jenorjenny's Profile

大角咀小店，家庭式經營～泰國人主理，樣樣餸都好用心煮，真係食得出泰國風味！見到都有泰國人嚟幫襯，就知有保證🤣🤣椰子雞湯好椰、好足料，勁多菇同雞，香料都好足料🫶🏻🫶🏻以為佢細細兜，但5個人都飲唔哂！另外大讚蒜蓉包，真係整得好香、好脆卜卜，點吓個咖哩蟹汁仲！鹽焗烏頭都好食，個汁好味，酸酸甜甜～仲未講個大蝦粉絲，係我至愛🥰樣樣都真係好正宗泰國口味。老闆娘勁好客仲送咗椰汁糕，係童年回憶！但最後太飽，無叫到芒果糯米飯🥲🥲下次要再嚟試吓甜品…Read More

放假到長沙灣覓食，想食果間餐廳排長龍，就決定轉戰日本嘢。見到食評都幾好。就試試佢。月見牛肉丼，牛肉份量好足料，食哂個飯都仲有牛肉剩低。甜甜嘅洋蔥牛肉汁，加生蛋撈飯真係無得輸！有驚喜😋估唔到咁好食，牛肉又靚又夠味。朋友叫咗牛肉鍋。壽喜燒汁好味，配料有娃娃菜、金菇、豆腐、波菜⋯⋯等等，仲配咗隻日本生蛋。樣樣都好入味！甜甜哋，我連湯都飲埋🥲🥲小食方面叫咗芝麻雞翼，香脆多汁🤤 芝士年糕都好食，好流心同煙韌！鋪頭外表平平無奇，但食物同服務都好高質😌！一定會再幫襯😋…Read More

疫情之下好多食肆都做唔住，今晚專登幫襯吓小店🥰 係旺角附近就揀咗「㗎仔飯」！叫咗個炸魚柳配咖哩飯外賣。首先要讚下收銀小姐，係比外賣我嘅時候專登逐樣對返我叫嘅items，好細心！而個咖哩汁係分開一個碗仔裝，唔驚浸濕晒啲飯餸，好窩心！咖哩係日式咖哩，帶有啲辣味，愈食愈過癮（如果有得加辣就仲好！）炸魚都炸得好好，唔會油淋淋！又厚身，唔係快餐店嘅薄魚柳，而且完全唔會有雪藏味👍🏻！配埋沙律醬，真係想食多幾舊😋！個餐包埋一杯玄米茶，食完咖哩飲返杯茶，舒服哂！…Read More

疫情關係，聖誕節無得出街食大餐，唯有留係屋企叫到會外賣返嚟食！不得不讚隻火雞！望落去超有分量！最驚喜係肉質滑，多汁，唔乾唔鞋，味道都一流！無諗過原來火雞可以做到唔乾身仲要係外賣！而且個錫紙盒都有好多肉汁，撈飯/撈雞食一流！我哋仲叫咗個8人套餐，有8樣protein揀，4樣carbs，4樣snacks。又要讚下個豬肋骨，食落味道好香，肉質好鬆軟、唔乾身，仲送咗勁多薯條鋪底！份量好足！ 青口意粉都好好食，食得出青口係新鮮、唔會腥！意粉係闊條麵，軟硬適中，配埋個汁食一流！個Carbonara 都係另一樣即刻俾人食哂嘅嘢！個意粉又係好好味，食得出廚師好比心機，完全唔會因為係外賣就hea做！一定會搵機會坐低堂食 總括嚟講，全部嘢都好好食。每個菜式都唔會敷衍你！100分呀呢個聖誕大餐！…Read More

鋪頭地址係佐敦同尖沙咀既中間住宅區內，平時真係唔會行去食。所以就專登搵左個假期去試試良心小台💛💛💛平時出街食西餐都鐘意嗌carbonara意粉，見到個個都推介緊係跟機！意粉係我鐘意既硬身，唔會淋batbat；仲有隻流心蛋係面，質感一流！味道都岩岩好，唔洗再落鹽/胡椒。朋友嗌左個健康version既all day breakfast，佢覺得份量岩女仔食，好味又健康。跟住又試左招牌red velvet cake，個cream真係好好味！推介！…Read More

見好多人介紹呢間小店，我又咁岩係太子附近，就專登行多兩步去幫襯呢間小店啦。間鋪好細，應該得20個位左右。食物選擇唔算特別多，主要都係食米粉。咁我叫左個花膠撈米同糖心蛋。而朋友叫左個花膠湯米同雞翼。我地都加左自製花旗嵾蜜。花膠好淋，好入味，配搭撈米好出色；撈米有碗上湯，都好好飲，勁清甜，我唔小心一開始已經飲哂。🤯朋友碗湯米望落好似好清淡，但佢話湯底好好飲，同樣飲哂。雞翼就好重酒味，我個人就唔鐘意酒味既，但佢就好滿意。另外，不得不提枝自己製嵾蜜，飲到花旗嵾味又有少少甜味，簡直想飲多幾枝！…Read More

下午路經呢間小店，得哥哥仔一個人一腳踢：收錢、落單、煮野食。香港寸土寸金，生意真係唔易做。見到腸粉即叫即整，突然食指大動，就叫左一份牛肉腸粉。都等左5分鐘先有得食。間鋪就無得堂食，不過我一攞到就企左係門口食！20蚊黎講都幾大份，落埋豉油，味道岩岩好！好耐無食過，係一份熟悉既香港味道！腸粉滑，芫荽香！下午茶岩岩好！見到店舖都有賣其他小食，例如砵仔糕、椰汁糕，甜度岩岩好，都有唔少街坊買。下次經過都會再幫襯！…Read More