秋葵，免治雞肉棒入口脆脆，有d咬口又帶點醬油味，味道較為惹味。日本產A4宮崎和牛(肉眼) - 肉質非常鮮嫰易入口，而且肉既紋理同脂肪比例剛好，整體質感唔錯。日本和牛讚岐烏冬 - 兩片日本和牛，和牛肉質夠淋身，烏冬口感彈牙得嚟又夠滑溜，搭配清甜湯底。Lava Flow…Read More

今晚男朋友帶我黎I's Land Cafe dinner，佢話之前食過lunch唔錯，所以帶我黎食dinner。上到去I's Land Cafe環境好舒服，座位與座位之間都闊落。我地叫咗個2人餐，有湯、沙律、小食、兩款主菜、飲品連甜品，以$398依個價錢真係幾抵食。先黎個餐湯同蒜蓉包，餐湯材料都唔少，平時餐廳都係一個餐湯加一塊蒜蓉包，I's Land Cafe居然有四塊。蒜蓉包脆脆的。是日果汁係新鮮橙汁小食我地選左粗薯條，粗薯條熱辣辣、外脆內軟，內面薯仔蓉好香滑、外面薯皮好脆口！德國豬手配三色汁，呢個豬手個皮脆到不得了，食落去索索聲🎶難得裡面既肉唔算太乾，都有肉汁。白松露忌廉帶子手工扭繩粉，意粉啱啱炒好就上碟，熱辣辣好好味，一放入口就食到好大陣白松露味，扭繩粉有d似銀針粉，口感煙韌！好特別，平時係出面餐廳都唔會食到。其中一個甜品加錢轉左心太軟配3.6牛乳雪糕，心太軟能夠做到岩漿湧出的效果，表現令人很滿意。…Read More

今日去左威爾斯醫院探病，探完病就行去第一城食野。依間店有十幾款All Day Breakfast 選擇，價錢由五十幾至百幾蚊。我地叫左一個A1 同A11。order完好快就送上，兩個餐都份量十足。A1餐 - 有兩條腸，一塊薯餅，火腿奄列，黃金多士，沙律菜和茄汁豆。芝士火腿奄列勁大勁厚身，多士同薯餅都香脆可口。A11餐 - 一塊牛扒，一塊薯餅，炒滑蛋，黃金多士，蘑菇，沙律菜和茄汁豆。牛扒無over cook，依然有鮮嫩感。…Read More

朋友話我知太子有一間餐廳食半自助午餐好抵食，但餐廳唔太大，最好預早book定。咁我就book左星期日11:30，我去到先發現原來我之前黎過食晚飯都唔錯。我地係第一枱客，之後好快就full晒。主菜既選擇都唔少、豬、牛、雞、pizza都有。沙律、甜品、餐湯就任吃，重有一杯餐飲。意式芝士香煎龍利柳意粉 - 香煎龍脷柳成手掌般大，外皮煎至微微香脆，內裡魚肉仍然保持濕潤，的確唔錯。紅酒燴豬仔骨，燒薯 - 豬肋條處理得非常好，完全冇雪味，燴得很入味唔黐骨，仍然可以保留肉嘅質感。沙律區都有10款自己配搭甜品選擇都唔少, 做得好精致，味道都唔錯。…Read More