hoitung.tai的個人專頁

第二次造訪呢間小店，依然保持高水準，食完令人回味無窮😋好頭好尾🐮麵一送到就撲鼻而來嘅牛湯香味，一飲果然充滿牛味而又有豐富膠質! 牛尾炆至完全離骨，入口即融; 而和牛面頰面又保有嚼勁。一碗麵可以試到2種不同口感👍🏻濃蝦餃🦐呢個湯底相對膠質冇咁重，但蝦嘅鮮味完全融入湯底之中，令人忍唔住一啖接一啖咁飲😋餃子皮薄，而蝦又大隻又鮮甜，好新鮮👍🏻雙冬羊肉🐏呢碗麵就有如迷你版羊腩煲一樣，有羊嘅香味但又唔會羶，即使怕羊羶既朋友都值得一試👍🏻最貼心莫過於有提供埋腐乳，令整碗麵更上一層樓。棉花雞🐔香濃而充滿豐富膠質嘅雞湯，配上嫩滑雞肉已經無敵; 再配上吸湯嘅魚肚，實在令人回味無窮👍🏻小食: 泡椒鳳爪夠入味，亦唔會太辣，不俗😋涼拌海蜇雞絲粉皮令人驚喜嘅小食😍芝麻醬加入少少醋，減膩更可提升食慾😋而最特別係呢到嘅粉皮係帶有類似薯粉質感，煙煙韌韌😍十分推介👍🏻呢間絶對係令人忍唔住一訪再訪嘅高質小店😎…查看更多

今日去到尖沙咀，突然心血來潮想鋸扒，於是去到位於小巷內既野郎Stone😋提提大家，因為店面較細，位置不多，所以有興趣既朋友要早早去啦😎星期六大概6點去到，等咗大約15分鐘就可以入座🥳今次嗌咗2款唔同牛試一試:牛肋間隔膜 (300g 配薯蓉)牛板腱 (300g)一上枱已經聽到「滋滋」聲， 鐵板夠晒熱🔥而廚房只係僅僅將牛扒煎到表面轉色，由客人自己切開再按喜好煎熟👩🏻‍🍳👨🏻‍🍳牛肋間隔膜相比下肉質較軟，容易切開；而限量既牛板腱比較有牛味，兩者各有特色醬汁方面，個人偏好柚子汁，酸酸地，可以降低食牛嘅油膩感👍🏻薯蓉係凍食，夠軟滑；沙律菜夠新鮮，但如果係椰菜絲就更好🙈蜆肉味噌湯略嫌太淡🤭下次希望再試一試佢嘅牛柳!…查看更多

海街丼位於鰂魚涌，係一間日式小店。今日特登係晚飯時間去，一嘗佢嘅魚生飯🥰而今日就試咗海宝丼💕一上枱見到滿滿嘅魚生已經令人食指大動😍呢到嘅魚生飯係有3種食飯，最簡單就係撈wasabi豉油。第二種食法，亦係比較推薦既係配上壽司醋啫喱👍🏻單食壽司醋啫喱會太酸，但配上魚生飯不但係恰到好處，更可以帶岀魚生鮮味🤩最後一種食法，係喺剩低三分之一飯嘅時候，加入暖壺內的魚湯。一打開暖壺，濃郁嘅鮮甜香味就撲鼻而來。可惜加入魚生飯後，魚湯鮮甜味未見特別凸岀。呢到嘅魚生飯令人食過一次後就難以忘記，大家都不妨一試🤤…查看更多

作為肉餅愛好者，一個直想上肉餅哥的肉餅。早前終於有機會😋一打開餐餅眼花撩亂，數十款肉餅任君選擇。本身想試花膠肉餅，可惜未有。惟有轉食第二心水的「金沙煎肉餅」配菜飯😍煎肉餅香脆可口，入面鎖住肉汁，熱辣辣，好好食☺️ 上面的金沙醬入面有粒粒鹹蛋黃，增加口感。而且金沙醬唔會過鹹，配上肉餅，撈飯絶配👍🏻而菜飯亦有驚喜! 茶粒清甜爽口，飯亦粒粒分明，係食邪惡煎肉餅嘅健康之選。送嘅老火湯較淡，但飲得岀冇味精。提提大家，星期六日如果想食，記得1點前去到，1點後就好大機會要等位啦🙈…查看更多

黑糖珍珠鮮奶開到成巷成市，而朋友話係台灣飲過珍煮丹令佢一試難忘。今日就去到朝聖😋值得一讚的貼心位係可以自行選擇甜度💖咁就方便咗一啲想試又怕甜嘅朋友啦! 我就選擇咗半糖，可以試真啲個黑糖又唔會太甜。冰凍嘅鮮奶同熱熱嘅珍珠，一冷一熱，簡直係完美配搭😋鮮奶夠奶香，搭配黑糖，正好中和黑糖嘅甜，提升黑糖嘅焦香。最欣賞佢嘅珍珠，非常有咬口，令人忍唔住一啖接一啖咁飲😍而且份量夠多👍🏻而家相對地少人排隊，大家不妨一試😎…查看更多

早幾日趁lunchtime去朝聖八月堂，好好彩只係排咗15分鐘就買到啦😻首先值得一讚嘅係牛角包🥐即使係擺咗1至2個鐘再食，都依然鬆軟同埋有少少脆😋 而且拎上手食完都唔會成手油👍🏻但就唔係所有味道都令人驚艷☹️私心推薦❣️明太子雖然明太子醬只有薄薄一層，但味道濃郁🤩再加上牛角包本身嘅牛油香味，令人驚喜😻而且坊間少有呢個味嘅牛角包，值得一試🤤另外私心推薦相思卡士達💕一食落去發現有好多紅豆☺️而更難得嘅係紅豆加埋卡士達都唔會過甜，而紅豆香一直縈繞口中🤤但其他口味只可算係不過不失🙈原價買的話性價比偏低，但而家做緊$98一盒6個，都不妨一試😉…查看更多

一直鍾意於法式薄餅，而新世紀正好有間法式薄餅店，可以方便大家坐低慢慢嘆🍽為咗滿足一下少女心，點咗一份粉紅色調嘅Rose & Lychee🌹一嚟到已經被精緻外表吸引住😻法式薄餅煙韌有蛋香😋加上唔太甜嘅cream，係簡單嘅美味☺️ 荔枝清甜，可以清洗味蕾; 紅桑子帶酸，可以去膩; 而白朱古力碎除咗作為點綴，更可以中和紅桑子嘅酸味☺️幾款材料可以話係配合得天衣無縫，就連唔嗜甜食嘅男友都讚🤩如果大家係旺角食完晚飯，想揾個寧靜地方傾下計食下甜品，呢到係唔錯嘅選擇😎…查看更多

台式飲品店幾乎「梗有一間係左近」🏘但今日唔試大熱嘅黑糖珍珠鮮奶，反而想飲真正茶飲🥤8點幾嚟到木衛二都不乏捧場客🤔今日嗌左 藍伯爵茶那堤 加蜜香珍珠😻漸層效果夠晒夢幻，啱哂打卡📸 藍伯爵茶比起一般伯爵茶少啲苦澀味亦冇咁濃味，但依然保留到伯爵茶獨有茶香☺️蜜香珍珠有驚喜💕睇落好似同一般珍珠無異，但食落好煙韌，咬落仲有蜜糖香甜味😋整體而言甜度適中😝如果有時唔想排長龍，木衛二絶對值得一試😎…查看更多

朋友特登約我去呢間玩味十足嘅cafe慶祝生日🎂除左環境夠哂特別，啱哂打卡之外📸嘢食都令人喜岀望外😻紫薯控當然必點呢到嘅手工紫薯牛奶🍠淡紫色外表足以令女仔心心眼😍一飲就知果然係手工岀品，少咗份人工甜味，但多咗紫薯嘅薯味🤤但如果大家想要甜啲，都可以問侍應拎糖水加落去🤤而話咁快熱辣辣的千島醬軟殼蟹芝士pizza就嚟到啦😍大大隻軟殼蟹見到都流口水🤤而pizza原來唔係咁簡單，係薯蓉pizza😆比起平時嘅薄脆pizza多份實在感，脆中帶軟😌仲有芝士拉絲👍🏻最後私心推介溫泉蛋明太子意大利扁麵😋明太子加意粉本來已經無敵😎而呢到係用扁意粉，就更加有口感🤤有溫泉蛋撈一撈，就減低咗忌廉汁黏口既感覺☺️可惜當晚去到紫薯蛋糕已售罄😢下次要早啲去了😢…查看更多

作為煲仔飯愛好者，一年四季都要食煲仔飯😋今日嚟到闊別多時的坤記煲仔飯由於煲仔飯即叫即煲，叫咗椒鹽九肚魚醫住肚先🤤極推呢個九肚魚! 熱辣辣脆卜卜之外，最抵讚嘅係真係啖啖肉，魚肉好滑，脆漿好薄👍🏻煲仔飯最推白鱔飯☺️鱔片夠肥美，冇泥味，好新鮮🤤而魚嘅鮮甜亦入哂飯到配埋豆豉醬同埋煲仔飯豉油一人一煲冇難道😎食完仲有煲仔飯精髓: 飯焦脆口得嚟唔會過燶👍🏻另外仲叫咗田雞臘味煲仔飯抵讚嘅係田雞分量多，亦好鮮甜👍🏻但臘味就一般🙈雖然呢到環境唔係最舒適，但高質食物絕對會吸引我之後再返嚟☺️…查看更多