Lecky's Profile

泡菜烤肉豆腐鍋個鍋滾熱辣，上台時都還是滾住，考有feel，這個真是必食推介，湯底鮮甜香辣，我很喜歡吃辣的東西，卻不可以太辣，這個辣度比較適中，應該是店家做出取捨的，我認為這個辣度對於大多數香港人應該是適合的，如果喜歡更加辣，可以要求大辣。泡菜酸辣提升味覺層次，有清爽的感覺，豆腐好嫩滑，秘制烤肉好香，還要一些配菜，如蛋，粟米，名門卷，菜等，整個配搭相當不錯，配上白飯好正。加杯凍檸茶，一流！之前朋友推介，試過一次之後我自己有時都會帶朋友過來，特別是沒有胃口吃飯時都會想食這個泡菜烤肉豆腐鍋，因為好醒胃，想起都食慾大增。…Read More

在旺角要食韓國菜，必食首爾石鍋燒。他們主打韓國秘製烤肉豆腐鍋，鐵板飯，石頭鍋飯，泡菜炒飯等，小食選擇多，味道一流，價錢合理。我們幾個朋友到旺角聚餐很多時會幫襯。強烈推薦泡菜烤肉豆腐鍋，是首爾石鍋燒的招牌菜，試一啖湯，鮮甜香辣，辣味帶鮮，帶甜，還有泡菜及香料香味是普遍香港人能接受的辣度，更不失香辣，滿足喜歡吃辣的朋友。泡菜是首爾石鍋燒自家腌製，鮮，香，辣，甜，爽，非常可口。而且泡菜是世衛證實抗氧化物，多食有益健康。烤肉更是一大特色，非常特別，淰，滑，入味，鮮香，加入大量香料腌製，很多食客就是沖著首爾石鍋燒烤肉過來的。泡菜烤肉豆腐鍋可以選擇配飯或者烏冬，配飯的話鍋底有韓國粉絲，食過好多次，非常不錯。這次我選擇了烏冬，他們的烏冬也是名物，選用韓國手打烏冬，爽滑彈牙，有別于日本稻庭烏冬或者贊崎烏冬，除了滑，還多一份清爽感覺，包保一試難忘。鍋裡面還有蛋，滑豆腐，粟米，等。他們的海鮮烤肉豆腐鍋，年糕烤肉豆腐鍋，金菇肥牛烤肉豆腐鍋，泡菜鐵板飯，泡菜鮮蝦烤肉炒飯，一口雞，粉絲餃子，泡菜餃子，海鮮蔥餠等等做得非常好，到旺角的朋友務必前來一試，誠意推薦！…Read More

最近D friend食日式放題，一發不可收拾，無幾耐前先食完，咁快又吹雞。今次食旺角另一間御滿屋。坐低唔使講野先黎一盤刺身熱身，三文魚，好肥美帶子，鮮甜而且無雪味油甘魚，夠爽口新鮮吞拿魚，好甘甜，大赤蝦，好大大隻呀！甜蝦，同個名一樣咁甜，泰式生蝦，好少放題可以食到，正！北極貝，我至愛，無得輸。火燄和牛壽司，牛肉油花香濃，蒜香牛油燒赤蝦，牛油味香，再用火燄烤，雙重享受，燒有機蕃薯仔，即系平時係超級市場買的日本蕃薯，一口一個，好甜，燒脆肉瓜，清新健康，燒有機菠蘿，叫左幾個round，D菠蘿真係好香好甜，必食。鹽燒海蝦，唔介意mok蝦殼的朋友還是可以試試，因為D蝦燒出黎係好食好多，鹽燒牛舌，牛味極濃，好正，蒲燒鰻魚，啖啖肉，用黎送飯一流。虎蝦天婦羅，炸得乾身唔油膩，食多幾隻都唔怕生豆豆，芥辣八爪魚手捲，刺激味蕾，食左好醒神，三文魚手捲，每次必食，太中意！飲品方面都好多選擇，除左有一般汽水，還有提子汁，芒果汁，蘆薈汁，啤酒，梅酒，清酒任飲等，清酒係熱的，我飲左幾杯，米香味濃，唔錯！最後還有雪糕做甜品，真係好飽。由於太多野食，有D食左都唔記得，下次再黎先得。…Read More

今日約左朋友食放題。計下都好耐無去，去之前都好期待。好多野食，樣樣都想試。當然要叫刺身先啦，三文魚，好肥美，油甘味重，吞拿魚，鮮甜好味，帶子，彈牙爽口，好新鮮，大赤蝦，大大隻，而且蝦味濃。再黎燒物，燒牛舌，好重牛味，加埋黑椒，味道提升，燒菠蘿，菠蘿好甜，燒過後更加又軟又甜，燒蝦，燒蝦令舍香口，蝦味濃鬱炸物，本身我自己不太喜歡炸物，怕油膩，但都叫左天婦羅蝦婦羅蝦，炸得乾身不挂油配埋個汁，又脆又好味。料理，炒牛柳粒，肉味香濃，炒得香口而且肉夠淰。卷物，芒果卷，芒果夠香夠甜，大人小朋友都合適，鰻魚卷，鰻魚煮得剛剛好熟，肉汁豐富好好味。飲品，有清酒和啤酒任飲本身自己唔好飲酒，所以我無飲，喜歡杯中物的朋友不要錯過。其實還有好多其它食物，不能一一盡錄。最後還有Haagen-Dazs雪糕當甜品！非常不錯！…Read More

是日途徑太子別樹華軒，覺得口渴，是時候買杯野飲下了。見到幾間台式飲品店，外觀各有特色，經挑選下，光顧這間一茶詞，除了靚之外，價格合理，更重要是它的黑糖珍珠鮮奶poster吸引我，那些雲石紋好靚。落單等左大約10分鐘有得飲，出黎效果同poster無異，無花無假，正！首先細細飲一啖，奶味濃郁，伴有奶香。再吸幾黎珍珠，正常，軟得黎彈牙，不粘稠。最後將黑糖攪拌，在飲，黑糖的甜味將奶味帶出，奶味更濃，而且黑糖自身有一種類似炭燒香味，整個感覺好full，值得每一細啖慢慢品嚐，$29這價錢覺得絕對合理，比起其它店三四十的來得實惠，值得推薦。…Read More

大家樂最有代表性食物梗係一哥豬扒飯啦，豬扒夠厚，加上炒飯底，伴有番茄，青豆，菠蘿，還有大量芝士，焗出黎香噴噴，大人小朋友都咁中意食，每過一段時間都要過黎食一次，滿載回憶。…Read More

平時想食點心，多數要去酒樓，宜家好多細細間食點心的餐廳，有的堂食，有的外賣。其中我覺得唐記D點心比較穩陣。今次買左個外賣飯盒：鳳爪排骨飯 $20乾蒸燒賣 $15鳳爪排骨飯非常抵食，而且味道好，鳳爪夠入味，夠唸，辣度啱啱好，排骨夠滑，夠香，還有D醬汁滲入個飯裡面，好好食。燒賣其實也不差，屬於中上水平，不過也不太出彩，正正常常，要贊的是它不肥，瘦肉居多。外賣點心確實提供了顧客另一些選擇，方便快捷，不不錯的。…Read More

係觀塘住的九成知道合興，以前巴士站未拆之前就係公園隔離第一檔，中午午飯時候十分旺，有四十年歷史。每次我都只會食牛腩河粉，唔知點解，咁多年都係，可能無冒險精神，實情唔係經常黎，每次都食穩陣野算了。他們的牛腩河炆得好軟身同埋好入味，個腩汁好有牛味。河粉質感有韌力，不太軟，不太硬，連埋D湯一齊食，一流。可惜太肚餓，食完成碗粉先記得影相。係粉面檔當然要飲返支玻璃樽裝可口可樂，夠氣有夠味，絕配。大家得閒可以過黎試試，就係街市旁邊。但環境以及衛生不是想像中好，要注意。…Read More

港記開係康寧道斜路，其實都好幾年，地點算方便，觀塘街坊都知道。中意黎尼度食甜品係因為中意食他們的芒果，時時過黎都好香好甜，不論咩季節。芒果加布甸 $27芒果香甜，布甸夠滑，攪埋一齊食又香又滑，連小朋友也很喜歡。芒果黑珍珠 $27黑珍珠爽滑，口感清新得意，加埋芒果的香甜，絕配，不論外形或是味道，都是很適合夏天消暑之用。其實之前試過其它傳統甜品，例如咋咋等，也是做得很不錯。他們的出品不太甜，正適合我口味，大家有空可以來試試。…Read More

啟業邨街市裡面這間賣點心的餐廳，外賣為主，有幾個位置供堂食。早上很多人經過順便買早餐，我都湊熱鬧買個菜肉包 $7食落有驚喜，包皮軟滑香甜，裡面肉餡足量惹味，有少量蔬菜，作為一個早餐剛剛好，下次試試其它。…Read More

一般嚟講，食早餐選擇多數都係快餐店或茶餐廳，例如麥當勞，大家樂，美心等。但係其實早餐食碗粥都係唔錯，今日去咗泰華粥麵，叫咗一碗生滾肉片粥。我喜歡生滾粥嘅原因係因為生滾粥對粥底的要求比較高，而且有大大塊嘅肉碼。 泰華的生滾粥做得唔錯，粥底夠綿，夠滑，有米香，肉片夠大塊，夠滑，夠彈，而且有肉味。生滾粥最重要係要落姜，姜係生滾粥畫龍點睛之物，最理想係走過油的姜蓉，尼度落姜絲都唔錯，係無咁完美而已。整體黎講整碗粥質素都好高。題外話，食到差不多最後，有少少皮蛋係碗底，唔知係洗碗洗得唔乾淨定係筆粥只殼之前用黎筆過皮蛋瘦肉粥，希望餐廳注意。…Read More

最近喺香港嗰啲台式珍珠奶茶店好似雨後春筍咁又周圍開，但係我對飲奶茶又唔係好感興趣，雖然我鍾意牛奶嘅味，但係我又唔係好鍾意飲茶。今日喺麥當勞就買咗一杯士多啤梨奶昔，我覺得比珍珠奶茶好飲好多，因為呢杯士多啤梨奶昔奶味超濃，士多啤梨又香，兩種味夾埋非常之正，濃沃嘅牛奶同埋士多啤梨味加上又冰冰涼涼，簡直係夏天消暑嘅最佳選擇，正！ 而且而家一杯珍珠奶茶動不動都28蚊或者以上，一杯士多啤梨奶昔先至11蚊，我覺得係非常之抵飲嘅。…Read More

港拉麵喺香港都大大小小開左唔少， 好食嘅拉麵呢係相當吸引嘅， 最近喺旺角山東街做開咗一間別天神，行過咁咪入去試下囉，呢間拉麵用全自助嘅方式，即係話冇人service只要喺門口一部自助落單機自己落單，用八達通畀錢，羅住張單然之後俾工作人員佢就開始製作，然後坐低就等食 。都係同香港人追求快靚正嘅原則相同。我點咗一個別天神套餐 $105，坐低畀張單畀工作人員大概唔使十分鐘左右就可以有得食。個麵係賣相正正常常，有裡面有拉麵，叉燒，蔥花，溫泉蛋同埋黑木耳絲。 個面呢就普普通通，軟硬程度適中，但咬勁不足，湯底也不過不失，有味，但唔算鮮甜，溫泉蛋幾好，有流心，但無酒味，味淋唔夠，黑木耳硬咗少少， 叉燒肉味比較淡。整個面嘅味道都係中規中佢唔覺得好好食都唔覺得難食。 餃子就無謂再提，真係普通到不得了，不如去八方雲集好食好多，個沙律都係冰凍嘅沙律，同一般薯仔沙律差唔多。服務一般，因為根本無服務，係全自助。環境比較狹窄，大門敞開，夏天比較熱，感覺唔係值$105。…Read More

係旺角，有邊個無知肥姐小食？成條登打士街都係小食店，但係冇一間夠肥姐小食咁墟撼，皆因由朝到黑日日都排曬長龍， 隔住九七經咁遠已經聞到佢飄過嚟嗰陣特有嘅介辣香味，想話拿拿林買返串食都幾難，事關一定要排隊。今日落大雨行過見到竟然冇人排隊，所以就行過去買番串嘢食，因為都好耐冇買了。其實小姐食肥姐小食有好多嘢都好好食，例如 大墨魚， 紅腸， 雞腎， 鴨舌都非常好 ，今唔係好肚餓所以淨係買咗我最鍾意食嘅大墨魚，記得一定要加芥辣。八爪魚爽滑，易咬，介辣勁香，真係街頭小食之極品。…Read More

呢間餐廳聽講係日本人經營，之前食過幾次， 價錢適中味道都唔錯，所以今次去到呢間商場再食 ，叫咗水牛芝士，三文魚沙律，pizza，肉眼扒，烤焗香腸。嗰個水牛芝士我覺得淡左D，不過食落質感都唔錯，三文魚沙律好新鮮， pizza餅底鬆軟，toping好味，肉眼扒都啖啖肉，但係肥嘅部分比較多但又唔係有油花，呢個就差少少啦，烤焗香腸好惹味。總括黎講食物都唔錯，雖然門口好多人等位，但係服務員依然有禮，這個值得稱讚。…Read More