tmc.66's Profile

呢間黎巴嫩餐廳嘅環境真係好吸引，每個位置都係影相位，岩哂中意打卡嘅女仔～食物比我想像更易入口同埋好特別，融合了多種特色食材，製作出別具一格嘅風味，睇得出好有創意同好用心。Arabic Mint Tea（阿拉伯薄荷茶）呢個盛住薄荷茶嘅茶具真係好優雅，好似係皇宮被招待咁。薄荷茶好清新，解膩又透心涼，岩哂依家咁熱嘅天氣。CHICKEN SHISH TAWOOK（烤雞肉串）呢個係lunch set，有湯， 小食包括鷹嘴豆蓉、紅菜頭鷹嘴豆蓉、薄脆紅石榴醬沙律同炸鷹嘴豆餅，賣相同味道都好獨特。雞肉醃制入味，濃郁中東香料味完美滲透其中，孜然、肉桂等香料都營造出特別且層次豐富嘅味道。Shrimp Fatteh（金沙蝦乳酪拌飯）勁欣賞呢個，蝦肉飽滿彈牙，乳酪撈飯一齊食真係幾夾，酸酸甜甜，真心好味喎。配料有松子仁同脆片，口感層次豐富。Rice Pudding （米布甸）軟糯，入口即化，係獨特嘅口感，又唔會好甜，輕輕加左肉桂粉就令味道更昇華。…Read More

上次食過2人餐又抵食，份量十足，今日同埋屋企人又黎，係食3人餐。泰式香茅豬扒煎蛋飯呢個醬汁唔係預期內既香茅豬扒味，係特別嘅風味，不過有啲咸。越式海鮮春卷包生菜米網外皮炸到香脆，生菜的清新爽脆，搭配各種餡料，層次豐富。冬蔭公豬扒湯河粉呢個湯底有啲辣，唔食得辣唔好叫啊，食得辣嘅就一定要叫，湯底勁濃郁，酸辣開胃，係我今餐最中意～香茅豬扒入晒味，濃郁香料味，香茅嘅獨特香氣，河粉吸飽咗冬蔭公湯底濃郁嘅滋味，好出色。泰式鮮蝦餅蝦肉鮮嫩Q彈，緊實彈牙，再蘸上搭配嘅泰式甜辣醬，酸酸甜甜，瞬間令蝦餅嘅味道昇華咗。青咖喱雞扒飯青辣椒替代了乾紅辣椒，口感酸辣甜清香，是咖喱界小清新。雞肉嫩滑同青咖喱濃郁嘅味道完美結合，每一啖都充滿了東南亞的風情～青咖喱醬汁撈飯食簡直得絕配。泰式火山排骨造型超吸睛，排骨堆成小山狀，似火山一樣，肉質鮮嫩多汁，輕輕一嗦，骨肉分離。靈魂在於獨特嘅青色泰式酸辣醬汁融合左檸檬嘅清新酸再加上魚露鮮味，味道過癮。…Read More

荃灣市中心角落都有高級西餐廳，仲要估唔到連前菜都咁出色。前菜揀左布拉塔沙拉同藜麥煙燻三文魚沙拉，用咗好多好豐富嘅新鮮食材混撘，主菜就揀咗咖喱羊肉配薄餅同澳洲黑安格斯牛排配薯條。布拉塔沙拉其實係水牛芝士，配菜有火箭菜同蕃茄配意大利黑醋汁，好清新，水牛芝士味道唔會好濃烈，外皮Q彈，內裏柔滑似奶凍。藜麥煙燻三文魚沙拉藜麥粒粒飽滿，嚼起來富有嚼勁，煙燻三文魚咸香適中，蔬菜同番茄都脆嫩多汁，夾埋一齊飲口感豐富，但層次分明。咖喱羊肉配薄餅羊肉燉煮得軟冧又無羶味，充滿濃郁嘅肉香。每一塊羊肉都充分吸收了咖喱香料味，咖喱味道正宗且濃郁。配薄餅食真須好正，薄餅非常出色，外皮酥脆，內部柔軟有韌性，同濃郁嘅咖喱羊肉搭配好好。澳洲黑安格斯牛排配薯條肉質紋理細膩，我點七成熟，表面呈現誘人嘅焦香，裏面粉紅色，口感軟硬適中。薯條炸得外脆內軟。甜品Tiramisu +$20入口即化，勁大塊，同出面西餅個size一樣，但平過人地！可以清晰感受到每一層，融合之後嘅味道真係好出色。…Read More

今日食我最中意嘅韓餐，之前食過一次晚餐覺得幾好食，今次帶埋屋企人嚟食，原來都有午市套餐，包左小食前菜（有甜酸青瓜、醬油蓮藕、醬油鵪鶉蛋同泡菜）、清湯同特色飲品。午市套餐-芝士四重奏手卷伴飯賣相精緻，色澤誘人，加麻油同辣椒醬攪拌，就可以自己用紫菜包住食，米飯沾滿醬料、芝士同配菜，甜甜地，口感豐富。午市套餐-咖喱牛肋肉鐵板飯現場即炒表現，2分半鐘煎牛肉，再加入咖喱同芝士碎就完成。將咖喱牛肉淋係飯上面，每一粒米都沾滿醬汁，有牛肉嘅鮮嫩味，咖喱嘅椰香味。午市套餐-辣泡菜豬肉豆腐石鍋湯飯呢個媽媽好中意，唔係好辣，石鍋‘’咕嘟咕嘟’‘，辣泡菜係靈魂所在，酸辣開胃，爽脆可口，仲有軟嫩嘅豆腐，入口即化～同泡菜、豬肉搭配一齊食，好滋味。卡邦尼年糕濃郁芝士香氣撲鼻而來，年糕被卡邦尼醬均勻包裹，年糕軟糯的口感，芝士濃郁奶香，再加埋旁邊嘅米通一齊食脆卜卜，每一啖都有豐富嘅口感。魚介湯鍋睇住鍋內豐富食材就超有食慾。魚糕超多，各種形狀都有，每一塊咬落去都滿滿的魚鮮味。湯底味道係淡淡的甜味，無腥味，飲落非常舒服。裡面還有鮮嫩的蔬菜、菇類、年糕，吸飽左魚湯嘅鮮味，超滿足。黃金蒜香無骨雞色澤誘人，蒜香撲鼻，瞬間勾起左我嘅食慾。蒜香味道超級濃郁但唔會刺鼻，完美滲透到每一絲雞肉纖維裏面，咸香中帶點微微嘅甜，呢種獨特嘅風味會令人一塊接一塊。…Read More

出名食雞煲海鮮火鍋既家嫂，原來平時都有午市套餐，仲要有小菜、小食同米線㗎！我揀咗金銀蒜澳洲帶子蒸飯同酸菜魚米線套餐，份量都唔兒戲😱有被震撼到，餐牌仲話可以無限添加任飯同湯，但我成碟都食唔晒，食到好飽。金銀蒜澳洲帶子蒸飯呢個套餐好豐富，有燉湯、生果同青菜，金銀蒜澳洲帶子蒸飯好好味，入哂味，澳洲帶子份量多，飽滿又柔嫩～入面仲有啲粉絲，同飯一齊食，豐富咗口感，好煙靭彈牙🩷推介！酸菜魚米線起碼兩至三人份量，超大碗，都只係$55😱😱勁抵食！不過佢係用左龍脷柳魚肉，仲有幾塊鴨血，一人真係食唔哂。小食我地叫左松露蝦多士、家嫂陳醋小籠包、街邊醬炒蜆同紅糖糍粑，款款各有特色。松露蝦多士香脆鬆化，雖然係炸，但我食落又唔會覺得好油膩喎。家嫂陳醋小籠包呢個造型好可愛，唧完甜醋後自動流落小籠包內，味道ok，但如果有汁會更好味🤤街邊醬炒蜆呢個豉椒汁唔錯，炒蜆沾上濃郁既鹹香豉椒醬汁，令人食指大動。紅糖糍粑呢個係我最鍾意，係流心咖，紅糖唔會太甜，糍粑煙韌，外脆內軟，真心正！食咗咁多熱氣嘢，我點咗杯蘋果雪梨茶同話梅檸檬可樂，食飯前飲又開胃又解渴，食完飯飲又可消滯，兩杯都唔會太濃味，可樂味淡。…Read More

尖沙咀內巷棉登徑有好多日餐，呢間令我覺得係同日本既水準不相伯仲💜職員好有禮貌，食物質素又高，精心烹調。我哋揀左二人餐👍🏻前菜前菜係蟹籽沙律同三款漬物，蟹籽沙律新鮮，開胃，漬物有醃白蘿蔔、原粒蒜頭同牛蒡。每款漬物睇落單調，但味道就好有驚喜，真心係衝擊味蕾個隻！開頭以為係普通醃酸白蘿蔔，點知係用左子薑醃，酸酸辣辣好特別。蒜頭又以係用普通辣椒醬，點知食落有木魚絲既味道，完成無違和感，又中和左蒜頭既重口味。牛蒡用左甜醬汁醃，但有小清新感覺。刺身四點拼盤分別有拖羅、三文魚、油甘魚同甜蝦。厚切刺身又點少得，刺身非常新鮮又肥美，我以往都唔係好鍾意食拖羅，呢個拖羅竟然令我一試愛上，脂肪分佈如雪花，入口即溶，大讚👍🏻壽司拼盤有赤身、深海池魚、真鯛、帆立貝、金目鯛、日本海膽同拖羅蓉小卷。有幾款係出面好少食到既高級魚種，又幾特別。廣島蠔味噌菜鍋廣島蠔肥美，火候啱啱好，連裙邊都肉質細嫩。鍋內仲有水晶粉，煙煙韌韌，同味噌湯底好夾。黑咖喱湯豬軟骨稻庭鳥冬一上菜已有陣陣香氣，黑咖喱湯非常濃郁，豬軟骨淆煮到肉質軟嫩入味，軟骨部位口感爽脆香嫩。小食即炸即燒，好惹味。輕盈小甜點係雪米糍，飽肚2人餐，真係好enjoy今餐啊🥰…Read More

朗豪坊新開嘅90分鐘一人一鍋日式放題火鍋好吸引😻有一般牛牛、特選牛牛、嚴選牛牛同黑毛和牛套餐共四款，最平$128已經食到。第一次食唔想揀最平嗰個餐，但又唔想揀最貴試，就揀左個中高價嘅嚴選牛牛套餐試下先。基本湯底都有9款咁多，我哋揀左黑蒜豚骨湯底同胡椒和牛湯底，之後就去自助bar拎其他醬油同配料，自助吧有各式各樣嘅蔬菜麵食、甜品同飲品。黑蒜豚骨湯底x胡椒和牛湯底黑蒜豚骨湯底呈現乳白色澤，唔算好濃郁，但黑蒜就增添左一股獨特嘅香氣，同埋都唔會搶咗其他火鍋配料嘅味道。胡椒和牛湯底嘅胡椒味好出，味道濃郁，有啲辛辣，同火鍋配料幾夾。個人覺得如果想食下靚牛牛放題，嚴選牛牛套餐已經好正，個套餐已經有牛舌，嚴選牛，穀飼牛，豬肩肉同雞腿肉任食，嚴選牛牛肉質軟嫩，較滑，口感已經豐富👍🏻當然想食埋海鮮就揀和牛套餐啦。呢度甜品有藍莓雲呢拿雪糕同小糕點供應，仲有toppings 自己加添😋都好滿足㗎～走嗰陣見到都有炸物小吃新鮮出爐，有章魚小丸子、雞軟骨、芝士薯波同煎餃子等等。大家有機會都試吓啦😋…Read More

之前食過呢間晚市小菜係唔錯，今次就打邊爐，都好唔錯，價錢仲好優惠，120分鐘$268 ，如果提早預訂，可升級無限時😋。套餐包左有龍蝦🦞（可揀蒜蓉粉絲或打邊爐灼），雞煲或烤魚，另有海鮮拼盤揀，仲可能揀另一湯底打邊爐，放題食材仲有燒味點心，勁豐富！其實真心幾抵，出面咁食起碼都三百尾四百蚊啦。龍蝦原汁原味食到鮮味，肉質彈牙。我地另揀左椰子雞同花膠美人鍋，兩種湯底都勁濃郁，椰子雞湯頭香甜滑溜，椰奶味濃，雞肉又嫩滑，好好味。花膠美人鍋底加入豐富嘅花膠，滿滿豐厚膠質感，滋潤養顏，深受女士喜愛💕愛養生嘅你一定要試吓❤️海鮮拼盤食材好新鮮，有活鮑魚 /台山蠔/龍𧄌片/元貝/活海蝦/蟶子活北寄貝/象拔蚌仔/沙白/白鰭片可揀六款，每人一份 每款都飽滿又啖啖肉，其中帶子，海蝦🦐沙白，蠔都可任食。火鍋配料入面我比較鍾意美國牛小排、黑毛豬、炸魚皮同海蝦。美國牛小排肉質柔軟滑嫩，油花分布均勻😍點完一輪又一輪。黑毛豬有肉汁豐富嘅口感，肉味濃郁到滿瀉，唔加任何調味，都已經好好食🤤係咁encore。炸魚皮又係好正，熱辣辣，酥脆且無腥味。 活海蝦勁新鮮!!啲腸係無黑色污糟野，肉質又彈牙，又係encore左好多。…Read More

今次又黎食二人餐，抵食好多啊！又揀左唔同嘅試。紅葉四點盛x小龍蝦沙律前菜有魚生刺身、炸蝦、枝豆同芥末八爪魚，每樣都小小地食，好滋味。小龍蝦沙律夠新鮮，口感亦都非常清新，輕盈。吉列豬扒&廣島蠔飯兩款主食都好飽肚，吉列豬扒同廣島蠔炸到金黃香脆，蘸上混合芝麻的秘製醬汁更加滋味。香辣燒牛肉湯烏冬呢個燒牛肉好好食，肉係有帶筋部位，但唔會韌，入哂味，肉香濃郁。期間限定軟雪糕名符其實都係抹茶雪糕，大大份又抹茶味勁香濃，但食到冰變到無咁滑，可能咁會無咁易溶。抹茶雲石紋芝士蛋糕比傳統重芝士蛋糕輕盈，淡淡嘅茶香，唔膩。…Read More

今日同老公近近地去市中心食下西餐，發現好物💓忌廉雜菜蜆肉湯個餐湯好濃郁好好飲，好足料！田園沙律呢個沙律有牛油果，無花果，好有新鮮感。無花果果肉飽滿又香甜，醬汁係用左柚子醋，好開胃。蘑菇配意式辣肉腸薄餅薄餅邊緣烤得焦脆香，表面芝士融化形成拉絲，每啖清晰食到蘑菇鮮和辣肉腸，非常濃郁嘅意式風情。烤咸豬手配酸椰菜咸豬手分量十足，用刀切開都聽到“咔嚓”脆聲，非常焦脆，肉質又軟嫩，酸椰菜堆係旁邊，味道酸香又解膩。…Read More

呢間係我食過最有創意嘅素食餐廳，用心制作，好味又飽肚。青檸百香果呢個唔酸，層次分明，有青檸嘅清香，甜度岩岩好。咖哩汁吉列豬扒飯外皮酥脆，內裏素肉同豆制品嘅清香，軟嫩中帶有嚼勁，一啲都唔膩，但有幾分相似嘅口感，配埋咖喱汁，香濃惹味，好送飯。枝竹素羊腩麻醬撈麵呢個醬汁味道真係食緊羊腩煲嘅味道，做得好逼真，用豆製品去整類似肉嘅纖維感，炆到入味，吸收左湯底嘅精華，尤其枝竹軟嫩，口感層次豐富。素麵煮得軟硬適中，帶著嚼勁。沙嗲牛肉串呢個整到好似食緊牛舌，突出左BBQ風味，但又無蓋住素肉本身嘅豆香。桂花叉燒表皮鬆軟微脆，裏面素肉纖維軟嫩多汁，好正！…Read More

重慶雞煲（半隻）肉質緊實不柴，醬汁完全滲進入肉。今次揀左bb辣，辣中帶鮮，麻中帶香。鍋底洋蔥特別出色，洋蔥燉得好爽甜。鮮白鱔片食完雞煲揀左白鱔片淥吓嚟食，肥美嘅鱔肉細嫩又鮮，細細咀嚼都能夠食到油脂甘香。日本扇貝保留左扇貝原本嘅鮮甜，加入雞煲嘅調味後，更加滋味，扇貝肉彈嫩又鮮甜。蒜蓉燒生蠔而家做緊優惠，$10一隻咋，仲要係處理得好乾淨，無沙。一咬落去，生蠔肉滑嫩到好似布丁咁，蒜蓉咸香完全無蓋過生蠔本身嘅鮮甜。…Read More

呢間咩記打邊爐出哂名，接近食飯時段愈來愈多人，好岩一家大細或朋友聚會，呢到除咗可以食到羊嘅罕有部位，仲有多款海鮮、牛豬雞同串燒，就連傳統中式甜品都有得揀。食左經款覺得特別好食，真係要推介下俾大家<3卜卜蜆濃湯鍋有海鮮嘅鮮甜，外殼乾淨無沙，後肉質飽滿彈嫩無腥味。高鈣肉係前腿夾心肉與扇面骨相連處嘅一塊月牙脆骨，軟組織上面有一層薄薄嘅瘦肉，由於前腿運量大，肉質細嫩緊實，肥瘦相間，以瘦肉為主，肉質鮮甜可口帶脆口，每隻羊只有600g大概3碟肉，帶月牙脆骨係羊肉唯一可以食用嘅軟骨，所以好珍貴。羔羊肉取自180日大嘅羔羊，而且係用四個月月曆以內羔羊，肉質最鮮美鮮嫩，香味重，唔係羶臭味，瘦肉為主，脂肪分布比較多，筋膜較小。羊後腿呢個部份嘅肉更有嚼頭，充滿鮮甜肉汁，肉鮮甜可口，而且肉中夾雜筋膜唔容易煮爛。尾巴肉取自180日大嘅羔羊尾巴，白雪雪，羊香味最重，油脂豐盈，肥而不膩，有豐富膠原蛋白，入口即化～口感似牛胸爽，鍾意食牛胸爽嘅一定鍾意食呢個羊尾巴。招牌經典烤羊小排x 招牌經典烤羊肉串带骨部分烤得得焦香，瘦部分嫩，唔韌，肥部分焦香唔膩，每啖都吃到肉香同油脂香平衡，係優質羊肉。桂花蚌味道又鲜又脆又香，勁中意佢爽脆嘅口感，又無沙。浦燒鮮海鰻繼羊之後覺得最好食既燒海鰻，入口先係醬汁甜，之後係海鰻本身嘅脂香，表皮帶有微微焦香，鎖住左入面嘅油脂，肉質雪白細膩，魚肉軟嫩不爛，最難得係無細刺，好juicy。…Read More

鹽燒五花肉偏干，但外皮焦脆帶咸香，簡單鹽味已經好好味，好適合配酒。香燒翠肉瓜口感脆嫩，自然清甜，清爽多汁。麻辣雞腎夠彈牙，麻辣麻香後勁十足，越嚼越有滋味。汁燒雞腳筋筋腱彈牙有韌勁，有口感。鹽燒豬頸肉呢個簡單調味已經好好味，焦香味正，肉質鮮嫩多汁。鹽燒牛舌牛舌嫩，火候啱啱好，令人回味無窮。爆茜汁雞肩肉呢個係甜甜地嘅芫荽汁，又幾好味喎，雞肩肉勁juicy，肉質嫩滑。炸紫心香芋丸平時放題我都必嗌，外脆內軟，香芋丸軟糯好正。椰子雞湯估唔到呢度都有得飲養生湯，又有幾香濃入味喎。麻辣和牛面頰風味十足，和牛面頰燉得軟嫩，麻辣辣度夠勁，但和牛面頰又唔會被調味蓋過，呢個非常推介。彌猴跳動呢個係無酒精飲品，味道好特別好fresh，幾出色咖。古法窯雞屋企人都讚不絕口，用錫紙包住隻雞焗到非常入味，肉質嫩滑就肯定，啖啖都食到獨特嘅風味。…Read More

軟殼蟹黃薑飯軟殼蟹外脆內軟，黃姜飯唔會太濃郁，又唔會太油膩，始終都唔係個個接受到，但佢整到好易入口又充滿風味。三鮮PHO係生蠔生蝦滑雞配椰汁酸湯檬粉，生蠔好滑嫩，蝦肉彈牙，雞肉鮮嫩，湯底酸辣鮮甜！牛豬蕃茄湯檬酸甜開胃！番茄湯熬得好濃郁，牛肉同豬扒軟嫩入味，每款都同番茄湯好夾。芝士蝦多士好邪惡㗎！流心芝士蝦多士脆卜卜，鬆化。越式春卷春卷皮炸得香脆，餡料實在又飽滿，有紅蘿蔔木耳椰菜粉絲，餡料塞滿哂，每啖都好滿足。…Read More