Lychingg的個人專頁

今日同個朋友慶祝生日，佢最鍾意試新野，所以上網揾咗呢間西餐廳，上到去餐廳唔算大間但都幾有氣氛，老闆好有熱情同禮貌介紹，呢個真係大加分位，另外餐牌上嘅食物都非常吸引，我同朋友都諗咗陣先揀到，仲+$48升級埋做set豐富一啲迷你櫻花濃蝦湯-跟餐嘅湯都好有誠意，落足櫻花蝦所以好夠味，另外個湯底應該係龍蝦湯，所以有好濃郁嘅味道而又唔會太咸芝麻扇貝沙律+1蚊就有，當然加，結果一啲都唔hea, 大大粒扇貝而且沙律唔差，超乎預期！招牌名古屋鰻魚大阪燒意大利飯 ($158)條鰻魚大過塊面，好香好滑，而大阪燒意大利飯其實係蛋黃醬撈意大利飯，好特別而且好惹味，非常日式明太子意大利粉配珍珠帶子 ($128)明帶子份量非常多，餐廳一啲都唔吝嗇，珍珠帶子都好大粒好滑，意粉都好彈牙，值得試！…查看更多

之前食過呢間既放題，覺得不錯！lunchtime會有set，估唔到幾抵食🤭 除左有燒肉，仲有飯set!壺漬牛外横隔膜 & 2色蔥花牛舌（鹽味）$98份量好ok~ 個人較喜歡牛舌，食落幾彈牙☺️特選牛肋肉（原味)$138呢款牛肋肉都不錯，有牛味之餘都juicy😋+$20可享用沙律吧和飲品無限暢飲我同朋友都加左，有數款salad，岩哂配燒肉!食燒肉點可以唔飲汽水！加少少錢都幾抵😝Lunchtime食都唔錯，平平地過下想食燒肉既口癮😉…查看更多

銅鑼灣多樓上嘅隱世餐廳，好多時要靠自己發掘，今日約咗朋友決定試下呢間西餐廳一出𨋢就係餐廳，佔晒成層雖然唔算大，但都好有氣氛白酒煮蜆配墨汁意大利飯 ($228)蜆雖然唔大但有好多隻，以香酒同蒜煮咗先所以好有味，另外墨汁意大利飯都有水準香煎北海道帶子三文魚子龍蝦汁扁意大利麵 ($238)呢個配搭基本上無得輸，帶子煎到啱啱好，外香內滑，三文魚子搭上香濃龍蝦汁好能帶出個鮮味Tiramisu ($78)份量唔細，亦都好有水準，食埋成餐飯就好滿足…查看更多

接男友收工，去附近餐廳食晚餐～清清地決定一試呢間專食雞既米線～胡椒豬肚雞米線（＄６０）好香胡椒味！一飲個湯，成個身都哂，豬肚都夠多，都飲緊胡椒豬肚湯一樣🤣加入雞估唔到又幾夾^^藥膳黄酒花膠雞米線$68米線一到，已經聞到好香藥膳黄酒味！湯底飲落都好夠味，香濃既藥膳味~真係食到少許花膠咖！值得一讚，呢到既雞都好滑！檸檬薏米水 +$18足料！且不會太甜～推介！桂花烏龍茶+$10 好香茶味！唔想食黎食去都係連鎖店既米線，推介呢間！…查看更多

接男朋友收工 encore佢樓下既潮州菜😋脆皮九肚魚呢款九肚魚到平時大排檔食戈款唔同～呢款個炸粉醬較厚身 食落非常脆口豬油炒蕃薯苗炒蕃薯蕃超香口！仲食到有d豬油渣 邪惡得黎 真好味😝普寧鹹麵線食落似係炆米！最中意係d肥鹹豬肉 連埋麵線一齊食好入味～香煎煎粟米烙呢個好特別 配埋砂糖食！香煎粟米餅 淡淡都係粟米燈 煎到好香口 連埋砂糖食 變左甜品lu!兩者都幾夾！福果甜芋泥滿滿既芋泥😍好似平時似芋泥飲品既芋粉咁 食落非常滑！望落雖然細碗 其實十分飽肚！…查看更多

新開打邊爐 仲有粥底火鍋！一於叫個鴛鴦鍋：滿粥鍋+金腿蟲草花花膠雞鍋，試多款唔同既😆百花小魚必點！魚超級滑！一d都唔腥！後悔只叫了半份🥲手切嫩牛肉嫩牛肉名副其實好嫩滑 又有牛味😋鹿兒島黑豚肉都幾有豬味～一半肥肉一半豬肉～功夫萵筍片每次邊爐都必點！切簿片食落都幾有口感！鮮龍躉片食到鮮味 同爽口！沙白蜆為咗湯底更鮮味～點都要叫份海鮮食下😃大大粒既沙白蜆😋打到咁上下 就可以叫店員準備粥底☺️有唔同既配菜 好食又飽肚！脆皮粑糍有別於平時嘅紅糖粑糍 唔係沾紅糖～面係粑糍入面已經有紅糖！食落好煙韌…查看更多

屋企樓下有間任食邊爐 一於去試吓！平日$278 價錢都OK！前菜任點有：松露蝦多士、涼伴雲耳、麻辣鴨血、漬蘿蔔、漬牛膀～一路食住等打邊爐 幾開胃！刺身有魷魚、馬刀貝、泰國生蝦、北寄貝，超中意馬刀貝 夠哂爽口！食完就有雞煲 可以選辣度，份量幾足，雞都滑！食飽飽就選湯底打邊爐！要左養生蓮花鍋湯底偏淡但有打卡蓮花　可以睇住佢慢慢開花都好得意 加分位😆然後不斷上火鍋配料～環球海鮮拼盤：有生猛海蝦、大鮑魚、廣島生蠔、龍躉件、翡翠螺、海蜆！完全唔吝嗇！仲有任食肥牛 黑豚肉 同手打牛丸最後食埋甜品真係飽到捧住個肚走！…查看更多

就來父親節 帶爸爸去食新加坡野🫡斑蘭咖央多士有kaya toast每次我都會點！一層牛油一層咖央 邪惡得黎好滋味啊！仲用左麥包 健康之選！街頭雞鴨絲湯粉多鴨絲 用左河粉～湯底味道較為清淡新加坡喇沙喇沙好香 少辣 且食到少少椰香味！味道不錯！配料又多 推介😋新加坡鹹蛋黃雞翼新加坡鹹蛋黃薯片就食得多！估唔到鹹蛋黃雞翼同樣好好食😋 雞翼即炸 脆卜卜 又香口熱情果芒果沙冰有別於平時飲開嘅沙冰呢個冰粒較多味道偏淡，勝在夠凍！夏日炎炎非常消暑！…查看更多

久違嘅任食bino🥰任食美國安格斯Grade牛頸脊套餐($418)前菜手工蒜泥口水手撕雞(微辣）秘製麻辣木耳兩樣都少辣 幾開胃！湯底-台灣養生藥膳花膠雞鍋雞嫩滑 仲幾多舊花膠 味道鮮甜 幾補身(^_^)手切美國安格斯Prime Grade 牛頸脊雖然唔可以無限追加 但一份都好大碟兩個人好夠食101特選手工火鍋拼盤黑松露蛋子海鮮軍艦墨魚汁鳥結糖太極冬菇三重芝士鮮製蝦丸超豐富 賣相好吸引！我最鍾意墨魚汁鳥結糖食到濃郁嘅墨魚汁味！手工即炸響鈴卷 炸海苔鹹蛋黃魚皮係我食過最大嚿嘅響鈴 香得來又唔會有油益味～鹹蛋除魚皮都食落有鹹蛋黃味而且好脆口無限追加精選火鍋配料基本上食完佢提供嘅嘢食都飽飽地可以無限追加嘅材料都算多無限追加所有飲品飲品好驚喜 款式多 連酒都可以任飲一定回到本甜品桂棗雪耳湯仙草芋圓食完好飽估唔到仲有甜品超滿足…查看更多

經過尖沙咀，同好耐冇見既朋友坐低食D野吹下水，呢到就最合適！北海道豚肉炒麵（$82）份量都OK，特別係幾多菜～調味不錯，幾香口！刺身（$302）甜蝦、帆立貝、油甘魚、赤貝樣樣都厚切，新鮮又肥美～日本蕃薯天婦羅（$68）炸得脆身又香口，蕃薯又夠甜忌廉芝士鰻魚卷（$82）一碟有６件，飯入面有一大舊cream cheese，邪惡得黎又好好食！鰻魚仲幾肥，連埋鰻魚汁食，超滿足南蠻炸雞（$78）炸得脆身唔會厚粉都油膩，雞肉都juicy～…查看更多

海濱滙的豐富假日午餐假日中午約咗朋友到觀塘海旁放狗途經海濱滙，於是去Mano食個branch~首先我叫左個特盛早餐，同傳統all breakfast 一樣，有豐盛的組合，包括烤煙肉、烤香腸、炒蛋、炒雜菌、烤蕃茄和烤多士。雖然配料都差唔多，但食材都非常新鮮，雜菌炒得非常香，蕃茄又大又甜又多汁，非常美味。卡邦尼薄餅係Mano 其中一款出色嘅手拉薄餅，煙韌得嚟又有彈性，煎到香噴噴嘅煙肉加上細細粒嘅半熟鵪鶉蛋創意非常。一拎起，熱辣辣嘅芝士拉曬絲，啲鵪鶉蛋嘅蛋漿流晒出嚟，咁特別嘅Pizza，我都係第一次食！½葡式香辣燒雞配薯條燒雞雞肉嫩滑，雞皮唔會好脆，切開有淡淡肉汁流出，燒雞本身已經有調味，再配有辣醬～食起上嚟都幾辣下。而薯條都係啱啱炸起，食落卜卜脆好香口，不過怕熱氣，唔想生飛滋嘅就食其他啦。…查看更多

觀塘好少有可以放咗工一班同事chill嘅西餐廳，今次特登揾咗間有酒吧嘅西餐，氣氛舒服得嚟又你放鬆，可以享受個happy Friday!紅酒燴牛面肉草菇扁意粉紅酒牛面肉同草菇一齊煮，再配上扁意粉，草菇加埋奶油味道好香濃，牛面肉質都好嫩黑松露蘑菇薄餅薄餅好脆口，配上黑松露蘑菇同多款芝士，好香濃口感好好味!朱古力慕絲蛋糕呢個蛋糕朱古力味好濃郁，口感好thick, 超鍾意朱古力嘅我食到停唔到口，配餐酒飲一流！…查看更多

堅尼地城本身有唔少好嘢食, 但大排檔類嘅餐廳就比較少, 今日我朋友帶咗我嚟呢間餐廳有驚喜, 氣氛、裝飾、食物全部都營造到大排檔嘅氛圍, 約埋朋友嚟聯誼吹水一流!藥膳醉雞煲(半隻) ($158)呢款係舖頭招牌, 上菜嘅時候侍應會拎個接近半個身高嘅超大酒壺, 裏面裝住釀咗嘅花雕, 上咗個雞煲之後佢會放幾杓花雕入去, 幾有嚼頭記住拎定相機影, 之後會用個漏斗計時, 一一夠鐘就食得, 雞肉剛熟非常嫩滑, 熬住嘅湯有藥材和酒, 非常入味同有滋補功效, 幾唔錯避風塘脆骨腩 ($78)其實係炸魚骨, 用避風塘整法加了辣椒和蒜頭調味, 好脆好香口, 送啤酒一流, 但碎骨比較多, 要小心啲食七味一口豆腐 ($38)炸豆腐做到外脆內滑, 而且七味粉吊味啱啱好, 唔會太搶本身豆腐味燒牛脷串 ($30)牛脷做成嘅串燒非常腍，有口感得嚟又不失肉味肥腸串 ($22)肥腸都好惹味, 少少脆又有得嚼下, 口感啱啱好燒菠蘿串 ($20)燒菠蘿基本上食串燒一定會叫, 烤過的菠蘿有一種甜甜的炭烤味，最緊要係多汁, 非常好吃燒韭菜串 ($18)韭菜本身味比較濃, 烤過後就更香更惹味, 都值得一試…查看更多

Pirata Group出名係行high end路線, 食物質素、環境同服務有一定保證, 而佢哋旗下最新開咗一間西班牙菜, 點都要同班朋友去食下好嘢! 裝飾都一如集團其他餐廳咁有品味, 無論係情侶或一班朋友嚟都好適合第一次嚟諗都無諗就試下個tasting menu ($388/pax), 交由餐廳推薦, 多數tasting menu份量都一般般, 志在俾你淺嚐一下佢哋嘅菜, 結果出乎意料地超豐富, 食到捧住個肚走!西班牙火腿炸丸子炸得好香口, 裏面有好重嘅奶油加薯蓉香, 加埋西班牙火腿吊味好好食酥炸西班牙小辣椒第一次食以為味道會奇怪, 結果出奇地好食, 味道似青椒, 但texture更腍, 炸出嚟幾好層次西班牙蕃茄唔同熟度同品種嘅蕃茄擺埋一齊, 顏色好鮮艷, 浸住橄欖油食, 好有西班牙特色嘅一款小食, 就算係蕃茄係主角味道同賣相都唔會咁單調炸薯粒配辣沙律醬薯粒簡單咁炸, 但配上調配嘅辣沙律醬即刻變得好有特色, 呢個”小食” 一啲都唔少, 食完會飽香蒜欖油大蝦用香蒜同欖油炒出嚟嘅大蝦非常香, 再跟埋脆多士可以索返啲汁享受埋, 值得一試慢燉牛頰肉配南瓜椰子泥牛頰肉非常嫩, 而且好入味, 配埋微甜嘅南瓜椰子泥好夾, 令人印象深刻香煎鱸魚配蘆筍及焗薯鱸魚皮脆肉嫩, 喜歡吃魚之人可以叫嚟試試Cheesecake芝士蛋糕都比一般餐廳有誠意, 除咗味道濃郁, 仲做到有半熟嗰種軟心效果, 超級好食…查看更多

之前同朋友嚟都係食定食，今次同個大食朋友嚟，決定試一次任食，我哋揀咗$298嘅美成 Prime Grade 極上牛頸脊及西班牙伊比利亞黑毛豬放題套餐，首先一人叫咗一個湯底，一個揀藥膳蟲草花桃膠雞湯，另一個揀藥膳椰子清雞湯，一嚟到已經聞到香氣撲鼻牛肉食水唔錯，食落去都好有牛味，而且唔會好鞋，有一定水準！出邊任食區你諗得到嘅食材都有，肉、菜、院等等出邊都有得攞，而且仲有一啲特色種類，其實每樣試一款都已經七成飽！嘢飲有分頁行動引佢，每款嘅選擇都好多，飲茶、汽水、果汁都有，任君選擇甜品區都有誠意，雪條種類有十幾款揀，連”M字頭”雪糕都有，可以食到夠皮！…查看更多